თანამშრომლების ბედნიერება და კეთილდღეობა რომ ბიზნესის წარმატების მამოძრავებელი ძალაა, ამას ყველა დიდი კომპანია აღიარებს. მართლაც, ჯანსაღი და აქტიური გუნდის მოტივაციას ახალი სიმაღლეების დაპყრობა შეუძლია.

ისეთი გარემოს შექმნა, სადაც თავს ყველა კომფორტულად და მოტივირებულად იგრძნობს, საკმაოდ რთული და გრძელვადიანი პროცესია. დიდი დროს საჭირო, რომ თანამშრომლებმა ცვლილებები საკუთარ თავზე შენიშნონ, რადგან ბევრი ადამიანი თანამშრომლების ბედნიერების მთავარ გასაღებად ჯერ კიდევ მხოლოდ ანაზღაურებას მიიჩნევს.

როგორც ჩანს, დროსთან ერთად ტენდეციებიც შეიცვალა, რადგან მსოფლიოში დიდი კომპანიების 81%-მა და პატარა კომპანიების 51%-მა აქტიურად დაიწყო თანამშრომლების კეთილდღეობის პროგრამების ინტეგრაცია კომპანიის სამუშაო კულტურაში.

სწორი სტრატეგიული ნაბიჯებით თქვენ შეგიძლიათ შექმნათ სამუშაო გარემო, რომელიც გაზრდის თანამშრომლების ჩართულობას, პროდუქტიულობას და ზოგადად, მათ პოზიტიურ განწყობას.

რა არის თანამშრომლების კეთილდღეობა?

თუ აქამდე თანამშრომლების კეთილდღეობის ერთ-ერთი მთავარი საზომი ჯანმრთელობის დაზღვევა იყო, ახლა უკვე მნიშვნელოვანია ყურადღების გამახვილება ემოციურ, ფიზიკურ, მენტალურ და ეკონომიკურ ფაქტორებზე. Ბენეფიტების ეს ფართო სპექტრი დამსაქმებლებისთვის ართულებს უშუალოდ თანამშრომლების საჭიროებებზე მორგებული გადაწყვეტილებების მიღებას.

მაგრამ კარგი ამბავი ის არის, რომ არსებობს მრავალი გზა, როგორ აქციოთ თქვენი სამუშაო ადგილი მეტად კომფორტულ გარემოდ და თანამშრომლებს გრძელვადიანი კეთილდღეობა შეუქმნათ.

თანამშრომლების კეთილდღეობის 7 გზა

თანამშრომლების კეთილდღეობა არა ერთ ასპექტს მოიცავს. გუნდის მოთხოვნილებების დასაკმაყოფილებლად, აუცილებელია ისეთი პროგრამების შეთავაზება, რომლებიც მაქსიმალურად დაფარავს აღნიშნულ ასპექტებს. ამის გასაადვილებლად, უმჯობესია, გამოვყოთ თანამშრომლების კეთილდღეობის 7 გზა:

ფიზიკური
კარიერული
ფინანსური
სოციალური
გარემო
ემოციური
მიზნობრივი

თანამშრომლების კეთილდღეობის 4 სარგებელი

არ აქვს მნიშვნელობა თქვენი კომპანიის მასშტაბებს, თქვენ უნდა იცოდეთ რა უპირატესობები აქვს სამუშაო ადგილზე კეთილდღეობის ხელშეწყობას. თანამშრომლების კეთილდღეობის გაუმჯობესებისკენ ნაბიჯების გადადგმას არაერთი სარგებლი მოაქვს, მათ შორის კი, ეს 4 შეგვიძლია გამოვყოთ.

1. გაზრდილი ჩართულობა

თქვენი თანამშრომლების ფიზიკური, მენტალური და ფინანსური საჭიროებების დაკმაყოფილებით ისინი თავს მეტად ღირებულად და დაფასებულად იგრძნობენ. სამაგიეროდ კი, დასაქმებულების მხრიდან ჩართულობის ზრდა გაამყარებს კომპანიასა და თანამშრომლებს შორის ურთიერთობას.

2. გაუმჯობესებული პროდუქტიულობა

დასაქმებულებისთვის ჯანსაღი გარემოს შექმნა ზრდის პროდუქტიულობას და ამარტივებს გადაწყვეტილებების მიღების პროცესს, რაც აუცილებელია თანამშრომლების და მთლიანად კომპანიის წარმატებისთვის.

