Sərnişinlər və Sürücülər üçün Məxfilik Bildirişi

Bu məxfilik bildirişi şəxsi məlumatlarınızın qorunduğunu bildirir. Bu bildiriş sizə nəqliyyat xidmətləri paketimizi təqdim etmək, təhlükəsizliyinizi qorumaq məqsədilə məlumatlarınızı necə istifadə etdiyimiz və sizin üçün uyğun seçim, nəzarət kimi imkanları izah edir. Bu bildiriş məxfilik hüquqlarınız və məlumatların qorunması qaydalarının hər kəsi qorumaq üçün necə işlədiyi haqqında da sizi məlumatlandırır.

Bolt Technology OÜ, aşağıda başqa cür göstərilmədiyi təqdirdə şəxsi məlumatlarınızın idarəedicisidir.

Poçt ünvanımız: Vana-Lõuna 15 Tallinn 10134 Estoniya

Məlumatların qorunması üzrə məsul şəxs təyin etdik və siz onunla privacy@bolt.eu və ya şəhər səhifələrimizdə mövcud olan e-poçt ünvanlarımızdan hər hansı biri ilə əlaqə saxlaya bilərsiniz. Üzərində "Məlumatın qorunması üzrə məsul şəxs" işarələyin.

Burada istifadə olunan "bizi" və ya "biz" ifadəsi, Bolt tətbiqinin sahibi, Estoniya Respublikasında qurulan məhdud məsuliyyətli özəl şirkət olan Bolt Technology OÜ-yə aiddir. İşlədilən "Siz" və ya "sizin" ifadəsi Bolt tətbiq hesabları vasitəsilə nəqliyyat xidməti istifadə edən, işə götürülən və/və ya qəbul edilən sərnişin və ya sürücüyə aiddir.

1. Emal etdiyimiz şəxsi məlumatlar

Yalnız ehtiyac duyduğumuz məlumatları emal edirik, buna görə nəqliyyat xidmətləri bazarımızda sizə ən yaxşı xidməti təqdim edə bilərik.

  • Əlaqə məlumatları: ad, telefon nömrəsi və e-poçt ünvanı. Bəzi xidmətlərimiz üçün ev ünvanınız kimi əlavə məlumatlar tələb edə bilərik.
  • Profil məlumatları: profil şəkliniz, saxlanılan ünvanlar, dil və əlaqə seçimləri kimi məlumatlar. Bəzi xidmətlərimiz üçün lisenziya məlumatlarınız kimi əlavə məlumatlar tələb edə bilərik.
  • Geolokasiya: səyahət üçün planladığınız yer və ya sizə yaxın olan skuterlərin yeri, vaxt, səyahətin gedişatı və səfərinizin son təyinatı.
  • Ödənilən məbləğ və istifadə olunan ödəniş kartı kimi ödəniş məlumatları.
  • Tətbiq daxilində söhbət və ya müştəri xidməti agentlərimizlə danışmaq kimi əlaqə və yazışma qeydləri.
  • Bolt tətbiqinin quraşdırıldığı IP ünvanı kimi cihazın məhdud məlumatları
  • Nəqliyyat xidmətlərinin istifadəsi ilə bağlı məlumatlar: səyahətin statusu, saat və sürücülər tərəfindən qiymətləndirilən davranışınız haqqında məlumatlar.
  • Birbaşa Bolt tətbiqində ani mesajlar vasitəsilə əlaqəyə aid məlumatlar ("Sürücü ilə Söhbət et" seçimi): əlaqənin tarixi, vaxtı və məzmunu.

2. Emalın məqsədi Şəxsi məlumatlarınızı emal edirik ki, sizə nəqliyyat xidmətlərimizdən birini və ya bir neçəsini təqdim edək:

  • Sürücü ilə əlaqə qurur, skuter tapmağınıza və ya bir avtomobil kirayələməyinizə kömək edirik: Götürülmə/ çatdırılma üçün sərnişinləri sürücülərlə əlaqələndirmək; və ya avtomobillərimiz, yaxud skuterlərimiz kimi sizə ən yaxın icarə götürmə vasitələrimizin harada olduğunu göstərmək məqsədilə şəxsi məlumatları toplayır və emal edirik. Birbaşa Bolt tətbiqetməsindəki ani mesajlar, xidmət və müştəri dəstəyi (sürücü ilə sürücü arasındakı mübahisələrin həlli də daxil olmaqla) təmin etmək, təhlükəsizlik məqsədləri, məhsul, yaxud xidmətlərimizi təkmilləşdirmək və analiz etmək üçün işlənir.

