18 აპრ. 2022
Bolt მკაფიოდ გამოხატავს მხარდაჭერას უკრაინელი ხალხის მიმართ ამ მძიმე ვითარებაში. აღსანიშნავია ჩვენი თანაშრომლების ინიციატივები, რომლებსაც ქმედითი ნაბიჯები მოჰყვება უკრაინელი მოსახლეობის დასახმარებლად. Ბლოგში გაგაცნობთ ჩვენი გუნდის წევრებს, რომლებიც ამ ინიციატივების ავტორები არიან.
24 თებერვლის დილას, მატის მოგენსმა, Bolt-ის შიდა კომუნიკაციების უფროსმა, შექმნა უკრაინის მხარდასაჭერი Slack-ის გჯუფი #support-ukraine, რათა თანამშრომლებისთვის მიმდინარე მოვლენების შესახებ ინფორმაცია მიეწოდებინა.
ცხადია, ადამიანებს სურდათ გამოეხატათ მხარდაჭერა, ჩართულიყვნენ დიალოგში და ეპოვათ სხვადასხვა გზა დასახმარებლად. თუმცა ჯგუფში ადამიანების რაოდენობის ზრდის ტემპმა, მაინც ყოველგვარ მოლოდინს გადააჭარბა.
10 დღის განმავლობაში, 1000-ზე მეტი ადამიანი გაწევრიანდა და 1700-ზე მეტი შეტყობინება გაიცვალა. მესიჯები ეხებოდა ადგილობრივების მხარდაჭერას და ჩვენი უკრაინელი თანამშრომლების, მათი ოჯახებისა და მეგობრების დახმარებას ამ მძიმე ვითარებაში. სწორედ ამ ჯგუფში წარმოიშვა ბევრი პროექტის იდეა, რომელსაც განვიხილავთ, მაგალითად “ბოლტის მეგობრის” პროგრამა ან დახმარება გადაადგილებაში.
ბოლო ორი კვირის განმავლობაში, #support-ukraine იყო ერთ-ერთი ყველაზე აქტიურად გამოყენებადი ჯგუფი Bolt-ში (უკეთ აღსაქმელად, სულ 2000-ზე მეტი აქტიური ჯგუფი არსებობს).
გაიცანით მატისი, ჯგუფის შექმნის ინიციატორი:
მადლობა მას და ყველას, ვინც აქტიურად იყო ჩართული დიალოგებში!
ის, რაც დაიწყო, როგორც ჩვენი თანამშრომლების უკრაინიდან გამოყვანის პროექტი, გარდაიქმნა მოხალისეების სრულყოფილ გუნდად, რომლებიც გადაადგილებაში ეხმარებოდნენ არა მხოლოდ Bolt-ის თანამშრომლებს, არამედ ყველას, ვისაც ომის გამო მოუხდა სახლის დატოვება.
ამ ეტაპზე, 50-ზე მეტი თანამშრომელია ჩართული მოხალისეთა გუნდში, რომელიც აქტიურად ეხმარება ესტონეთის დევნილთა საბჭოს პროცესების მაქსიამალურად დაჩქარებაში. ამ ყველაფრის წყალობით, მოხალისეებმა 120-ზე მეტი ადამიანი უზრუნველყვეს დროებითი თავშესაფრით, საკვებითა და ტრანსპორტირებით.
ამ ინიციატივის წყალობით, ზაპორიჟიას ატომური ელექტროსადგურის მახლობლად მდებარე ქალაქ კუშუჰუმიდან დევნილ ოჯახებს ახლა უსაფრთხო თავშესაფარი აქვთ.
იდეის უკან კი ეიმანტა ბელტა, სონია კაეტანო, გამრიელ მანდუკა და არნო ლაფეილიდი დგანან. მადლობა! და მადლობა ყველას, ვინც ყველაფერს აკეთებს უკრაინელ დევნილთა მხარდასაჭერად.
არნო ლაფეილიდი Bolt-ის ხარისხის უზრუნველყოფის ინჟინერია. ის ასევე, დოკუმენტური ფოტოგრაფია, რომელიც დონბასში წასვლას და იქაური ცხოვრების აღბეჭდვას გეგმავდა 24 თებერვლამდე სულ რამდენიმე დღით ადრე, მანამ, სანამ სიტუაცია იმაზე მეტად დამძიმდებოდა, ვიდრე ადრე იყო.
