Bolt Business-ის წესები და პირობები

წინამდებარე პირობები მოქმედებს Bolt Business-ით სარგებლობის დროს. პირობები ძალაშია და მოქმედებს 2020 წლის 1 თებერვლიდან.

წინამდებარე ხელშეკრულების საგანს წარმოადგენს „სმარტლის“ მიერ კლიენტისათვის ტრანსპორტირების მომსახურების გაწევა, Bolt-ის მიერ შექმნილი პროგრამა “Bolt Business”-ის მეშვეობით, რომლის გამოყენებისა და მოხმარების წესები, ასევე მხარეთა უფლებები და ვალდებულებები რეგულირდება წინამდებარე ხელშეკრულების პირობებისა და წესების შესაბამისად. კლიენტი ადასტურებს, რომ პირი, რომელიც ეთანხმება წინამდებარე წესებსა და პირობებს, უფლებამოსილია და აქვს ყველა შესაბამისი ნებართვა და თანხმობა წინამდებარე ხელშეკრულების გასაფორმებლად.

  1. ძირითადი განმარტებები: 1.1. ბოლტი – Bolt Technology OÜ, კომპანია ბოლტი, ესტონეთის რესპუბლიკის კანონმდებლობის საფუძველზე დაფუძნებული და რეგისტრირებული კერძო შეზღუდული პასუხისმგებლობის საზოგადოება რეგისტრაციის ნომრით: 12417834, რეგისტრირებული ოფისის მისამართი: Vana-Louna tn 39/1, ტალინი, 10134, ესტონეთის რესპუბლიკა, რომლის ოფიციალურ აგენტს საქართველოში წარმოადგენს შპს სმარტლი (ს/კ 402026491).

1.2. კორპორატიული მომსახურება - მგზავრის გადაყვანის მომსახურება ბოლტის აპლიკაციის და ბიზნეს ანგარიშის მეშვეობით.

1.3. მომსახურების საფასური – მგზავრის გადაყვანის სერვისის მომსახურების ღირებულება.

1.4. კორპორატიული კლიენტი – კომპანია, რომელიც იყენებს ბოლტი ბიზნეს ანგარიშს. მგზავრი - პირი, რომელიც ტრანსპორტირების მომსახურებების სარგებლობისთვის იყენებს ბოლტის აპლიკაციას.

1.5. მომხმარებელი - მგზავრი, რომელიც რეგისტრირებულია კლიენტის მიერ ბიზნეს ანგარიშზე და შესაბამისად უფლებამოსილია ისარგებლოს Bolt Business-ით.

1.6. არაავტორიზებული პირი - პირი, რომელიც მიუხედავად ბაზაში რეგისტრაციისა, კომპანიის მხრიდან არ არის უფლებამოსილი მიიღოს კორპორაციული მომსახურება, სამსახურიდან დათხოვნის ან და სხვა მიზეზების გათვალისწინებით.

1.7. ბიზნეს ანგარიში – ვებგვერდი, სადაც კორპორატიულ კლიენტს შეუძლია მართოს მომხმარებელთა მონაცემები, რომლებიც გამოიყენებენ ტრანსპორტირების კორპორატიულ სერვისს და აკონტროლოს თითოეული შეკვეთის დეტალები.

1.8. ბიზნეს-პორტალი - ბმული, რომელიც უზრუნველყოფს Bolt Business-ზე წვდომას ბოლტის ვებგვერდის მეშვეობით: http://business.bolt.eu;

1.9. ადმინისტრატორი - კორპორატიული კლიენტის მიერ ბიზნეს ანგარიშის მართვის (მაგ: მომხმარებლების დარეგისტრირება და ამოშლა, მომხმარებლის შესახებ ინფორმაციის ნახვა და რედაქტირება, მომხმარებლის ჯგუფების და მათი უფლებების მართვა) მიზნით დანიშნული პირი;

1.10. კორპორატიული კლიენტის ანგარიშსწორება – მგზავრის გადაყვანის მომსახურების გადახდა ინვოისის საფუძველზე.