  • Sizi getmək istədiyiniz ünvana çatdrırıq: Daha səmərəli götürülmə/çatdırılma imkanı, səyahət və marşrutu şəffaf etmək üçün sürücüylə gedərkən, geolokasiya məlumatları və sərnişinlərin telefon nömrələrini sürücüyə göstəririk. Bu məlumatlar yalnız Bolt tətbiqi aktiv olduqda toplanır. Bolt tətbiqini bağladıqdan sonra geolokasiya məlumatlarının toplanması dayandırılır. Bəzi ölkələrdə sürücülər sərnişinlərin telefon nömrələrini görə bilmirlər; bu zaman sürücü tamamilə fərqli bir nömrə görür ki, bu da müvəqqəti olaraq sərnişinin telefon nömrəsinə keçid edir və sürücü ilə sərnişinin əlaqə saxlaya biləcəyini bildirir.

  • Səyahətinizin rahat keçməsini təmin edirik: Ünvana çatdıqdan və xidmətlərimizlə əlaqəli keyfiyyət problemlərini həll etdiyinizdən əmin olmaq üçün geolokasiya məlumatlarından istifadə edirik. Düzgün hesablaşmaq, batareyanı tam doldurmaq və park yeri saxlamaq ücün icarəyə götürdüyünüz avtomobili harada tərk etdiyinizi bilməliyik.

  • Tətbiqin optimal olduğuna əminik: Bolt tətbiqindəki yenilikləri bildirmək üçün sərnişin və sürücülərin əlaqə məlumatlarından istifadə edirik, beləliklə xidmətlərimizdən istifadə etməyə davam edəcəksiniz. Həmçinin internet, mobil və telefon xidmətlərimizə qoşulmaq, təsdiqləmə və yoxlamalarla hesabınızı təhlükəsiz saxlamaq üçün istifadə etdiyiniz cihazdan məhdud məlumatlar toplayırıq.

  • Səyahətinizin daha sürətli, ucuz və rahat olmasını təmin edirik: Coğrafi əhatə dairəsini təhlil etmək üçün sərnişinlərimiz və sürücülərimizin götürdüyü marşrut xəritəsi haqqında məlumat toplayırıq. Bu, sürücülərə ən səmərəli marşrut xəritələri haqqında verilən tövsiyələri təkmilləşdirməyə imkan verir və icarəyə götürdüyümüz avtomobillərin, skuterlərimiz kimi müştərilər üçün ən əlverişli yerlərdə olmasını təmin etməyə kömək edir.

  • Ödənişinizi qəbul edirik: Sürücülər üçün sərnişin ödəmələrini emal etmək məqsədilə ödəniş məlumatlarını toplayırıq. Həm də icarəyə götürdüyümüz avtomobillər üçün məsələn, avtomobillərimiz və skuterlərimiz üçün də ödənişləri həyata keçiririk.

  • Standartları qoruyur və təbliğ edirik: İstifadəçilərin təhlükəsizliyini təmin etmək, şərtlərimizə riayət etməyi təşviq etmək və hər kəsə keyfiyyətli, zövqlü xidmət təqdim etdiyimizdən əmin olmaq üçün sürücü rəylərindən səyahət vəziyyəti, vaxt və sərnişin reytinqləri haqqında məlumatlar toplayırıq. Müştəri dəstəyi məlumatları və yazışmalar əks-əlaqə, mübahisələri və xidmət keyfiyyəti problemlərini həll etmək məqsədilə toplanır.

  • Sizi məlumatlandırırıq:Adınız, telefon nömrəniz və e-poçt ünvanınız səyahət təsdiqləmə vərəqələri və qəbzlər göndərməklə səyahətinizin başa çatdığını bildirmək və pis hava şəraitində skuterlərin icarəyə götürülməsinin dayandırıldığı vaxt kimi vacib xidmət yenilikləri haqqında sizə məlumat vermək məqsədilə istifadə ediləcək.

