Aşağıda ətraflı məlumat əldə edəcəksiniz:
Şirkət sifarişlərinin nəzərdən keçirilməsi
Sifariş tarixçənizi necə yoxlaya biləcəyiniz barədə ətraflı təlimatları "Verilənlər və tarixçə" məqaləsində tapa bilərsiniz.
İstifadəçinin sifarişi ilə əlaqədar problem barədə məlumat verilməsi
Əgər sifariş korporativ ödəniş üsulu əvəzinə nağd pul və ya şəxsi kartla verilibsə, istifadəçidən problemi birbaşa öz tətbiqləri vasitəsilə bildirməsini xahiş edin.
Əgər sifariş korporativ ödəniş üsulu ilə verilibsə:
- Uğursuz ödəniş: Ətraflı məlumat üçün Korporativ ödəniş üsulu ilə bağlı problemlər məqaləsinə nəzər salın.
- Səfərlərlə bağlı problemlər və itirilmiş əşyalar: İstifadəçiyə bizimlə birbaşa öz tətbiqindən əlaqə saxlamağı tövsiyə edin, çünki belə halları birbaşa sərnişin ilə həll etmək daha asandır. Şəxsi əşyaların itirilməsi halında biz yalnız kimliyi təsdiqlənmiş hesab sahibinə yardım göstərə bilərək.
Biznes hesabının balansı
Əgər korporativ ödəniş üsulundan istifadə etməklə verilmiş sifarişin ödənişinə görə geri qaytarılma tələb olunarsa, həmin məbləğ gələcək sifarişlər üçün biznes hesabınızın balansına köçürüləcək. Korporativ ödəniş üsulu ilə verilmiş sifarişlərə görə ödəniş Biznes hesabınızın balansından tutulacaq.
- Kredit kartı ilə ödəniş edərkən: korporativ ödəniş üsulu ilə növbəti sifariş üçün ödəniş edərkən balansdakı məbləğ avtomatik olaraq nəzərə alınacaq.
- Faktura əsasında ödəniş edərkən: balansda olan məbləğ cari dövr üçün ödənilməli olan ümumi məbləğdən çıxılacaq.
Qeyd: hazırda nə şirkət idarəetmə panelində, nə də Bolt tətbiqində qaytarılan kredit haqqında məlumat mövcud deyil. Həmin məlumat şirkətinizin aylıq hesab-fakturasında və ya hesabatında geri ödəmə məbləğindən çıxılma kimi görünəcək.