  1. ბიზნეს-ანგარიშის გახსნა და მართვა 2.1. კორპორატიული მომსახურებით სარგებლობისთვის, კლიენტმა უნდა შექმნას ბიზნეს ანგარიში ბიზნეს პორტალზე მოთხოვნილი ინფორმაციის მითითებით.

2.2. ბიზნეს ანგარიშის დადასტურების შემდეგ კლიენდტს შესაძლებლობა აქვს, მგზავრები დაარეგისტრიროს მომხმარებლად და შესაბამისად უფლებამოსილებას ანიჭებს მომხმარებლებს ისარგებლონ კორპორატიული მომსახურებით.

2.3. ბიზნეს ანგარიში საშუალებას აძლევს კორპორატიულ კლიენტს თვალი ადევნოს მისი მომხმარებლების მიერ მომსახურების გამოყენების ისეთ დეტალებს როგორიცაა: მომხმარებელის სახელი და მობილურის ნომერი, მგზავრობის დრო და თარიღი, გამოძახების და დანიშნულების მისამართი, მგზავრობის განვლილი მანძილი და ხანგრძლივობა, ავტომობილის კატეგორია და მგზავრობის საფასური. კორპორატიული კლიენტი ადასტურებს, რომ უფლებამოსილია ქონდეს წვდომა მგზავრობისა და მომხმარებლების დეტალურ მონაცემებზე.

2.4. წარმატებით რეგისტრაციის შემდეგ, ბოლტი კლიენტს ბიზნეს პორტალის მეშვეობით უზრუნველყოფს უნიკალური მომხმარებლის სახელით და პაროლით მის ბიზნეს ანგარიშზე შესასვლელად.
2.5. კლიენტი პასუხისმგებელია დანიშნოს ერთი ან მეტი ადმინისტრატორი, რომელთაც ექნება წვდომა ბიზნეს ანგარიშზე საკუთარი მომხმარებლის სახელით და პაროლით.

2.6. ბიზნეს პორტალი კორპორატიულ კლიენტს შესაძლებლობას აძლევს:

2.6.1. ნახოს მომხმარებლების და მგზავრების არსებული სია.

2.6.2. მოიწვიოს დამატებითი მგზავრები, როგორც მომხმარებლები;

2.6.3. ამოიღოს მგზავრი ბიზნეს ანგარიშის მომხმარებელთა სიიდან მგზავრის დეაქტივაციით;

2.6.4. იხილოს მგზავრობებთან დაკავშირებული დეტალური ინფორმაცია.

2.6.5. გადახედოს და მართოს ანგარიშის ამონაწერები, საჭიროების შემთხვევაში;

2.6.6. ნახოს და ჩამოტვირთოს ინვოისები;

2.6.7. ნახოს არსებული ადმინისტრატორები, დანიშნოს და ამოშალოს ადმინისტრატორები;

2.6.8. შეასრულოს ბიზნეს პორტალის ფუნქციონალით და პროგრამული კომპონენტებით განსაზღვრული სხვა ქმედებები.

2.7. კორპორატიული მომსახურება მიეწოდება ბიზნეს ანგარიშზე კლიენტის მიერ რეგისტრირებულ მომხმარებლებს. კორპორატიული კლიენტი პასუხს აგებს მონაცემთა სისწორეზე.

2.8. მობილური მოწყობილობის დაკარგვის ან/და მოპარვის შემთხვევაში მომხმარებელი ვალდებულია დაუყოვნებლივ აცნობოს კორპორატიულ კლიენტს ამის შესახებ. კორპორატიული კლიენტი ვალდებულია მოახდინოს შესაბამისი ნომრის დეაქტივაცია სისტემიდან.

