Bolt Delivery კატეგორიის წესები და პირობები

ამანათის მიტანის ზოგადი წესები და პირობები

აღნიშნული, გენერალური ხელშეკრულება განსაზღვრავს Bolt მიწოდების კატეგორიის გამოყენების წესებსა და პირობებს.

ყველაფერი, რაც არ არის გათვალისწინებული ამანათის მიწოდების ამ ზოგადი პირობებით, რეგულირდება მძღოლების ზოგადი პირობებით მძღოლებისთვის და მგზავრების ზოგადი პირობებით მგზავრებისთვის. ამანათის მიწოდების სერვისთან დაკავშირებული რაიმე სახის წინააღმდეგობის არსებობის შემთხვევაში, გათვალისწინებული იქნება ამანათის მიწოდების ზოგადი წესები და პირობები.

Bolt აპლიკაციის გამოყენებით თითოეული კლიენტი და მძღოლი შესაბამისად ეთანხმებიან ამანათის მიწოდების ამ ზოგად პირობებსა და შინაარსს, ასევე პერსონალური მონაცემების დამუშავებას ამანათის მიწოდების ამ ზოგად პირობებსა და კონფიდენციალურობის დებულებაში მოცემულ პირობებზე.

Bolt-ის მიწოდების სერვისის გამოყენებით, ყოველი მომხმარებელი ეთანხმება აღნიშნულ წესებსა და პირობებს, ასევე პერსონალური მონაცემების დამუშავებისა და კონფიდენციალობის პირობებს.

1. განმარტებები

კლიენტი Ნიშნავს Bolt აპლიკაციის მომხმარებელს, რომელიც ანთავსებს შეკვეთას და შესაბამისად მძღოლთან აფორმებს მიწოდების ხელშეკრულებას.
მიწოდების ხელშეკრულება შეთანხმება კლიენტსა და მძღოლს შორის, ამანათის მიწოდების შესახებ.
ამანათის მიწოდების ადგილი Bolt აპლიკაციაში მითითებული მისამართი, სადაც მომხმარებელს სურს ამანათის მიწოდება.
ამანათის მიტანის ზოგადი პირობები წესები და პირობები, რომელიც გამოიყენება Bolt-სა და მომხმარებელს შორის თანამშრომლობისთვის, ამანათის მიწოდებისათვის, მომხმარებლის მიერ Bolt აპლიკაცით სარგებლობის დროს.
ამანათი ნიშნავს ნივთ (ებ) ს, რომელიც ექვემდებარება მიწოდებას, გარდა გამორიცხული ნივთებისა.
მიმღები პირი (მათ შორის იურიდიული პირის წარმომადგენელი) რომლის იდენტობა და საკონტაქტო ინფორმაცია დაფიქსირებულია პლატფორმაში, შეკვეთის დროს, კლიენტის მიერ, როგორც ამანათის მიმღები და იმყოფება შეკვეთის დანიშნულების ადგილას.
მომხმარებელი ნიშნავს ან კლიენტს, ან კურიერს იმის მიხედვით თუ როგორ მოითხოვს ამას კონტექსტი.

2. ᲡᲐᲛᲐᲠᲗᲚᲔᲑᲠᲘᲕᲘ ფორმა

2.1. Bolt აპლიკაცია საშუალებას აძლევს კლიენტს შეუკვეთოს ამანათის (ამანათების) მიწოდება მიმღების ლოკაციაზე Bolt აპლიკაციაში "Delivery" კატეგორიის არჩევით. "Delivery" კატეგორიაში ხელმისაწვდომია როგორც აპლიკაციით გადახდა, ასევე ნაღდი ანგარიშსწორებით. Მძღოლი პასუხისმგებელია ამანათის კარიდან კარამდე მიტანაზე.

2.2. ამანათის მიწოდებისათვის, კლიენტი დებს მიწოდების ხელშეკრულებას პირდაპირ მძღოლთან. მიწოდების ხელშეკრულება გაფორმებულად ითვლება იმ მომენტიდან, როდესაც ამანათის მიწოდების ბრძანება მძღოლმა დაადასტურა Bolt-ის აპლიკაცით. მძღოლებს, რომლებსაც არ სურთ გამოიყენონ Bolt აპლიკაცია ამანათის მიწოდებისთვის, შეუძლიათ უარი თქვან ამგვარ მიწოდებაზე და გათიშონ “Delivery” კატეგორია Bolt პლიკაციიდან.

