Bolt və davamlılıq

Bolt-un avtomobillər üçün deyil, insanlar üçün şəhərlər yaratmaq missiyası bizim davamlılıq öhdəliyimizin önəmli bir hissəsidir. Buna nail olmaq üçün biz aşağıdakı əsas ideyaları birləşdirən vahid bir yanaşma tətbiq edirik:

Ekoloji təmiz xidmətlər

Əsas məqsəd 2040-cı ilə qədər istixana qazı (İQ) emissiyalarını karbon xalis sıfıra endirməkdir. Biz şirkət daxilindəki bütün proseslərin ümumi karbon izini izləyir və bu məlumatlar əsasında davamlılıq strategiyamızı tənzimləyirik.

Sosial təsir

Biz tərəfdaşlarımızın iqtisadi rifahına töhfə verən hər cür təşəbbüsləri dəstəkləyirik. Bütün dünyada müştərilərimizin, əməkdaşlarımızın və tərəfdaşlarımızın rifahı bizim üçün birinci yerdədir.

Nəzarət və risklərin idarə edilməsi

Proaktiv təhlil və mümkün risklərlə strateji iş uzunmüddətli perspektivdə davamlı inkişaf proqramının uğurla həyata keçirilməsinin təminatıdır.

Ortaq nəqliyyat karbon neytrallığına aparır

Ortaq nəqliyyat xidmətləri böyük şəhərin ritmini dəyişir: emissiyalar və ümumi çirklənmə azalır və daha az park yeri tələb olunur.

Bolt-un uzunmüddətli ekoloji strategiyası 2040-cı ilə qədər karbon neytral olmağı hədəfləyir.

Bolt-un ətraf mühit strategiyası

2023-cü ildə biz 2040-cı ilə qədər karbon neytrallığına nail olmaq öhdəliyi götürmüşük. Strategiyamız aşağıdakı məqsədlərə əsaslanır:

2040-cı ilə qədər xalis sıfır karbon emissiyası.
2025-ci ilə qədər Bolt-un ofislərində, anbarlarında, doldurma məntəqələrində və Bolt Market binalarında 100% bərpa olunan elektrik enerjisi istifadəsi.
2030-cu ilə qədər sənaye tullantılarının 90%-ni qapalı tullantısız dövrəyə yönəltmək.
*İllik istixana qazı emissiyaları South Pole təşkilatı tərəfindən izlənilir.

Biz elmi dəlillərə əsaslanırıq

Bolt-un xalis sıfır və yaxın müddətli hədəfləri Elm Əsaslı Hədəflər Təşəbbüsü (SBTi) tərəfindən təsdiqlənir. Bolt SBTi-yə sıfır emissiyalı platforma olmaq üçün səylərimizdə hesabatlılığı və ciddiliyi təmin etmək üçün qoşuldu. SBTi ↗ şirkətlər və maliyyə institutları üçün istixana qazı (İQ) emissiyasının azaldılması hədəflərini təsdiq edən, onların iqlim elminə və Paris Sazişinin məqsədlərinə uyğunluğunu təmin edən qlobal korporativ iqlim fəaliyyəti təşkilatıdır.

Ekoloji cəhətdən təmiz nəqliyyat vasitələrimiz üçün avtomobil parkını genişləndirmək

Gediş sifarişi xidməti avtomobillərimizdən və karşerinqdən tutmuş çatdırılma platformasına qədər bütün Bolt xidmətlərində daha çox elektrikləşdirilmiş avtomobillər təqdim etmək məqsədi ilə tərəfdaş şəbəkəsini inkişaf etdiririk.

Bütün Bolt skuterləri və elektrikli velosipedləri sıfır istismar emissiyası ilə ətraf mühitə uyğun nəqliyyat vasitələridir.

Biz onların istehsalı zamanı, eləcə də texniki xidmət, təmir və təkrar emal zamanı ətraf mühitə uyğun layihələrə investisiyalar hesabına sənaye emissiyalarını kompensasiya edirik. Bolt yüngül nəqliyyat vasitələri CarbonNeutral® sertifikatına malikdir.

EV co-financing

We are helping fleets access new EVs and improve service quality for riders across major European cities, including Amsterdam, Berlin, Paris, and Oslo.

1/8

Proseslərimiz bərpa olunan enerji mənbələrinə və tullantısız istehsala əsaslanır

2024-cü ilin əvvəlindən başlayaraq Bolt anbar, ofis və enerji doldurma stansiyalarında 100% bərpa olunan enerjidən istifadə edilir.*

Biz Bolt tərəfindən idarə olunan bütün obyektləri, o cümlədən Bolt Market mağazalarını 2025-ci ilin sonuna qədər daimi olaraq bərpa olunan enerjiyə keçirməyi planlaşdırırıq.

Biz 2030-cu ilə qədər istehsal tullantılarının ən azı 90%-ni qapalı tullantısız dövrəyə yönəltməyi planlaşdırırıq.

*Birbaşa bərpa olunan elektrik enerjisi təchizatı müqavilələrinin mümkün olmadığı hallarda bərpa olunan elektrik enerjisi sertifikatlarının alınması tələb olunur.

Proseslərimiz bərpa olunan enerji mənbələrinə və tullantısız istehsala əsaslanır

Məhsul dizaynına ekoloji yanaşma prioritetimizdir

Bolt skuterlərinin təqribən 80%-i struktur mühəndislərimiz tərəfindən hazırlanıb və bizə materialların seçilməsi, texniki qulluq və məhsullarımızın utilizasiyasında unikal imkanlar verir.