3. Hüquqi əsaslar

Şəxsi məlumatlardan istifadə etmək üçün tutarlı səbəbimiz varsa, yuxarıda təsvir edilən üsullarla məlumatlardan istifadə etməyimizə icazə verilir. Məlumatlarınızla hər hansı bir iş görmək üçün hər zaman tutarlı səbəbimiz olduğundan əmin oluruq.

  • Şəxsi məlumatlar, ümumiyyətlə, Bolt tətbiqi ilə razılaşdığınız xidmətlərlə sizi təmin etmək üçün işlənir. Bu, sizə söz verdiyimiz xidməti vermək və şərtlərimizi yerinə yetirmək üçün şəxsi məlumatlarınızı emal edəyəcəyimiz mənasına gəlir.

  • Bir qayda olaraq, digər hallarda şəxsi məlumatlarınızı qanuni maraqlara əsaslanaraq emal edirik. Qanuni maraqlar sərnişinlərimizə və tərəfdaşlarımıza yenilikçi, fərdiləşdirilmiş, təhlükəsiz və sərfəli xidmət təqdim etməkdə olan kommersiya maraqlarımızı ehtiva edir. Qanuni maraqlarımıza saxta ödənişlər və digər zərərli hərəkətlərin araşdırılması və aşkarlanması, şəbəkəmizin, yaxud sistemlərimizin təhlükəsizliyinin qorunması, şübhəli və ya faktiki cinayət əməllərinə cavab vermək kimi şeylər daxildir.

Bəzən alternativ hüquqi əsaslara etibar edə bilərik:

  • qanun tələb etdiyi zaman məlumatların emal edilməsi kimi qanuni öhdəliyə riayət etmək lazımdır, məsələn, Məhkəmə və ya tənzimləyici orqan kimi şəxsi məlumatların üçüncü tərəfə açıqlanması haqqında qanuni hüquqi tələb olduqda;

  • həyati mənafelərinizi və ya başqalarının maraqlarını qorumaq, məsələn, fövqəladə vəziyyət və ya həyati təhlükə olduqda; və ya

  • tam məlumatlandırıldığınız digər xüsusi məqsəd üçün bunu etmək üçün bizə açıq şəkildə razılıq verdiniz.

Boltun Nigeriyada olduğu kimi, qanuni marağın Boltun emal fəaliyyəti üçün qanuni əsas olmadığı ölkələrdə, Bolt bunun əvəzində yuxarıda mövcud olan alternativ etibarlı hüquqi əsaslara etibar edirik. Bizə şəxsi məlumat verməməyi seçsəniz, bu, sizinlə müqavilədə göstərilənləri yerinə yetirməyimizə mane ola bilər və ya qanunda bizdən gözlənilən bir şeyi etməyimizi dayandıra bilər. Bu, həmçinin hesabınızı idarə edə bilməyəcəyimiz mənasına gəlir. Məsələn, Bolt tətbiqinin quraşdırılması və istifadəsi zamanı təqdim etdiyiniz şəxsi məlumatları toplayır və emal edirik; tətbiq vasitəsilə geolokasiya məlumatlarını paylaşmaqdan imtina etmək, sürücünü çatdırmaq üçün yerləşdiyiniz yerə yönləndirə bilməyəcəyimiz və ya sizə yaxın olan öz nəqliyyat vasitələrimizdən birini icarəyə göstərə bilməyəcəyimiz deməkdir. Digər hallarda, məsələn, hesabınızın bütövlüyünü təmin etmək üçün identifikasiya yoxlamasından imtina etsəniz, saxtakarlığın qarşısını almaq üçün hesab dayandırıla və ya bloklana bilər.

4. Alıcılar

Yalnız etibarlı tərəfdaşlar və səlahiyyətlilərlə birlikdə işləyirik. Yalnız tutarlı səbəb olduqda məlumatları paylaşırıq. Paylaşımı yalnız tələb olunanlarla məhdudlaşdırırıq. Şəxsi məlumatlarınızı satmırıq.

  • Sərnişinin şəxsi məlumatları yalnız Bolt tətbiqində səyahətdə olan sürücülərə açıqlanır; belə bir vəziyyətdə sürücü, sərnişinin adını, telefon nömrəsini (bəzi ölkələrdə nömrə gizlədilir) və geolokasiya məlumatlarını görəcək.

