Hesabların idarə edilməsi

Bu məqaləyə hesabların əlavə edilməsi, deaktiv edilməsi, silinməsi və redaktə edilməsi haqqında məlumatlar daxildir. Aşağıda müvafiq hesabları idarə etmək ilə bağlı təlimatları tapa bilərsiniz:

İstifadəçi hesablarının idarə edilməsi

İstifadəçilər dedikdə şirkətin idarəetmə panelinə əlavə edildikdən sonra öz tətbiqlərində şirkətin korporativ ödəniş metodundan istifadə edə biləcək işçilər nəzərdə tutulur.

Yeni hesabların əlavə edilməsi

İstifadəçiləri tək-tək əlavə etmək və ya bir neçə istifadəçini eyni anda idxal etmək imkanı var.

Hesaba yeni işçilər əlavə etmək üçün:

  • Şirkətin İdarəetmə Panelində sol menyudan Komanda tabını açın
  • İstifadəçilər üzərinə klikləyin
  • Əlavə et düyməsinə klikləyin və təklif olunan üsullardan birini seçin:
  • Elektron cədvəldən istifadəçiləri toplu şəkildə idxal et (endirilə bilən şablon idarəetmə panelində mövcuddur)
  • Təfərrüatları doldur və tək-tək əlavə et
  • İstifadəçiləri e-poçt vasitəsilə dəvət edərək əlavə et

Yeni istifadəçilər əlavə edərkən:

  • Telefon nömrəsi üçün düzgün ölkə prefiksini seçin (məsələn, Azərbaycan üçün +944)
  • İstifadəçinin hansı qrupda olacağını seçin. Standart olaraq, yeni istifadəçilər ümumi qrupa qoşulacaqlar
  • İstifadəçinin Bolt hesabında qeyd edilmiş dəqiq telefon nömrəsini daxil edin.

Qeyd: Əgər şirkət telefon nömrəsi olan yeni istifadəçi əlavə edirsinizsə, lakin onun Bolt hesabı şəxsi nömrəsi ilə əlaqələndirilibsə, o, şirkət telefon nömrəsi ilə yeni Bolt hesabı yaratmalıdır. Alternativ olaraq, istifadəçini idarəetmə panelinə əlavə etmək üçün onun şəxsi nömrəsindən istifadə edə bilərsiniz.

Hesabların deaktiv edilməsi və silinməsi

Siz Biznes hesabınızda istifadəçi hesablarını müvəqqəti olaraq deaktiv edə və ya onları həmişəlik silə bilərsiniz.

İşçinin hesabını deaktiv etmək üçün Şirkətin İdarəetmə Panelində:

  • Komanda tabında İstifadəçilər bölməsinə keçin;
  • Deaktiv etmək istədiyiniz hesabın üzərinə klikləyin;
  • İstifadəçinin hesabını deaktiv etmək üçün yaşıl slayderdən istifadə edin. Hesabı deaktiv edilmiş istifadəçilər şirkətin korporativ ödəniş metodundan istifadə edə bilməyəcəklər.
  • Siz həmçinin eyni slayderi istifadə edərək deaktiv edilmiş istifadəçi hesabını yenidən aktivləşdirə bilərsiniz.

İstifadəçini biznes hesabınızdan həmişəlik silmək üçün:

  • Komanda tabında İstifadəçilər bölməsinə keçin;
  • Müvafiq seçim xanasını işarələməklə silmək istədiyiniz istifadəçi hesablarını seçin;
  • Hesab(lar)ı silmək üçün zibil qutusu nişanına klikləyin.

Silinmiş istifadəçilər şirkətin korporativ ödəniş metodundan istifadə edə bilməyəcəklər.

Hesab məlumatlarının redaktə edilməsi

Hesab məlumatlarını redaktə etmək üçün:

  • Komanda tabında İstifadəçilər bölməsinə keçin;
  • Redaktə etmək istədiyiniz hesabın üzərinə klikləyin və lazımi dəyişiklikləri edin.

Bolt xidmətinə girişi dayandıra və ya yenidən başlada, müxtəlif qruplardakı insanları təyin edə və ya adları və e-poçtları toplu şəkildə dəyişə bilərsiniz:

  • Komanda tabında İstifadəçilər bölməsinə keçin
  • Toplu idarə düyməsinə klikləyin
  • Elektron cədvəldə lazımi dəyişiklikləri edin və faylı hesabınıza yenidən yükləyin.

Administrator və təmsilçi hesablarının idarə edilməsi

Administratorlar Biznes hesabını idarə edən və Şirkətin İdarəetmə Panelinə giriş imkanı olan insanlardır. Adminlər tərəfindən təyin olunan təmsilçilər Ride Booker (Gediş Sifarişçisi) vasitəsilə şirkət üçün səfərləri təşkil edə bilən insanlardır.

Yeni hesabların əlavə edilməsi

Yeni administrator və ya təmsilçi əlavə etmək üçün:

  • Şirkət İdarəetmə Panelində sol menyudan Komanda tabını açın
  • Administratorlar və ya Təmsilçilər üzərinə klikləyin
  • Təfərrüatları doldurmaq və yeni hesab əlavə etmək üçün yuxarı sağ küncdəki yaşıl düymənin üzərinə klikləyin
Hesabların deaktiv edilməsi

Administrator və ya təmsilçi hesabını deaktiv etmək üçün:

  • Komanda tabında Administratorlar və ya Təmsilçilər bölməsinə keçin
  • Deaktiv etmək istədiyiniz hesabın üzərinə klikləyin
  • İstifadəçi hesabını deaktiv etmək üçün yaşıl slayderdən istifadə edin.
  • Siz həmçinin eyni slayderdən istifadə edərək deaktiv edilmiş hesabı yenidən aktivləşdirə bilərsiniz.

Saniyələr ərzində gediş sifariş edin, dəqiqələr ərzində yolda olun.

iOS və Android cihazları üçün mövcuddur.
Saniyələr ərzində gediş sifariş edin, dəqiqələr ərzində yolda olun.