2.3. Bolt მოქმედებს მხოლოდ როგორც ინფორმაციული მომსახურების მიმწოდებელი და არ არის მიწოდების სერვისის ხელშეკრულებაში შემავალი პირი. ბოლტი არ არის ამანათის გადატანის სერვისის მიმწოდებელი, ამანათში შემავალი საქონლის მწარმოებელი, ან გამყიდველი. ბოლტი არავითარ შემთხვევაში არ არის პასუხისმგებელი აღნიშნულ საქონელზე, მის ფუნქციონირებაზე ან გაყიდვაზე. ბოლტი არ ახორციელებს ზედამხედველობას მძღოლის მიერ ამანათის მიწოდების მანერაზე.

2.4. Bolt-ის აპლიკაციაში ვერ განთავსდება ისეთი შეკვეთები, რომლებიც მოიცავენ აკრძალული ნივთების გადატანას. აკრძალული ნივთების სიას მიეკუთვნება :

2.4.1. საქონელი რომელიც სცდება ბოლტის მიერ მითითებულ ზომის (65 x 55 x 40 ) და წონის (20 კგ) ლიმიტებს.

2.4.2. ცხოველები, ადამიანები და სხვა ცოცხალი ან მკვდარი არსებები, მათ შორის მათი ნაწილები. სითხეები ან ნივთიერებები რომელსაც გამოყოფენ ცხოველები, ადამიანები ან სხვა არსებები.

2.4.3. ცეცხლსასროლი იარაღი და მათი ნაწილები, საბრძოლო აღჭურვილობა ,საბრძოლო იარაღი და სხვა ნივთები განსაკუთრებით რომელიც განკუთვნილია თავდასხმისათვის და დაცვისათვის (მაგ: კასტეტები, დანა, ხმალი და ა.შ.);

2.4.4. აალებადი ნივთიერებები, საწვავი, ფეთქებადი, რადიოაქტიური ან სხვა იონური ნივთიერებები, სამხედრო აღჭურვილობა, ინფექციური ან კოროზიული მასალები რომლებიც თავისი ბუნებით შესაძლოა ქმნიდნენ საფრთხეს გარემოსათვის.

2.4.6. ნარკოტიკები და სხვა ფსიქოტროპული ნივთიერებები რომლებიც სპეციალურად კონტროლდება კანონმდებლობით.

2.4.7. სხვა ნივთები რომლებიც არ არიან დაშვებულნი, კანონის მიხედვით, მისაწოდებლად, ტრანსპორტირებისათვის ან საგნები რომელთა ტრანსპორტირება/ მიწოდება არ არის შესაძლებელი დამატებითი ლიცენზიების, ნებართვების, დადასტურებების გარეშე, ან მოიცავს საქონელს რომელის მიწოდებაც არ არის ნებადართული კლიენტის ან მიმღების ადგილზე ყოფნის გარეშე (მაგ: მედიკამენტი რომელიც მოითხოვს სამედიცინო რეცეპტს)

2.6. კლიენტი უნდა დარწმუნდეს, რომ ამანათი არის შესაფერის მდგომარეობაში მიწოდებისათვის (სუფთა, შესაფერისი მანქანაში განსათავსებლად) და რომ ამანათი არ დაზიანდება და / ან მისი მდგომარეობა არ შეიცვლება, სანამ იგი არ გადაეცემა მიმღებს.

2.7. მძღოლმა შეიძლება გააუქმოს ამანათის მიწოდება, თუ მძღოლი ამანათის აღების დროს აღმოაჩენს, ან აქვს საფუძველი იფიქროს, რომ ამანათი მიეკუთვნება აკრძალული ნივთების სიას, ან არ შეესაბამება 2.6 პუნქტს. ასეთ შემთხვევებში, კლიენტს ერიცხება გაუქმების საფასური.

