ცეკვიდან ქალაქების ცვლილებამდე — გაიცანი მებო, მხარდაჭერის სპეციალისტი

Bolt-ის ერთ-ერთი მთავარი ღირებულება მომხმარებელზე ორიენტირებულობაა, შესაბამისად, მნიშვნელოვანია, რომ ინდივიდუალურად მოვუსმინოთ თითოეული მომხმარებლის პრობლემას, რათა მისი გადაჭრის საუკეთესო გზა აღმოვაჩინოთ.

მარიამი – მებო, როგორც თანამშრომლები მოიხსენიებენ, Bolt-ის მომხმარებელთა მხარდაჭერის უფროსი სპეციალისტია. ამ ბლოგში ის გვიყვება თავის ცხოვრებისეულ თავგადასავალსა და ოცნებებზე.

ნახტომი ჯადოსნურიდან რეალურ სამყაროში

როგორც ამბობენ, ჩვენში შინაგანი ბავშვი ცხოვრობს, თავისი ჯადოსნური ოცნებებით. მებო 5 წლის ასაკიდან ცეკვავდა და 14 წლის განმავლობაში ამ ოცნებით ცხოვრობდა. 

“ვოცნებობდი, რომ ქართული ცეკვით მთელი მსოფლიო მომევლო და ჩემი კულტურა ყველასთვის სხეულის ენით გამეცნო”.

თუმცა, როგორც ხშირად ხდება, ბავშვობის ოცნებების ბავშვობაშივე დატოვება გვიწევს და ჯადოსნურობიდან რეალურ სამყაროში აღმოვჩნდებით ხოლმე. 

მაგისტრატურის სტუდენტი იყო, როცა მის ცხოვრებაში დიდი ცვლილებების დრო ახლოვდებოდა. სწავლის პარალელურად კომუნიკაციების მენეჯერად მუშაობდა, შემდეგ კი, გაყიდვების მენეჯერის პოზიციაც შეითავსა. 

მოგვიანებით, დეკრეტული შვებულების დასრულების შემდეგ მიხვდა, რომ მის ცხოვრებას მასშტაბური ცვლილება სჭირდებოდა. ახალი გარემოს, ადამიანებისა და საქმიანობისკენ მიუწევდა გული. სწორედ ამ დროს გამოჩნდა Bolt და დაიწყო სრულიად ახალი თავგადასავალი. მებო ახლაც სიამოვნებით იხსენებს 4 წლის წინ პირველ გასაუბრებას Bolt-ში, იმ სახლურობის განცდას, რომელიც კომფორტულმა გარემომ შეუქმნა და შეგრძნებებს, რომლებიც დღემდე მოჰყვება.

შიშების პირისპირ

ცხოვრებაში რადიკალურ ცვლილებებს ხშირად შიში ახლავს და მასთან ერთად გვიწევს სირთულეების გადალახვა. მებომ შიშთან გამკლავებისთვის საინტერესო გზა აირჩია – გამბედაობა იმისა, რომ აღიარო შიშის არსებობა, ჩახედო მას თვალებში და მოიპოვო მასზე კონტროლი. სწორედ ამ სტრატეგიით ცდილობს ბარიერების გადალახვას.

მებოს Bolt-ში მოსვლის დღიდან ბევრი შიშისა და დაბრკოლების გადალახვა მოუწია, თუმცა ამაში გარემომ და გუნდმა დიდი როლი ითამაშა:

“Bolt-ში მოსვლის დღიდან, გავხდი ადამიანი, რომელიც მეტად აფასებს თავის საქმეს. ყოველდღიურობა მრავალფეროვანი იყო, მომხმარებლების პრობლემების აღმოჩენა და მათი მოგვარება დიდ მოტივაციას მაძლევდა, ვგრძნობდი, რომ რაღაც დიდის ნაწილი ვიყავი და ვცვლიდი ჩემ გარშემო სამყაროს”.

მებოს ცხოვრებაში ახალი გამოწვევებით სავსე ფურცელი მაშინ დაიწყო, როცა მეორე ბავშვის გაჩენა გადაწყვიტა. ის განსაკუთრებით აღნიშნავს კომპანიის მხარდაჭერას დეკრეტულ პერიოდში, იმ განცდას, რომ მისი სიხარული სხვებსაც აბედნიერებთ და ახსოვთ.

როგორც უკვე ვთქვით, მებოს ჰობი და ბავშვობის პროფესია ქართული ცეკვაა. დღესაც, თავისუფალ დროს, სიამოვნებით უყურებს ქართული ცეკვის ვიდეოებსა და ჩანაწერებს. ამ ეტაპზე მისი თავისუფალი დრო სრულად ბავშვებს ეკუთვნის: “მათ დავარქვი “ჩემი თავისუფალი დრო”, რაც ძალიან მაბედნიერებს”.

გეზი მიზნების ასრულებისკენ

მებო გვიზიარებს რჩევებს სირთულეებთან და სტრესთან გამკლავების შესახებ, საკუთარ გამოცდილებაზე დაყრდნობით:

“ჩემთვის იმდენად მნიშვნელოვან საქმეს ვაკეთებ, ვცდილობ არ ვიფიქრო იმაზე, რომ რთულია და არ გამომივა. ვფიქრობ მხოლოდ დადებითზე, ვკონცენტრირდები პოზიტიურ შედეგებზე და უარყოფით ფიქრებზე დროს არ ვკარგავ. 

Სწორედ ეს დადებითზე და პოზიტიურზე ფიქრი მეხმარება ყველა საქმე იყოს დროში მიღწეული”.

მებოსთვის ამ პროცესში უდიდეს როლს თავად ის მისია თამაშობს, რომლის განხორციელებაშიც თავადაც შეაქვს წვლილი. გარემო და თანამშრომლებთან აქტიური კომუნიკაცია, ურთიერთობები – ამ პროცესს კიდევ უფრო ძვირფასს ხდის. გუნდთან ერთად ქალაქში გადაადგილების კულტურის ცვლილება მისი ყოველდღიურობის განუყოფელ ნაწილად არის ქცეული.

რაც შეეხება მის სამომავლო გეგმებს, მისი უახლოესი მიზანია დოქტორანტობა და ლექტორის პროფესიის მორგება. მებოს სჯერა, რომ ყველა ოცნება აუცილებლად ახდება და დასახულ მიზნებს მიაღწევს – ყოველთვის შეგიძლია რეალურ სამყაროს კვლავ ჯადოსნურობა დაუბრუნო.

თუ მებოს ისტორიამ Bolt-ის გუნდის წევრობაზე დაგაფიქრა, გამოგვიგზავნე რეზიუმე აქ Bolt Careers, შემოუერთდი ჩვენს მისიას – ვაქციოთ ქალაქები ადამიანებისთვის.