Həyat Dövrünün Qiymətləndirilməsinə* (LCA) əsasən, ən son model Bolt-6 e-skuterlərimiz:

orta hesabla, əməliyyat dövründə onlar 15.000 km məsafə qət edir;
əvvəlki modellə müqayisədə hər kilometrə düşən istixana qazı emissiyalarının 15%-ə qədər azaldığını nümayiş etdirir;
təkrar emal olunma dərəcəsi** 89,52%;
modul dizayn prinsipləri sayəsində utilizasiya zamanı tullantıları azaldır və təmiri asanlaşdırır.

Bu, təmirə və yüklənməyə daha az vaxt, hər skuter üçün daha çox gediş və nəticədə skuterin həyat dövrü ərzində daha az emissiya deməkdir.

*Ladera tərəfindən aparılan tədqiqatın nəticələrinə əsasən
**ISO 22628 ↗ standartına uyğun olaraq mühasibat uçotu metodologiyasından istifadə

Sərnişindaşıma vərdişlərini yenidən nəzərdən keçirmək

Avropanın 10 şəhərindəki pilot proqramlarda ↗ Bolt istifadəçilərinin 3 km-ə qədər səyahətlər üçün skuterlərə və elektrikli velosipedlərə üstünlük verdiyi təsdiqləndi.

Hava emissiyalarının kompensasiyası və iqlim dəyişikliyi ilə mübarizə

Yüngül nəqliyyat vasitələrinin icarəsi xidmətimiz (skuterlər və e-velosipedlər) Climate Impact Partners tərəfindən təsdiq edilmiş CarbonNeutral® sertifikatına malikdir.

Hazırda azalda və ya aradan qaldıra bilmədiyimiz emissiyaları kompensasiya etmək üçün Climate Impact Partners təşkilatı tərəfindən təsdiqlənmiş layihələri maliyyələşdiririk. Biz əvvəllər külək və enerji, karbonun çıxarılması, meşələrin yaradılması, təkmilləşdirilmiş su infrastrukturu, manqrovların bərpası və səmərəli yemək sobaları ilə bağlı layihələri maliyyələşdirmişik.

Bolt-un hazırkı iqlim üzrə tərəfdaşlarından biri, Milkywire, karbonun çıxarılması, dekarbonizasiya və təbiətin mühafizəsi və bərpasına yönəlmiş layihələr portfelini idarə edir.

Bolt həmçinin iqlim dəyişikliyi ilə mübarizəyə kömək etmək üçün əlavə iqlim layihələrini maliyyələşdirir. 2022-ci ildə biz Seedballs Kenya ↗ ilə 25 ton yerli toxum (Seedbolts) yaymaq üçün əməkdaşlıq etdik ki, bu da 11 milyondan çox ağac toxumu əkməyə bərabərdir. Əvvəlki layihələrimizə Portuqaliya və Rumıniyada OneTreePlanted ↗ ilə meşələrin bərpası layihələri daxildir.

Bolt-un qlobal ekoloji idarəetmə sistemi ISO 14001:2015-ə uyğun olaraq akkreditə olunub.

Təchizat zəncirinin bütün mərhələlərində ekoloji cəhətdən təmiz proseslər

Bolt partnyorları təchizat zəncirinin hər mərhələsində Təchizatçının Təcrübə Kodeksinə əməl etmək öhdəliyi daşıyırlar. Beləliklə, biz təchizatçıları 6 əsas qaydaya riayət etməyə dəvət edirik:

Biz tərəfdaşlarımız arasında insanların həyatını və ətraf mühiti yaxşılığa doğru dəyişmək arzusunu və təşəbbüsünü yaymağa çalışırıq.

i̇nsan hüquqları;
ədalətli iş şəraiti;
sağlamlıq və təhlükəsizlik;
keyfiyyət;
ətraf mühitin mühafizəsi;
audit hüququ.

Ətraf mühit, sosial və idarəetmə siyasəti

Davamlılıq Bolt üçün prioritet olduğundan, uyğunluq və idarəetmə proseslərimiz əməliyyatlarımızın maraqlı tərəflərin daim inkişaf edən ehtiyaclarına cavab verməsini təmin etməkdə mühüm rol oynayır. Davamlılıq dünyasında, keçmişdə məqbul hesab edilən şey, cəmiyyətin yüksələn təlabatı nəticəsində olduğu kimi qalmır.

Şirkət siyasətləri

Bolt-un davamlılıqla bağlı bəzi siyasətləri bunlardır:

Tərəfdaşlarımız

Seedballs Kenya

Biz Seedballs Keniya ilə Afrikada deqradasiyaya uğramış ərazilərdə ağacların və ot növlərinin bərpası və reintroduksiyası üçün əməkdaşlıq etdik.

1/7

Bolt Urban Fondu

Bolt Urban Fondu ekoloji təmiz nəqliyyatı təşviq edir, sürücüləri və kuryerləri, həmçinin Bolt-un fəaliyyət göstərdiyi icmalarla əməkdaşlıq edən xeyriyyə layihələrini dəstəkləyir. Bolt Urban Fondu haqqında burada ətraflı oxuyun

Fərqlilik yaratmağa hazırsınız?

Bolt-u seçməklə siz mobilliyin gələcəyini formalaşdırmağa kömək edirsiniz. Missiyamız haqqında ətraflı öyrənin.

Bolt və davamlılıq