3. Საუკეთესო ტალანტების მოზიდვა

თქვენს კომპანიაში არსებული დაბალანსებული გარემო აუცილებლად მოიზიდავს ნიჭიერ კანდიდატებს და დაგეხმარებათ არსებული თანამშრომლების შენარჩუნებაში. მეტიც, კვლევის მიხედვით 5-დან 3 თანამშრომელი განიხილავს, რომ შედარებით დაბალანაზღაურებად პოზიციაზე იმუშაოს, თუ სამუშაო გარემო მეტად უჭერს მხარს მის კეთილდღეობს.

4. დასწრების მაღალი მაჩვენებელი

Შემცირებული სტრესის დონე, გაძლიერებული თანამშრომლობა და გრძელვადიანი ჯანსაღი ურთიერთობები თანამშრომლებს უბიძგებს მეტი დრო გაატარონ სამსახურში.

იდეები თანამშრომლების კეთილდღეობის გასაზრდელად

Როცა იცით რა უპირატესობები აქვს თანამშრომლების კეთილდღეობის გაუმჯობესებას, შემდეგი ნაბიჯია მარტივი სტრატეგიით დაიწყოთ ზრუნვა დასაქმებულებისთვის უკეთესი გარემოს შექმნაზე. ამისთვის მნიშვნელოვანია მოიცვათ სამუშაო გარემოს ეს 7 ასპექტი.

1. მხარი დაუჭირეთ ჯანსაღი ცხოვრების სტილს

კვლევებმა აჩვენა, რომ დასაქმებულების ფიზიკური ჯანმრთელობა ზრდის კონცენტრაციას, კრეატიულობას და ამცირებს სტრესს. ასევე თანამშრომლებსი, რომლებიც ჯანსაღად იკვებებიან და რეგულარულად ვარჯიშობენ, ნაკლებად ავადმყოფობენ.

თანაშრომლების ჩართვა სხვადასხვა ფიზიკურ აქტივობებში შესაძლებელია როგორც ოფისის შიგნით, ასევე მის გარეთ. ოფისში შეგიძლიათ, დაამატოთ:

რეგულირებადი სამუშაო მაგიდები
ჯანსაღი საკვები
სპეციალური სავარჯიშო სივრცე

ოფისში გატარებული დროის გარდა, ჯანსაღი ცხოვრების სტილის წახალისება შეგიძლიათ:

Სავარჯიშო დარბაზების ფასდაკლებების შეთავაზებით
რეგულარული ჯანმრთელობის სკრინინგების მოწყობით
Სხვადასხვა სპორტული აქტივობებით თანამშრომლებისთვის (ფეხბურთი, კალათბურთი, პადელი და სხვა)

არ აქვს მნიშვნელობა ზემოთ ჩამოთვლილთაგან რომელ აქტივობებს დანერგავთ სამუშაო გარემოში, მთავარია თქვენმა თანაშრომლებმა იცოდნენ იმ შესაძლებლობის შესახებ, რომლებსაც მათ კომპანია სთავაზობს ჯანსაღი ცხოვრების მიმართულებით.

2. შეუწყვეთ ხელი თქვენი თანამშრომლების წინსვლას

ხშირად, თანამშრომლების განწყობები მათი საქმის მიმართ შეუმჩნეველი რჩება. დამსაქმებლებმა არ იციან თანამშრომლის ყოველდღიური გამოწვევების, იმედგაცრუების შესახებ და ან გრძნობენ თუ არა ისინი თავს დაფასებულად. ამან შეიძლება გავლენა იქონიოს მოტივაციასა და პროდუქტიულობაზე.

იმისთვის, რომ თანამშრომლებმა თავი დაფასებულად იგრძნონ, მათ სჭირდებათ სწორი ინსტრუმენტები და საშუალებები წინსვლისთვის, რომლებიც მოიცავს:

დაწინაურების შესაძლებლობებს
სწავლისა და განვითარების პროგრამებს
დადებით უკუკავშირს, საჭიროების შემთხვევაში

ეს ყველაფერი უზრუნველყოფს კეთილდღეობას სამუშაო ადგილზე, რაც გაზრდის მოტივაციას, მიზნის ერთგულებასა და სამუშაო კმაყოფილებას.

