Bolt Rewind 2023 Marketinq kampaniyası terminləri və müştərilər üçn şərtlər
1. Ümumi
1.1. Ünvanı Vana-Lõuna tn 15, 10134 Tallinn, Estonia, qeydiyyat kodu 14532901 (Bolt) olan
Bolt Operations OÜ “Bolt Rewind 2023” Marketinq kampaniyasının (Kampaniya)
təşkilatçısıdır.
1.1.1. Ünvanı Prosta 67, 00-838 Warsaw, qeydiyyat kodu 0000981464 olan Bolt Rides PL
sp. z o.o Kampaniyanın Polşadakı təşkilatçısıdır
1.1.2. Ünvanı AZ1025, Bakı Şəhəri Xətai Rayonu, Xocalı prospekti, ev.55, qeydiyyat kodu
1503463041 olan Bolt Services AZ MMC Kampaniyanın Azərbaycandakı
təşkilatçısıdır
1.2. Kampaniya iki formada təşkil edilib:
a. form vasitəsilə ideya təqdimatı
b. Prizli müsabiqədə iştirak edilməsi
1.3. Kampaniya 18 dekabr 2023 - 14 yanvar 2024-cü il (GMT +3) (daxil olmaqla) tarixləri
arasında həyata keçiriləcək (Kampaniyanın müddəti).
1.4. Azərbaycan, Belçika, Xorvatiya, Kipr, Çex Respublikası, Estoniya, Finlandiya, Fransa,
Almaniya, Latviya, Litva, Malta, Hollandiya, Norveç, Polşa, Portuqaliya, Rumıniya, Slovakiya,
İspaniya, İsveç, Ukrayna, Avstriya, Gürcüstan, Macarıstan, Qana, Keniya, Nigeriya, Cənubi
Afrika Respublikası, Tanzaniya və Paraqvayda yaşayan, yaşı 18 və ya daha yuxarı olan
(yaxud vətəndaşı olduğu ölkənin vətəndaşlıq hüquqlarının hamısına malik olan), fərdi
qaydada sürücü sifarişi üçün şəxsi Bolt tətbiqi hesabına malik olan şəxslər (İştirakçılar)
Priz üçün mübarizə apara və Qalib olaraq seçilə bilərlər.
1.5. Bütün İştirakçılar üçün məcburi olan Kampaniya proseduru cari Şərtlər və Qaydalarda,
eləcə də Kampaniyanın reklam xarakterli və əlavə materiallarında göstərilmiş şərtlərə
əsasən müəyyən edilmişdir.
1.6. Kampaniya üçün əvvəlcədən qeydiyyatdan keçmək tələb olunmur. İştirakçının
Kampaniyada iştirak etməsi onun müvafiq Formanın tələb olunan yerlərinin doldurması və
təqdim etməsi ilə müəyyən edilir. Kampaniya Formasının doldurulması və təqdim edilməsi
Kampaniyanın Şərtlər və Qaydalarının qəbul edilməsi deməkdir.
1.7. Bolt-un işçiləri və onların ailə üzvləri Qalib olaraq seçilə bilməzlər.
1.8. Bu Kampaniya lotereya və ya hər hansı formada olan qumar oyunu deyildir.
1.9. Orijinal ideyanın Formada təqdim edilməsi ilə İştirakçı Bolt-a, Bolt tərəfindən İştirakçıya hər
hansı kompensasiya və ya müəllif haqqı ödənilmədən (İştirakçının Qalib olaraq seçildiyi və
birdəfəlik Priz üçün uyğun olduğu hal istisna olmaqla) bu ideyanın istənilən vaxt Bolt-un
istədiyi qaydada həyata keçirməsi, uyğunlaşdırması, digər ideyalarla kombinə etməsi
hüququnu verir.
