20 თებ. 2024
გსურს მიიღო მაქსიმუმი Bolt მძღოლის აპლიკაციისგან? გაეცანი რჩევებს, თუ როგორ შეინარჩუნო 5 ვარსვლავიანი შეფასება და გაზარდო შემოსავალი.
ყოველდღიურ ცხოვრებაში, ადამიანებთან ურთიერთობისას კარგი შთაბეჭდილების შექმნა და თავაზიანობა განსაკუთრებით მნიშვნელოვანია. და თუ გულწრფელები ვიქნებით, მარტივად შეგვიძლია ვაღიაროთ, რომ შენ, როგორც პარტნიორი მძღოლი, მუდმივად ხალხით ხარ გარშემორტყმული. მგზავრებს, რომლებიც გიწერენ შეფასებას, შეუძლიათ დაგიტოვონ დადებითი კომენტარი, ან აღწერონ, რამდენად ცუდი გამოცდილება მიიღეს მგზავრობისას.
არათავაზიანი დამოკიდებულება ერთ-ერთი მთავარი მიზეზია, რის გამოც მძღოლები მგზავრებისგან ცუდ შეფასებებს იღებენ.
ასე რომ, გირჩევთ შესთავაზო მგზავრებს დახმარება საჭიროების შემთხვევაში, თავი შეიკავო სარისკო კომენტარებისგან და მართო მანქანა უსაფრთხოდ. ეს ის ძირითადი ფაქტორებია, რომლებიც კარგი შეფასების გარანტიაა. ეს კი შენ, როგორც მაღალი შეფასებების მქონე მძღოლს, გეხმარება სხვადასხვა შეღავათების შენარჩუნებაში.
მგზავრობებზე მოთხოვნა ყველაზე მაღალია ორშაბათიდან პარასკევის ჩათვლით პიკის საათებში და შაბათ-კვირას. იმუშავე პიკის საათების დროს, რათა მაქსიმალურად გაზარდო შენი შემოსავალი. რაც მეტ ადამიანს სჭირდება მგზავრობა, Bolt-ის აპლიკაციით თანხის გამომუშავების მეტი შესაძლებლობაა.
თუმცა, თანხის გამომუშავება ჩვეულებრივ დროსაც შესაძლებელია. გამოიყენე შენი ცოდნა ქალაქში ყველაზე გადატვირთული ლოკაციების, მაგალითად მოლების ან აეროპორტების შესახებ. ასევე, Bolt-ის აპლიკაციაში ხელმისაწვდომია ლაივ რუკების ფუნქცია, რომლის მეშვეობითაც შეძლებ ყველაზე დაკავებული ლოკაციების ნახვას დღის ნებისმიერ მონაკვეთში.
Bolt-ს გადაბმული მგზავრობის ფუნქცია აქვს. ამ ფუნქციის მეშვეობით შეგიძლია მიმდინარე მგზავრობის დროს მიიღო მომდევნო შეკვეთა და პირველი შეკვეთის დასრულებისთანავე, შემდეგი მგზავრისკენ გაემართო. ამგვარად, მცირდება მგზავრობებს შორის ლოდინის დრო და შენი შემოსავალიც საგრძნობლად იზრდება.
პ.ს გადაბმული მგზავრობებისას შეკვეთის უარყოფა გავლენას ახდენს მძღოლის აქტოვობის ქულაზე, ამიტომ ახალი მგზავრობის დაწყებამდე დააზუსტე საბოლოო მისამართი მგზავრთან. გადაბმული მგზავრობის ფუნქციის გასათიშად, მგზავრობის მიმდინარეობისას თუ გსურთ გათიშოთ პარალელურად შემომავალი შეკვეთები, შეგიძლიათ გადახვიდეთ მარშრუტის დეტალებში (3 ხაზის სიმბოლო) და დააჭიროთ ღილაკს “შეაჩერე ახალი გამოძახებები”. ამგვარად შეკვეთის დასრულებამდე აღარ მიიღებთ სხვა შეკვეთას.
გარდა იმისა, რომ უკეთესია მიიღო მაქსიმალურად ბევრი გადაბმული შეკვეთა, ეს ასევე დაგეხმარება შეინარჩუნო აქტივობის ქულის მაღალი მაჩვენებელი. როცა უარყოფ მგზავრობას იმის გამო, რომ არ მოგწონს მგზავრის სახელი ან უბანი, სადაც მას სურს წასვლა, შენ უშვებ ხელიდან თანხის გამომუშავების შანსს და, ამავდროულად, გაკლდება აქტივობის ქულაც.
გრანდიოზული კონცერტები ცნობილი გამომსვლელებით, ფეხბურთის მატჩები თუ სოციალური მოვლენები ქალაქს ავსებს ადამიანებით, რომელთაც ერთი ადგილიდან მეორეზე გადაადგილება სჭირდებათ. შენთვის კი, ასეთი დღეები შესანიშნავი შესაძლებლობაა, რომ გამოიმუშავო მეტი. ასევე, შეგიძლია ურჩიო მგზავრებს კარგი ადგილები, სადაც დროის გატარებას და კერძების დაგემოვნებას შეძლებენ. ხალხმრავალი დღესასწაულების დროს ტურისტი მგზავრების რაოდენობა იზრდება, ამ ჟესტით კი, მათ კეთილგანწყობას დაიმსახურებ და შენი მძღოლის შეფასებაც გაიზრდება.
კიდევ ერთი მნიშვნელოვანი ფაქტორი ამინდია. დაბალი ტემპერატურისა და წვიმიანი ამინდის დროს უფრო მეტი ადამიანი უკვეთავს მგზავრობას. ამიტომ, თვალი ადევნე ამინდის პროგნოზს. მნიშვნელოვანი დღესასწაულების შესახებ ჩვენც შეგატყობინებთ ხოლმე.
ჩვენ მუდმივად გვაქვს კონტაქტი ჩვენს პარტნიორ მძღოლებთან, ვუზიარებთ რჩევებს, ინფორმაციას შეღავათების შესახებ, რომლებიც ჩვენს პარტნიორ კომპანიებთან ერთად სპეციალურად შენთვის შევქმენით.
შეტყობინებები აპლიკაციაში და ელ.ფოსტაზე ასევე მოიცავს ინფორმაციას ბონუსებისა და აქტიური კამპანიების შესახებ.