3. ფინანსური სტრესისგან გათავისუფლება

ფინანსურმა სტრესმა შეიძლება გავლენა მოახდინოს ყველაფერზე – დაწყებული თანამშრომლის მოტივაციიდან ფსიქიკურ ჯანმრთელობამდე. ამიტომ, აუცილებელია მსგავსი პრობლემების დასაწყისშივე მოგვარება, სანამ ისინი გართულდება.

ფინანსური კეთილდღეობის პროგრამებს, როგორიცაა ფინანსური კონსულტანტის ხელმისაწვდომობა, მხარს უჭერს დასაქმებულთა 83%.

ასევე, თანამშრომლებისთვის შეიძლება პრობლემური იყოს ბიზნეს ლანჩების ან ყოველდღიური შეხვედრებისთვის ტრანსპორტირების ხარჯების საკუთარი ბიუჯეტით გადახდა – ვინაიდან ეს ყველაფერი უკავშირდება არა მათ პირად ცხოვრებას, არამედ სამსახურეობრივ საქმიანობას.

სამსახურეობრივი გადაადგილებების ხარჯების დაფარვა კომპანიის მხრიდან მარტივად შეიძლება Bolt Business-ის დახმარებით. თანამშრომლებს აღარ მოუწევთ პირადი თანხებით მგზავრობა და დროის კარგვა ხარჯების რეპორტების წარმოებაში, შემდეგ კი ამ ხარჯების ანაზღაურების ლოდინში.

4. ჩაერთეთ საზოგადოებრივ ინიციატივებში

საზოგადოებისთვის სასარგებლო საქმეებში ჩართვა ორმაგად სასიამოვნო გამოცდილებაა. გარდა იმისა, რომ საზოგადოებისთვის სასარგებლო ინიციატივაა, ეს ასევე აღრმავებს კავშირს თქვენს თანამშრომლებსა და საზოგადოების სხვა წევრებს შორის.

დაუკავშირდით ჯგუფებს, რომლებიც თქვენი გუნდის წევრებისთვის საინტერესოა და შესთავაზეთ მათ სხვადასხვა შესაძლებლობები ამ მიმართულებით. წაახალისეთ თანამშრომლების მიერ მოხალისეობრივ საქმიანობებში ჩართვა, ან საქველმოქმედო ღონისძიებების ორგანიზება.

საზოგადოების კეთილდღეობაში წვლილის შეტანა ღირებული საქმიანობაა, რომელსაც შეუძლია აამაღლოს ღირებულებები, მიზანდასახულობის გრძნობა და უფრო დააახლოვოს თქვენი გუნდის წევრები.

5. შექმენით მიზანზე ორიენტირებული კულტურა

პირადი ღირებულებები მნიშვნელოვნად მოქმედებს კარიერულ ამბიციებზე და მიმართულებას აძლევს კომპანიას.

ადამიანებს უნდათ ჰქონდეთ მიზანი, რისთვისაც იმუშავებენ. მილენიალების თითქმის ნახევარმა და თაობა Z-ის 44%-მა სამუშაო ადგილი აირჩია ეთიკის გამო.

მიზეზი მარტივია – თანამშრომლებს სურთ, იმუშაონ კომპანიაში, რომელიც იზიარებს მათ ღირებულებებს. უმრავლესობისთვის, არაფერია იმაზე მნიშვნელოვანი, ვიდრე პლანეტის დახმარება. კომპანიები, რომლებიც იღებენ ეკოლოგიურად შეგნებულ გადაწყვეტილებებს, იზიდავენ ტოპ ტალანტებს და ინარჩუნებენ მათ.

კომპანიები, რომლებიც იყენებენ Bolt business-ის კორპორატიული ტაქსის მომსახურებას, სწორედ ეკოლოგიურად სუფთა გადაწყვეტილებას იღებენ. Რადგან ბოლტ ბიზნესთან ერთად მცირდება კომპანიების მანქანების რაოდენობა გზებზე, შესაბამისად მცირდება გამონაბოლქვი და ხმაურის დონე.

Მეტიც, Bolt Business-ის მგზავრობები ევროპაში ნახშირბად-ნეიტრალურია!

6. წაახალისეთ შესვენებები

მნიშვნელოვანი პირადი და სამუშაო ურთიერთობები აუცილებელია გრძელვადიანი ჯანმრთელობისა და კეთილდღეობისთვის.

