Սույն գաղտնիության ծանուցման մեջ նկարագրված է, թե ինչպես ենք մենք խոստանում հետևել ձեր անձնական տվյալներին: Սույն ծանուցման մեջ տեղեկացված է, թե ինչ տեղեկություններ ենք մենք օգտագործում ձեզ փոխադրման ծառայություններ մատուցելու համար, թե ինչպես ենք մենք օգտագործում ձեր տեղեկությունները՝ ձեզ ապահով պահելու համար և ձեզ հասանելի ընտրությունների ու կառավարների մասին: Ծանուցման մեջ նաև նշված են ձեր իրավունքները գաղտնիության հետ կապված և, թե ինչպես են գործում տվյալների պաշտպանության մասին կանոնները՝ յուրաքանչյուր անձի պաշտպանելու համար:
Bolt Operations OÜ ընկերությունը հանդիսանում է ձեր անձնական տվյալների Կառավարողը, եթե այլ կերպ նշված չլինի ստորև:
Մեր փոստային հասցեն է. Vana-Lõuna 15 Tallinn 10134 Estonia
Մենք Տվյալների պաշտպանության աշխատակից ենք նշանակել, և դուք կարող եք կապվել նրա հետ հետևյալ էլ. հասցեով՝ privacy@bolt.eu կամ մեր փոստային հասցեներից ցանկացածի միջոցով, որոնք կարող եք գտնել քաղաքների էջերում: Խնդրում ենք ծրարի վրա նշել «Տվյալների պաշտպանության աշխատակից»:
«Մեզ» կամ «մենք» տերմինը վերաբերում է Bolt հավելվածի սեփականատիրոջը՝ Bolt Operations OÜ մասնավոր սահմանափակ պատասխանատվությամբ ընկերությանը, որը հիմնադրվել է Էստոնիայի Հանրապետությունում: «Դուք» կամ «ձեր» տերմինը վերաբերում է այն ուղևորին կամ երթևեկողին, ով Bolt հավելվածի իր հաշվի միջոցով հայցում է, վճարում և/կամ ստանում է փոխադրման ծառայություն:
1. Մեր կողմից մշակվող անձնական տվյալները
Մենք մշակում ենք միայն անհրաժեշտ տեղեկությունները, որպեսզի կարողանանք տրամադրել ձեզ լավագույն ծառայությունները փոխադրման ծառայությունների մեր շուկայում:
2. Մշակման նպատակը
Մենք մշակում ենք ձեր անձնական տվյալները, որպեսզի կարողանանք տրամադրել ձեզ մեր փոխադրման ծառայություններից մեկը կամ մի քանիսը.
Մենք կապում ենք ձեզ վարորդի հետ, օգնում ենք սկուտեր գտնել կամ մեքենա վարձել. Մենք հավաքում և մշակում ենք անձնական տվյալները՝ ուղևորներին վարորդների հետ կապելու նպատակով, որպեսզի ձեզ կարողանան վերցնել սկզբնակետից և իջեցնել վերջնակետում. կամ որպեսզի ձեզ ցույց տանք, թե որտեղ է մեր վարձով փոխադրամիջոցների, օրինակ՝ մեր մեքենաների կամ սկուտերների մոտակա կետը: Անմիջապես Bolt հավելվածով կատարվող ակնթարթային հաղորդագրությունները մշակվում են՝ ծառայությունը տրամադրելու և հաճախորդների աջակցություն ցուցաբերելու նպատակով (այդ թվում նաև՝ վարորդի և երթևեկողի միջև ծագած վեճերի լուծումը), անվտանգության նկատառումներով, ինչպես նաև մեր արտադրանքներն ու ծառայությունները բարելավելու և վերլուծելու համար:
Մենք ձեզ հասցնում ենք ձեր ուզած վայրը.Ուղևորության ժամանակ մենք վարորդներին ցուցադրում ենք ուղևորների աշխարհագրական դիրքի տվյալները և հեռախոսահամարը, որպեսզի կարողանան արդյունավետ կերպով վերցնել ուղևորին և իջեցնել, և թափանցիկ դարձնել ուղևորությունն ու երթուղին: Այս տվյալները հավաքվում են միայն, երբ ակտիվացված է Bolt հավելվածը: Աշխարհագրական դիրքի տվյալների հավաքումը դադարեցվում է Bolt հավելվածը փակելուց հետո: Որոշ երկրներում վարորդները չեն կարողանում տեսնել ուղևորների հեռախոսահամարները, վարորդը բոլորովին այլ համար է տեսնում, որը ժամանակավորապես վերաուղղորդվում է ուղևորի հեռախոսահամարին, ինչը նշանակում է, որ վարորդը և ուղևորը, այնուամենայնիվ, կարող են հաղորդակցվել:
