ალბათ ყოველდღიურად უამრავი მსგავი ფრაზა მოგისმენია და ეს გამოთქმაც არ უნდა იყოს შენთვის უცხო. თანამედროვე სამყაროში ეს თემა ერთი შეხედვით, თითქოს გაცვეთილ და არააქტუალურ საკითხად უნდა იყოს მიჩნეული, თუმცა რეალობაში ეს პრობლემა ისევ არსებობს. ამ ბლოგში ვისაუბრებთ იმ სტერეოტიპებზე, რომლებსაც ქალები დასაქმების, უფრო კონკრეტულად კი, სატრანსპორტო სფეროში აწყდებიან.

სამგზავრო აპლიკაციით ავტომობილის მართვა დამატებითი შემოსავლის მიღების კარგი ალტერნატიული და ხელმისაწვდომი გზაა. 2023 წელს ევროპასა და აფრიკაში ჩატარებული გამოკითხვის შედეგად აღმოჩნდა, რომ ქალების მხოლოდ 7.2% განიხილავს ამ ალტერნატივას თანხის გამომუშავების საშუალებად. საინტერესოა ის ხელისშემშლელი ფაქტორები, რომლებიც ქალებს ამ გადაწყვეტილების მიღებისას აფერხებთ.

ერთ-ერთი მთავარი მიზეზი, რატომაც ქალები ამ ალტერნატივის გამოყენებისგან თავს იკავებენ, არის ის, რომ საზოგადოებაში ეს საქმიანობა მიჩნეულია, როგორც “კაცის პროფესია”. ჩვენს გარშემო კვლავ არსებობს აზრი, რომ ინდუსტრიები და პროფესიები გენდერის მიხედვითაა დაყოფილი. ამგვარი დრომოჭმული სტერეოტიპები ზღუდავენ ქალებს, გადადგან ნაბიჯი დამატებითი შემოსავლის ალტერნატიული გზების ძებნისკენ, თუნდაც ეკონომიკური სიდუხჭირის დროს.

ჩვენც გვსურს წვლილი შევიტანოთ ამ დაბრკოლებად ქცეული სტერეოტიპების მსხვრევის საქმეში და ვიზრუნოთ ისეთი პლატფორმის შექმნაზე, რომელიც შემოსავლის მიღების უსაფრთხო, სანდო და თავისუფალი ალტერნატივა იქნება არჩევანის წინაშე მდგარი ქალებისთვის. მივცეთ მოტივაცია, არ შეშინდნენ მათ გარშემო არსებული საზოგადოებრივი ბარიერების პირისპირ და მიიღონ გადაწყვეტილებები სტერეოტიპული მიდგომებისგან დამოუკიდებლად.

უსაფრთხოება

გამოკითხული ქალების მეოთხედი (23.3%) ერთ-ერთ შემაფერხებელ დაბრკოლებად უსაფრთხოებას ასახელებს.

მძღოლებისა და მგზავრების უსაფრთხოება არის და მუდმივად იქნება ჩვენი უმთავრესი პრიორიტეტი. ამისათვის აპლიკაციაში ვააქტიურებთ დამატებით ფუნქციებს, რომ ჩვენი პლატფორმა მაქსიმალურად სანდო და კომფორტული იყოს როგორც მძღოლებისთვის, ისე მგზავრებისთვისაც.

მგზავრობის გაზიარების ფუნქცია აძლევს საშუალებას მძღოლებს, გაუზიარონ ლაივ ლოკაცია მეგობრებსა და ოჯახის წევრებს. ასევე, მუდმივად ვაკონტროლებთ და ვიღებთ შესაბამის ზომებს იმ მგზავრების მიმართ, რომლებიც იღებენ დაბალ შეფასებებს.

თავისუფალი გრაფიკი

ჩვენი პლატფორმა ქალ პარტნიორ მძღოლებს დამატებითი შემოსავლის გამომუშავების ალტერნატივას სთავაზობს.

თუმცა, მნიშვნელოვანია, რომ გრაფიკი სრულიად თავისუფალია და შეგიძლია მთელი კვირა საკუთარი სურვილისამებრ დაგეგმო, იყო შენი თავის უფროსი და მიიღო კიდევ უფრო მეტი დამატებითი შემოსავალი საბონუსე კამპანიებით ყოველკვირეულად.

ჩვენი პარტნიორი კომპანიები გთავაზობენ შეღავათებს საწვავზე, საკვებ ობიექტებზე, მანქანის სერვიებზე, სამრეცხაოებზე და ა.შ.

გარდა ამ შეღავათებისა, მნიშვნელოვანია რეგისტრაციის სიმარტივე და თანხის ყოველკვირეული ჩარიცხვა.

ქალის ადგილი იქ არის, სადაც თავად სურს

ჩვენი პლატფორმა არაერთი ქალისთვის იქცა მნიშვნელოვან შემოსავლის წყაროდ და პროფესიადაც კი! ჩვენი პარტნიორი ქალი ტოპ მძღოლები საუკეთესო სერვისს სთავაზობენ მომხმარებლებს და სწორედ იმ ჯერ კიდევ შემორჩენილი სტერეოტიპების წინააღმდეგ იბძვიან, რაც, საწუხაროდ, დღემდე არსებობს ჩვენს საზოგადოებაში.

ჩვენ ვცდილობთ ავამაღლოთ ცნობიერება და წვლილი შევიტანოთ ამ ბრძოლაში, შევთავაზოთ ქალებს მოქნილი, დამოუკიდებელი სამუშაო ალტერნატივა Bolt-ის სამგზავრო აპლიკაციის სახით, რაც განსაკუთრებით მნიშვნელოვანია ეკონომიკური კრიზისის დროს.

ქალის ადგილი სწორედ იქ არის, სადაც თავად სურს და ვერანაირი სტიგმა თუ სტერეოტიპი ამ გზაზე დაუძლეველი დაბრკოლება ვერ იქნება!

გახდი ჩვენი პარტნიორი მძღოლი და შემოგვიერთდი ამ თავგადასავალში 🚀