2.9. კლიენტი პასუხისმგებელია ადმინისტრატორების და მომხმარებლების ყველა ქმედებაზე. კლიენტი ასევე პასუხს აგებს მისი მომხმარებლების მიერ უნებართვო, თაღლითური ან სხვა უკანონო ქმედების დროს წარმოშობილ მგზავრობის ღირებულებებზე, რომელიც უკავშირდება მომხმარებლის მიერ ბოლტ ბიზნესის გამოყენებას. კორპორატიულმა კლიენტმა დაუყოვნებლივ უნდა მოახდინოს არაავტორიზებული ან და არაუფლებამოსილი პირის დეაქტივაცია ბიზნეს ანგარიშიდან.

  1. ანგარიშსწორების პირობები 3.1. ბოლტის აპლიკაცია, რომელიც მომსახურების გამოყენების მიზნით მომხმარებელმა უნდა გადმოწეროს კუთვნილ ტელეფონში, საშუალებას აძლევს მომხმარებელს გამოიძახოს მძღოლი აპლიკაციაში მითითებული კორპორატიული ანგარიშსწორების მეთოდით. ასეთ შემთხვევაში, მომხმარებელის მგზავრობის საფასური ეკისრება კორპორატიულ კლიენტს.

3.2. ანგარიშსწორების სხვა მეთოდის არჩევის შემთხვევაში კორპორატიული თანამშრომელი ვალდებულია მგზავრობის საფასური გადაიხადოს ანგარიშსწორების მეთოდის შესაბამისად.

3.3. თუ მომხმარებელს აღარ აქვს ბოლტ ბიზნესის გამოყენების უფლება, კლიენტის ერთპიროვნულ პასუხისმგებლობას წარმოადგენს ამ პირის მომხმარებელთა სიიდან ამოღება. კლიენტი პასუხისმგებელია ნებისმიერი საფასურის გადახდაზე, რომელიც წარმოშობლია მგზავრის მიერ ბიზნეს ანგარიშის საფუძველზე, მომხმარებელთა სიიდან აღნიშნული მგზავრის ამოღებამდე.

3.4. მგზავრობის საფასურს ითვლის აპლიკაციაში ინტეგრირებული GPS მრიცხველი განვლილი მანძილის და მგზავრობის ხანგრძლივობის ტარიფის საფუძველზე. ტარიფები მოცემულია მობილურ აპლიკაციაში. მომსახურების საფასური არ არის ფიქსირებული და იგი დამოკიდებულია ტარიფზე და არ მოიცავს დღგ-ს.

3.5. კორპორატიული ანგარიშსწორების მეთოდის გამოყენება შეუძლია მხოლოდ იმ მომხმარებელს, რომელიც ფიქსირდება Bolt Business ანგარიშზე კონკრეტული ტელეფონის ნომრით.

3.6. კორპორატიული კლიენტი უფლებამოსილია შეარჩიოს სასურველი ავტომობილის კატეგორია, რომელსაც ბოლტის აპლიკაცია სთავაზობს და შემდეგ მოახდინოს მძღოლის გამოძახება.

  1. ინვოისის გამოწერის პირობები

4.1. ყოველი კალენდარული თვის განმავლობაში კორპორატიული კლიენტისათვის გაწეული მომსახურების ღირებულების შესაბამისი ინვოისი, შეკვეთების რეპორტი და საგადახდო ანგარიშ ფაქტურა, რომელიც მოიცავს მგზავრობის საფასურს + დღგ, სმარტლის მიერ გამოეწერება კორპორატიულ კლიენტს მომდევნო კალენდარული თვის არაუგვიანეს მე-14 (მეთოთხმეტე) დღეს.

4.2. კლიენტი ვალდებულია მოახდინოს მომსახურების საფასურის გადახდა უნაღდო ანგარიშსწორებით, ინვოისის წარდგენიდან არაუგვიანეს 15 (თხუთმეტი) დღის განმავლობაში. ინვოისი და შეკვეთების რეპორტი კორპორატიული კლიენტისთვის ხელმისაწვდომი იქნება ბიზნეს ანგარიშზე.

