2 დეკ. 2024
Bolt საქართველოს ბაზარზე პირველი ტექნოლოგიური კომპანიაა, რომელიც მგზავრებსა და პარტნიორ მძღოლებს მგზავრობის დაზღვევას სთავაზობს. ჩვენთვის უმნიშვნელოვანესი პრიორიტეტია ჩვენი მომხმარებლებისა და პარტნიორი მძღოლების უსაფრთხოება, ეს ინიციატივაც სწორედ სერვისის უსაფრთხოების გაზრდისკენაა მიმართული. მგზავრობებს დააზღვევს “TBC დაზღვევა”.
Bolt მსოფლიოს მასშტაბით 45-ზე მეტ ქვეყანასა და 600-ზე მეტ ქალაქში ოპერირებს, საქართველოში კი, უკვე 10 წელია ქალაქში გადაადგილების კულტურას ვცვლით.
ერთ აპლიკაციაში მოქცეული სხვადასხვა კატეგორიის ტრანსპორტით, მომხმარებლებს სასურველ ადგილას მისვლა სწრაფად და უსაფრთხოდ შეუძლიათ.
ჩვენი მისიაა შევქმნათ ადამიანებზე მორგებული ქალაქები და საზიარო სატრანსპორტო აპლიკაციით ხელი შევუწყოთ კერძო მანქანების შემცირებას.
ჩვენ მუდმივად ვცდილობთ დავამატოთ აპლიკაციაში ინოვაციური ფუნქციები, რომლებიც უზრუნველყოფს მძღოლებისა და მგზავრების უსაფრთხოებას.
მგზავრობის დაზღვევის პროგრამა კი, ამ ფუნქციებთან ერთად, ორიენტირებულია, დააზღვიოს მგზავრობის მონაწილე თითოეული წევრი, მგზავრობისას დაფიქსირებული საგზაო შემთხვევების დროს.
TBC დაზღვევასთან ერთად მგზავრობის დაზღვევის პროგრამის შეთავაზება კომპანიის მომხმარებლებისთვის მხოლოდ ახალი სერვისი არ გახლავთ – ეს არის უსაფრთხოების სტანდარტი საქართველოში სატრანსპორტო სერვისის კომპანიებისთვის.
ასე რომ, თუ მგზავრობა გჭირდება, შეგიძლია Bolt გამოიძახო, თან უკვე იცი, რომ შენი მგზავრობა დაზღვეულია!