Մենք անում ենք ամեն ինչ, որպեսզի ձեր ուղևորությունը հարթ ու սահուն լինի.Մենք օգտագործում ենք աշխարհագրական դիրքի տվյալները, որպեսզի համոզվենք, որ հասել եք ձեր վերջնակետին և լուծենք մեր ծառայությունների հետ կապված որակի խնդիրները: Մենք նաև պետք է իմանանք, թե որտեղ եք թողնում վարձակալած փոխադրամիջոցը, որպեսզի կարողանանք ճիշտ ուղարկել վճարային հաշիվը, լիցքավորել մարտկոցները և տեխնիկապես սպասարկել մեր ավտոպարկը:
Մենք պետք է համոզվենք, որ հավելվածը գործում է օպտիմալ կերպով.Մենք օգտագործում ենք կոնտակտային տվյալները՝ ուղևորներին և երթևեկողներին ծանուցելու Bolt հավելվածի արդիացումների մասին, որպեսզի կարողանաք շարունակել օգտվել մեր ծառայություններից: Նաև հավաքում ենք սահմանափակ տվյալներ ձեր սարքից, որը դուք օգտագործում եք մեր համացանցին, բջջային և հեռախոսային ծառայություններին կապակցելու համար և ապահով ենք պահում ձեր հաշիվը՝ իսկորոշման և հաստատման ստուգումների միջոցով:
Մենք ապահովում ենք, որպեսզի ձեր երթևեկությունը լինի ամենաարագը, ամենաէժանը և ամենահարմարը.Մենք հավաքում ենք տվյալներ մեր ուղևորների և երթևեկողների կողմից իրականացվող երթուղիների վերաբերյալ՝ աշխարհագրական ծածկույթը վերլուծելու համար: Սա թույլ է տալիս մեզ բարելավել վարորդներին արվող առաջարկությունները ամենաարդյունավետ երթուղիների վերաբերյալ և օգնում է մեզ համոզվել, որ մեր վարձով տրվող փոխադրամիջոցները՝ օրինակ սկուտերները, գտնվում են հաճախորդների համար ամենահարմար վայրերում:
Մենք ստանում ենք ձեր վճարումը.Մենք ստանում ենք վճարման տվյալները՝ վարորդների անունից ուղևորների երթևեկության վճարումը մշակելու համար: Եվ մենք մշակում ենք մեր կողմից վարձակալվող փոխադրամիջոցների վճարումները, օրինակ՝ մեր մեքենաների և սկուտերների համար:
Մենք պահպանում և խթանում ենք ստանդարտները. Մենք հավաքում ենք տվյալներ ուղևորության կարգավիճակի, ժամանակի և ուղևորների վարկանիշների վերաբերյալ վարորդների արձագանքներից՝ օգտվողների անվտանգությունը ապահովելու, մեր դրույթներին և պայմաններին համապատասխանությունը բարձրացնելու և համոզվելու համար, որ մեր տրամադրած ծառայությունները որակյալ և հաճելի են բոլորին: Հաճախորդների աջակցության տվյալները և նամակագրությունը հավաքվում են հետադարձ կապի, վեճերի և ծառայության որակի հետ կապված խնդիրների լուծման նպատակով:
Մենք ձեզ տեղեկացված ենք պահում.Ձեր անունը, հեռախոսահամարը և էլ. փոստի հասցեն կօգտագործվեն ձեզ հետ կապվելու համար այնպիսի հարցերի շուրջ, ինչպես օրինակ՝ հայտնելու ձեզ, որ ձեր ուղևորությունն ավարտված է, ուղևորության հաստատման անդորրագրերը և ստացականներն ուղարկելու և ծառայության կարևոր թարմացումների մասին տեղեկացնելու համար, օրինակ՝ երբ վատ եղանակը կասեցնում է մեր սկուտերների վարձույթը:
3. Իրավական հիմքեր
