როგორ დავიცვათ უსაფრთხოება Bolt-ით მგზავრობისას

Bolt შენი მოსახერხებელი, სწრაფი და კომფორტული გადაადგილების საშუალებაა, რომლის გამოძახებაც თითის რამდენიმე დაჭერით შეგიძლია. ჩვენთვის კი მნიშვნელოვანია, რომ ამ პროცესმა უსაფრთხოდ ჩაიაროს.

ამიტომ, შევიმუშავეთ სხვადასხვა მექანიზმი და უსაფრთხოების ფუნქციებში გავაერთიანეთ.

თუმცა, უსაფრთხოებას შენი დახმარების გარეშე ვერ უზრუნველვყოფთ. 

უსაფრთხოება მგზავრობამდე

ჩვენ გვაქვს ფუნქციებისა და პროცესების ნაკრები, რომელიც ზრუნავს შენს უსაფრთხოებას მგზავრობის დაწყებამდე. 

გამართული ავტომობილები

ჩვენთვის აუცილებელია ვიყოთ დარწმუნებულები, რომ ჩვენს პლატფორმაზე არსებული თითოეული ავტომობილი არის გამართული, აქვს კარგი ტექნიკური მდგომარეობა და ყველა საჭირო საბუთი, რომელიც მისი ოპერირების ტერიტორიაზეა მოთხოვნილი.

სანდო მძღოლები

Bolt-ის პლატფორმის გამოყენებამდე, ჩვენ ვახდენთ თითოეული მძღოლის იდენტიფიკაციას და რეგულარუალდ ვატარებთ ID ბარათების შემოწმებას ჩვენი სერვისის ხარისხის შესანარჩუნებლად.

Bolt-ის პლატფორმაზე დარეგისტრირებულ თითოეულ მძღოლს აქვს ვალიდური მართვის მოწმობა და ეგზავნებათ ინსტრუქციები საუკეთესო გამოცდილების შესაქმნელად.

ჩვენ ასევე გავააქტიურეთ ავტომობილის მართვის ლიმიტები, რათა პარტნიორმა მძღოლებმა შეძლონ დასვენება, აღიდგინონ კონცენტრაცია და იყვნენ მუდამ ფხიზლად საჭესთან.

მგზავრობის შეკვეთა უსაფრთხოდ

მგზავრობის შეკვეთის შემდეგ დარწმუნდი, რომ იმყოფები მითითებულ ლოკაციაზე. თუმცა, საწყისი ლოკაციის პინის მონიშვნისას გაითვალისწინე — საჭიროა მძღოლმა დაგინახოს და ადვილად მიუდგეს მითითებულ ადგილს.

ჩვენი რეკომენდაციაა, რომ ჩართო ლაივ ლოკაციის გაზიარების ფუნქცია, რათა მძღოლს შენი მოგნება გაუმარტივდეს.

თუ მძღოლთან დაკავშირება დაგჭირდა, გამოიყენე Bolt-ის აპლიკაცია. ეს უზრუნველყოფს შენი ტელეფონის ნომრის ანონიმურობას და კომუნიკაციის აღრიცხვას.

შეამოწმე სანამ ავტომობილში ჩაჯდები

ავტომობილის გამოძახების შემდეგ შეგიძლია შეამოწმო მძღოლის ფოტო, სახელი, მანქანის მოდელი და ნომერი Bolt-ის აპლიკაციაში. 

რატომ არის მნიშვნელოვანი?

ვერიფიცირებულ მძღოლთან ერთად მგზავრობა ზრდის შენს უსაფრთხოებას, ვინაიდან დარწმუნებული იქნები, რომ ის აკმაყოფილებს ყველა ზემოთ დასახელებულ სტანდარტს.

ამიტომ, სანამ მანქანაში მოთავსდები, გთხოვთ დარწმუნდე, რომ მძღოლი და მანქანის ნომერი ემთხვევა აპლიკაციაში ნაჩვენებ მონაცემებს. ასევე, ნუ გაგიკვირდება, თუ მძღოლიც გამოთქვამს სურვილს შენი სახელი და საბოლოო მისამართი გადაამოწმოს. 

ნუ ჩაჯდები ავტომობილში, თუ მძღოლი არ ემთხვევა აპლიკაციაში ნაჩვენებ პროფილს. გააუქმე მგზავრობა და მიზეზად მონიშნე “მძღოლი/მანქანა არ ემთხვევა აპლიკაციაში ნაჩვენებ მონაცემებს” და დაუკავშირდი მხარდაწერის გუნდს.

ბავშვებთან, ცხოველებთან ან ბარგთან ერთად მგზავრობა

სთხოვე მძღოლს, დაგეხმაროს დიდი და მძიმე ბარგის ჩალაგებაში მაქსიმალური უსაფრთხოებისთვის.

ბავშვებთან ერთად მგზავრობისას, გამოიყენე ღვედები.

ფუმფულა ცხოველებთან ერთად გადაადგილებისას კი, დარწმუნდი, რომ ისინი დაცულად არიან, ხოლო მძღოლის ყურადღება მანქანის მართვისკენაა მიმართული.

