“Dine” markalı restoranlar şəbəkəsinə daxil olan Dineburger Azərbaycanda ləzzətli və keyfiyyətli yeməkləri ilə tanınan məşhur burger restoranıdır.
Restoran daha geniş müştəri kütləsini cəlb etmək və satışları artırmaq üçün Bolt Food ilə əməkdaşlıq etdi.
Bolt Food ilə əməkdaşlıq Dineburger-in satışlarını əhəmiyyətli dərəcədə artırdı, beləki, restoranın əksər filialları gəlirlərinin 50%-dən çoxunu tətbiqdə verilən sifarişlərdən əldə edir.
Bolt Food sayəsində Dineburger-in müştəri bazası beş dəfə artdı, bir çox yeni müştəri restoranı tətbiq vasitəsilə kəşf etdi.

Ət yeməkləri Azərbaycan mətbəxində xüsusi yer tutur. Ölkədə müxtəlif ləzzətli ət yeməkləri təklif edən bir çox restoran tapa bilərsiniz.

Belə restoranlardan biri də 2020-ci ildə açılmış Dinehall-dır.

Dinehall ləzzətli kababları, steykləri və digər ət yeməkləri ilə tez bir zamanda yerli sakinlər arasında məşhurlaşdı. Bununla belə, müştərilərin xüsusilə çox tərcih etdiyi bir yemək var idi – restoranın imza yeməyi olan burger.

Dinehall müştərilərinin fastfud yeməklərinə olan meylini nəzərə aldı və ayrıca Dineburger adlı burger restoranı açmağa qərar verdi.

Bu qərar özünü doğrultdu, çünki Dineburger-in hazırda Azərbaycanın paytaxtı Bakıda 4 restoranı var. Və bu uğurun əsasında duran ən mühüm amil keyfiyyətdir.

“Burgerlərimiz yalnız ən təzə, yüksək keyfiyyətli ətlərdən, evdə hazırlanmış çörəklərdən və diqqətlə seçilmiş inqrediyentlərdən hazırlanır. Buna görə də müştərilərimiz Dineburger-i “restoran keyfiyyətli fastfud” kimi təsvir edirlər. Bu ifadə o qədər məşhurlaşıb ki, biz ondan marketinq kampaniyalarında şüar kimi istifadə edirik”.

Ruslan Əliyev, Dineburger restoranın baş direktoru

Bu gün Dineburger çoxsaylı franşiza təklifləri alır və tam miqyaslı genişlənməyə tam hazırdır.

Bu nümunə araşdırmasında Dineburger-in baş direktoru Ruslan Əliyev Bolt Food-un Dineburger-in böyüməsindəki önəmli rolunu və nəyə görə gələcək məqsədlərinə çatmaq üçün platformaya etibar etməyə davam etdiklərini bölüşür.

Niyə Bolt Food?

Əvvəllər Dineburger rəhbərliyi müstəsna yemək təcrübəsinin və yüksək səviyyəli xidmət təklifinin biznesin inkişafı üçün yetərli olduğuna inanırdı.

Yenə də keyfiyyət və xidmətin vacib olmasına baxmayaraq, bugünkü rəqabətcil restoran sənayesi bundan daha artığını tələb edir.

Fəaliyyətə başladıqdan qısa müddət sonra isə onlar gözlədikləri uğura nail olmadıqlarını gördülər.

“Biz çətin post-pandemiya mənzərəsi və brendin tanınmaması problemi ilə üzləşdik”.

Xoşbəxtlikdən, restoranın onlayn kanallarda təcrübəsi olan marketinq partnyoru Dineburger-ə müştəri bazasını və satışları artırmaq üçün Bolt Food ilə əməkdaşlıq etməyi tövsiyə etdi.

Ruslanın dediyinə görə, bu, ağıllı addım olub.

“Bolt Food bizim üçün yeni imkanlar açdı”.