Մենք իրավունք ունենք օգտագործել անձնական տվյալները վերը նկարագրված եղանակներով, եթե դրա համար պատշաճ պատճառ ունենք: Մենք միշտ համոզվում ենք, որ ձեր տվյալների հետ որևէ բան անելու հիմնավոր պատճառներ ունենք:
Անձնական տվյալները սովորաբար մշակվում են՝ Bolt հավելվածի միջոցով ձեզ պայմանագրով տրամադրվող ծառայությունները մատուցելու համար: Սա նշանակում է, որ ձեզ խոստացած ծառայությունը մատուցելու համար և մեր դրույթներին և պայմաններին համապատասխանելու համար, մենք մշակելու ենք ձեր անձնական տվյալները՝ այդ պարտավորությունները կատարելու համար:
Ընդհանուր առմամբ, այլ հանգամանքներում մենք մշակում ենք ձեր անձնական տվյալները՝ ելնելով օրինական շահերից: Լեգիտիմ շահերի մեջ են մտնում մեր առևտրային շահերը՝ մեր ուղևորներին և գործընկերներին նորարարական, անհատականացված, անվտանգ և շահութաբեր ծառայություն մատուցելու հարցում, եթե այդ շահերը չեն վերագրվում այլ շահերով: Մեր լեգիտիմ շահերի մեջ են մտնում նաև այնպիսի բաներ, ինչպիսիք են խարդախ վճարումների և այլ վնասակար գործողությունների հետաքննությունը և հայտնաբերումը, մեր ցանցի և համակարգերի անվտանգության պահպանումը և կասկածվող կամ փաստացի հանցավոր գործողություններին արձագանքելը:
Ժամանակ առ ժամանակ մենք կարող ենք ապավինել այլընտրանքային իրավական հիմքերին, երբ.
Այն երկրներում, որտեղ լեգիտիմ շահը հասանելի օրինական հիմք չէ գործունեությունները Bolt-ի կողմից մշակելու համար, օրինակ՝ Նիգերիայում, դրա փոխարեն Bolt-ն ապավինում է վերոնշյալ այլընտրանքային վավեր իրավական հիմքին:
Եթե նախընտրեք չտալ մեզ անձնական տեղեկությունները, դա կարող է թույլ չտալ մեզ իրականացնել ձեզ հետ ունեցած պայմանագիրը, կամ էլ թույլ չտալ մեզ կատարել օրենքով մեզանից ակնկալվող պահանջները: Դա կարող է նաև նշանակել, որ մենք չենք կարող գործարկել ձեր հաշիվը: Օրինակ, մենք հավաքում և մշակում ենք Bolt հավելվածի տեղադրման և օգտագործման ընթացքում ձեր կողմից ներկայացված անձնական տվյալները. Հավելվածի միջոցով աշխարհագրական դիրքի տվյալների համօգտագործումից հրաժարվելը նշանակում է, որ մենք չենք կարող վարորդին ուղարկել ձեր գտնվելու վայրը, որպեսզի ձեզ վերցնի, ինչպես նաև չենք կարող ձեզ ցույց տալ ձեզ մոտ գտնվող մեր վարձու փոխադրամիջոցները, որպեսզի կարողանաք վարձել: Այլ հանգամանքներում մենք չենք կարողանա կատարել ձեր հանդեպ ունեցած պարտավորությունները, օրինակ՝ եթե հրաժարվեք անձը հաստատող ստուգումից՝ ձեր հաշվի ամբողջականությունն ապահովելու համար, որից հետո հաշիվը կարող է կասեցվել կամ արգելափակվել՝ խարդախությունը կանխելու համար:
4. Ստացողները
Մենք աշխատում ենք միայն վստահելի գործընկերների և մարմինների հետ: Մենք տվյալները համօգտագործում ենք միայն, երբ հիմնավոր պատճառներ կան դրա համար: Մենք սահմանափակում ենք համօգտագործումը միայն այնքանով, որքանով դա պահանջվում է: Մենք չենք վաճառում ձեր անձնական տեղեկությունները:
Ուղևորի անձնական տվյալները համօգտագործվում են միայն երթևեկության վարորդների հետ, երբ նրանք ներգրավված են Bolt հավելվածով երթևեկության մեջ, այդ դեպքում վարորդը տեսնում է ուղևորի անունը, հեռախոսահամարը (որոշ երկրներում համարը քողարկված է) և աշխարհագրական դիրքի տվյալները:
Փոխադրման ծառայությունը մատուցելուց հետո երթևեկող ուղևորի անունը և հեռախոսահամարը (որոշ երկրներում համարը քողարկված է) տեսանելի կլինեն վարորդի համար 24-48 ժամվա ընթացքում: Սա անհրաժեշտ է, որպեսզի վարորդները լուծեն ուղևորի հետ կապված խնդիրները, օրինակ՝ հետ վերադարձնեն ձեզ ինչ-որ բան, որը մնացել է մեքենայում: Ո՜ւպս:
Ուղևորների կողմից տրամադրված ծառայության որակի վերաբերյալ կարծիքն անանուն է: Ձեր գնահատումը գաղտնի է մնում ձեր և Bolt-ի միջև:
Կախված ուղևորի գտնվելու վայրից, անձնական տվյալները կարող են տրամադրվել Bolt Operations OÜ group-ի ընկերություններին և գործընկերներին (տեղական դուստր ձեռնարկություններ, ներկայացուցիչներ, մասնաճյուղեր, գործակալներ և այլն): Bolt Operations OÜ group-ի ընկերությունների և գործընկերների կողմից անձնական տվյալների մշակումը տեղի կունենա նույն խիստ պայմաններով, ինչպես սահմանված է սույն գաղտնիության ծանուցագրում: Մանրամասն կարող եք կարդալ ձեր երկրի էջում:
Որոշ հանգամանքներում մենք իրավական տեսանկյունից պարտավոր ենք տեղեկությունը համօգտագործել արտաքին ստացողների հետ: Օրինակ՝ Դատարանի որոշմամբ կամ երբ մենք համագործակցում ենք տվյալների պաշտպանության վերահսկող մարմնի հետ՝ բողոքների կամ հետաքննությունների քննարկման հարցերով: Մենք կարող ենք նաև պատասխանել իրավապահ մարմինների կողմից արվող և այլ նմանատիպ հարցումներին, երբ մենք ողջամտորեն հավատում ենք, որ պատասխանը պահանջվում է օրենքով այդ իրավասության մեջ կամ հետապնդում է հանրային շահերը, ազդում է այդ իրավասության օգտվողների վրա և համապատասխանում է միջազգային կերպով ճանաչված ստանդարտներին: Ցանկացած սցենարի դեպքում մենք միշտ պետք է ունենանք օրինական հիմք, ինչից ելնելով պետք է համօգտագործենք տեղեկությունը, և համոզված լինենք, որ փաստաթղթավորել ենք մեր որոշումը:
5. Անվտանգությունը և հասանելիությունը
Մեր ծառայությունները մատուցելու ընթացքում հավաքված անձնական տվյալները փոխանցվում և պահվում են Zone Media Ltd. և/կամ Amazon Web Services, Inc. տվյալների կենտրոններում, որոնք գտնվում են Եվրոպական Միության անդամ պետությունների տարածքներում: Անձնական տվյալներին հասանելիություն ունեն միայն Bolt Operations OÜ group-ի ընկերությունների և գործընկերների լիազորված աշխատակիցները, և նրանք կարող են օգտագործել տվյալները միայն ծառայությունների օգտագործման հետ կապված խնդիրների լուծման նպատակով (ներառյալ նաև փոխադրման ծառայությունների հետ կապված վեճերը):
Bolt Operations OÜ group-ի ընկերություններն ու գործընկերները կարող են հասանելիություն ունենալ անձնական տվյալներին այնքանով, որքանով անհրաժեշտ է համապատասխան երկրում հաճախորդների աջակցում ցուցաբերելու համար:
Մեր հետազոտական և գիտական նպատակների համար բոլոր տվյալները, ինչպես օրինակ՝ զանգվածային տեղադրության տվյալները, դարձվում են անանուն, այնպես որ ձեր անձը երբեք չի կարող նույնականացվել դրանցից:
6. Ձեր իրավունքները և վերահսկումները