  • Nəqliyyat xidməti göstərildikdən sonra səyahətə çıxan sərnişinin adı və telefon nömrəsi (bəzi ölkələrdə gizlədilir) 24-48 saat ərzində sürücüyə görünəcək. Bu, sürücülərin avtomobildə qalmış ola biləcək xüsusi bir əşyanı geri qaytarmaq kimi sərnişinlə bağlı hər hansı bir problemi həll edə bilməsi üçün vacibdir. Ups!

  • Gəzinti xidmətinin keyfiyyəti ilə bağlı sərnişinlərin verdiyi rəy anonimdir. Verdiyiniz qiymət Boltla sizin aranızdadır.

  • Sərnişinin olduğu yerdən asılı olaraq, şəxsi məlumatlar Bolt Technology OÜ qrup şirkətlərinə və tərəfdaşlarına (yerli ikinci dərəcəli şirkətlər, nümayəndələr, ortaqlar, agentlər və s.) açıqlana bilər. Bolt Technology OÜ qrup şirkətləri və ortaqları tərəfindən şəxsi məlumatların emal edilməsi, bu məxfilik bildirişində qeyd olunan eyni ciddi şərtlər altında baş verəcəkdir. Ölkənin öz səhifəsində daha ətraflı məlumat oxuya bilərsiniz.

  • Bəzi hallarda qanuni olaraq, xarici alıcılarla məlumatları paylaşmaq məcburiyyətindəyik. Məsələn, Məhkəmə Qərarına əsasən və ya şikayətlərin, istintaqın araşdırılmasında məlumatların qorunması üzrə nəzarət orqanı ilə əməkdaşlıq etdiyimiz hallarda. Biz də cavabın həmin yurisdiksiyada qanunla tələb olunduğuna və ya ictimai maraqlara xidmət edən bir vəzifənin öhdəsindən gəldiyinə, bu yurisdiksiyadakı istifadəçilərə təsir etdiyinə və beynəlxalq səviyyədə tanınmış standartlara uyğun olduğuna etibar etdiyimiz zaman hüquq-mühafizə orqanlarından olanlar kimi cavab verə bilərik. İstənilən halda, məlumat paylaşmaq üçün hər zaman qanuni bir əsasımız olduğu və qərarımızı sənədləşdirdiyimizdən əmin olacağıq.

5. Təhlükəsizlik və giriş

  • Xidmətlərimizi təqdim edərkən toplanan hər hansı şəxsi məlumat Avropa İttifaqına Üzv Dövlətlərin ərazilərində yerləşən Zone Media Ltd. və/və ya Amazon Web Services, Inc məlumat mərkəzlərinə ötürülür və saxlanılır. Yalnız Bolt Technology OÜ qrup şirkətlərinin və tərəfdaşlarının səlahiyyətli işçiləri yalnız xidmətlərin istifadəsi ilə əlaqədar problemləri (nəqliyyat xidmətləri ilə bağlı mübahisələr daxil olmaqla) həll etmək məqsədi ilə şəxsi məlumatlara daxil ola bilərlər.

  • Bolt Technology OÜ qrup şirkətləri və tərəfdaşları müvafiq ölkədə müştəri dəstəyi təmin etmək üçün lazım olan həcmdə şəxsi məlumatlara daxil ola bilərlər.

  • Araşdırma və elmi məqsədlərimiz üçün toplu geolokasiya məlumatları kimi bütün məlumatlar anonimdir, buna görə heç vaxt onları müəyyən edə bilməyəcəksiniz.

6. Hüquqlarınız və nəzarətiniz

Şəxsi məlumatlarınızı nəzarətdə saxlamaq istəyirik. Bolt profil məlumatları və səyahət tarixiniz də daxil olmaqla, şəxsi məlumatlarınızı görə biləcəyiniz tətbiq vasitəsilə nəzarəti təmin edir. Vebsaytımızda marketinq seçimləri və şəffaf kuki razılaşma nəzarətləri kimi tətbiqdaxili tənzimləmələr də təklif edirik.

