შავი ზღვის სანაპიროზე გაშენებული ქალაქი ფოთი, ძველი სახელწოდებით “ფაზისი”, ჯერ კიდევ ძვ.წ. VII საუკუნეში დაარსდა – ამ უძველეს საპორტო ქალაქს ჩვენთვის ბევრი რამ აქვს სათქმელი. ფოთის ღირსშესანიშნაობები გამოირჩევა თავისი სიძველით და აუცილებლად დაგამახსოვრდებათ.

ეს პატარა და კოხტა ქალაქი არაერთ განსაკუთრებულ, ბევრისთვის საყვარელ ადგილს ინახავს. ფოთის ღირსშესანიშნაობები თავისი უნიკალურობით, სიძველითა და ავთენტურობით გამოირჩევა.

ფოთს განსაკუთრებულ ხიბლს მისი მრავალსაუკუნოვანი წარსული სძენს. მისი ისტორია გადაჯაჭვულია ძველი კოლხეთის სამეფოსთან, ბერძნულ მითებსა და ევროპულ სავაჭრო გზებთან.

მოცემულ ბლოგში მოგიყვებით ფოთის იმ ადგილებზე, რომლებსაც აუცილებლად უნდა ესტუმრო, როცა ამ უძველესი ისტორიის მქონე ქალაქში აღმოჩნდები. ქალაქში გადაადგილებისთვის კი, შეგიძლია Bolt გამოიყენო და მოულოდნელი სიურპირზებით, ფასდაკლებებით ისარგებლო.

რა ვნახოთ ფოთში? – ფოთის ღირსშესანიშნაობები

“ფაზისის” სახელით ცნობილი ეს უძველესი დასახლება საუკუნეების განმავლობაში იყო მნიშვნელოვანი სავაჭრო ცენტრი, რომლის გავლითაც ხდებოდა აღმოსავლეთისა და დასავლეთის კულტურების გაცვლა და დაახლოება. თანამედროვე ფოთში არაერთ საინტერესო ადგილს შეხვდებით.

ფოთის შუქურა

რიონისა და შავი ზღვის შესართავთან მოდარაჯე ფოთის შუქურა – ქალაქის კოლორიტად ქცეული კონსტრუქცია პირველი ლითონის შუქურაა საქართველოში. შუქურა პირველად 1864 წელს გაანათეს და მას მერე არ ჩამქრალა, მუდმივად ფოთის სადარაჯოზე დგას და 30 კილომეტრზე კვეთს სიბნელეს.

ლეგენდის თანახმად, შუქურის მეთვალყურის დამსახურებით, მეორე მსოფლიო ომის დროს ფაშისტების წყალქვეშა ნავიდან გამოსროლილ ტყვიებს გადაურჩა. ლეგენდად ჰყვებიან იმასაც, რომ საქართველოში ფეხბურთი პირველად შუქურის ამგებმა ინჟინრებმა ითამაშეს.

მოკლედ, თუ ფოთში მოხვდი, ეს კოლორიტული ნაგებობა აუცილებლად უნდა მოინახულო… და ფოტოც გადაიღო.

ფოთის შუქურა

ფოტო: hydrography.ge

ფოთის ტაძარი

ფოთის საკათედრო ტაძარი უნიკალური სტილის ნაგებობაა და საქართველოში ანალოგი არ გააჩნია – ბიზანტიური სტილის არქიტექტურით გამორჩეული ეს ტაძარი აუცილებლად უნდა მოინახულო, როცა ფოთის დათვალიერებას გადაწყვეტ.

ის კონსტანტინოპოლში არსებული აია სოფიას ასლია, შემცირებული მასშტაბით და მნახველს გულგრილად ნამდვილად არ დატოვებს.

ფოთის საკათედრო ტაძარი

ფოტო: Georgian Travel Guide

ფოთის პარკი

ფოთის საკათედრო ტაძრის მიმდებარედ პარკში გასეირნებაც მშვენიერი იდეაა. პარკის ტერიტორიაზე ალექსანდრე დიუმას (მამა) ქანდაკებაც დგას. ცნობილი ფრანგი ავტორი ფოთს კავკასიაში მოგზაურობისას ეწვია და საპორტო ქალაქის სტატუსის ოფიციალურ მინიჭების ღონისძიებაშიც მიიღო მონაწილეობა.

ნიკო ნიკოლაძის კოშკი

პარკთან ძალიან ახლოს, ნიკო ნიკოლაძის კოშკია აღმართული, რომელიც ძალიან საინტერესო არქიტექტურული კომპლექსია. იგი აერთიანებს XVIII საუკუნის გალავანს, ხუთსართულიან კოშკს, ორსართულიან საცხოვრებელ ნაგებობასა და XX საუკუნის 80-იან წლებში აშენებულ კაფე-ბარს.