Մենք ցանկանում ենք, որ դուք վերահսկեք ձեր անձնական տվյալները: Bolt-ը ձեզ վերահսկողության հնարավորություն է տրամադրում հավելվածի միջոցով, որտեղ կարող եք դիտել ձեր անձնական տեղեկությունները, ներառյալ ձեր պրոֆիլի տվյալները և ուղևորության պատմությունը: Մենք նաև առաջարկում ենք ներհավելվածային կարգավորումներ, ինչպես օրինակ՝ մարքեթինգային ընտրությունները և մեր կայքում թխուկների ընդունման համաձայնության թափանցիկ վերահսկումը: Ձեր իրավունքները հասանելիության համար
Ուղղման ձեր իրավունքը
Ջնջելու ձեր իրավունքը Դուք իրավունք ունեք, որոշակի հանգամանքներում, խնդրել մեզ ջնջել ձեր անձնական տեղեկությունները: Մշակման սահմանափակման ձեր իրավունքը
Մշակմանն առարկելու ձեր իրավունքը
Տվյալների տեղափոխման ձեր իրավունքը
Դուք իրավունք ունեք որոշակի հանգամանքներում խնդրել, որ մենք փոխանցենք ձեր տված տեղեկությունները մի կազմակերպությունից մյուսին կամ տրամադրենք ձեզ: Սա վերաբերում է միայն այն տեղեկություններին, որոնք դուք տրամադրել եք մեզ:
Անմիջապես Bolt հավելվածի հաղորդագրություններ բաժնով կատարած ակնթարթային հաղորդագրությունների տվյալների պահպանման ժամկետը 90 օր է, բացառությամբ այն դեպքերի, երբ հաղորդագրությունները կապված են հաղորդված միջադեպի հետ, որի դեպքում դրանք կպահվեն 6 ամիս:
7. Պահպանումը
Օգտվողի տվյալները պահպանվում են Bold-ի կողմից միայն այնքան ժամանակ, որքան անհրաժեշտ է վերոնշյալ նպատակների համար: Սա նշանակում է, որ մենք պահպանում ենք տարբեր կատեգորիաների տվյալներ տարբեր ժամանակաշրջաններով՝ կախված տվյալների տեսակից, դրանց առնչվող փոխադրման ծառայությունից և տվյալների հավաքման նպատակներից:
Ձեր անձնական տվյալները կպահվեն այնքան ժամանակ, քանի դեռ ձեր ուղևորային հաշիվն ակտիվ է: Եթե ձեր հաշիվը փակվի, անձնական տվյալները կջնջվեն (ըստ մեր պահպանման ժամանակացույցի և կանոնների), եթե այդ տվյալները չպահանջվեն որևէ իրավական պարտավորություն կատարելու կամ հաշվապահական, վեճերի լուծման կամ խարդախության կանխարգելման նպատակներով:
Ուղևորներին մատուցվող փոխադրման ծառայությունների վերաբերյալ ֆինանսական տվյալները կպահվեն վերջին ուղևորությունից հետո երեք տարի: Հաշվապահական այլ նպատակների համար անհրաժեշտ տվյալները կպահվեն վերջին ուղևորությունից հետո յոթ տարի:
Ենթադրյալ հանցագործության, խարդախ գործունեության կամ կեղծ տեղեկություններ տրամադրելու դեպքում տվյալները կպահվեն մինչև 10 տարի:
Վճարման հետ կապված վեճերի դեպքում տվյալները կպահպանվեն մինչև պահանջը բավարարվի կամ նման պահանջների ժամկետի ավարտը:
Ուղևորության պատմության տվյալները և փոխադրման ծառայություններից օգտվելու տվյալները կպահվեն երեք տարի, որից հետո տվյալները կդարձվեն անանուն:
Խնդրում ենք նկատի ունենալ, որ ձեր սարքում Bolt հավելվածն ապատեղադրելու դեպքում ձեր անձնական տվյալները չեն ջնջվում: Եթե Bolt հավելվածը երեք տարի չի օգտագործվել, մենք կկապվենք ձեզ հետ և կխնդրենք հաստատել՝ արդյոք ցանկանում եք ակտիվ պահել ձեր հաշիվը հետագա օգտագործման համար, թե ոչ: Եթե ողջամիտ ժամկետում պատասխան չստանանք, հաշիվը կփակվի, իսկ անձնական տվյալները կջնջվեն, եթե այդ տվյալները չպահանջվեն սույն գաղտնիության ծանուցման մեջ նշված որևէ նպատակի համար:
8. Անմիջական մարքեթինգ
Ձեր թույլտվությամբ կամ ծրագրակազմի համաձայնության հիման վրա մենք կարող ենք անմիջական մարքեթինգային հաղորդագրություններ ուղարկել ձեր էլ. հասցեին և/կամ հեռախոսահամարին: Մենք կարող ենք անհատականացնել անմիջական մարքեթինգային հաղորդագրությունները՝ օգտագործելով ձեր կողմից Bolt-ի ծառայություններից օգտվելու եղանակի վերաբերյալ տեղեկությունները, օրինակ՝ որքան հաճախ եք օգտագործում Bolt հավելվածը և ձեր փոխադրման նախասիրությունները:
Եթե այլևս չեք ցանկանում ստանալ անմիջական մարքեթինգային հաղորդագրություններ, խնդրում ենք սեղմել «Ապաբաժանորդագրվել» հղումը՝ մեր նամակներից մեկի ներքևի մասում, կամ հրաժարվել Bolt հավելվածի պրոֆիլի բաժնից: Շատ հեշտ է:
9. Որոշումների ավտոմատացված ընդունում
Մենք օգտագործում ենք որոշումների ավտոմատացված ընդունման օգնությունը՝ նախազգուշացումներ տալու և փոխադրման ծառայության կասեցման դեպքում: Որոշումների ավտոմատացված ընդունման օգտագործումը ավելի քիչ է հակված սխալների, ավելի արդյունավետ է և ապահով, քան մեր աշխատակիցների կողմից ընդունված որոշումները: Փոխադրման ծառայությունների օգտագործման վերաբերյալ տվյալները (տվյալներ ուղևորության կարգավիճակի մասին, ներառյալ չեղարկումները և բացակաները և վարորդի կողմից գնահատված ձեր վարքագծի վերաբերյալ տվյալները) հաշվի են առնվում նախազգուշացման կամ կասեցման անհրաժեշտությունը գնահատելիս: Որոշումների ավտոմատացված ընդունման մասին մանրամասն տեղեկություններ կարող եք գտնել այստեղ: Փոխադրման ծառայության կասեցումը ուժի մեջ կմնա 6 ամիս, որից հետո ծառայության հասանելիությունը կվերականգնվի: Դիմելով մեր հավելվածի հաճախորդների աջակցման բաժին՝ դուք միշտ կունենաք որոշումը մարդկային ռեսուրսների կողմից վերանայելու և որոշումը վիճարկելու իրավունք, ձեր տեսակետը արտահայտելու և բացատրություն ստանալու:
10. Վեճերի լուծումը
Անձնական տվյալների մշակման հետ կապված վեճերը նախ և առաջ լուծվում են հաճախորդների աջակցման բաժնի միջոցով՝ (info@bolt.eu): Դուք իրավունք ունեք կապվել Bolt-ի Տվյալների պաշտպանության բաժնի աշխատակցի հետ հետևյալ էլ. հասցեով՝ (privacy@bolt.eu):
Մեր վերահսկիչ մարմինը Էստոնիայի տվյալների պաշտպանության տեսչությունն է՝ (www.aki.ee):
11. Սույն ծանուցման նշանակությունը
Հուսով ենք, որ սույն գաղտնիության ծանուցումը ձեզ համար մատչելի էր:
Տվյալների պաշտպանության օրենքները կարևոր են: Դրանք ամրապնդում են կանոնները և ընդլայնում են ձեր իրավունքները տեղեկությունների հետ կապված: Շատ կանոններ կարող են բարդ թվալ, բայց մեծ մասը հիմնավորված է ողջամտությամբ: Մենք լուրրջ ենք վերաբերվում ձեր տվյալների հետ կապված մեր պարտավորություններին: Bolt-ը շարունակաբար փոփոխություններ կկատարի սույն գաղտնիության ծանուցման մեջ՝ ձեր գաղտնիությունը պաշտպանելու և թափանցիկությունը բարելավելու մեր հանձնառության շրջանակներում:
Մանրամասն տեղեկությունները հասանելի են Ուղևորների համար նախատեսված Դրույթներ և պայմաններում.