ცხოვრება ურთიერთობებს უკავშირდება და აუცილებელია, რომ სამუშაომ არ დაბლოკოს თქვენი თანამშრომლების სოციალური აქტივობები. თუ თქვენი გუნდი თავს დამნაშავედ გრძნობს ყოველ ჯერზე, როცა ისვენებს და დროს საკუთარ თავს უთმობს, ესეიგი თქვენ რაღაცას არასწორად აკეთებთ.

შესვენებისა და ძალების აღდგენისთვის დროის დახარჯვა ყველა ადამიანის ფსიქიკური ჯანმრთელობისათვის და შესაბამისად, ბიზნესისთვის სასარგებლოა! შესვენება – ლანჩზე ან თუნდაც შვებულებაში წასვლა – შესანიშნავია კეთილდღეობისა და პროდუქტიულობისთვის. მიუხედავად იმისა, რომ სავარაუდოდ თქვენ ისედაც სთავაზობთ შესვენებებს და ანაზღაურებად შვებულებებს, ზოგჯერ თანამშრომლების წახალისება აუცილებელია.

მოქნილი სამუშაო საათები შეიძლება ასევე იყოს მომგებიანი თქვენი გუნდის წევრების და სამუშაო გარემოს კეთილდღეობისთვის. ტრადიციული 9-დან 5 საატამდე მდე გრაფიკის მოხსნა თანამშრომლებს საშუალებას მისცემს დააბალანსონ თავიანთი პირადი და პროფესიული ცხოვრება.

7. დააპრიორიტეტეთ ემოციური კეთილდღეობა

სტრესის გამო ყოველდღიურად დაახლოებით 1 000 000 თანამშრომელი აცდენს სამსახურს. სტრესი გარდაუვალია ყველაზე პოზიტიურ სამუშაო ადგილებზეც კი. აუცილებელი მხარი დაუჭიროთ თქვენს თანამშრომლებს და შეუქმნათ სტრესისგან მაქსიმალურად თავისუფალი გარემო.

ამისთვის კარგია, წაახალისოთ ემოციური ჯანმრთელობის პროგრამები, რომლებიც ასწავლიან თანამშრომლებს სტრესთან გამკლავების გზებს, როგორებიცაა

რეგულარული შესვენებები
მედიტაცია
ყოველდღიური გაწელვები

ასევე, თქვენი მოვალეობაა, გაათავისუფლოთ სამუშაო გარემო ყველანაირი არასაჭირო სტრესისგან, რითიც საშუალებას მისცემთ თვენს გუნდს ყურადღება გაამახვილონ მნიშვნელოვან საკითხებზე.

მენტალური კეთილდღეობა სამუშაო გარემოში

დეპრესია და შფოთვა აიძულებს თანამშრომლებს, ყოველწლიურად 12 მილიარდი სამუშაო დღე დაკარგონ. თუ კომპანია ვერ მოახერხებს მხარი დაუჭიროს თანამშრომლების ფიზიკურ და მენტალურ ჯანმრთელობას, ეს აუცილებლად აისახება პროდუქტიულობაზე, სამუშაოს შესრულების ხარისხზე და სამუშაო გარემოზე. როგორც დამსაქმებელმა, აუცილებელია ფსიქიკური ჯანმრთელობა პრიორიტეტად აქციოთ.

სამსახურში მენტალური კეთილდღეობის გაუმჯობესება შეიძლება მოიცავდეს მცირე (თუმცა მნიშვნელოვანი) ცვლილებების განხორციელებას, მაგალითად:

უზრუნველყავით ფსიქიკური ჯანმრთელობის ტრენინგი მენეჯერებისთვის, რათა მათ მხარი დაუჭირონ გუნდის წევრებს რთულ მომენტებში.
მხარი დაუჭირეთ მოქნილ სამუშაო გრაფიკს, რათა ხელი შეუწყოთ პროფესიული და პირადი ცხოვრების უკეთეს ბალანსს.
განაცხადეთ, რომ ყველა თანამშრომელმა უნდა მიიღოს ლანჩის შესვენება და სთხოვეთ, დაამატონ ის კალენდრებში.

