გორის ღირსშესანიშნაობები, რომლებიც აუცილებლად უნდა ნახო

შიდა ქართლის ისტორიული ქალაქი გორი პატარა, მაგრამ დიდი წარსულის მქონე ადგილია. მას ჩვენი ქვეყნის რუკაზეც განსაკუთრებული როლი უჭირავს და მნიშვნელოვანი სატრანსპორტო წერტილია. გორის ღირსშესანიშნაობები კი, მდიდარია კულტურული მემკვიდრეობით, არქიტექტურით, ბუნებითა და… რა თქმა უნდა - წითელი ვაშლით.

თუ ამ ისტორიული მნიშვნელობის ქალაქში სტუმრობას გადაწყვეტ, ამ ბლოგს აუცილებლად უნდა გაეცნო. აქ მოგიყვებით, გორის იმ ღირსშესანიშნაობებზე, რომლებიც აუცილებლად უნდა ნახო. გორი დედაქალაქთან - თბილისთან საკმაოდ ახლოს მდებარეობს. ქალაქში გადაადგილებისთვის კი, საუკეთესო ალტერნატივა გვაქვს - გამოიძახე Bolt როცა გინდა, სადაც გინდა და იმგზავრე კომფორტულად, თითის რამდენიმე დაჭერით.

რა ვნახოთ გორში - ღირსშესანიშნაობები

გორში არაერთი ადგილია, რომელიც სალაშქროდ, სასეირნოდ, განსატვირთად, შემეცნებისა და შენი სხვა მრავალფეროვანი ინტერესისთვის შესანიშნავი აღმოჩენა იქნება.

ახლა იმ ადგილებზე მოგიყვებით, რომელთა ნახვასაც მცირე დროში მარტივად შეძლებ და ეს პატარა ქალაქი განსაკუთრებულად დაგამახსოვრებს თავს. თუ სტუმრობას გადაწყვეტ, გორის ღირსშესანიშნაობები და მისი ქუჩები თავიანთ ამბავს თავად მოგიყვებიან და ვფიქრობთ, ნამდვილად შეძლებს გორი თავი შეგაყვაროს და გულში ჩაგივარდეს. ქალაქის დასათვალიერებლად თუ გორის ტაქსი გინდა იპოვო, კომფორტულ და სწრაფ გადაადგილებაში Bolt დაგეხმარება.

გორის ციხე

გორის ციხე, ქალაქის ურყევი სიმბოლო, ამაყად დგას ქართლის გულში და მთელ ქალაქს გადმოჰყურებს. ციხესიმაგრე მხოლოდ ლანდშაფტის განუყოფელი ნაწილი არაა, ის მრავალსაუკუნოვანი ბრძოლებისა და ისტორიის მატიანე, უტყვი მოწმეა.

არქეოლოგიური კვლევებით დადგენილია, რომ გორის ციხის ადგილას, ჯერ კიდევ ძვ. წ. I ათასწლეულის ბოლოს, ძლიერი სიმაგრე არსებობდა, რომლის გარშემოც დასახლება იყო ჩამოყალიბებული. ისტორიულ წყაროებში ეს ადგილი „გორის ციხის“ სახელით პირველად XIII საუკუნეში მოიხსენიება. ციხე მნიშვნელოვანი სტრატეგიული ობიექტი იყო და მისი ხელში ჩაგდება მთლიანად ქართლზე პოლიტიკური ბატონობის გარანტი იყო. ციხემ დღევანდელი სახე 1774 წელს მიიღო, როდესაც ერეკლე II-მ ის საფუძვლიანად შეაკეთა.

რუსეთის მიერ ქართლ-კახეთის ანექსიის (1801) პირველ წლებში გორის ციხე ჯერ კიდევ ინარჩუნებდა თავის სტრატეგიულ ფუნქციას. თუმცა, დროთა განმავლობაში მან დაკარგა ადრინდელი მნიშვნელობა და დღეს ისტორიის ცოცხალ მემორიალად რჩება, რომელიც უამრავ მნახველს იზიდავს.

ოკუპაციის მუზეუმი

უძველესი ისტორიის პარალელურად, ქალაქის უახლეს გამოცდილებას ასახავს 2008 წლის ოკუპაციის მუზეუმი, რომელიც 2018 წელს გაიხსნა გორის უნივერსიტეტში. მუზეუმში ფუნქციონირებს სპეციალური ექსპოზიცია, რომელიც 2008 წლის აგვისტოს ომში რუსული აგრესიის ტრაგიკულ მოვლენებს ეძღვნება. ოკუპაციის მუზეუმის სივრცეში წარმოდგენილია ფოტომასალა, ვიდეოკადრები, პირადი ისტორიები და სხვადასხვა მტკიცებულება, რომლებიც ნათლად ასახავს ომის პერიოდის მოვლენებს, განადგურებულ სოფლებსა და დევნილთა გამოცდილებას.

თუ გორში მოხვდები, ამ მუზეუმში აუცილებლად შეიარე, ეს დაგეხმარება უკეთ გაიაზრო საქართველოს უახლესი ისტორიის ერთ-ერთი ყველაზე ტრაგიკული ეპიზოდი და მისი გავლენა ადგილობრივ მოსახლეობაზე.

სტალინის მუზეუმი

გორში ვიზიტისას, აუცილებლად გადაეყრებით იოსებ სტალინის მუზეუმს, რომელიც ქალაქის ერთ-ერთი ყველაზე საკამათო, თუმცა მნიშვნელოვანი ღირსშესანიშნაობაა.