*Giriş hüququnuz

  • Bolt tətbiqi ilə şəxsi məlumatlarınıza daxil ola bilərsiniz. Şəxsi məlumatlarınızın surətlərini bizdən tələb etmək hüququnuz var. Burada bəzi istisna hallar var, məsələn, başqalarının hüquqlarını balanslaşdırmalı olduğumuz zaman emal etdiyimiz bütün məlumatları hər zaman əldə edə bilməyəcəksiniz.

*Düzəliş etmək hüququnuz

  • Bolt tətbiqi vasitəsilə şəxsi məlumatlarınızıa daxil ola və yeniləyə bilərsiniz. Başqa bir şəkildə qeyri-dəqiq olduğunu düşündüyünüz məlumatların düzəldilməsi üçün müraciət etmək hüququnuz var. Sizin həmçinin natamam hesab etdiyiniz məlumatları doldurmaq üçün müraciət etmək hüququnuz var.

*Silmək hüququnuz

Müəyyən şərtlər altında şəxsi məlumatlarınızı silmək üçün müraciət etmək hüququnuz var. *Emalı məhdudlaşdırmaq hüququnuz

  • Məlumatlarınızın emal edilməsini müəyyən hallarda məhdudlaşdırmağımızı tələb etmək hüququnuz var. Bu o deməkdir ki, məlumatlarınız yalnız hüquqi iddia və ya qanuni hüquqlardan istifadə kimi müəyyən hallar üçün istifadə edilə bilər.

*Emal edilməsinə etiraz etmək hüququnuz

  • Məlumatlarınızı qanuni maraqlar əsasında emal edilərkən, emal edilməsinə etiraz etmək hüququnuz ola bilər. Qəbul etdiyimiz hər hansı avtomatik qərar qəbul etməyə etiraz edə və bir şəxsin onu nəzərdən keçirməsini istəyə bilərsiniz.

*Verilənlərin portativliyi hüququnuz

  • Müəyyən hallarda bizə verdiyiniz məlumatları bir təşkilatdan digərinə ötürməyimizi və ya sizə verməyimizi tələb etmək hüququnuz var. Bu yalnız bizə verdiyiniz məlumatlara aiddir.

  • Mesajların bildirilən hadisə ilə əlaqədar olduğu hallar istisna olmaqla, birbaşa Bolt tətbiq mesajlarında ani mesajlar haqqında məlumatların saxlanma müddəti 90 gündür - bu halda onları 6 ay ərzində saxlayacağıq.

7. Saxlama

Bold istifadəçi məlumatlarını yalnız yuxarıda qeyd edilən məqsədlər üçün lazım olduğu müddətdə saxlayır. Bu o deməkdir ki, məlumatların növünə, aid olduğu nəqliyyat xidmətinə və məlumatları hansı məqsədlə topladığımıza bağlı olaraq onları fərqli zamanlar üçün müxtəlif kateqoriyalarıda saxlayırıq.

  • Şəxsi məlumatlarınız sərnişin hesabınız aktiv olduğu müddətdə saxlanılacaq. Hesabınız bağlanarsa, hər hansı hüquqi öhdəliyi yerinə yetirmək və ya mühasibat uçotu, mübahisələrin həlli və ya fsaxtakarılığın qarşısının alınması məqsədilə tələb olunmadığı təqdirdə, şəxsi məlumatlar (saxlama cədvəlimizə və qaydalarımıza əsasən) silinəcək.

  • Sərnişinlərə göstərilən nəqliyyat xidmətləri ilə bağlı maliyyə məlumatları son səfərdən sonra üç il müddətində saxlanılacaq. Digər mühasibat məqsədləri üçün lazım olan məlumatlar son səfərdən sonra yeddi il müddətində saxlanılacaq.

  • Şübhəli cinayət hadisəsi, saxtakarlıq və ya yalan məlumatlar verildikdə, məlumatlar 10 ilə qədər saxlanılacaq.

  • Ödəniş barədə mübahisələr yarandığı təqdirdə məlumatlar iddia təmin edilənə və ya bu iddiaların sona çatma tarixinə qədər saxlanılacaq.

  • Səyahət tarixi məlumatları və nəqliyyat xidmətlərindən istifadə haqqında məlumatlar üç il ərzində saxlanılacaq və bundan sonra isəməlumatlar anonim saxlanılacaq.

