Bolt და ეკომეგობრულობა

Bolt-ის მისია, შექმნას ქალაქები ადამიანებისთვის და არა ავტომობილებისთვის, ურთიერთკავშირშია ჩვენს ეკომეგობრულ მიზნებთან. ამისთვის ჩვენ ვიყენებთ ჰოლისტიკურ, კომპლექსურ მიდგომას, რომელიც აერთიანებს რამდენიმე მიმართულებას:

ეკომეგობრული

ჩვენი მთავარი მიზანია 2040 წლისთვის სათბურის აირების (GHG) ემისიების შემცირება და ნახშირბადის ნულოვან დონემდე დაყვანა. ამის მისაღწევად ვზომავთ ემისიებს გლობალურად ყველა პროდუქტში, რათა განვსაზღვროთ, სად შეგვიძლია ყველაზე მნიშვნელოვანი ცვლილებები გამოვიწვიოთ.

სოციალური გავლენა

ჩვენ მხარს ვუჭერთ პროგრამებს, რომლებიც ხელს უწყობს ჩვენი პარტნიორების ეკონომიკურ გაძლიერებას. პრიორიტეტს ვანიჭებთ მომხმარებლების, თანამშრომლებისა და პარტნიორების უსაფრთხოებასა და კეთილდღეობას მთელ მსოფლიოში.

რისკების მართვა და მმართველობა

ჩვენ ვზრუნავთ, რომ ჩვენი ეკომეგობრული ინიციატივები გრძელვადიანად წარმატებული იყოს — რისკების მართვითა და გააზრებული გადაწყვეტილებებით.

ნაბიჯები ეკომეგობრული საერთო გადაადგილებისკენ

საზიარო ტრანსპორტს შეუძლია შეცვალოს ქალაქები, შეამციროს გამონაბოლქვი, საცობი და საპარკინგე ადგილებზე მოთხოვნა.

ჩვენი გრძელვადიანი მწვანე გეგმის მიზანია შემოგთავაზოთ გადაადგილების 100%-ით კარბონ-ნეიტრალური სისტემა 2040 წლისთვის.

Bolt-ის ეკომეგობრული სტრატეგია და ჩვენი მწვანე მიზნები

2023 წელს ჩვენ მთავარ პრიორიტეტად დავისახეთ ნულოვანი გამონაბოლქვი 2040 წლისთვის, რაც ახლა Bolt-ის ეკომეგორბული სტრატეგიის ცენტრალური ნაწილია. წარმოგიდგენთ სტრატეგიის რამდენიმე უმნიშვნელოვანეს მიზანს:

ნახშირბადის ნულოვანი ემისია 2040 წლისთვის.
2025 წლისთვის Bolt-ის ოფისებში, საწყობებში, დასატენ სადგურებსა და Bolt Market-ის შენობებში 100%-ით განახლებადიელექტროენერგიას გამოვიყენებთ.*
*იმ ადგილობრივ ბაზრებზე, სადაც განახლებადი ელექტროენერგიის პირდაპირი შეძენა შეუძლებელია, Bolt ყიდულობს ენერგეტიკის სერტიფიკატებს (EAC), შესაბამისი მოხმარების სანაცვლოდ.
ჩვენი ნარჩენების 90% 2030 წლისთვის ხელახლა გადამუშავდება.

მეცნიერებაზე დაფუძნებული მიზნები

Bolt-ის წმინდა ნულოვანი და მოკლევადიანი მიზნები ვალიდირებულია მეცნიერებაზე დაფუძნებული მიზნების ინიციატივის (SBTi) მიერ. Bolt შეუერთდა SBTi-ს, რათა უზრუნველყოს ანგარიშვალდებულება და სიზუსტე ჩვენს სწრაფვაში, გავხდეთ ნულოვანი ემისიების პლატფორმა. SBTi ↗ არის გლობალური კორპორატიული კლიმატის მოქმედების ორგანიზაცია, რომელიც ამოწმებს სათბურის გაზების (GHG) ემისიების შემცირების მიზნებს კომპანიებისა და ფინანსური ინსტიტუტებისთვის, რაც უზრუნველყოფს მათ შესაბამისობას კლიმატის მეცნიერებასთან და პარიზის შეთანხმების მიზნებთან.

გაეროს გლობალური შეთანხმება

Bolt მონაწილეობს გაეროს გლობალურ შეთანხმებაში ↗, მსოფლიოს უდიდეს მდგრადობის ინიციატივაში, მხარს უჭერს მის პრინციპებს ადამიანის უფლებების, შრომის, გარემოსა და კორუფციის წინააღმდეგ ბრძოლაში.

