მძღოლების ხშირად დასმული კითხვები (FAQ) მძღოლებისთვის

პაროლის აღსადგენად, მიჰყევით ამ ინსტრუქციებს:

• გადადით ბმულზე: https://partners.bolt.eu/forgotPassword
• ზედა ველში შეიყვანეთ თქვენი ელ.ფოსტა.
• ქვედა ველში შეიყვანეთ თქვენი მობილური ტელეფონის ნომერი.
• დააჭირეთ „პაროლის აღდგენას“. ამის შემდეგ მიიღებთ SMS შეტყობინებას. გადადით გაგზავნილ ბმულზე და შეიყვანეთ ახალი პაროლი ზედა და ქვედა ველებში.

გთხოვთ გაითვალისწინოთ: პაროლი უნდა შეიცავდეს მინიმუმ 10 სიმბოლოს; პაროლი უნდა იწყებოდეს დიდი ასოთი; პაროლი უნდა შეიცავდეს რიცხვს (რიცხვებს). იხილეთ მაგალითი: Boltdriver10 პაროლის შეცვლის შემდეგ, გახსენით Bolt Driver აპლიკაცია, შეიყვანეთ თქვენი მომხმარებლის სახელი და ქვედა ველში შეიყვანეთ თქვენი ახალი პაროლი.

იხილეთ ვიდეო ინსტრუქცია: https://youtu.be/7GKd28hKpgg

ახალი ავტომობილის დასამატებლად, გადადით „პარამეტრებში“, შემდეგ აირჩიეთ აქტიური ავტომობილი, დააჭირეთ „ავტომობილის დამატებას“ და შეავსეთ მოთხოვნილი მონაცემები, ასევე ატვირთეთ ტექნიკური პასპორტის წინა მხარის, ავტომობილის გვერდითი და წინა ხედის სურათები.

იხილეთ ვიდეო ინსტრუქცია: https://www.youtube.com/watch?v=Q5L7l4tfzmI

აპლიკაციაში საბანკო ანგარიშის ნომრის დასამატებლად, გთხოვთ, მიჰყევით ამ ინსტრუქციებს:

• გახსენით მძღოლის აპლიკაცია
• დააჭირეთ „პარამეტრებს“
• დააჭირეთ „ანგარიშს“
• გადადით „მძღოლის პორტალზე“
• იპოვეთ ანგარიშის ინფორმაცია გადარიცხვებისთვის
• შეიყვანეთ თქვენი საბანკო მონაცემები (ანგარიშის ნომერი, მიმღების სახელი და ბანკის Swift კოდი)

Swift კოდების სიისთვის იხილეთ ბმული: https://bit.ly/3rkmxLg

აპლიკაციის განახლებისთვის, მიჰყევით ამ ინსტრუქციებს:

• გადადით თქვენს ტელეფონში Play Store-ში/ App Store-ში
• მოძებნეთ Bolt Driver აპლიკაცია
• დააჭირეთ ღილაკს „განახლება“

ჩვენი აპლიკაციის რუკა Google Maps-ის მსგავსია. თუ ეს რუკა არაკომფორტულია თქვენთვის, შეგიძლიათ გამოიყენოთ ნებისმიერი სხვა სანავიგაციო სისტემა. ნავიგაციის შესაცვლელად, მიჰყევით ამ ინსტრუქციებს:

• გახსენით მძღოლის აპლიკაცია
• გადადით პარამეტრების ველში (Settings)
• აირჩიეთ ნავიგაცია (Navigation)
• აირჩიეთ ნაგულისხმევი ნავიგაცია (სიაში პირველი არჩევანი)
  • აირჩიეთ სასურველი სანავიგაციო სისტემა.

გაუქმების საკომისიო ჩამოიჭრება თუ:

• მგზავრი გააუქმებს შეკვეთას გამოძახებიდან 3 წუთის განმავლობაში.
• გადახდა ხდება უნაღდო ანგარიშსწორებით.
• მძღოლმა მოახერხა მგზავრის აყვანის ლოკაციაზე მისვლა აპლიკაციის მიერ დათვლილ დროში.
• მძღოლი ელოდება მგზავრს მგზავრის მიერ მონიშნულ წერტილზე 5 წუთის განმავლობაში. ამასთან, პირველი სამი წუთის შემდეგ, მძღოლი ვალდებულია დაუკავშირდეს მგზავრს აპლიკაციის მეშვეობით, დაელოდოს დამატებით ორ წუთს (ჯამში 5 წუთი) და ამის შემდეგ გააუქმოს შეკვეთა მიზეზით „მგზავრი არ გამოცხადდა“. თუ მძღოლმა დააჭირა ღილაკს „მე მოვედი“ მგზავრის მიერ მონიშნულ წერტილზე ზუსტად ლოკაციაზე.