Unutmayın ki, cihazınızda olan Bolt tətbiqinin silinməsi şəxsi məlumatlarınızın silinməsinə səbəb olmur. Bolt tətbiqini üç il müddətində istifadə edilmirsə, sizinlə əlaqə saxlayacağıq və gələcəkdə hesabınızı aktiv saxlamaq istədiyinizi təsdiqləməyinizi xahiş edəcəyik. Uyğun müddətdə heç bir cavab alınmazsa, bu məxfilik bildirişində qeyd olunan hər hansı bir məqsəd üçün bu cür məlumatlar tələb olunmadığı təqdirdə hesab bağlanacaq və şəxsi məlumatlar silinəcəkdir.

8. Birbaşa marketinq

  • İcazə verdiyiniz zaman və ya çox sadə seçimlə e-poçt ünvanınıza və/və ya telefon nömrənizə birbaşa marketinq mesajları göndərə bilərik. Bolt xidmətlərini necə istifadə etdiyiniz, Bolt tətbiqindən nə qədər istifadə etdiyiniz və nəqliyyat seçimləriniz kimi məlumatları istifadə edərək birbaşa reklam mesajlarını fərdiləşdirə bilərik.

  • Birbaşa reklam mesajları almaq istəmirsinizsə, e-poçtlarımızdan birinin alt hissəsindəki "Abunəni ləğv et" keçidini klikləyin və ya Bolt tətbiqinin profil bölməsində imtina edin. Asan.

9. Avtomatik qərar qəbul etmə

Xəbərdarlıqların verilməsi və gediş-gəliş xidmətinin dayandırılması halında avtomatik qərar qəbul etmənin köməyindən istifadə edirik. Avtomatik qərar qəbul etmə işçilərimizdən istifadə etməkdən daha az xətaya meyllidir, daha səmərəli və təhlükəsizdir. Nəqliyyat xidmətlərindən istifadə etməyiniz haqqında məlumatlar (ləğvlər və sifariş edib gəlməmək daxil olmaqla səyahət statusu haqqında məlumatlar və sürücülər tərəfindən qiymətləndirildiyi kimi davranışınız haqqında məlumatlar) xəbərdarlıq və ya dayandırma ehtiyacı qiymətləndirərkən nəzərə alınır. Avtomatik qərar qəbul edilməsi haqqında daha ətraflı məlumatı burada oxuya bilərsiniz. Səyahətin dayandırılması 6 ay müddətində qüvvədə qalacaq və bundan sonra səyahəti xidmətinə giriş bərpa olunacaq.

Hər zaman qərarın insan tərəfindən nəzərdən keçirilməsi və qərara etiraz etmək, öz fikirlərinizi bildirmək və tətbiqimizdəki müştəri dəstəyi ilə əlaqə quraraq bir izahat almaq hüququnuz olacaq.

10. Mübahisələrin həlli

  • Şəxsi məlumatların emal edilməsi ilə bağlı mübahisələr ilk növbədə müştəri dəstəyi (info@bolt.eu) vasitəsilə həll olunur. Bolt-un Məlumatın Qorunması üzrə Məsul şəxsi (privacy@bolt.eu) ilə əlaqə saxlamaq hüququnuz var.

  • Nəzarət orqanımız Estoniya Məlumatların Müdafiəsi Müfəttişliyidir (www.aki.ee).

11. Bu bildirişi diqqətəlayiq hala gətirir

Ümid edirik ki, bu məxfilik bildirişini asanlıqla başa düşdünüz.

Məlumatların qorunması haqqında qanunlar mühüm əhəmiyyət kəsb edir. Onların vasitəsilə sizin məlumat hüquqlarınız zənginləşir və qaydalar möhkəmlənir. Bu qaydaların çoxu mürəkkəb görünə bilər, amma əksəriyyəti sağlam düşüncəyə əsaslanır. Məlumatlarınızla bağlı məsuliyyətimizi çox əhəmiyyət veririk. Bolt, məxfiliyinizi qorumaq və sizin üçün daha da şəffafl etmək öhdəliyimizin bir hissəsi olaraq bu məxfilik bildirişində dəyişikliklər etməyə davam edəcək.

Əlavə məlumat yerləşdiriləcək "Sərnişinlər üçün Şərtlər və Qaydalar.