შეიკარი ღვედი

რაც ასევე ყველაზე მთავარია, არ დაგავიწყდეს ღვედის შეკვრა, როგორც კანონითაა გათვლისწინებული!

უსაფრთხოება მგზავრობისას

უსაფრთხოების ფუნქციები Bolt-ის აპლიკაციაში მუდმივად აქტიურია. მაგალითად, მგზავრობის მონიტორინგი, რომელიც აფიქსირებს, როცა ავტომობილი გარკვეული დროის მანძილზე არ გადაადგილდება, ჩვენ კი გვაძლევს შესაძლებლობას სწრაფად გაგიწიოთ დახმარება.

მაგრამ სანამ უფრო საფუძვლიანად განვიხილავთ ფუნქციებს, მოდი მარტივი საკითხები გავიაროთ.

უსაფრთხოების ზოგადი წესები

არის შემთხვევები, როცა რაღაც მისამართზე მისვლა განსაკუთრებით გვიხარია. თუმცა, გთხოვთ, შეინარჩუნო უსაფრთხოება და არ დატოვო ავტომობილი მისი მოძრაობისას.

შეუწყვე ხელი მძღოლს, რომ მაქსიმალურად კონცენტრირდეს მანქანის მართვაზე.

თუ მგზავრობის დროს დახმარება დაგჭირდება, შეგიძლია გამოიყენო ფუნქციები აპლიკაციაში.

უსაფრთხოების ინსტრუმენტები

შეგიძლია გახსნა “უსაფრთხოების ინსტრუმენტები” აქტიური მგზავრობის ეკრანზე, მენიუს სექციიდან. უსაფრთხოების ფუნქციებიდან შეძლებ სასურველი ინსტრუმენტის გამოყენებას.

მგზავრობის გაზიარება

“მგზავრობის გაზიარების” ფუნქცია გაძლევს შესაძლებლობას გაუზიარო შენი მგზავრობის დეტალები საყვარელ ადამიანებს. 

ღილაკზე თითის დაჭერით, შეძლებ გააზიარო ბმული შენი ზუსტი, ლაივ ლოკაციით რუკაზე. შენს საყვარელ ადამიანებს არ დასჭირდებათ Bolt-ის აპლიკაცია, რომ თვალი ადევნონ შენს გადაადგილებას — რუკა განთავსებულია ჩვენს ვებგვერდზე. 

მგზავრობის პროცესში, შენ გამოგიჩნდება “მგზავრობის გაზიარების” ფანჯარა აპლიკაციაში.

სასწრაფო დახმარება

“სასწრაფო დახმარების” ღილაკი გაძლევს საშუალებას სწრაფად დაუკავშირდე ადგილობრივ სასწრაფო დახმარების გუნდს. ამ გზით ზიარდება თქვენი ზუსტი ლოკაცია და მანქანის დეტალები.

უსაფრთხოება მგზავრობის შემდეგ

დატოვე მანქანა ფრთხილად

როცა სასურველ მისამართზე მიხვალ და მანქანა სრულად გაჩერდება, გამოიჩინე სიფრთხილე მანქანის კარის გაღებისას. უმჯობესია გადახვიდე იმ მხარეს, სადაც მანქანების მოძრაობა არაა — მიუხედავად იმისა, რომ უკანა სავარძელზე მოგიწევთ ცოტა უხერხული მანევრირება.

მანქანიდან გადმოსვლისას კი, გახსოვდეს, რომ არ დაგრჩეს ნივთი ავტომობილში! თუ ნივთი მანქანაში დაგრჩება, დაუკავშირდი მხარდაჭერის გუნდს რაც შეიძლება მალე.

შენი შეფასება უზრუნველყოფს Bolt-ის უსაფრთხოებას

Bolt-ით თითოეული მგზავრობის შემდეგ, ჩვენ ველოდებით შენს შეფასებას. ამ გზით შეგიძლია გაგვიზიარო შენი გამოცდილება, მადლობა გადაუხადო მძღოლს, ან გვითხრა რა შევცვალოთ და გავაუმჯობესოთ.

ნუ მოგერიდება, იყავი გულწრფელი — შენი კონფიდენციალურობა დაცულია.

ჩვენთვის შენი შეფასება მნიშვნელოვანია. შენს შემდეგ მგზავრობაზე აღარ დაინიშნება ის მძღოლი, რომელსაც 1 ვარსკვლავიანი შეფასება დაუწერე. ჩვენ ასევე ვუზღუდავთ წვდომას ჩვენს პლატფორმაზე იმ მძღოლებს, რომლებიც არღვევენ სერვისის წესებს.

მხარდაჭერის გუნდი შენ გვერდით

Bolt-ის აპლიკაციაში მხარდაჭერის სექციაში შეგიძლია იპოვნო ხშირად დასმულ კითხვებზე პასუხები, სტატიები მნიშვნელოვან საკითხებზე. თუ დამატებითი დახმარება დაგჭირდება, ჩვენი მხარდაჭერის გუნდი შენს დასახმრებლად მზადაა.

მადლობა, რომ გვეხმარები, შევქმნათ უსაფრთხო პლატფორმა და გისურვებთ სასიამოვნო მგზავრობებს Bolt-თან ერთად!