ეკომეგობრული ავტოპარკის გაფართოება

ვმუშაობთ პარტნიორებთან, რომ გავზარდოთ ეკომეგობრული (ანუ სრულად ელექტრო) მანქანების გამოყენება ჩვენი მგზავრობის, მანქანის ქირაობისა და მიწოდების სერვისებში.

Bolt-ის ყველა ელექტრო სკუტერი და ელ. ბაიკი არის ნულოვანი ემისიის მქონე სატრანსპორტო საშუალება გამონაბოლქვის გარეშე.

ჩვენ ვანეიტრალებთ ამ ავტომობილების წარმოების, ექსპლუატაციის, მოვლა-პატრონობისა და განკარგვის დროს შექმნილ ემისიებს სხვადასხვა დაფინანსების პროექტის მეშვეობით, რითაც მათ ვანიჭებთ CarbonNeutral® სერტიფიკატს.

ელ. მობილების თანადაფინანსება

ჩვენ ვეხმარებით ავტოპარკებს, მიიღონ წვდომა ახალ ელექტრომობილებზე და გააუმჯობესონ მომსახურების ხარისხი მგზავრებისთვის ევროპის დიდ ქალაქებში, მათ შორის ამსტერდამში, ბერლინში, პარიზსა და ოსლოში.

1/8

განახლებადი ელექტროენერგიითა და წრიული ეკონომიკით

2024 წლის დასაწყისიდან, ჩვენი ოფისები, საწყობები და დამტენი სადგურები 100% განახლებად ელექტროენერგიას იყენებენ.*

2025 წლის ბოლოსთვის ჩვენი მაღაზიებიც განახლებად ელექტროენერგიას გამოიყენებენ, რაც ნიშნავს, რომ 2025 წლის ბოლოდან Bolt-ის კონტროლირებადი ყველა ობიექტი 100%-ით განახლებადი ელექტროენერგიით იქნება უზრუნველყოფილი.

ჩვენ ვგეგმავთ, რომ 2030 წლისთვის ჩვენს მიერ წარმოებული ნარჩენების მინიმუმ 90% დავაბრუნოთ წრიულ ეკონომიკაში.

*განახლებადი ელექტროენერგიის სერტიფიკატების შეძენა აუცილებელია იქ, სადაც განახლებადი ელექტროენერგიის პირდაპირი მიწოდების კონტრაქტები შეუძლებელია.

განახლებადი ელექტროენერგიითა და წრიული ეკონომიკით

ფოკუსირება მდგრად პროდუქტის დიზაინზე

ჩვენი სკუტერების ~80% შიდა წარმოებისაა, რაც ნიშნავს უკეთეს კონტროლს მასალებზე, მოვლა-პატრონობასა და გამოყენებაზე.

სასიცოცხლო ციკლის შეფასების* (LCA) მიხედვით, ჩვენს უახლეს მოდელს, Bolt-6 ელექტრო სკუტერს აქვს:

სიცოცხლის განმავლობაში გავლილი საშუალო მანძილი 15,000 კმ;
15%-ით დაბალი სათბურის გაზების ემისიის მაჩვენებელი კილომეტრზე (ჩვენს წინა მოდელთან შედარებით);
89.52% გადამუშავების მაჩვენებელი;
მოდულური დიზაინი, რომელიც ამარტივებს შეკეთების პროცესებს და ამცირებს ნარჩენებს.

ეს ნიშნავს ნაკლებ დროს შეკეთებასა და დამუხტვაზე, მეტ საერთო მგზავრობას თითო სკუტერზე და საბოლოოდ, ნაკლებ ემისიას სკუტერის სასიცოცხლო ციკლის განმავლობაში.

*ჩატარებულია ჩვენი პარტნიორის, Ladera-ს მიერ
** გამოყენებულია გაანგარიშების მეთოდოლოგია ISO standard 22628 ↗

მდგრადი სატრანსპორტო საშუალებების გამოყენების წახალისება

ჩვენმა საპილოტე პროგრამებმა ↗ ევროპის 10 ქალაქში დაამტკიცა, რომ წახალისების შემთხვევაში, მგზავრები 3 კმ-ზე ნაკლები მანძილის დასაფარად ავტომობილის ნაცვლად სკუტერებს ან ელექტრო ველოსიპედებს აირჩევენ.

ემისიების კომპენსირება და კლიმატისთვის გაწეული ძალისხმევა

ამჟამად Bolt-ს აქვს CarbonNeutral®-ის სერტიფიკატი, რომელიც გაცემულია Climate Impact Partners-ის ორგანიზაციის მიერ და ის ვრცელდება მიკრომობილობაზე (ანუ, ჩვენს სკუტერებსა და ელექტროველოსიპედებზე) და Bolt Business-ის ფარგლებში ბიზნესანგარიშების მფლობელებზე.

