ეძებ მშვიდ და კომფორტულ ადგილს სასეირნოდ? გჭირდება სივრცე მარტოობისთვის? მაშინ ეს ბლოგი შენთვის არის. ჩვენ მოვამზადეთ თბილისში ყველაზე ლამაზი პარკების სია.
მაგრამ პირველ რიგში გაგაცნობ სასიამოვნო სიახლეს:
ეკოლოგიის საერთაშორისო დღესთან დაკავშირებით წარმოგიდგენთ ახალ კატეგორიას Bolt-ის აპლიკაციაში – Bolt Walk!
ხელმისაწვდომი იქნება მხოლოდ დღეს – 1-ელ ნოემბერს. Bolt Walk არის საუკეთესო გზა მოკლე მანძილზე გადასაადგილებლად. გახსოვდეთ, რომ სეირნობა სასარგებლოა როგორც ჩვენთვის, ასევე ჩვენი პლანეტისთვის.
Bolt Walk არის:
- ხელმისაწვდომი – ფასი 0 ლარი;
- უკეთესი გარემოსთვის – CO2-ის გამოყოფის გარეშე;
- უკეთესი შენი ინსტაგრამისთვის – შეგიძლია გაჩერდე ნებისმიერ ადგილას და გადაიღო სასურველი ფოტოები!
სად შეიძლება წახვიდე ფეხით სასეირნოდ?
სასეირნო ადგილები თბილისში
თუ ეძებ ადგილს თბილისში, სადაც შეგიძლია მარტო გაისეირნო ბუნებაში, მიირთვა ლანჩი სუფთა ჰაერზე ან შეხვდე მეგობრებს – ჩვენ გთავაზობთ ლამაზი პარკების სიას, რომელსაც შეგიძლია ესტუმრო:
- ვაკის პარკი – გაშენებულია ვაკის რაიონის ბოლოში. ვაკის პარკს განსაკუთრებულ ხიბლს წითელი ქვიშა მატებს, რომლითაც მოპირკეთებულია სავალი გზები. ვაკის პარკში საბავშვო ქალაქი, ღია კინოთეატრი, კაფე–ბარები და რესტორანია განთავსებული.
- კუს ტბა (ქორქის ტბა) – ტბა თბილისში, მთაწმინდის ქედის ჩრდილოეთ კალთაზე მდებარეობს. ტბის მიდამოები კეთილმოწყობილია, ტბის პირას განლაგებულია კაფე–ბარები და რესტორნები. ხშირად იმართება სპორტული ღონისძიებები.
- ლისის ტბა – ტბა თბილისის ქვაბულში, ქალაქის ჩრდილოეთ–დასავლეთით. ტბაში მოშენებულია თევზი. საწყლოსნო სპორტისა და თევზაობის მოყვარულთა, აგრეთვე თბილისელთა დასასვენებელი ადგილია.
- ძველი იპოდრომი – ადგილი თბილისის ცენტრში, სადაც ადამიანები სეირნობენ, ვარჯიშობენ, კავდებიან სხვადასხვა აქტივობებით (მაგ. მოყვარულთა რაგბი, ფრიზბი, ა.შ), მეგობრებთან ერთად აწყობენ პიკნიკებს ან ასეირნებენ შინაურ ცხოველებს.
- მთაწმინდა – როგორც დასვენებისთვის, ასევე გართობისთვის ერთ–ერთი საუკეთესო ადგილია თბილისში. ულამაზესი ხედები და თანამედროვე ატრაქციონები საუკეთესო საშუალებაა განტვირთვისთვის ოჯახთან ან მეგობრებთან ერთად. ასევე ტერიტორიაზე წარმოდგენილია კაფეები და რესტორნები.
- რიყე – ძველ თბილისში სეირნობისას პარკში “მშვიდობის ხიდის” საშუალებით მოხვდებით. რიყის პარკში შეგიძლიათ ითამაშოთ გიგანტური ჭადრაკი, აგრეთვე გიგანტურ პიანინოზე დაუკრათ, აცოცდეთ ხელოვნურად შექმნილ კლდეზე ან დაემალოთ ერთმანეთს ლაბირინთებში.
პარკში ასევე წარმოდგენილია საბაგირო, რომლის საშუალებითაც ნარიყალას ციხესიმაგრეში მოხვდებით.
- მუშტაიდის ბაღი – ბარათაშვილისა და ცაბაძის კვეთაზე მდებარეობს ატრაქციონებით სავსე ბაღი. მუშტაიდის ბაღი საუკეთესო საშუალებაა ოჯახთან ერთად დასვენებისთვისა და გართობისთვის. სხვადასხვა ტიპის საინტერესო სპექტაკლებს მართავს მოძრაობის თეატრი და შეგიძლიათ მიმდებარე ტერიტორიაზე ესტუმროთ რესტორნებს. ბაღის მთავარ ღირსესანიშნაობას წარმოადგენს – ძელქვის კორომი, რომელიც განსაკუთრებულ ხიბლს ძენს ტერიტორიას.
- ბოტანიკური ბაღი (ყოფილი სამეფო ბაღი) – სოლოლაკის ქედის სამხრეთით, მდინარე წავკისისწყლის (ლეღვთახევის) ხეობაში მდებარეობს. ბაღში წარმოდგენილია საქართველოსა და მსოფლიოს ფლორის მრავალფეროვანი კოლექციები. ასევე, შეგიძლია იხილო ტროპიკული ორანჟერეა წითელ წიგნში შეტანილი მცენარეები.
თუ დღეს გჭირდება გადაადგილება აირჩიე ფეხით გასეირნებ და თუ არ შეგიძლია, გახსოვდეს რომ Bolt-ის ყველა მგზავრობა ნახშირბად–ნეიტრალურია.
