8 აპრ. 2021
დამატებითი თანხის გამომუშავება არავის არ აწყენს, თუმცა იმ ნახევარგანაკვეთიანი სამსახურის პოვნა, რომელიც შენს გრაფიკს მოერგება ძალიან რთულია. მოქნილი გრაფიკი განსაკუთრებით მნიშვნელოვანია სტუდენტებისა და სრულ განაკვეთზე მომუშავე ადამიანებისთვის, რომლებსაც დამატებითი შემოსავლის წყაროს პოვნა სურს.
ინტერნეტის წყალობით მრავალი ვარიანტის განხილვა შეიძლება იმ შემთხვევაში, თუ დამატებითი შემოსავლის მისაღებად ნახევარგანაკვეთიანი სამსახური გსურს, მაგრამ მარტივი ვარიანტები საკმაოდ ცოტაა.
ბოლო 10 წელი არც ისეთი იღბლიანი აღმოჩნდა ტრადიციული ტაქსის კომპანიებისთვის, რადგან მგზავრობისთვის განკუთვნილი აპლიკაციები ბევრად მიმზიდველი გახდა მგზავრებისა და მძღოლებისთვის.
2025 წლისთვის მგზავრობის სერვისების ფიქსირებულმა ღირებულებამ შესაძლოა £200 მილიარდს მიაღწიოს. ეს კარგია მათთვის, ვისაც სურს გადაადგილების კომფორტული, სწრაფი საშუალების გამოყენება და მათთვისაც, ვისაც მართვის მოწმობა აქვს და დამატებითი შემოსავლის წყაროს ეძებს.
გარდა მოქნილი გრაფიკისა მსგავსი პლატფორმები, როგორიცაა Bolt, ანგარიშსწორების სწრაფ მეთოდსა და დამატებით ბენეფიტებს სთავაზობს მომხმარებლებს. იმისთვის, რომ ზოგადი სურათი შევქმნათ, თუ რატომაა Bolt დამატებითი შემოსავლის წყაროს ერთ–ერთი საუკეთესო საშუალება, გაცნობებთ, რომ მსოფლიოს მასშტაბით 1.5 მილიონი მძღოლია რეგისტრირებული ჩვენს აპლიკაციაში პარტნიორ მძღოლად.
ყველას სურს საკუთარი თავის უფროსი იყოს და მიიღოს თანხა მისთვის სასურველი გრაფიკის მიხედვით, რაც ჩვენი აპლიკაციის ერთ–ერთი ძლიერი მხარეა.
მგზავრობის პლატფორმა 24/7 ბიზნესია და მძღოლს თავად შეუძლია შეარჩიოს სამუშაო საათები.
გარდა სამუშაო დროის შერჩევისა, ასევე შესაძლებელია მისი ნებისმიერ დროს შეცვლა და თანხის გამომუშავება ცხოვრებაში მიმდინარე მოვლენების მიხედვით.
პოპულარული მგზავრობის აპლიკაციები, როგორიცაა Bolt, დამატებითი შემოსავლის მისაღებად კარგი წყაროა, რადგან გვყავს საკმარისი რაოდენობით მგზავრი.
აპლიკაცია ხელმისაწვდომია 150-ზე მეტ ქალაქში, 40 ქვეყანაში და 50 მილიონზე მეტი მგზავრი სარგებლობს Bolt-ით მსოფლიოს მასშტაბით.
შესაძლებელია სოლიდური თანხის გამომუშავება და ანაზღაურების ყოველკვირეულად მიღება.
ისევე როგორც ყველა სხვა ახალი აქტივობა, აპლიკაციის მეშვეობით ავტომობილის მართვა შესაძლოა თავდაპირველად დამაბნეველად მოგეჩვენოს. შესაძლოა ღელავდე მგზავრებთან კომუნიკაციის შესახებ ან იმაზე, რომ საკუთარი ავტომობილი არ გაქვს. თუმცა გაცნობებთ, რომ ეს არანაირ პრობლემას არ წარმოადგენს.
მგზავრობის პლატფორმებზე, როგორიცაა Bolt, ახალბედა მძღოლებს შეუძლიათ ტრენინგების გავლა აპლიკაციაში დამატებული ინსტრუქციების მიხედვით. მძღოლებს შეუძლიათ დაქირავებული ავტომობილებით დაიწყონ აპლიკაციის გამოყენება.
მგზავრთა უმეტესობა კი კომფორტულად გრძნობს თავს სიჩუმეში მგზავრობისას, შესაბამისად აღნიშნული საკითხი არ წარმოადგენს რაიმე უხერხულობას ან პრობლემას. ასევე, მომსახურების გაუმჯობესების მიზნით, შეგიძლია მგზავრებს მუსიკის ჩართვა შესთავაზო.
ყოველკვირეული ანაზღაურების გარდა, რომელიც კვირის განმავლობაში შემოსული მგზავრობებიდან მიიღება, Bolt ასევე ბონუსებსა და დამატებით ბენეფიტებს აწესებს მძღოლებისთვის. ასე რომ, თუ გაქვს რამდენიმე თავისუფალი საათი, შეგიძლია გახდე Bolt-ის პარტნიორი მძღოლი და დაიწყო თანხის გამომუშავება შენზე მორგებული გრაფიკით დღესვე.