ნიკო ნიკოლაძის კოშკი

ფოტო: tours.nala.ge

კოლხური კულტურის მუზეუმი

წარმოიდგინე, აღმოჩნდები შენობაში, რომელიც ისტორიას 1907 წლიდან ითვლის. ამ კედლებში ნამდვილ საგანძურს მოუყრია თავი – ძველი კოლხეთის მიწაზე ნაპოვნი არქეოლოგიური აღმოჩენებს კოლხურის კულტურის მუზეუმში დაუდია ბინა.

ეს არქეოლოგიური აღმოჩენები ძვ. წ. III ათასწლეულიდან ახ. წ. VII-VIII საუკუნეებამდე პერიოდს მოიცავს. აქ ნახავ ფერადი ლითონების, ნუმიზმატიკის (მათ შორის ალექსანდრე მაკედონელის მონეტებს) და ვერცხლის აზარფეშების უნიკალურ კოლექციებს.

გარდა ამისა, მუზეუმში დაცულია XIX-XX საუკუნეების ეთნოგრაფიული მასალა და ფოთის ისტორიის ამსახველი დოკუმენტები და ფოტოები.

ფოთში ყოფნისას ამ საინტერესო ადგილამდე მისვლა Bolt-ით ძალიან მარტივია. უბრალოდ გამოიძახე ტაქსი და კომფორტულად აღმოჩნდები წარსულის სამყაროში.

კოლხური კულტურის მუზეუმი

ფოტო: potelebi.ge

ოქროს ტბა

ფოთის სიახლოვეს არსებული ოქროს ტბა – მდინარე მალთაყვასთან მდებარეობს და სანიჩბოსნო არხის ფუნქციას ასრულებს. აქ ხშირად იმართება ვარჯიშები და შეჯიბრებები წყალსათხილამურო სპორტში.

აღსანიშნავია ისიც, რომ 1991 წელს ოქროს ტბამ უმასპინძლა სანიჩბოსნო სპორტის ევროპის ჩემპიონატს.

მოკლედ, თუ ფოთის მიდამოებში აღმოჩნდები, აუცილებლად ეწვიე ოქროს ტბას – ადგილი, სადაც შეგიძლია დატკბე ულამაზესი ბუნებით, დაკავდე სპორტით ან უბრალოდ მშვიდად დაისვენო წყლის პირას (სევდიანი ფიქრთ გასართველად…).

ოქროს ტბა

ფოტო: Georgian Travel Guide

რატომ ავირჩიოთ Bolt ფოთში?

შეიძლება გაგიჩნდეს კითხვა, რატომ უნდა ავირჩიო Bolt ფოთში გადაადგილებისას? Bolt კომფორტული და უსაფრთხო გზამკვლევია ყველა ქალაქში – მათ შორის ფოთშიც!

ამ კითხვაზე კი არაერთი პასუხი გვაქვს.

ყველა მგზავრობა დაზღვეულია

Bolt საქართველოს ბაზარზე პირველი ტექნოლოგიური კომპანიაა, რომელიც მგზავრებსა და პარტნიორ მძღოლებს მგზავრობის დაზღვევას სთავაზობს. შეგიძლია გამოიძახო Bolt ფოთში და იმგზავრო მშვიდად, რომ შენი მგზავრობა დაზღვეული იქნება!

უსაფრთხო ტაქსი ფოთში

Bolt-ის აპლიკაციაში ხელმისაწვდომია ინოვაციური ფუნქციები, რომლებიც მგზავრობის უსაფრთხოების მაქსიმიზაციას ემსახურება.

მაგალითად, ღილაკზე თითის დაჭერით, შეძლებ გააზიარო ბმული შენი ზუსტი, ლაივ ლოკაციით რუკაზე. შენი საყვარელი ადამიანები თვალს ადევნებენ შენს გადაადგილებას — ჩვენს ვებგვერდზე განთავსებულ ლაივ რუკაზე.

სიურპრიზები მანქანაში

ჩვენ ვცდილობთ ხშირად გავანებივროთ ჩვენი მგზავრები პატარა, მაგრამ სიმბოლური და სასიამოვნო სიურპრიზებით მანქანაში – შეიძლება ეს იყოს საჩუქრები ქალთა დღისთვის, ვალენტინობისთვის თუ სხვა დღესასწაულებისთვის.

მოკლედ, თუ ფოთში ხარ და კომფორტული, უსაფრთხო და სასიამოვნო გადაადგილება გსურს, Bolt ფოთის ტაქსი და შენი საუკეთესო არჩევანია.

გადმოწერე აპლიკაცია და შეუდექი ქალაქის დათვალიერებას!

მგზავრობა გჭირდება?