მძღოლებსა და მგზავრებს შეუძლიათ შეაფასონ ერთმანეთი ყოველი მგზავრობის შემდეგ. შენი შეფასებები მიუთითებს გაწეული სერვისის ხარისხზე და მგზავრების მიმართ შენს დამოკიდებულებაზე. მაღალი შეფასება ნიშნავს იმას, რომ გააგრძელებ აპლიკაციის გამოყენებას და ისარგებლებ სხვადასხვა საბონუსე კამპანიებით. ქულის დასაშვებ ნიშნულს ქვემოთ ჩამოსვლა კი ხელს შეგიშლის ამ შეღავათების მიღებაში. ამ სტატიის წაკითხვის შემდეგ ყველაფერი გეცოდინება იმის შესახებ, თუ როგორ შეინარჩუნო მაღალი შეფასება და ამაზე ნერვიულობაც აღარ მოგიწევს.

როგორ შეინარჩუნო მაღალი შეფასება Bolt-ის პლატფორმაზე?

რჩევა #1 დაურეკე მგზავრს

შეკვეთის მიღებისთანავე, დაურეკე მგზავრს, რომ დაუდასტურო მგზავრობის მიღება. ეს ასევე დაგეხმარება, უფრო მარტივად მიაგნო მგზავრის აყვანის ლოკაციას და თავიდან აირიდო არასწორ ადგილზე მისვლით გამოწვეული დისკომფორტი.

შესაძლოა მგზავრმა გაგიზიაროს თავის საწყის მისამართამდე მისასვლელი უფრო მარტივი მარშრუტი. მგზავრთან დარეკვის ფუნქცია შეგიძლია იხილო ზედა მარჯვენა კუთხეში სამ წერტილზე თითის დაჭერით.

როცა მიხვალ მგზავრის საწყის ლოკაციაზე, მიეცი დრო მას, რათა მოვიდეს შენამდე. შემდეგ დაურეკე და აცნობე, რომ ადგილზე ხარ. თუ 5 წუთიანი ლოდინის შემდეგ ტელეფონზე არავინ გიპასუხებს, შეგიძლია მგზავრობა გააუქმო. ეს შენს აქტივობის ქულაზე გავლენას არ იქონიებს, თუ გაუქმების მიზეზად მონიშნავ, რომ “მგზავრი არ გამოცხადდა”.

რჩევა #2 დატოვე სასიამოვნო შთაბეჭდილება

მგზავრის საწყის ლოკაციაზე ზუსტი და დროული მისვლა დადებითი შეფასების მოპოვებისკენ გადადგმული პირველი ნაბიჯია. როცა შეკვეთას მიიღებ, აპლიკაციაში გიჩანს მგზავრის მისამართი, მგზავრობის მანძილი და საწყის ლოკაციამდე მისვლისთვის საჭირო სავარაუდო დრო. მგზავრს აქვს მოლოდინი, რომ მანქანა ზუსტად მონიშნულ პინთან მოაკითხავს ნაჩვენებ დროში.

დარწმუნდი, რომ მანქანა ხილვად ადგილას გაქვს დაპარკინგებული, ავტომობილის ნომერი და მოდელი კი ემთხვევა აპლიკაციაში ნაჩვენებ მონაცემებს. განაახლე პროფილის ფოტო, თუ ის დიდი ხნის წინ (მაგალითად 10 წლის წინ) გადაიღე და ძალიან განსხვავდება შენი ახლანდელი ვიზუალისგან. ეცადე ჩაიცვა კომფორტულად, თუმცა ასევე შეინარჩუნე პროფესიონალური სტილი, პირველი შთაბეჭდილება ძალიან მნიშვნელოვანია.

რჩევა #3 უსურვე სასიამოვნო დღე

თუ მგზავრს მიესალმები და გულწრფელად უსურვებ სასიამოვნო დღეს, დადებითი განწყობა აუცილებლად გადამდები იქნება. დაარღვიე მოსაწყენი რუტინა და შეუქმენი კარგი დღე ადამიანებს შენი დადებითი განწყობით. რა იცი, იქნებ შენი მგზავრი ის ადამიანია, რომელიც სამყაროს უკეთესობისკენ შეცვლის.

რჩევა #4 დარწმუნდი, რომ საბოლოო მისამართი სწორადაა მითითებული

მგზავრთან მისალმების შემდეგ, საუკეთესო იდეაა დააზუსტო, რომ მან სწორად მიუთითა საბოლოო მისამართი. საბოლოო დანიშულებასთან დაკავშირებით არსებულმა გაუგებრობამ შესაძლოა არასასიამოვნო სიტუაცია შექმნას და საბოლოოდ შენს შეფასებაზე უარყოფითად აისახოს. თუ მგზავრის მიერ აპლიკაციაში მითითებული მისამართი არასწორია, ორი არჩევანი გაქვს:

შეგიძლია სთხოვო მგზავრს შეცვალოს საბოლოო მისამართი Bolt-ის აპლიკაციაში;
შეგიძლია თავად შეცვალო ლოკაცია პირველ მისამართზე მისვლის შემდეგ, რომ მანქანის მართვისას წერა არ მოგიწიოს.