სხვა აქტივობები, რაც ხელს შეუწყობს თანამშრომლების კეთილდღეობას:

წაახალისეთ თქვენი გუნდი დღის განმავლობაში ოფისის გარეთ გასვლაზე, სადილის დროს გასეირნება, ან ოფისის გარეთ შეხვედრების მოწყობა იდეალური შესაძლებლობაა თანამშრომლების კეთილდღეობის გასაზრდელად;
მოაწყვეთ ისეთი ღონისძიებები, რომლებიც შეიცავს სხვადასხვა ინტელექტუალურ თუ გასართობ თამაშებს;
გააკეთეთ ინვესტიცია რეგულირებად სამუშაო მაგიდებში;
მუდმივად განაახლეთ ჯანსაღი საკვები ოფისის სამზარეულოში;
შესთავაზეთ ფინანსური მხარდაჭერა სპორტული დარბაზის წევრობისთვის.

ამ ნაბიჯების გადადგმა ხელს შეუწყობს ჯანსაღი სამუშაო გარემოს შექმნას. მაგრამ ყველაფერი ეს მაინც ვერ შეცვლის სამუშაოს უსაფრთხოების დაბალ დონეს, გადაჭარბებული დატვირთვით მუშაობას ან მრავალფეროვნების, თანასწორობისა და ინკლუზიურობის არარსებობას.

თქვენს გუნდს უნდა შეეძლოს სამსახურში მოსვლა იმის გარანტიით, რომ ისინი უსაფრთხო გარემოში არიან.

ფინანსური კეთილდღეობა სამუშაო ადგილზე

ფინანსები მნიშვნელოვან გავლენას ახდენს თქვენი თანამშრომლების ფსიქიკურ ჯანმრთელობაზე. თუ თქვენი გუნდის წევრს ფინანსური სირთულეები აქვს, მაშინ თითქმის შეუძლებელი იქნება მათთვის სამუშაოს მაღალ დონეზე შესრულება.

როგორც დამსაქმებელი, უნდა დარწმუნდეთ, რომ თქვენი გუნდისთვის შემოთავაზებული ფინანსური სარგებელი აკმაყოფილებს მათ საჭიროებებსა და პრიორიტეტებს ცხოვრებაში. მენეჯერების ფსიქიკური ჯანმრთელობის ტრენინგი, რომელზეც ზემოთ ვისაუბრეთ, მათ უფრო ხელმისაწვდომს ხდის გუნდის იმ წევრებისთვის, რომლებსაც აქვთ ფინანსური პრობლემები.

პროაქტიულად მოქმედება ინფორმაციის ხელმისაწვდომობასთან მიმართებით საშუალებას აძლევს თანამშრომლებს მიიღონ მათთვის საჭირო პასუხები. ამ ნაბიჯის გადადგმა მიახვედრებს მათ, რომ ფინანსები არ არის ტაბუდადებული საკიტხი და მისი განხილვა შესაძლებელია სამუშაო ადგილზე.

კორპორატიული ტრანსპორტირება თანამშრომლების ჯანმრთელობის გასაუმჯობესებლად

დღევანდელ ქაოტურ გარემოში გადაადგილება სტრესის გამომწვევი ერთ-ერთი ყველაზე მნიშვნელოვანი ფაქტორია, რომელსაც თანამშრომლები სამუშაო პროცესში აწყდებიან. Bolt Business-ის საშუალებით თქვენ შეგიძლიათ დაეხმაროთ თქვენს გუნდს გამოიყენოს გადაადგილების დრო სამუშაო დღისთვის გონებრივად მოსამზადებლად. გახადეთ ის ერთ-ერთ საუკეთესო სტრატეგიად სამუშაო ადგილზე კეთილდღეობის ხელშეწყობისთვის.

ნებისმიერი კომპანიის საყრდენი სწორედ თანამშრომლები არიან და თქვენი ამოცანაა პრიორიტეტად აქციოთ მათი კეთილდღეობა – ეს ეხება არა მხოლოდ მათ მიერ ოფისში გატარებულ დროს, არამედ გზას, რომელსაც ისინი ყოველდღიურად სამსახურში მოსასვლელად გადიან.

დარეგისტრირდით Bolt Business-ის პლატფორმაზე დღეს, რათა აჩვენოთ თქვენს გუნდს, რომ მათი კეთილდღეობა თქვენი პრიორიტეტია.

Bolt Business ეხმარება ნებისმიერი ზომის კომპანიას უზრუნველყოს გუნდის ხელმისაწვდომი, უსაფრთხო და საიმედო გადაადგილება. დაზოგეთ დრო და თანხები და დარწმუნდით, რომ თქვენს გუნდს ერთით ნაკლები საზრუნავი აქვს.