Bolt sürücü və sərnişinlərinin təhlükəsizliyi və sağlamlığı bizim üçün vacib amillərdən birincisidir. Koronavirus (COVİD-19) xəstələyinin geniş yayılmasının qarşısının alınması məqsədi ilə müvafiq tədbirlər davam etdirilir.

Hər kəsə xatırladırıq ki, evdə qalın, lazımsız səfərlərdən çəkinin və ehtiyac olduqda, Bolt sifarişi zamanı arxa oturacaqda əyləşin.

Avtomobilin arxa oturacağında bir nəfərin əyləşməsi, şübhəsiz ki, yan-yana oturmaqdan daha etibarlıdır, lakin daha da təhlükəsiz olmaq üçün atıla biləcək addımlar var.

Sürücülər üçün ucuz, həm də dözümlü materiallardan istifadə edərək maşınlarına necə bir qoruyucu sədd qura bildiklərini izah edən bələdçi hazırladıq.

Sədləri özünüz necə hazırlaya bilərsiniz:

Lazım olanlar:

• Möhkəm plastik mələfə (~0.2mm qalınlıqda və 20x40sm ölçüdə)
• Ön oturacağın ətrafını sarmaq üçün kifayət qədər uzun iki ədəd bərkidici bant;
• Möhkəm və yaxşı yapışan lent;
• Çərçivə düzəltmək üçün 2-3 ədəd taxta— avtomobilin salonuna uyğun ölçülərdə olmalıdır (aşağıdakı şəklə nəzər salın)

Necə etməli:

1. T formalı çərçivə düzəldin, T-nin üst hissəsi tavana söykənəcəyi üçün iki qat plastikə bükülmüşdür.
   
2. Çərçivəni plastik mələfə ilə birlikdə avtomobilinizə yerləşdirin.
   
3. Kənarlarını qapı və pəncərələrə mane olmayacaq formada düzəldin.
4. Bantları keçirmək üçün kiçik deşiklər açın və bantları oturacağa sıxıb yapışdırın.
5. Lazımsız hissələri kəsin. Qoruyucu arakəsmənin möhkəm oturduğundan əmin olun. Plastiyin alt kənarı, ön oturacaqların arasında sabit və avtomobilin ön paneli ilə üzbəüz olmalıdır.

Bu isə arakəsmənin son görüntüsü:

Bu sizi qoruyacaq, lakin bundan əlavə tədbirlər də alınmalıdır. Havalandırmanı (ventilyator) ən aşağı tempdə saxlayın və ya heç qoşmayın. Avtomobilin pəncərələrini yarı örtülü saxlayın. Hər gedişdən sonra arxa qapılar 15 dəqiqəyə qədər açıq saxlayın və salonu havalandırın.

Özümüz düzəltdiyimiz qoruyucu arakəsmə həqiqətən kömək edirmi?

Bu mövzuda xüsusi bir elmi araşdırma apara bilmədiyimiz üçün, 100 müxtəlif avtomobil üzərində test etdik. Belə ki, plastik sərhədlər qoyulmuş və qoyulmamış, müxtəlif sürət səviyyəsində(0, 30, 50, və 90 km/h), müxtəlif havalandırma (ventilyator) səviyyəsində (0, 2, 4) və açıq/bağlı pəncərələrlə (bütün pəncərələr bağlı, ön pəncərələr 5-10mm açıq, arxa 5-10mm açıq, bütün  pəncərələr 5-10mm açıq) avtomobillərin salonuna qliserin tüstüsü yaydıq. (həm öndən, həm də arxadan).

Öz düzəltdiyimiz arakəsmələr həqiqətən uğurlu alındı. Sürətimizdən asılı olmayaraq, plastik arakəsmənin o biri tərəfindəki qliserin tüstüsünü nə gördük, nə də qoxusunu ala bildik.

Virusun yayıla biləcəyi üç istiqamət var:

• sürücüdən sərnişinə,
• sərnişindən sürücüyə,
• sərnişindən sərnişinə.

Baxmayaraq ki, bu öz düzəltdiyimiz plastik arakəsmə heç kəsi virusdan 100% qorumur, yuxarıda qeyd etdiyimiz havalandırmanı düzgün tənzimləmək (ventilyator) təhlükəsizlik səviyyəsini artırır.

Sərnişindən sərnişinə yayılması arxa oturacaqları 15 dəqiqə havalandırmaqla və hər gedişdən sonra qapı tutacaqları və təhlükəsizlik kəmərlərini dezinfeksiya etməklə minimuma endirilə bilər.

Əlbəttə bilirik ki, qliserin tüstüsü öskürək, danışıq və asqırmaq ilə havaya keçən insan tüpürcəyi ilə dəqiq müqayisə olunmur, amma bu, sürətli sınaq üçün tapa biləcəyimiz ən yaxın üsul idi.

Bunun koronavirusun yayılması riskini tamamilə aradan qaldıracağına dair heç bir zəmanət yoxdur, amma hər kəsə virusun yayılmasının qarşısını almaq üçün mümkün qədər çox iş görməyi tövsiyə edirik. Bu vəziyyətdən nə qədər tez çıxsaq, hər kəs normal gündəlik həyatına davam edə bilər.

Hamımız birlikdə kömək edək!

Təhlükəsiz qalın!

Bilirik ki, indiki karantin vəziyyətində də bəzi insanlar şəhərdə hərəkət etməlidirlər. Biz də öz növbəmizdə hər kəsin təhlükəsiz və sağlam qalması üçün əlimizdən gələni etməliyik.

 Səhiyyə Nazirliyinin qərar və təlimatlarını oxuyun və təhlükəsiz qalın!