Koronavirus hadisələri bütün dünyada yayılmağa davam etdikcə, bir şirkət olaraq virusun yayılmasını minimuma endirmək üçün gördüyümüz tədbirləri, habelə hamımızın ata biləcəyi addımları və ən çox hansı məqamlara diqqət yetirməli olduğunuzu sizə bildirmək istərdik.

Boltun xidmətlərinə təsir edirmi?

Boltda gəzinti və yemək çatdırılması xidmətləri normal rejimdə işləyir. Ehtiyac yaranan təqdirdə yerli səhiyyə orqanları ilə də işləməyə hazırıq.

Bolt Isolated gediş növü

Bu günə qədər dünyanın 15-dən çox şəhərində Protect/Isolated gediş növlərini işə saldıq. Bütün Isolated tipli Bolt avtomobillərində hava axını məhdudlaşdırmaq üçün ön və arxa oturacaqlar arasında qoruyucu plastik arakəsmə quraşdırılmışdır. Sürücülərdən də gün boyu pəncərələri açıq saxlayaraq avtomobillərini havalandırması tələb olunur.

Bütün sərnişinlərimizi imkan daxilində Isolated gediş növünü seçməyə dəvət edirik. Bu seçimin hazırda mövcud olmadığı şəhərlərdə isə arxa oturacaqda oturmağı, tətbiqetmədaxili ödəniş üsulunu seçmələrini, maska taxmağı, gedişdən əvvəl və sonra əllərini təmiz yumalarını xahiş edirik.

Əlavə olaraq Ümumdünya Səhiyyə Təşkilatının (ÜST) ən son tövsiyələrini xatırladaq:

1. Əgər naxoş hiss edirsinizsə, evdə qalın;
2. Əllərinizi müntəzəm olaraq sabunla təmiz yuyun;
3. Öskürərkən və asqırarkən ağzınızı və burnunuzu örtün.
4. Burun-boğaz xəstəliyi olan kəslərlə təmasdan çəkinin.

Bu, hər birimiz üçün vacib qaydalardır, zəhmət olmasa virusun yayılmaması üçün əlinizdən gələni etdiyinizə əmin olun.

Bolt ofislərində vəziyyət necədir?

Bütün işçilərdən imkan olduğu təqdirdə evdən işləmələrini xahiş etməyi qərara aldıq.

Həm istifadəçilərimizin, həm də öz əməkdaşlarımızın mümkün qədər etibarlı olmasını təmin etmək üçün milli Səhiyyə Nazirliklərinin, eləcə də Ümumdünya Səhiyyə Təşkilatının son tövsiyələrini izləməyə davam edəcəyik.

Xüsusi sual və cavablar

Daha ətraflı məlumat üçün aşağıda göstərilən sual-cavabları yoxlayın. Əlavə suallarınız varsa, zəhmət olmasa Müştəri Xidmətləri heyəti ilə əlaqə yaradın.

Əgər sürücümün xəstə olduğunu hiss etsəm nə etməliyəm? Ondan gedişi bitirməsini tələb edə bilərəmmi?

Sürücünüzlə birlikdə avtomobildə olmağın sağlamlığınıza zərər verə biləcəyini düşünürsünüzsə, vəziyyəti nəzakətlə onlara izah etmək və gedişi başa çatdırmaq hüququnuz var.

Əgər sərnişinin xəstə olduğunu hiss etsəm nə etməliyəm? Gedişi sonlandırıb onu avtomobildən endirə bilərəmmi?

Sərnişinlə birlikdə avtomobildə olmağın sağlamlığınıza zərər verə biləcəyini düşünürsünüzsə, vəziyyəti nəzakətlə onlara izah edərək gedişi sonlandırmaq hüququnuz var.

Bolt sürücülərə hər hansı bir ehtiyat tədbiri (əl təmizləyici, üz maskaları) verirmi?

Bəzi ölkələrdə sürücülərimizə əl təmizləyici vasitələr təqdim edirik.

Bolt koronavirusdan təsirlənən sürücülərə kompensasiya və ya hər hansı bir təzminat təklif edirmi?

Bəzi sürücülərin müəyyən müddət avtomobil idarə edə bilmədikləri üçün üzləşdikləri vəziyyəti başa düşürük. Bununla birlikdə Bolt sürücüləri platformamızdan istifadə edən müstəqil şəxslərdir buna görə xəstə olan zaman onlar üçün müddəalar təklif edə bilmərik.

Koronavirus haqqında aktual məlumatları haradan əldə edə bilərəm?

Koronavirus (COVID-19) pandemiyası ilə bağlı ən yaxşı məlumat mənbəyi Ümumdünya Səhiyyə Təşkilatıdır. Veb saytın İctimaiyyət Üçün Məsləhətlər bölməsi ən yeni məsləhətlər və son məlumatları təqdim edir.

Daha çox yerli məlumat əldə etmək üçün sizi ölkənizin Səhiyyə İdarəsi tərəfindən verilən təlimatlara əməl etməyə dəvət edirik.