4.3. ანგარიშსწორების ვადების დარღვევის შემთხვევაში, კორპორატიულ კლიენტს ეკისრება პირგასამტეხლო, საინვოისე ღირებულების 0,25%-ის ოდენობით ყოველ ვადაგადაცილებულ დღეზე.

  1. ხელშეკრულების ვადები და შეწყვეტის პირობები 5.1. ხელშეკრულება ძალაში შედის კლიენტის რეგისტრაციის განაცხადის წარმატებითულად დამუშავების მომენტიდან და მოქმედებს ხელშეკრულების დებულებების შესაბამისად მის შეწყვეტამდე.

5.2. კლიენტი უფლებამოსილია შეწყვიტოს ხელშეკრულება ნებისმიერ დროს და ნებისმიერი მიზეზით ბოლტისთვის სულ მცირე 7 დღით ადრე შეტყობინების მიწოდების საფუძველზე.

5.3. ბოლტი უფლებამოსილია შეწყვიტოს ხელშეკრულება ნებისმიერ დროს და ნებისმიერი მიზეზით კლიენტისთვის სულ მცირე 7 დღით ადრე შეტყობინების მიწოდების საფუძველზე.

5.4. წინამდებარე ხელშეკრულებაში შეტანილი ნებისმიერი ცვლილება ძალაში შედის მას შემდეგ, რაც ბიზნეს პორტალის მეშვეობით კლიენტისთვის ხელმისაწვდომი გახდება ან წერილობით ეცნობება ბიზნეს ანგარიშში მითითებულ საკონტაქტო მონაცემებზე. ამ ფორმით შეტყობინებული ცვლილებების შემდეგ ბიზნეს პორტალით სარგებლობის გამოყენება ჩაითვლება ასეთ ცვლილებებზე კომპანიის თანხმობად. 5.5. ინვოისის 15 (თხუთმეტი) კალენდარული დღის განმავლობაში გადაუხდელობის შემთხვევაში, შპს „სმარტლი“ უფლებამოსილია შეწყვიტოს ხელშეკრულება და არ მიაწოდოს კორპორატიულ კლიენტს მგზავრის გადაყვანის მომსახურება დავალიანების დაფარვამდე.

  1. კონფიდენციალურობა, შესაბამისი კანონმდებლობა და სასამართლო იურისდიქცია 6.1. თითოეული მხარე ვალდებულია აუნაზღაუროს მეორე მხარეს წინამდებარე ხელშეკრულებით გათვალისწინებული ვალდებულებების შეუსრულებლობით ან არაჯეროვანი შესრულების შედეგად გამოწვეული ზიანი.

6.2. მომსახურების მიღების მომენტში ან შემდგომ პერიოდში დეფექტის/ხარვეზის/შეუსაბამისობის აღმოჩენის შემთხვევაში, სმარტლი ვალდებულია საკუთარი ხარჯითა და ძალით კლიენტის მოთხოვნისამებრ დაუყოვნებლივ, მაგრამ არაუგვიანეს 1 (ერთი) სამუშაო დღისა აღმოფხვრას გამოვლენილი დეფექტები და უზრუნველყოს ხარისხიანი მომსახურების მოწოდება.

6.3. მხარეთა შორის წარმოშობილი ნებისმიერი უთანხმოება უნდა მოგვარდეს მოლაპარაკებების საშუალებით, თუ ასეთი მოლაპარაკების შედეგად მხარეები ვერ შეძლებენ სადაო საკითხის მოგვარებას, ნებისმიერ მხარეს დავის გადაწყვეტის მიზნით შეუძლია საკითხი განსახილველად გადასცეს შესაბამისი იურისდიქციის მქონე სასამართლოს, საქართველოს მოქმედი კანონმდებლობის შესაბამისად.