რუსეთის შეჭრამ მისი გეგმები მთლიანად არია. საშინლად გაბრაზებულს და იმედგაცრუებულს, სურდა სასწრაფოდ ეპოვა დახმარების გზები.
პირველად პოლონეთში ჩავიდა და ტალინში წამოიყვანა 2 ქალბატონი და მათი კატა, სალემი, რომებსაც საკუთარი სახლი დაუთმო.
აი სალემი.
ამის შემდეგ, გამოთქვა ინციატივა რომ თანამშრომლებთან ერთად დაეორგანიზებინა ჰუმანიტარული მხარდაჭერა, პირველადი დახმარების საშუალებების შეგროვება და ტრანსპორტირების უზრუნველყოფა ესტონეთის უკრაინულ-ბერძნულ კათოლიკურ ეკლესიასთან ერთად.
აქ არის სია, თუ რისი საჭიროება გამოიკვეთა:
თუ ტალინში იმყოფები და დახმარებაში გსურს მონაწილეობა, შეგიძლიათ მისწეროთ არნოს. დამატებით დეტალებს ის მოგაწვდის.
მადლობა არნოს პროექტის მართვისთვის.
25 თებერვლის საღამოდან Bolt-მა სერვისის მიწოდების რადიუსი გაზარდა უკრაინასთან პოლონეთისა და სლოვაკეთის საზღვრებამდე.
აღნიშნული ინიციატივის მიზანი უკრაინელი მოსახლეობის გადმოყვანა იყო საზღვართან ახლოს მდებარე დიდ ქალაქებში. მძღოლები ამ მგზავრობების საკომისიოს არ იხდიდნენ.
Პროექტის უკან კი Bolt-ის 159 თანამშრომელია. მადლობა!
“Ბოლტის მეგობარი” პოლონეთის გუნდის წევრის, მაიკლ დუშინსკის წამოწყება იყო. Პროგრამის იდეა მდგომარეობს იმაში, რომ შექმნილიყო მოხალისეთა მხარდაჭერის გუნდი, რომელიც ჩვენს უკრაინელ თანამშრომლებსა და მათ ოჯახებს დაეხმარებოდნენ.
გუნდი ჩართულია ნესმიერი პრობლემის მოგვარებაში – მაგალითად: თავშესაფრის პოვნა, ადმინისტრაციული დაბრკოლებები, პასპორტების ორგანიზება, იურიდიულ კითხვებზე პასუხების მოძიება და ასე შემდეგ.
“Ბოლტის მეგობრის” პროგრამაში 30 თანამშრომელი ჩაერთო.
მადლობა, მაიკლ და მადლობა, მეგობრებო!
თუ დახმარების სურვილი გაქვს, მაგრამ არ იცი როგორ, რამდენიმე ვარიანტს გაგიზიარებთ.
პირველი, უკრაინის დამხმარე არასამთავრობო ორგანიზაციებისთვის დონაციაში ჩართვა. აქ იხილავთ ორგანიზაციების სიას, რომლესაც დავეხმარეთ ყველა იმ ადამიანთან ერთად, ვინც Bolt-ით მგზავრობს ან Bolt Food-ით უკვეთავს საკვებს.
ასევე, შეგიძლია დაუკავშირდე წითელი ჯვრის საზოგადოების ადგილობრივ ცენტრს, რომელიც აუცილებლად შეძლებს შენს დახმარებას. გარდა წითელი ჯვრისა, ბევრ სხვა ორგანიზაციაში შეგიძლია გაწევრიანდე, როგორც დამხმარე მოხალისე.
და ბოლოს, იყავი ფრთხილად – ცრუ ინფორმაცია და ყალბი ახალი ამბები გარშემო უსწრაფესად ვრცელდება. პროპაგანდის დამანგრეველ ეფექტებს კი უკვე კარგად ვიცნობთ. ენდე მხოლოდ კარგად ნაცნობ, გამოცდილ მედია არხებს და დარწმუნდი, რომ შენი ოჯახი და მეგობრებიც იგივეს აკეთებენ.
ერთად დავუჭიროთ მხარი უკრაინას!
