8 სექ. 2023
ტონუ ტუნელის ხედვა
შესაძლოა აქამდე არ შეგიმჩნევია, თუმცა შენი ქალაქი ავტომობილებისთვისაა შექმნილი. ურბანული დასახლების 80% გზებსა და საპარკინგე ტერიტორიებს უკავიათ. უბრალოდ წარმოიდგინე, ამ ფართობის ნაწილზე პარკები და სასეირნო ადგილები რომ იყოს გაშენებული.
ჩვენი ინიციატივით, ცნობილმა ფოტოგრაფმა, ტონუ ტუნელმა, მოინახულა ევროპის სხვადასხვა ქალაქი და შექმნა ურბანული ტრანსფორმაციის ამსახველი ფოტო გალერეა, რომელშიც კარგად ჩანს, თუ როგორ იცვლება თითოეული მათგანი ავტომობილების ქალაქიდან ადამიანებისთვის განკუთვნილ ქალაქად გარდაქმნის პროცესში.
ქალაქების ტრანსფორმაციასთან დაკავშირებული ინფორმაციის გასაგებად კი, თავად ტონუ ტუნელს გავესაუბრეთ, რომელმაც გაგვიზიარა საკუთარი შთაბეჭდილებები.
“როგორც არქიტექტურის ფრილანსერ ფოტოგრაფს, ურბანული ვიზუალების ფირზე აღბეჭდვა ძალიან მიყვარს.
ცხოვრების დიდი ნაწილი ქალაქებზე, არქიტექტურაზე და ურბანულ გარემოზე დაკვირვებაში მაქვს გატარებული. ესტონეთის სამხატვრო აკადემიაში ფოტოგრაფიის განხრით სწავლის გაგრძელებამდე, მცირე ხნით ვსწავლობდი ინჟინერიას ტალინის ტექნიკურ უნივერსიტეტში, რამაც ურბანული სტილის ფოტოგრაფიით ჩემი დაინტერესება გამოიწვია.
ტალინში რამდენიმე ეპოქის შენობა-ნაგებობები გვხვდება, რამაც საშუალება მომცა გავცნობოდი როგორც შუა საუკუნეების, ისევე საბჭოთა კავშირისდროინდელ გადმონაშთებს და შემედარებინა ეს ყველაფერი ტექნოლოგიებით კეთილმოწყობილი, მოდერნული ქალაქის ნაწილებთან.
გარდა ამისა, ფირზე აღვბეჭდავ დასანგრევად ან რესტავრაციისთვის განკუთვნილ შენობებს, რადგან გარკვეულ საზოგადოებრივ პასუხისმგებლობას ვგრძნობ ამის მიმართ.”
„ამ პროექტზე მუშაობა საინტერესო ექსპერიმენტი იყო იმის აღმოსაჩენად, თუ რამდენად განსხვავებულ ემოციას ბადებს თითოეული ქალაქი, რამდენად განსხვავდება თითოეული მათგანი ერთმანეთისგან.
ქალაქების ზოგიერთ ნაწილში გადაადგილება საკმაოდ მარტივი იყო, ნაწილში კი პირიქით. Პროექტის სპეციფიკიდან გამომდინარე, ქალაქებში გადაადგილების თავისებურებებიც მარტივად ავითვისე.
ისევე, როგორც ჩვეულებრივი ტურისტები, დავდიოდი ფოტოაპარატით და ვცდილობდი დამეფიქსირებინა გადატვირთული ქუჩების კადრები. ქალაქებში მოგზაურობა სავსე იყო დაუვიწყარი მომენტებით, თუმცა ყველაზე ამაღელვებელი მთელი ამ მოგზაურობიდან ტრანსფორაციის ხილვა იყო – ავტომობილებით გადატვირთული ქალაქებიდან ფეხით მოსიარულეებზე მორგებულ ქალაქებად.
პარიზის ელექტრო ველოსიპედით დათვალიერება ერთ-ერთი ყველაზე გასაოცარი მოგონებაა ჩემთვის, კოპენჰაგენმა კი ჩემი ყურადღება საცობთან დაკავშირებული კულტურით მიიპყრო. ამ დროს კი, ამსტერდამში გადაადგილება შედარებით რთული აღმოჩნდა.
კონკრეტული ლოკაციების დასახელება მიჭირს, თუმცა გამაოცა პარიზისა და ამსტერდამის ტრანსფორმაციამ. ასევე ქალაქები, როგორებიცაა ტორინო, მადრიდი, ტალინი და სტოკჰოლმი, ჩემი აზრით, დამატებით ცვლილებებს საჭიროებს.
მე კომფორტულად ვგრძნობდი თავს ყველგან, რადგან სკუტერებითა და ელექტრო ველოსიპედებით ვმგზავრობდი, თუმცა მესმის, რომ შესაძლოა ყველას არ ჰქონდეს იგივე თავდაჯერებულობა უცხო ქალაქში მოგზაურობისას.
იმისთვის, რომ შევქმნათ ქალაქები, რომლებშიც დაცულია ეკოლოგიური მდგომარეობა, გვჭირდება რაც შეიძლება მეტი გამწვანებული ტერიტორია, სხვადასხვა ტიპის სატრანსპორტო საშუალებებს შორის ბალანსი და ადამიანებზე გათვლილი მიდგომა.
მომავლის ქალაქები უნდა იყოს ხელმისაწვდომი, ეკომეგობრული, შექმნილი ადამიანებისთვის და არა ავტომობილებისთვის. ქალაქების ამგვარი ტრანსფორმაცია მოითხოვს კოლექტიურ პასუხისმგებლობასა და საერთო ძალისხმევას, რაც ჩვენი მოქალაქეობრივი ვალია.
ცვლილების განხორციელება სწრაფადაცაა შესაძლებელი და ამის დაწყება შეგვიძლია იმით, რომ ვიაროთ ფეხით მაშინ, როცა ეს შესაძლებელია, ნაცვლად ავტომობილით გადაადგილებისა. ან გამოვიყენოთ ელექტრო ველოსიპეტები, სკუტერები, საზოგადოებრივი ტრანსპორტი, საზიარო სატრანსპორტო აპლიკაცია.
იხილე ონლაინ გალერეა სრულად და გაიგე მეტი, თუ როგორ შეგვიძლია გარდავქმნათ ქალაქები ადამიანებისთვის და არა ავტომობილებისთვის.
