Bolt tətbiqində xidmət göstərmək üçün avtomobiliniz aşağıdakı tələblərə cavab verməlidir:
- Avtomobilin buraxılış kartına sahib olmalısınız
- Sürücü buraxılış vəsiqəsinə sahib olmalısınız
- Qanunvericiliyə uyğun olaraq bütün lazımi sənədlərə sahib olmalısınız
- Maşın təmiz və yaxşı vəziyyətdə olmalıdır
- Maşında kondisioner/havalandırma işlək olmalıdır
- Ən azı 4 qapı və 4 sərnişin oturacağı olmalıdır
Avtomobilinizin hansı kateqoriyalara uyğun olduğuna dair asan istinad üçün avtomobil modellərinin kateqoriyalara uyğunluq siyahısına baxı ↗.
Qeyd: Kateqoriyalar üzrə bölgüyə tələb-təklifin vəziyyətindən asılı olaraq dəyişiklik oluna bilər.
Siyahı Azərbaycan bazarında mövcud olan bütün modelləri əhatə edir və onların bütün kateqoriyalar üzrə uyğunluğunu göstərir. Yuxarıdakı siyahıda yer almayan lakin hazırda mövcud olan digər kateqoriyalar üçün uyğunluq tələbi:
-
Komfort Elektrik:
- Komfort kateqoriyasına uyğun gələn 2015 və ya daha sonra istehsal edilmiş bütün elektrikli avtomobil modelləri. Başqa sözlə, əgər tam elektrikli avtomobil Komfort kateqoriyası meyarlarına cavab verirsə, bu, Komfort Elektrik üçün də uyğundur.
-
XL:
- Minimum 6 yerlik və böyük baqaj yeri olan keblar, SUV və ya minivenlər. Bu nəqliyyat vasitələri bütün sərnişinlər üçün xüsusilə uzun səfərlər üçün rahatlıq təmin etməlidir.
- 2011 və ya daha sonra istehsal edilmişdir
- Minivan (məsələn, Mercedes Vito)
- Ən azı 6 sərnişin oturacağı olmalıdır
- Baqaj üçün kifayət qədər yer olmalıdır
Modeliniz siyahıda yoxdursa, lakin göstərilən kateqoriyalardan birinə ya bir neçəsinə düşürsə, bizimlə əlaqə saxlayın.
Qeyd: Bolt-un xidmət kateqoriyalarının təsnifatı və mövcudluğu Azərbaycanın iri şəhər və regionlarında tələbatdan asılı olaraq dəyişir. Olduğunuz regionda avtomobilinizin faktiki olaraq uyğun gəldiyi yuxarı kateqoriyalar mövcud deyilsə siz aktiv kateqoriyalardan birini seçərək xidmət göstərə bilərsiniz. Nəzərinizə çatdırmaq istərdik ki, daha yuxarı kateqoriyalar hər hansı bir şəhər və rayonda tələbə uyğun olaraq gələcəkdə aktivləşdirilə bilər.
ACRISS Əsaslı Avtomobil Təsnifatı haqqında tez-tez verilən suallar
- ACRISS nədir?
ACRISS (Avtomobil icarəsi sənayesi üzrə sistem standartları assosiasiyası) nəqliyyat vasitələrinin təsnifatı üçün əksəriyyət tərəfindən qəbul edilən standartdır. Bu sistem avtomobilləri ölçü, növ, transmissiya və yanacaq növünə görə kateqoriyalara ayıraraq sərnişinlərin gözləntilərinə uyğun qruplaşdırır.
- Bolt niyə ACRISS standartını tətbiq edir?
ACRISS standartını tətbiq etməklə həm sürücülər, həm də sərnişinlər üçün vahid və aydın təsnifat sistemi yaratmağı hədəfləyirik. Bu sistem eyni kateqoriyaya daxil olan nəqliyyat vasitələrinin bənzər xüsusiyyətlərə malik olmasını təmin edərək sərnişin məmnuniyyətini artırır və platformamızı təkmilləşdirir. Həmçinin sürücülərin nəqliyyat vasitələrinin hansı kateqoriyaya uyğun olduğunu daha rahat müəyyənləşdirmələrinə kömək edir.
