21 აპრ. 2020
ქვეყანაში არსებული სიტუაციიდან გამომდინარე ჩვენი ერთ–ერთი და ყველაზე მთავარი მოვალეობა სახლში დარჩენაა, რითაც ხელს ვუშლით ვირუსის გავრცელებას და ვუფრთხილდებით არა მხოლოდ საკუთარ, არამედ ჩვენს ირგვლივ მყოფი ადამიანების ჯანმრთელობასაც.
თავიდანესყველაფერიძალიანმარტივია, მაგრამ სახლში ყოფნა ადამიანებისთვის ნელ–ნელა ბევრად უფრო მოსაწყენი და დამღლელი ხდება. ამიტომ მიმართავენ სხვადასხვა კრეატიულ მეთოდებს, რომ დღე უფრო მრავალფეროვანი გახადონ. რჩევებს შორის თუ რით ვაქციოთ დღე უფრო პროდუქტიული და საინტერესო, საკმაოდ აქტუალურია სახლის პირობებში ვარჯიში და ბევრი ფიტნეს ინსტრუქტორი დღესდღეობით აქტიურად ატარებს ინდივიდუალურ თუ ჯგუფურ გაკვეთილებს დისტანციურად.
ჩვენი ცხოვრების სტილი დროებით შეიცვალა და შესაბამისად ჩვენი ბრენდის როლიც შეიზღუდა თქვენს ცხოვრებაში. ჩვენ უზრუნველვყოფდით თქვენს კომფორტულ და დროულ გადაადგილებას სხვადასხვა მიმართულებით ქალაქის ნებისმიერ წერტილში (სამსახური, სკოლა, უნივერსიტეტი,..). სამწუხაროდ, ამ ეტაპზე პანდემიის გამო მოგიწოდებთ, რომ თქვენივე უსაფრთხოებისთვის დარჩეთ სახლში და გთავაზობთ, ჩვენი ახალი კამპანიის ფარგლებში, ქალაქში გადაადგილების ნაცვლად, გავაგრძელოთ ერთად მოძრაობა სახლის პირობებში ყოველდღიური Live ვარჯიშების დახმარებით.
კარანტინის პერიოდში ყველა სავარჯიშო დარბაზი დაკეტილია და სახლში ყოფნის პერიოდში მნიშვნელოვანია ენერგიის სწორად დახარჯვა. დაბალმა ფიზიკურმა აქტივობამ შეიძლება ნეგატიური გავლენა იქონიოს ადამიანის ჯანმრთელობაზე.
ფიზიკური აქტივობა აუმჯობესებს ადამიანის ჯანმრთელობას და ამცირებს სხვადასხვა დაავადებების წარმოქმნის რისკს ორგანიზმში. Რაც ყველაზე სასიამოვნოა, ვარჯიშის დროს ბევრად უფრო მარტივია მადის კონტროლი, რაც ხელს უწყობს წონის შენარჩუნებასა და ტონუსში ყოფნას, რაც განაპირობებს უფრო სექსუალურ, მოქნილ და ლამაზ სხეულს. ასევე აქრობს მუდმივი დაღლილობის შეგრძნებას და ადამიანს უფრო ენერგიულს ხდის. Ხსნის დაძაბულობას და ხელს უწყობს მშვიდ ძილს. ვარჯიში დადებითად მოქმედებს ადამიანის თვითშეფასებაზე და ქმნის პოზიტიურ განწყობას.
დღესდღეობით ჩვენ ირგვლივ არსებული სიტუაცია არის ძალიან დაძაბული. გაზაფხულის საოცარი ენერგიის გამოყენება კი სახლის პირობებშიც შეიძლება. ვარჯიში – ეს მნიშვნელოვანი ნაბიჯია სიახლეებისა და სრულყოფილებისაკენ.
ინტერნეტი საშუალებას გვაძლევს კარანტინის პირობებშიც დავრჩეთ ფიზიკურად აქტიურები და გავიხალისოთ დღე სახლში სხვადასხვა ტიპის ვარჯიშებით. ამ ყველაფერს კი Bolt–ის ახალი კამპანია ბევრად უფრო მარტივსა და საინტერესოს გახდის.
Პროექტი მოიცავს:
გეცნობათ ეს ფრაზები?
თუ ოდესმე საკუთარ თავს ჰპირდებოდით, რომ გააკეთებდით რაიმე ახალს, როგორც კი დრო გამოგიჩნდებოდათ, ახლა საუკეთესო მომენტია ამისთვის. არ აქვს მნიშვნელობა რა იქნება ეს: ახალი კერძების მომზადება, პირველი ნაბიჯების გადადგმა გრაფიკული დიზაინის სამყაროში თუ ახალი ენის შესწავლა. Მთავარია, რომ ახლა არის საუკეთესო დრო ცვლილებებისთვის, რომლებიც დადებით ეფექტს მოახდენს თქვენს ცხოვრებაზე.
ჩვენ კი ვეცდებით ქეთი ხატიაშვილთან ერთად თქვენი საკარანტინო პერიოდი გავხადოთ ბევრად უფრო საინტერესო და სასიამოვნო.
თქვენ შეგიძლიათ, შეცვალოთ თქვენი ცხოვრება და მიჰყვეთ აქტიური ცხოვრების წესს დღეში 20 წუთიანი ვარჯიშის დახმარებით. სანამ დავუბრუნდებით ცხოვრების ჩვეულ სტილს, მნიშვნელოვანია, რომ შევინარჩუნოთ ჯანსაღი სხეული და მოტივაცია.
გახსოვდეთ, როდესაც თქვენ მისდევთ ჯანსაღი ცხოვრების წესს – თქვენ ზრუნავთ არამხოლოდ საკუთარ გარეგნობაზე, არამედ განწყობაზეც.
ჩვენ გვჯერა რომ მალე დავბრუნდებით: ისევ ახმაურდება სამსახურები, სკოლები, უნივერსიტეტები, ისევ ივლით მეგობრებთან და საყვარელ ადამიანებთან ერთად ქუჩებში. გვჯერა, რომ კიდევ ძალიან ბევრჯერ მიგიყვანთ უსაფრთხოდ სახლიდან დანიშნულების ადგილამდე და პირიქით.
ამ დრომდე კი გამოგვყევით Bolt-ის Facebook და Youtube გვერდზე და თვალყური ადევნეთ სიახლეებს ჩვენს Live ვარჯიშებთან დაკავშირებით.