2. Priz
2.1. Şəhərin yaxşılaşdırılması üçün ən yaxşı ideyanı təklif edən İştirakçı Bolt-un daxili münsiflər
heyəti tərəfindən və heyətin istədiyi qaydada Qalib olaraq seçiləcək, Bolt tətbiqində fərdi
qaydada sürücü sifarişi xidmətləri üçün aşağıdakı 2.2 bölməsində təsvir edildiyi kimi promo
kod əldə edəcək (Priz) və onun qalib ideyası Bolt tərəfindən Bolt-un seçdiyi yerdə mövcud
olduğu və ya uyğunlaşdırılmış formada həyata keçiriləcək.
2.2. Priz Bolt-dan fərdi qaydada sürücü sifarişi üçün endirimlər təklif edən və Qalibə
göndərilməsindən sonra 24 ay ərzində qüvvədə olacaq promo koddur. Promo kod yalnız
hansı ölkə üçün buraxılmışsa, orada istifadə edilə bilər. Promo kod müəyyən edilmiş səfər
sayının tam qiymətinə edilmiş çox sayda endirim təklif edir. Səfərin qiyməti endirimdən
aşağıdırsa, endirim səfərin tam qiymətinə tətbiq edilir və istifadə edilməmiş endirim başqa
səfərə və ya başqa hər hansı yolla tətbiq edilə bilməz. Səfərin qiyməti endirimdən
yuxarıdırsa, endirim səfərin tam qiymətinə tətbiq edilir və səfərin qiymətinin qalan
məbləğinin ödənişi sərnişin tərəfindən onun seçdiyi üsulla həyata keçirilir. Prizin promo
kodunun ümumi qiyməti və ölkələr üzrə müvafiq endirimlər aşağıdakı kimidir (aşağıdakı
siyahıda yer almayan ölkələrdən daxil olan Formalar Priz üçün müsabiqədə iştirak edə
bilməzlər):
a. Azərbaycan: ümumi promo kodu məbləği 2000₼ (1000 səfər üçün 2₼-a qədər endirim
təklif edilir)
b. Avstriya, Belçika, Kipr, Finlandiya, Fransa, Hollandiya: ümumi promo kodu məbləği
1000€ (100 səfər üçün 10€-a qədər endirim təklif edilir)
c. Xorvatiya, Estoniya, Almaniya, Latviya, Litva, Malta, Portuqaliya, Slovakiya, İspaniya:
ümumi promo kodu məbləği 1000€ (200 səfər üçün 5€-a qədər endirim təklif edilir)
d. Çex Respublikası: Ümumi promo kodu məbləği 25000 Kč (250 səfər üçün 100 Kč-a
qədər endirim təklif edilir)
e. Gürcüstan: ümumi promo kodu məbləği 3000 ლ (600 səfər üçün 5 ლ-a qədər endirim
təklif edilir)
f. Qana: Ümumi promo kodu məbləği 13000 GH₵ (1000 səfər üçün 13 GH₵-a qədər
endirim təklif edilir)
g. Macarıstan: Ümumi promo kodu məbləği 400000 Ft (160 səfər üçün 2500 Ft-a qədər
endirim təklif edilir)
h. Keniya: Ümumi promo kodu məbləği 160000 Ksh (800 səfər üçün 200 Ksh-a qədər
endirim təklif edilir)
i. Nigeriya: ümumi promo kodu məbləği 850000 ₦ (500 səfər üçün 1700 ₦-a qədər
endirim təklif edilir)
j. Norveç: ümumi promo kodu məbləği 12000 kr (120 səfər üçün 100 kr-a qədər endirim
təklif edilir)
k. Paraqvay: ümumi promo kodu məbləği 8000000 ₲ (800 səfər üçün 10000 ₲-a qədər
endirim təklif edilir)
l. Polşa: ümumi promo kodu məbləği 5000 zł (500 səfər üçün 10 zł-a qədər endirim təklif
edilir)
m. Rumıniya: ümumi promo kodu məbləği 5000 lei (500 səfər üçün 10 lei-ə qədər endirim
təklif edilir)
n. Cənubi Afrika Respublikası: Ümumi promo kodu məbləği 20000 R (500 səfər üçün 40
R-ə qədər endirim təklif edilir)
o. İsveç: ümumi promo kodu məbləği 12000 kr (120 səfər üçün 100 kr-a qədər endirim
təklif edilir)
p. Tanzaniya: Ümumi promo kodu məbləği 3000000 TSh (1500 səfər üçün 2000 TSh-a
qədər endirim təklif edilir)
q. Ukrayna: ümumi promo kodu məbləği 400000 ₴ (800 səfər üçün 50 ₴-a qədər endirim
təklif edilir)
2.3. Priz Qalibə yalnız Qalib Bolt-un müraciətinə 30 (otuz) təqvim günü ərzində cavab verdikdən
və Priz promo kodunun hansı ölkə üçün buraxılmasını istədiyini təsdiqlədikdən sonra
Formada təqdim edilən e-poçt vasitəsilə verilə bilər.