გახსოვდეს, რომ ყოველთვის გადაამოწმო მგზავრთან საბოლო მისამართის სიზუსტე, ამან შესაძლოა დადებითად იმოქმედოს შენს შეფასებაზე!

რჩევა #5 იყავი თავაზიანი

შესთავაზე დახმარება მგზავრს, როცა ბევრი ბარგი აქვს. საბარგულის ან კარის გახსნაში დახმარება შესანიშნავი გზაა კარგი პირველი შთაბეჭდილების მოსახდენად და შენი შეფასების გასაუმჯობესებლად.

რჩევა #6 იზრუნე მგზავრის კომფორტზე

მგზავრობისას ეცადე მაქსიმალურად კომფორტული გარემო შექმნა. შესთავაზე მგზავრს მუსიკის ხმის ან კონდენციონერის სასურველ მაჩვენებელზე დაყენება. პატივი ეცი მის არჩევანს.

რჩევა #7 შეინარჩუნე სისუფთავე ავტომობილში

უსუფთაო ავტომობილი ნამდვილად არ ტოვებს კარგ პირველ შთაბეჭდილებას მგზავრზე. მანქანის მოწესრიგებულ მდგომარეობაში შენარჩუნება აუცილებლად დადებითად აისახება მგზავრის განწყობაზე და შესაბამისად შენს შეფასებაზეც. არ მოწიო ავტომობილში სიგარეტი (თამბაქო, IQOS, ვეიპი და სხვა).

რეგულარულად მოაწესრიგე როგორც ავტომობილის სალონი, ისე გარეთა მხარეც.

რჩევა #8 შეინარჩუნე სიმშვიდე

თუ რამის შეცვლა არ შეგიძლია, მასზე გაბრაზება არ ღირს. განსაკუთრებით კი მაშინ, როდესაც საჭესთან ხარ. ყოველი მგზავრობა გარკვეული დროის შემდეგ სრულდება, ამიტომ თუ მგზავრს რაიმე საკითხზე არ ეთანხმები, ნუ გაბრაზდები. უარყოფითი განწყობა სახიფათოა მანქანის მართვისას და შესაძლოა არასასურველი შედეგითაც დასრულდეს.

რჩევა #9 დააბალანსე მგზავრთან საუბარი

ზოგიერთი მგზავრისთვის სასიამოვნოა მძღოლთან კომუნიკაცია და საუბარი სხვადასხვა საკითხზე. თუმცა, თუ მგზავრს შეამჩნევ, რომ სასაუბრო განწყობაზე არ არის, ნუ აიძულებ დიალოგის გაგრძელებას.

გაითვალისწინე, რომ ზოგიერთი საკითხი შესაძლოა ძალიან სენსიტიური და საკამათო იყოს, ამიტომ თავი აარიდე მსგავს საკითხებს და ნეიტრალური თემა აარჩიე.

რჩევა #10 ბოლო, მაგრამ არანაკლებ მნიშვნელოვანი – იმოძრავე უსაფრთხოდ

რა თქმა უნდა, უსაფრთხოება უპირველესია, რომელიც მგზავრს უნდა შესთავაზო. მგზავრები შენ გენდობიან, რომ A პუნქტიდან B პუნქტში უსაფრთხოდ მიიყვან. დაიცავი საგზაო მოძრაობის წესები და თავი შეიკავე ავტომობილის მართვისას ტელეფონის არამიზნობრივი გამოყენებისგან.

დაფიქრებულხარ, რა არის დაბალი შეფასების ყველაზე ხშირი მიზეზი?

3 მთავარი მიზეზი, რის გამოც მგზავრები მძღოლებს უარყოფითად აფასებენ:

მძღოლი უხეში და არათავაზიანი იყო;
თავს უსაფრთხოდ არ ვგრძნობდი;
მძღოლი ბევრს საუბრობდა მიუხედავად იმისა, რომ საუბრის ხასიათზე არ ვიყავი.

ახლა უკვე იცი ის ძირითადი რჩევები, რომლის გათვალისწინებაც მაღალი შეფასების შენარჩუნებაში დაგეხმარება. შენ ასევე გაქვს შესაძლებლობა გახდე თვის Top მძღოლი და ისარგებლო დამატებითი ბენეფიტებით.

შეინარჩუნე მომსახურების მაღალი ხარისხი და გახადე მომხმარებლებისთვის მგზავრობა განსაკუთრებული!