Bolt Food-un Təsiri

Dineburger Bolt Food-a qoşulduqdan sonra bütün restoranlarda satışlar əhəmiyyətli dərəcədə artırdı.

“Restoranlarımız gəlirlərinin ən azı 50%-ni tətbiqdə verilən sifarişlərdən əldə edir. Restoranlarımızın əksəriyyətində Bolt Food sifarişləri oflayn sifarişləri üstələyir”.

Satış nəticələrindən təsirlənən Dineburger bu tərəfdaşlığı gücləndirmək qərarına gəldi.

Bolt Food-un əsas məqsədlərindən biri müxtəlif marketinq təşəbbüsləri üzərində əməkdaşlıq edərək və sosial kanallarımız vasitəsilə tərəfdaşlarımızı tanıtmaqla tərəfdaş restoranlarımıza satışlarını artırmağa kömək etməkdir.

Bu rəqəmsal kampaniyalar və Bolt Food platformasında mövcudluq restoranın müştəri bazasını əhəmiyyətli dərəcədə artırdı.

“Bolt Food sayəsində müştəri bazamız 5 dəfə artdı. Bir çox müştərimiz yeməklərimizi Bolt Food vasitəsilə kəşf edib”.

Ölç, təhlil et, hərəkətə keç

Dineburger performans analitikasına daxil olmaq, kampaniyalar başlatmaq, təkliflərin mövcudluğunu tənzimləmək və menyuları yeniləməklə performansı izləmək və təkmilləşdirmək üçün Bolt Food-un Tərəfdaş Portalından istifadə edir.

“Portaldan əldə etdiyimiz məlumatlar əvəzsizdir – onlar bizə təkmilləşdirə biləcəyimiz sahələri müəyyənləşdirməyə və əsaslandırılmış qərarlar qəbul etməyə kömək edir. Bu proses bizim əsas prinsipimizə uyğundur: ölç, təhlil et və hərəkətə keç”.

Tərəfdaş portalı ilə Dineburger aşağıdakıları ölçə bilər:

Restoranda ilk sifarişini verən yeni istifadəçilərin sayını.
Endirimsiz xərclənən orta məbləği.
ƏDV daxil olmaqla və çatdırılma haqqı istisna olmaqla bütün sifarişlərin ümumi dəyərini.
Tətbiqdə restoran profilinə baxdıqdan sonra sifariş verən müştərilərin faizini.

Bununla belə, məsələ yalnız ölçmələrdə deyil, faydalı məlumatlara əsasən tədbirlər görməkdədir.

Əldə olunan nəticələrə əsasən, Dineburger satışları daha da artırmaq üçün Bolt Food-un tanıtım alətləri vasitəsilə menyu və ya çatdırılmada endirimlər təklif edir.

Qlobal orta hesabla, Tərəfdaş Portalındakı tanıtım alətlərindən istifadə edən restoranlar satışlarda 30-100% artım müşahidə edirlər.

Müştərilərlə iş üzrə mütəxəssislərimiz həmçinin investisiyaların effektivliyini təmin etmək üçün tanıtım kampaniyaları ilə bağlı hərtərəfli tövsiyələr verirlər.

“Tərəfdaşımız olaraq Bolt Food bizi gözlədiyimizdən də çox dəstəkləyir. O, biznesimizi inkişaf etdirməyə kömək etmək üçün dəyərli məsləhətlər təqdim edir”.

İnkişafa davam

Dineburger cari inkişafını sadəcə bir başlanğıc kimi görür və Bolt Food-un onlara daha böyük uğurlara nail olmaqda kömək edə biləcəyinə inanır.

“Bolt Food platforması restoranımızı hələ kəşf etməmiş müştəriləri cəlb etmək üçün əla yoldur. Tətbiq hər versiya yeniləməsi ilə daha da yaxşılaşır”.

Əgər siz də restoran sahibisinizsə, Dineburger-dən nümunə götürün. Daha çox müştəri cəlb etmək və satışları artırmaq üçün elə bu gün Bolt Food-a qoşulun!