2.4. Priz nağd şəkildə ödənilməyəcək və ya kompensasiya edilməyəcək. Prizin hər hansı şəkildə
əvəzlənməsi və ya mübadilə edilməsi mümkün deyildir və Bolt Prizin verilməsi ilə bağlı hər
hansı xərci kompensasiya etmir.
2.5. Qalibin Prizi əldə etməsi ilə bağlı həyata keçirəcəyi hər hansı gizli ödəniş yoxdur.
2.6. Bir İştirakçının dəfələrlə qalib gəlməsi mümkün deyildir. Bolt Kampaniya zamanı birdən çox
Qalibin seçilməsi hüququnu özündə saxlayır.
3. Qalibin seçilməsi
3.1. Qalib Bolt-un daxili münsiflər heyəti tərəfindən və onun öz qərarına əsasən seçiləcək. Qalib
seçilməzdən əvvəl Formada ideya təqdim etmiş istənilən İştirakçı ilə ideyanın təəffüratları
və ya onun həyata keçirilməsi ilə bağlı olaraq Bolt tərəfindən əlaqə saxlanıla bilər.
3.2. Qalib ilə 31 mart 2024-cü il (GMT +3) tarixinə qədər Formada qeyd edilmiş e-poçt vasitəsilə
əlaqə saxlanılacaq və sonra o, Bolt-un sosial mediası və digər rabitə kanal(lar)ı vasitəsilə
elan ediləcək.
3.2.1. Bolt hər hansı İştirakçının bildirişi üçün (hansı ki, Qalib ola biləcək şəxs tərəfindən
hər hansı səbəbdən itirilmiş, təyinatı üzrə çatdırılmamış və ya alınmamışdır)
məsuliyyət daşımır. İlkin e-poçt göndərildikdən sonrakı 30 (otuz) gün ərzində
Qaliblə əlaqə saxlanıla bilməzsə və/və ya o, e-poçt ünvanını təsdiqləmək üçün
cavab verməzsə, Qalib Prizə sahib olmaq hüququnu itirmiş hesab ediləcək. Bu
halda, Bolt-a yenə də Qalibin ideyasını həyata keçirməsinə davam etməyə icazə
verilir. Prizə sahib olmaq hüququ itirildiyi halda, Bolt başqa Qalib seçmək
hüququnu özündə saxlayır.
3.3. Bolt Qalibin adını və onun ideyasını, bu məlumatın Forma vasitəsilə təqdim edilməsi istisna
olmaqla, Qalibin əlavə təsdiqləməsi olmadan Bolt-un bloqunda, Bolt-un veb-saytında dərc
etmək, eləcə də müştərilərlə və ictimaiyyətlə əlaqələr zamanı, habelə e-poçtlarda və/və ya
sosial media kanallarında qeyd etmək hüququnu özündə saxlayır.