2.8. მომხმარებელი ვალდებულია აუნაზღაუროს და აარიდოს ბოლტი და მისი აგენტი საქართველოში ყველა დანაკარგს და ზიანს (მათ შორის იურიდიული ხარჯები), რომელსაც შესაძლოა წააწყდეს ბოლტი და მისი წარმომაგენელი მესამე მხარესთან ურთიერთობისას ხელშეკრულებით განსაზღვრული წესებისა და პირობების დარღვევის გამო.

2.9. მძღოლი პასუხისმგებელია მხოლოდ მიწოდების ხელშეკრულების შესრულებაზე და მიწოდების ხელშეკრულების საფუძველზე წარმოდგენილ ნებისმიერ პრეტენზიებზე. Bolt პასუხს არ აგებს მიწოდების ხელშეკრულების შესრულების შეუსრულებლობის ან შეუსაბამობის გამო და მას პასუხისმგებლობა არ ეკისრება მიწოდების ხელშეკრულების შესრულების დროს საგზაო მოძრაობის დარღვევების ან უბედური შემთხვევების გამო.

2.10. თუ კლიენტი შეიტანს საჩივარს მიწოდების ხელშეკრულების დარღვევასთან დაკავშირებით, მძღოლი გაათავისუფლებს Bolt-ს ნებისმიერი პასუხისმგებლობისგან.

2.11. მძღოლის პასუხისმგებლობა მატერიალური ზარალის ან თანმდევი დანაკლისის, მიყენებული ზარალის, როგორიცაა ზარალი, ქურდობა, მატერიალური ზიანი, ამანათის განადგურება, უნდა აღემატებოდეს (i) დაზიანებული საგნების თავდაპირველ ღირებულებას; ან (ii) მათი შეკეთების ან რეკონსტრუქციის ოდენობას. ორივე შემთხვევაში 200 ევროს ექვივალენტის ლიმიტამდე.

2.12. პლატფორმის მიწოდება ხდება “როგორც არის” და “როცა ხელმისაწვდომიას” პრინციპით. Bolt არ იძლევა გარანტიას, რომ წვდომა ბოლტის პლატფორმასთან იქნება შეუფერხებელი და ხარვეზებისგან დაცული. Bolt პასუხს არ აგებს ნებისმიერი ზარალის ან დაზიანებისათვის, რომელიც შეიძლება განიცადოს კლიენტმა ან მომხმარებელმა Delivery კატეგორიით სარგებლობის შედეგად, თუ კანონით სხვა რამ არ არის დადგენილი. Bolt-ის ფინანსური პასუხისმგებლობა ამ უკანასკნელთან დაკავშირებით შემოიფარგლება 500 ევროთი.

3. ამანათის მიწოდების შეკვეთის განთავსება Bolt აპლიკაციით

3.1. კლიენტმა უნდა შეუკვეთოს მძღოლის მიერ ამანათის (ამანათების) მიწოდება მიმღებისათვის მიწოდების ადგილას. კლიენტი და მძღოლი თანხმდებიან მიწოდების ხელშეკრულებას მძღოლის მიერ შეკვეთის დადასტურებისთანავე.

3.2. კლიენტი ვალდებულია ჰქონდეს თანხმობა ადრესატისგან ან სხვა მიმღები საკონტაქტო პირისგან, რომ შეკვეთის განთავსებისას მიუთითოს ადრესატის მისამართი და ტელეფონის ნომერი ან/და სხვა საჭირო ინფორმაცია რომელსაც გამოიყენებს კურიერი ადრესატთან დასაკავშირებლად საჭიროების შემთხვევაში.

3.3. მძღოლი ვალდებულია მიიტანოს ამანათი, კლიენტის მიერ, პლატფორმაზე მითითებული, შეკვეთის დანიშნულების ადგილას.

