Ride Booker (Gediş sifarişçisi) ilə işçiləriniz və qonaqlarınız üçün tez bir zamanda gedişlər sifariş edə bilərsiniz. Siz gedişi dərhal sifariş edə və ya xüsusi Ride Booker veb-səhifəsindən (Gediş sifarişçisi) daha sonraya planlaşdıra bilərsiniz. Bu funksiyaya şirkətin idarəetmə panelindən də daxil olmaq mümkündür.
Aşağıda bu mövzular haqqında ətraflı məlumat tapa bilərsiniz:
Ride Booker (Gediş sifarişçisi) funksiyasının aktivləşdirilməsi
Ride Booker (Gediş sifarişçisi) funksiyasından istifadə edə bilmək üçün ilk növbədə aktiv Bolt Business hesabınız olmalıdır.
Biznes hesabı administratorları istifadəçilərə operator hüquqları verə bilər. Operatorlar Ride Booker (Gediş sifarişçisi) xidməti vasitəsilə şirkət işçiləri və ya müştərilər üçün gediş sifariş edə bilərlər. Ride Booker (Gediş sifarişçisi) xidməti şirkətin idarəetmə panelində ilk operator profili yaradıldıqdan dərhal sonra aktivləşir.
Operator profilinin yaradılması üzrə təlimatları Administrator və operator hesabının idarə edilməsi bölməsindəki "Hesabların idarə edilməsi" məqaləsində tapa bilərsiniz.
Qeyd: Əgər administratorlar Ride Booker (Gediş sifarişçisi) funksiyasından istifadə etmək istəyirsə, özlərini də operator kimi əlavə etməlidirlər. Administratorlar ya şirkət idarəetmə paneli ilə eyni paroldan istifadə edə, ya da operatoru əlavə etdikdən sonra alınan parol quraşdırma e-məktubundan istifadə edərək yeni parol yarada bilərlər.
Gedişi necə sifariş etməli və ya planlaşdırmalı
Şirkət idarəetmə panelində Ride Booker (Gediş sifarişçisi) bölməsinə keçin və Gediş sifariş et üzərinə klikləyin. Ride Booker (Gediş sifarişçisi) yeni səhifədə açılacaq. Oradan gedişinizi sifariş edə bilərsiniz.
- Yeni gediş üzərinə klikləyin;
- Sərnişinin adını və telefon nömrəsini daxil edin;
- Qarşılama və təyinat ünvanlarını əlavə edin;
- Bir neçə təyinat ünvanlı gedi. yaratmaq istəyirsinizsə, Təyinat ünvanı əlavə et üzərinə klikləyin;
- Səfərə nə vaxt başlamaq istədiyinizi seçin;
- Standart seçim dərhal sifariş üçündür;
- Planlaşdırılmış gedişləri 90 gün əvvəldən sifariş etmək olar;
- Dəyişkən gedişləri müəyyən bir gün üçün maksimum 2 həftə əvvəldən sifariş etmək olar.
- Əlavə addımlar
- Hesabat məqsədləri üçün xərclər haqqında qeyd daxil edin;
- Sürücü üçün qeyd daxil edin;
- Davam et düyməsinə klikləyin və istədiyiniz kateqoriyanı seçin;
- Sifarişinizi təsdiqləmək üçün Sifariş et düyməsinə klikləyin.
Ehtiyac olarsa, gediş sifariş etdikdən sonra onu Ride Booker-də (Gediş sifarişçisi) ləğv edə bilərsiniz. Ləğvetmə haqqı tətbiq oluna bilər.
Qeyd:
- Hər səfər üçün 4-ə qədər təyinat ünvanı daxil edə bilərsiniz;
- Gedişi planlaşdırarkən faktiki çatma vaxtı vəziyyətdən (trafik, hava, tələbat və s.) asılı olaraq dəyişə bilər;
- Planlaşdırılmış gediş üçün heç bir sürücü yoxdursa, sərnişin bu barədə SMS mesajı alacaq.
Ödəniş üsulu kimi nağd ödənişin aktivləşdirilməsi
Əgər ödəniş üsulu kimi nağd ödənişi aktivləşdirmək istəyirsinizsə, Dəstək bölməsindən bizimlə əlaqə saxlayın.
Ride Booker (Gediş sifarişçisi) gedişlərinizin yoxlanılması
Ride Booker (Gediş sifarişçisi) bölməsinə keçin və Gediş sifariş et üzərinə klikləyin. Ride Booker (Gediş sifarişçisi) yeni səhifədə açılacaq. Oradan aşağıdakıları yoxlaya bilərsiniz:
- Bugünkü gedişlər üzərinə klikləməklə bugünkü gedişləri
- Gələcək gedişlər üzərinə klikləməklə bütün planlaşdırılmış gedişləri
- Əvvəlki gedişlər üzərinə klikləməklə gediş tarixçənizi
Siz həmçinin Ride Booker (Gediş sifarişçisi) funksiyasından istifadə təcrübəniz haqqında bizə rəy bildirə bilərsiniz. Bu, sizə göstərdiyimiz xidməti təkmilləşdirməyimizə kömək edəcək.