4. Qadağan edilmi ş fəaliyyətlər
4.1. İştirakçı hər hansı dələduzluq, yaramaz və ya qanunsuz fəaliyyət, Bolt-a aydın olmayan
fəaliyyət, yaxud bilərəkdən və ya bilməyərəkdən qaydaları pozan, yaxud Kampaniya ilə bağlı
hər hansı hiyləgərlik ehtiva edən fəaliyyətlə məşğul olmayacaq.
4.2. İştirakçı Bolt-a yanlış və ya yanıldıcı məlumat (yaş, vəzifə daşıma səlahiyyəti və s. daxil
olmaqla) verməyəcək.
4.3. İştirakçı, həmçinin aşağıda qeyd edilən xüsusiyyətlərə malik olan materialları
göstərməyəcək və ya ötürməyəcək (birbaşa və ya dolayı yolla, məsələn, istinad keçidi və ya
hər hansı başqa məlumatlandırma vasitəsilə):
4.3.1. uyğun olmayan, qeyri-etik, təhdidedici, təhqiredici və ya başqasının məxfi işinə
qarışan, yaxud başqasını bezikdirən, narahat edən və ya usandıran;
4.3.2. hər hansı şəxsi təngə gətirən, qanını qaraldan, kefini pozan, həyəcanlandıran və ya
zəhləsini tökən;
4.3.3. hər hansı şəxsi təqlid edən, yaxud İştirakçının şəxsiyyəti və ya hər hansı şəxslə
münasibəti barədə yanlış məlumatlandıran;
4.3.4. bu cür materialın Bolt tərəfindən verilmiş olması təəssüratını yaradan (İştirakçıya
Bolt tərəfindən xüsusi olaraq bu məqsədlə verilməsi istisna olmaqla); yaxud
4.3.5. Bolt-un nüfuzuna xələl gətirən.
5. Öhdəliklər
5.1. Kampaniyada iştirak etməklə, İştirakçılar Kampaniyanın Şərtlərini və qaydalarını
oxuduqlarını və onları qəbul etdiklərini təsdiqləmiş olurlar.
5.2. Fors-major halları baş verdyi halda, Bolt-un əvvəlcədən bildirmədən və ya nəticələri nəzərə
almadan Kampaniyanı dayandırmaq hüququ vardır. Mümkün olduqda, Bolt bu cür
dayandırma barədə Bolt-un veb-saytı, müştəri məlumatlandırma xidmətləri, e-poçtlar və/və
ya sosial media kanalları vasitəsilə bildirişi təmin edir.
5.3. Bolt Şərtlər və qaydalara birtərəfli olaraq dəyişikliklər və əlavələr edilməsi (bu barədə
əvvəlcədən məlumatlandırmadan) daxil olmaqla, Kampaniya ilə bağlı hər hansı qərar qəbul
etmək hüququnu özündə saxlayır. Bolt Kampaniya barədə bu cür qərarları Bolt-un veb-saytı,
müştəri məlumatlandırma xidmətləri, e-poçtlar və/və ya sosial media kanalları vasitəsilə
dərc edəcək.
5.4. İştirakçı Kampaniyanın Şərtlərini və qaydalarını pozduğu halda, Bolt-un İştirakçını
Kampaniyadan kənarlaşdırmaq (əvvəlcədən xəbər vermədən) hüququ vardır.
5.5. Bolt İştirakçının Kampaniyada iştirak etməsinə mane olan, üçüncü tərəfin səbəb olduğu hər
hansı yanlışlıq üçün məsuliyyət daşımır.
6. Məxfilik
6.1. Kampaniya zamanı Bolt GDPR Maddə 6.1 (b)-yə uyğun olaraq Kampaniyanın şərtlərinə
əməl edən Qalibi müəyyən etmək və elan etmək üçün İştirakçının şəxsi məlumatlarını emal
edir.
6.2. Emal edilən şəxsi məlumatlara yalnız İştirakçının Kampaniyanın Formasında təqdim etdiyi,
onun adı, şəhər və ölkəsi, habelə əlaqə məlumatları kimi şəxsi məlumatları daxildir.