6.4. მხარეები ვალდებული არიან წინამდებარე ხელშეკრულების და „მასთან დაკავშირებული სხვა ხელშეკრულებების“ (ამგვარის არსებობის შემთხვევაში) მოქმედების პერიოდში დაიცვან მეორე მხარისაგან მიღებული ნებისმიერი სახის ინფორმაციის კონფიდენციალურობა.

6.5. მხარეები თანხმდებიან, რომ კონფიდენციალურობასთან დაკავშირებული წინამდებარე მუხლის დებულებები რჩება ძალაში ხელშეკრულების ვადის გასვლის/გაუქმების/შეწყვეტის შემდეგაც, განუსაზღვრელი ვადით.

6.6. კონფიდენციალურობის პირობების დარღვევის შემთხვევაში დამრღვევი მხარე პასუხს აგებს მოქმედი კანონმდებლობის შესაბამისად და ვალდებულია აუნაზღაუროს კეთილსინდისიერ მხარეს მიყენებული ზიანი.

  1. ფორს-მაჟორი: 7.1. თუ ერთ-ერთი მხარის ვალდებულების შესრულება ფერხდება ან შეუძლებელი ხდება დაუძლეველი ძალის გარემოებათა გამო (წყალდიდობა, ომი, საომარი მოქმედებები, სახელმწიფო აქტი და მსოფლიო პრაქტიკით აღირებული სხვა მოვლენები და ფაქტები), მხარეები დროებით, ამგვარი გარემოებების ლიკვიდაციამდე თავისუფლდებიან პასუხისმგებლობისაგან.

7.2. დაუძლეველი ძალის დადგომის ფაქტი წერილობითი ფორმით უნდა ეცნობოს მეორე მხარეს 48 საათის განმავლობაში. შეტყობინებას უნდა დაერთოს ამ გარემოების დადგომის დამადასტურებელი დოკუმენტი.

7.3. თუ დაუძლეველი ძალის გარემოება იმოქმედებს 1 (ერთი) თვეზე მეტი ხნის განმავლობაში, თითოეული მხარე უფლებამოსილი იქნება შეწყვიტოს წინამდებარე ხელშეკრულება.

7.4. ფორსმაჟორული გარემოებების დადგომა დადასტურებული უნდა იყოს სახელმწიფოს შესაბამისი კომპეტენტური ორგანოს მიერ. დადასტურება არ მოითხოვება, თუ ასეთი ფაქტები საყოველთაოდ ცნობილია.

  1. დასკვნითი დებულებები

8.1. მხარეები ვალდებულნი არიან წერილობით აცნობონ ერთმანეთს მათ რეკვიზიტებში განხორციელებული ნებისმიერი არსებითი ცვლილების შესახებ (საბანკო ანგარიში, მისამართი, დღგ-ს რეგისტრაცია ან მისი გაუქმება, საგადასახადო რეჟიმი და ა.შ.) არაუგვიანეს 3 (სამი) კალენდარული დღისა ასეთი ცვლილების განხორციელებიდან.

8.2. სმარტლის უფლება არ აქვს კლიენტის წინასწარი წერილობითი თანხმობის გარეშე მესამე პირს გადასცეს ან გადააბაროს მასზე ხელშეკრულებით ნაკისრი ნებისმიერი ვალდებულება ან მინიჭებული უფლება. წინამდებარე ხელშეკრულების დამატებებს აქვთ იურიდიული ძალა იმ შემთხვევაში თუ ისინი შესრულებულია მხარეთა თანხმობის საფუძველზე წერილობითი ფორმით.

8.3. მხარეები ადასტურებენ, რომ ხელშეკრულებაზე თანხმდებიანნებაყოფლობით და გააზრებული აქვთ ხელშეკრულების ყველა პირობა, შინაარსი და დებულება. მხარეები ასევე ადასტურებენ რომ ისინი უფლებამოსილნი არიან და აქვთ ყველა შესაბამისი ნებართვა და თანხმობა, წინამდებარე ხელშეკრულებაზე დასათანხმებლად.