ჩვენ ვაფინანსებთ პროექტებს, რომლებიც Climate Impact Partners-ის მიერ არის ვერიფიცირებული, რათა დავაკომპენსიროთ ის ემისიები, რომელთა შემცირება ან აღმოფხვრა ამჟამად შეუძლებელია. აქამდე, ჩვენ ვაფინანსებდით პროექტებს, რომლებიც დაკავშირებული იყო ქარისა და მზის ენერგიასთან, ნახშირბადის მოცილებასთან, ტყის გაშენებასთან, წყლის გაუმჯობესებულ ინფრასტრუქტურასთან, მანგროს აღდგენასა და ეფექტურ გაზქურებთან.

Bolt-ის ერთ-ერთი ამჟამინდელი პარტნიორი, Milkywire, მართავს პროექტების პორტფოლიოს, რომელიც ფოკუსირებულია ნახშირბადის მოცილებაზე, დეკარბონიზაციასა და ბუნების დაცვა-აღდგენაზე.

Bolt ასევე აფინანსებს დამატებით კლიმატურ პროექტებს, რათა დაგვეხმაროს კლიმატის ცვლილების წინააღმდეგ ბრძოლაში. 2022 წელს ჩვენ დავიწყეთ პარტნიორობაSeedballs Kenya-სთან ↗25 ტონა ადგილობრივი თესლის (Seedbolts) გასავრცელებლად — რაც 11 მილიონზე მეტი ხის დარგვის ეკვივალენტია. ჩვენი წინა პროექტები მოიცავს ტყის აღდგენის პროექტებს OneTreePlanted-თან ↗ ერთად პორტუგალიასა და რუმინეთში.

Bolt-ის გარემოს დაცვის გლობალური მართვის სისტემა ISO 14001:2015 სტანდარტის მიხედვითაა სერტიფიცირებული ↗.

მდგრადობა ჩვენს ღირებულებათა ჯაჭვში

ყველა ჩვენი მომწოდებელი უნდა შეესაბამებოდეს Bolt-ის მომწოდებელთა ქცევის კოდექსს. ის მოიცავს 6 ძირითად სფეროს:

ამის გარდა, ჩვენ ყველაფერს ვაკეთებთ იმისათვის, რომ ჩვენს მომწოდებლებს ჰქონდეთ პოზიტიური და მდგრადი გავლენა ადამიანების ცხოვრებასა და გარემოზე.

ადამიანთა უფლებები;
შრომა;
ჯანმრთელობა და უსაფრთხოება;
ხარისხი;
გარემო;
აუდიტის უფლება.

ESG მმართველობა

ვინაიდან მდგრადობა Bolt-ისთვის პრიორიტეტულია, ჩვენი შესაბამისობისა და მმართველობის პროცესები გადამწყვეტ როლს ასრულებს იმის უზრუნველსაყოფად, რომ ჩვენი ოპერაციები აკმაყოფილებდეს დაინტერესებული მხარეების მუდმივად ცვალებად მოთხოვნებს. მდგრადობის სამყაროში, ის, რაც წარსულში მისაღებად ითვლებოდა, დიდხანს არ რჩება ასეთად, რადგან საზოგადოება მუდმივად ზრდის სტანდარტებს.

კომპანიის წესები და პირობები

წარმოგიდგენთ Bolt-ის მდგრადობასთან დაკავშირებულ წესებსა და პირობებს:

ჩვენი პარტნიორები

Seedballs კენია

ჩვენ ვითანამშრომლეთ Seedballs Kenya-სთან, რათა განვაახლოთ და დავრგოთ ხეები და ბალახის სახეობები აფრიკის დეგრადირებულ ტერიტორიებზე.

1/7

Bolt-ის ურბანული ფონდი

Bolt-ის ურბანული ფონდი მხარს უჭერს საქველმოქმედო მესამე სექტორის პარტნიორობას, რომელიც ხელს უწყობს მდგრად, ინკლუზიურ სატრანსპორტო დაგეგმვას, აძლიერებს მძღოლისა და კურიერის პარტნიორებს პლატფორმაზე და ჩართულია ადგილობრივ თემებთან, სადაც Bolt ოპერირებს. მეტი ინფორმაციისთვის Bolt-ის ურბანული ფონდის შესახებ, წაიკითხე აქ

მზად ხარ შეცვალო მომავალი?

Bolt-ის არჩევით შენ ხელს უწყობ მობილობის მომავლის ჩამოყალიბებას. შეიტყვე მეტი ჩვენი მისიის შესახებ.

Bolt და ეკომეგობრულობა