6.3. Bolt İştirakçının şəxsi məlumatlarını Bolt-un nəzdində olan digər qurumlar, onlayn buludda
saxlama xidmətləri təchizatçıları və digər vacib İT xidmətləri ilə paylaşa bilər. Dövlət
orqanlarından qanuni tələb aldığı halda, Bolt İştirakçının şəxsi məlumatlarını onlarla da
paylaşmalı ola bilər.
6.4. Bolt İştirakçının məlumatlarını Aİ və ya AİB ölkələri xarici ilə paylaşdığı halda, İştirakçının
şəxsi məlumatlarının bu cür ötürülməsi yalnız Avropa Komissiyası tərəfindən qəbul edilmiş
müvafiq qərara əsasən və ya standart müqavilə şərtləri kimi müvafiq təhlükəsizlik
qaydalarına əməl edilməsi ilə həyata keçiriləcək. Təhlükəsizlik qaydaları barədə məlumat
üçün bu ünvana müraciət etmək olar: privacy@bolt.eu.
6.5. İştirakçının şəxsi məlumatlara əlçatanlığının təmin edilməsi və onların düzəldilməsi və ya
silinməsi, yaxud şəxsi məlumatların emalına məhdudiyyətlərin qoyulması, onların emalına
etiraz edilməsini tələb etmək hüququ, habelə məlumatlarını əldə etmək və müxtəlif
xidmətlərdə istifadə etmək hüququ vardır. İştirakçının şəxsi məlumatları razılıq əsasında
emal edildiyi halda, İştirakçının onları istənilən zaman geri götürmək (onların geri
götürülməsindən əvvəlki razılığa əsasən emalın qanuniliyinə təsir etmədən) hüququ vardır.
Məxfiliklə bağlı hər hansı həll edilməmiş məsələ olduğu halda, İştirakçının məlumatların
qorunması üzrə quruma şikayət etmək hüququ vardır.
6.6. Bolt-un emal prosedurları ilə bağlı hər hansı sual üçün İştirakçı Bolt Operations OÜ, Vana-
Lõuna tn 15, Tallinn 10134 ünvanına yazaraq Bolt ilə əlaqə saxlaya bilər. İştirakçı
privacy@bolt.eu ünvanı vasitəsilə Bolt-un Məlumatların qorunması üzrə əməkdaşı ilə əlaqə
saxlaya bilər.
6.7. Bolt İştirakçının Kampaniya üçün təqdim edilmiş şəxsi məlumatlarından Qalib elan edilənə
qədər istifadə edəcək, lakin bu, 5 aydan çox çəkməyəcək.
6.8. Qalib elan edildikdə, Bolt onun adını və ideyasını Kampaniyanın nəticələrinin reklam tədbiri
olaraq Bolt-un veb-saytlarında, İctimaiyyətlə əlaqələr üçün məlumatlandırma vasitələrində,
e-poçtlarda və sosial media kanallarında dərc edə bilər.
6.9. İştirakçı Kampaniyada üçüncü şəxsin məlumatlarından istifadə edərək iştirak etdiyi halda,
İştirakçı, onun bu məlumatları müvafiq məxfilik qanununa əsasən Bolt-la paylaşmağa
müvafiq hüquqi əsasının olduğunu təsdiqləməlidir.
7. Bolt ilə əlaqə
7.1. Kampaniyanın təşkil edilməsi ilə bağlı bütün şikayətlər, suallar Kampaniya müddətində
Bolt-a giveaways@bolt.eu e-poçtu vasitəsilə, yaxud Bolt Operations OÜ, Vana-Lõuna tn 15,
Tallinn, 10134 ünvanına yazmaqla təqdim edilməlidir. Bolt Kampaniya müddəti keçdikdən
sonra Kampaniya ilə bağlı göndəriləcək şikayətlərə baxmayacaq.