მიუხედავად იმისა, რომ სტალინის სამუზეუმო კომპლექსი მისი გარდაცვალების შემდეგ, 1957 წელს გაიხსნა, იმ სახლში, სადაც იგი დაიბადა, მემორიალური მუზეუმი ჯერ კიდევ 1937 წლიდან, მის სიცოცხლეშივე არსებობდა.

მუზეუმის ვრცელი კოლექცია 60,000-მდე ექსპონატს მოიცავს, რომლებიც სტალინის ცხოვრებასა და მოღვაწეობას ასახავს. კომპლექსი რამდენიმე ნაწილისგან შედგება: ნახავთ მემორიალურ სახლს, სადაც სტალინი დაიბადა, საექსპოზიციო შენობას და სტალინის პირად, დაჯავშნულ ვაგონს, რომლითაც მან ისტორიულ კონფერენციებზე იმგზავრა თეირანში, იალტასა და პოტსდამში.

მუზეუმში ასევე დაცულია მისი პირადი ნივთები. ეს კომპლექსი ქალაქის ცენტრში, სტალინის გამზირის 32 ნომერში მდებარეობს და საშუალებას გაძლევს, უკეთ გაეცნო მე-20 საუკუნის ერთ-ერთი ყველაზე გავლენიანი და წინააღმდეგობრივი ფიგურის ისტორიას. Bolt ნებისმიერ მისამართზე სწრაფად და კომფორტულად მიგიყვანს, ამიტომ დრო ყველა ღირსშესანიშნაობის მოსანახულებლად გეყოფა.

გორის ისტორიულ-ეთნოგრაფიული მუზეუმი

თუ მუზეუმების მოყვარული ხარ, გორის კიდევ ერთ საინტერესო და ისტორიულ დაწესებულებაზე მოგიყვებით. გორის ისტორიულ-ეთნოგრაფიული მუზეუმი დაარსდა 1935 წელს და მის კოლექციაში წარმოდგენილია უძველესი დროიდან თანამედროვე ეპოქამდე დათარიღებული ნივთები — მათ შორის ქვისა და ბრინჯაოს ხანის არტეფაქტები, შუა საუკუნეების ხატები, ტრადიციული, ოქრომკედით ნაქარგი სამოსი, ნუმიზმატიკის ნიმუშები, სამუშაო იარაღები და სხვა ყოფითი კულტურის ნივთები, რომლებიც შიდა ქართლის ცხოვრების წესს ასახავს.

მუზეუმი განთავსებულია ქალაქის ცენტრში, ისტორიულ შენობაში და ხელმისაწვდომია როგორც ინდივიდუალური ვიზიტორებისთვის, ისე ტურისტული ჯგუფებისთვის. მუზეუმში სტუმრობით შეძლებ უკეთ გაიცნო გორისა და შიდა ქართლის კულტურულ-ისტორიული წარსული. Bolt-ის ტაქსი გორში კი ნებისმიერ ადგილას კომფორტულად მიგიყვანს.

ბიისის გაყინული ჩანჩქერი

თუ მუზეუმების დათვალიერებაზე მეტად ექსტრემალური გამოცდილებები გიზიდავს, მაშინ ბიისის გაყინულ ჩანჩქერს აუცილებლად უნდა ესტუმრო. ჩანჩქერი გორის მუნიციპალიტეტში, ქალაქიდან 24-მდე კილომეტრში, სიმწვანეშია ჩაფლული და ნებისმიერ სეზონზე შესანიშნავი ადგილია განტვირთვისთვის - ზაფხულში საპიკნიკედ, ზამთარში კი საცოცად.

დიახ, არ მოგესმა, ზამთარში ჩანჩქერი სრულად იყინება და ადრენალინის, ცოცვის მოყვარული საზოგადოებისთვის საყვარელ ლოკაციად იქცევა. აქ ცოცვის შეჯიბრებებიც ეწყობა ხოლმე. მთავარი გზიდან ჩანჩქერამდე მისასვლელად 4 კილომეტრის გავლა მოგიწევს, მათ შორის პატარა ნაკადულების გადაკვეთაც, თუმცა დაუვიწყარ გამოცდილებად ნამდვილად ღირს.

ჩანჩქერი ყინულის ფარდებით იფარება და ნამდვილად საოცარი სანახავია. ბიისის ჩანჩქერი მეკლდეურებმა სულ რაღაც 15 წლის წინ შეამჩნიეს და მას შემდეგ, ყოველ თებერვალს კლდიდან გადმოშვებულ ყინულის შვერილებზე რისკის ფასად მიიწევენ.

ტრანსპორტი გორში

ამ ბლოგში ვეცადეთ გორში სანახავი ადგილები მოკლედ მიმოგვეხილა და იმედი გვაქვს ქალაქის უფრო ახლოდან გაცნობის სურვილი გაგიჩინეთ. იმისთვის კი, რომ ეს პატარა და ხელიხელ საგოგმანები ქალაქი უფრო ახლოდან გაიცნო, შეგიძლია Bolt გამოიძახო. როცა გინდა, სადაც გინდა - ნებისმიერ დროს და ადგილას კომფორტულად მიგიყვანს.

Bolt გორში უკვე არც თუ ისე ცოტა ხანია ოპერირებს და ამ ხნის მანძილზე ქალაქის გაცნობაც მოვასწარით, ამიტომ ნამდვილად კარგ მეგზურობას გაგიწევთ!