8.4. ხელშეკრულების მუხლ(ებ)ი, პუნქტ(ებ)ი ან/და ქვეპუნქტ(ებ)ი დანომრილია და დასათაურებულია მხოლოდ მოხერხებულობისათვის და ამ ფაქტს ხელშეკრულების ინტერპრეტაციისათვის მნიშვნელობა არ ენიჭება. მუხლ(ებ)ის, პუნქტ(ებ)ის ან/და ქვეპუნქტ(ებ)ის დასათაურებაში ან დანომვრაში ცდომილების/სხვაობის არსებობის შემთხვევაში, გამოიყენება ამავე მუხლ(ებ)ის, პუნქტ(ებ)ის ან/და ქვეპუნქტ(ებ)ის შესაბამისი შინაარსის მქონე მუხლები (პუნქტ(ებ)ი ან/და ქვეპუნქტ(ებ)ი;

8.5. წინამდებარე ხელშეკრულების რომელიმე მუხლის, პუნქტის ან/და ქვეპუნქტის ბათილობა არ გამოიწვევს მთლიანად ხელშეკრულების ბათილობას. ბათილი დებულების ნაცვლად, გამოიყენება იმგვარი დებულება, რომლითაც უფრო ადვილად მიიღწევა ხელშეკრულებით, მათ შორის ბათილი დებულებით გათვალისწინებული მიზანი.

8.6. წინამდებარე ხელშეკრულების ტექსტში მექანიკური ან/და ტექნიკური შეცდომის ან/და ხარვეზის არსებობის შემთხვევაში, მხარეთა მიერ, აღნიშნული შეცდომა ან/და ხარვეზი განხილული და განმარტებული უნდა იყოს ხელშეკრულების შესაბამისი წინადადების (წინადადებების) ან/და შინაარსიდან გამომდინარე. იმ შემთხვევაში, თუ აღნიშნული შეცდომა/ხარვეზი არ შეესაბამება ხელშეკრულების სათანადო წინადადებას/წინადადებებს ან შინაარს, მას (ხარვეზი/შეცდომა) ხელშეკრულების შინაარსთან (განმარტებასთან) დაკავშირებით, არ ექნება (არ მიენიჭება) რაიმე მნიშვნელობა.

8.7. ყველა პირობა, მხარეთა უფლება-მოვალეობანი და სხვა დებულებები, რაც არ არის გათვალისწინებული წინამდებარე ხელშეკრულებით, რეგულირდება საქართველოს კანონმდებლობით. ყველა დამატებითი შეთანხმება ან სხვა რაიმე საბუთი, რაც მხარეთა მიერ მიღებულ იქნება წინამდებარე ხელშეკრულების მოქმედებასთან ან ხელშეკრულების ტექსტიდან გამომდინარე, ასევე წარმოადგენენ წინამდებარე ხელშეკრულების განუყოფელ ნაწილს.

8.8. წინამდებარე ხელშეკრულება წარმოადგენს მხარეთა შორის ხელშეკრულების საგანთან დაკავშირებით გაფორმებულ მთლიან შეთანხმებას და აუქმებს მხარეთა შორის მანამდე არსებულ ნებისმიერ როგორც ზეპირ ასევე წერილობით კომუნიკაციას, პროექტს, ხელშეკრულებას, განცხადებას, გარანტიას, დებულებას და ვალდებულებას.

მომსახურების გამწევი:

შპს „სმარტლი“

ს.კოდი: 402026491

მისამართი: თბილისი, დიდუბის რაიონი, დიდი დიღომი- გლდანის შემაერთებელ მაგისტრალსა და ბელიაშვილის ქუჩის გადაკვეთაზე., (ნაკვ.4/77); თბილისი, აკაკი ბელიაშვილის ქ., N142

ბანკი: სს "საქართველოს ბანკი"

კოდი: BAGAGE22

ა/ა # GE39BG0000000162246091 დირექტორი: ბესიკ პაპიაშვილი