- Bu dəyişiklik sürücü olaraq mənə necə təsir edəcək?
Bu dəyişikliklərin sizə təsir edə biləcəyini anlayırıq. Bəzi sürücülər yeni kateqoriyalara uyğun gəldiyi halda, digərləri cari kateqoriyalarında qalmaq üçün nəqliyyat vasitələrini yeniləməli ola bilərlər. Keçid müddətində sizi tam dəstəkləyəcəyik. Lazım gəldikdə əvəzedici nəqliyyat vasitəsi tapmağınıza kömək etmək üçün hər kateqoriya üzrə uyğun nəqliyyat vasitələrinin siyahısı daxil olmaqla bütün vacib məlumatları və təlimatları təqdim edəcəyik.
- Yeni təsnifatlandırma uyğun olduğum kateqoriyanı dəyişəcəkmi?
Ola bilər. Nəqliyyat vasitəniz ACRISS standartlarına uyğun olaraq başqa kateqoriyaya aid edilə bilər və ya bəzi dəyişikliklər tələb oluna bilər. Lazımi dəyişiklikləri etməyiniz üçün sizə 7 gün vaxt veriləcək. Bu prosesin mümkün qədər rahat olması üçün sizə dəstək olacağıq.
- Heç bir dəyişiklik tələb olunmadığı halda atacağım addım nədir?
Nəqliyyat vasitəniz hazırkı kateqoriyası üçün ACRISS standartlarına uyğundursa, heç bir dəyişiklik olmayacaq. Nəqliyyat vasitənizi yeniləmədən və ya heç bir tənzimləmə etmədən cari kateqoriya üzrə xidmət göstərməyə davam edə bilərsiniz.
- Qazancım dəyişəcəkmi?
Narahatlığınızı anlayırıq. Qazancınıza tam zəmanət verə bilməsək də, digər uyğun kateqoriyalarda fəaliyyət göstərərək gəlir əldə etməyə davam edə biləcəksiniz.
- Nəqliyyat vasitəm artıq cari kateqoriyaya uyğun deyilsə, nə etməliyəm?
Nəqliyyat vasitəniz artıq uyğun deyilsə, 7 günlük bildiriş alacaqsınız. Çətin ola biləcəyini anlayırıq, lakin hər kateqoriyaya uyğun nəqliyyat vasitələrinin siyahısını təqdim edəcəyik və sizə münasib əvəzedici tapmaqda kömək edəcəyik. Proses boyunca sizi lazım olan bütün məlumatlarla da təmin edəcəyik.
- Nəqliyyat vasitəmi müəyyən kateqoriyaya yenidən uyğunlaşdıra bilərəmmi?
Nəqliyyat vasitəniz müəyyən kateqoriyanın tələblərinə cavab vermirsə, həmin kateqoriya üçün nəzərdə tutulmuş nəqliyyat vasitələrindən birini seçərək onu yeniləyə bilərsiniz.
- Nəqliyyat vasitəsi kateqoriyaları gələcəkdə təkrar yenilənə bilərmi?
ACRISS standartları zamanla dəyişə bilər və Bolt bu dəyişikliklərə uyğunlaşmaq üçün nəqliyyat vasitəsi kateqoriyalarını yeniləyə bilər. Sizi bu barədə əvvəlcədən məlumatlandıracağıq ki, lazımi tədbirləri görmək və planlama aparmaq üçün kifayət qədər vaxtınız olsun.
- Köməyə ehtiyacım yaranarsa dəstək xidməti ilə necə əlaqə saxlaya bilərəm?
Hər hansı sualınız və ya narahatlığınız varsa, Bolt’un sürücü tətbiqi vasitəsilə dəstək xidməti ilə əlaqə saxmaqdan çəkinməyin. Sizə lazım olan bütün məlumatları təqdim etməyə və kömək göstərməyə hazırıq. Dəyişikliklərlə bağlı rəy və təklifləriniz olduğu halda isə onları az-categories@bolt.eu elektron ünvanına göndərə bilərsiniz.
Dəyişikliklərlə bağlı hər hansı təklif və iradlarınız olduğu halda onları az-categories@bolt.eu elektron ünvana göndərə bilərsiniz.