3.4. ადრესატი უნდა იმყოფებოდეს დანიშნულების ადგილას არაუგვიანეს პლატფორმაზე დაფიქსირებულ შეკვეთის დასრულების დროისა. Კლიენტი მიმღებს აწვდის ინფორმაციას ამანათის მიწოდების სავარაუდო დროის შესახებ. კლიენტი ხელმისაწვდომი უნდა იყოს სატელეფონო ზარების მისაღებად Bolt აპლიკაციით შეკვეთის განთავსების მომენტიდან ამანათის ჩაბარებამდე. იმ შემთხვევაში, თუკი კლიენტი და / ან მიმღები ვერ მიიღებენ ამანათს 3.5 პუნქტის შესაბამისად, მძღოლი დაუკავშირდება ბოლტის კლიენტთა მომსახურებას, რათა ნება დართოს ბოლტს გააუქმოს შეკვეთა და სრულად დააკისროს ვალდებულება კლიენტს, ამანათის მიწოდებისთვის, ასევე მიიღოს დამატებითი რჩევა ამანათთან დაკავშირებით. თუ მძღოლს დაევალა დააბრუნოს ამანათი კლიენტთან, მძღოლმა უნდა დაუბრუნოს ამანათი კლიენტს და ამ დაბრუნების შემთხვევაში კლიენტს დაეკისრება ვალდებულება ამანათის დაბრუნებისთვის. ამანათის მიმღებისთვის გადაცემის შემდეგ, მძღოლი Bolt აპში მონიშნავს მიწოდებას როგორც "დასრულებული".

3.5. Bolt-მა, მძღოლის სახელით, შეიძლება გააუქმოს მიწოდება და სრულად დააკისროს გაუქმების საფასურის ვალდებულება კლიენტს შემდეგ შემთხვევებში:

3.5.1. მიმღები მიუწვდომელია ამანათის მიწოდების ადგილას, მძღოლის მოსვლიდან 10 წუთის განმავლობაში.

3.5.2. კლიენტმა ვერ უზრუნველჰყო მიმღების ტელეფონის ნომერი, ან კლიენტის მიერ მოწოდებული მიმღების ტელეფონის ნომერი იყო მიუწვდომელი, მძღოლის მიწოდების ადგილზე მისვლიდან 10 წუთის განმავლობაში.

3.6. მიწოდების დრო, რომელიც დაფიქსირდება Bolt-ის აპლიკაციაში, არ წარმოადგენს გარანტიას, რომ ამანათის მიწოდება მოხდება მითითებულ დროში. Კლიენტი აცნობიერებს, რომ მიწოდების დროზე შეიძლება გავლენა მოახდინოს ობიექტურმა ფაქტორებმა, როგორიცაა საცობები, პიკის საათები და ამინდის პირობები..

3.7. მძღოლს ეკრძალება შეფუთვაზე ნებისმიერი რამის დამატება, ან ამოღება და ვალდებულია ამანათი მიაწოდოს მიმღებს ისეთი ფორმით, როგორიც გადასცა მას კლიენტმა. მძღოლს არ აქვს უფლება შეცვალოს, დაამატოს, მოაკლოს ან რაიმე სახით მოახდინოს პაკეტის დაზიანება, განადგურება, მოპარვა ან დაკარგვა. Მძღოლი პასუხისმგებელია მართოს ავტომობილი ამანათის ტრანსპორტირებისას.

4. გაუქმება და აპლიკაციის გამოყენების შეჩერება

4.1. ბოლტს აქვს უფლება დაუყოვნებლივ წაშალოს(დაბლოკოს) მომხმარებელი პლატფორმიდან ან/და გააუქმოს შეკვეთა, თუ ეს აზიანებს ან საფრთხეს უქმნის პლატფორმას და ბოლტს აქვს გონივრული ეჭვი მომხმარებლის მხრიდან სერვისის არაკეთილსინდისიერი გამოყენების შესახებ. ან თუ მომხმარებელი სათანადოდ ვერ შეასრულებს ზოგადი პირობებით განსაზღვრულ ვალდებულებებს (მაგალითად, თუ რამდენჯერმე არ აღმოჩნდება ადრესატი დანიშნულების ადგილას)

4.2. მომხმარებელს არ აქვს უფლება ბოლტის პლატფორმა გამოიყენოს უკანონო მიზნებისთვის მათ შორის ფულის გათეთრებისთვის. თუ მომხმარებელი არღვევს ამ მუხლს, ბოლტს უფლება აქვს შეუწყვიტოს მომხმარებელს პლატფორმით სარგებლობა.