ბრენდირება შესაძლებელია მხოლოდ იმ შემთხვევაში, თუ ავტომობილი აკმაყოფილებს შემდეგ მოთხოვნებს:

• ავტომობილის გამოშვების მინიმალური წელი:
• თბილისი: 2009 წელი
• ბათუმი: 2006 წელი
• მინივენის გამოშვების მინიმალური წელი: 2005 წელი
• ავტომობილი უნდა იყოს მარცხენასაჭიანი.
• ავტომობილს არ უნდა ჰქონდეს რაიმე გამონაზარდი (კანტი), რომელიც დააზიანებს ბრენდინგს.
• ავტომობილს არ უნდა ჰქონდეს რაიმე დაზიანება

მანქანის ბრენდირების ღირებულება განსხვავდება ქალაქების მიხედვით.

თბილისში, ბრენდირების ღირებულებაა 100 ლარი.

ბათუმსა და ქუთაისში, 80 ლარი.

სამივე ქალაქში, მინივენის ბრენდირების ღირებულებაა 50 ლარი.

თუ მანქანას დაბრენდავ, მიიღებ დამატებით შეთავაზებებს.

ბრენდირების შემდეგ, გექნება შესაძლებლობა, რომ შეასრულო აეროპორტის მგზავრობები ორივე მიმართულებით.

Travel კატეგორია იქნება აქტიური, რომელიც შესაძლებლობას მოგცემს, რომ შეასრულო მგზავრობები ქალაქის გარეთ.

ბრენდირების კამპანიის წესები განსხვავდება ქალაქების მიხედვით.

იმ ქალაქებში, სადაც ბონუსი აქტიურია, ირიცხება ყოველი კვირის ბოლოს⚠️

ბრენდირების ზოგადი პირობები

ეს შეთანხმება განსაზღვრავს Bolt-ის ბრენდირების გამოყენების წესებსა და პირობებს.

Bolt-ის ბრენდირების განაცხადის შევსებით, ყოველი მძღოლი ეთანხმება ბრენდირების ამ ზოგად პირობებს, ასევე პერსონალური მონაცემების დამუშავებას.

ახსნა:

• მძღოლი ვალდებულია სამუშაო პროცესში შეინარჩუნოს ავტომობილის მოწესრიგებული მდგომარეობა და სატრანსპორტო საშუალების დაბინძურების შემთხვევაში მიიღოს შესაბამისი ზომები.

• მძღოლი ვალდებულია შეინარჩუნოს სასიამოვნო გარემო სატრანსპორტო საშუალებაში, რაც გამორიცხავს მოწევას სატრანსპორტო საშუალებაში, როგორც მძღოლის, ისე მგზავრის მიერ.

• თუ მძღოლი გადაწყვეტს ავტომობილის ბრენდირებას, ხარჯი დაიფარება მძღოლის მიერ.

• მძღოლი ვალდებულია დაუყოვნებლივ მიაწოდოს ინფორმაცია კომპანიას, ელექტრონული ფოსტის (georgia@bolt.eu) ან აპლიკაციის საშუალებით, სტიკერის მოხსნის ან დაზიანების შემთხვევაში.

• თუ მძღოლი არ დაუკავშირდება კომპანიას მითითებულ ელექტრონულ მისამართზე და არ მიაწვდის წერილობით ინფორმაციას სტიკერის მოხსნის შესახებ, ან თუ ბრენდირებასთან დაკავშირებით რაიმე საეჭვო ქმედება განხორციელდება, ეს გამოიწვევს პორტალზე წვდომის მუდმივ შეზღუდვას (მძღოლის დაბლოკვას) და/ან ჯარიმას 500 (ხუთასი) ლარის ოდენობით. მძღოლის დაბლოკვის ან დაჯარიმების გადაწყვეტილება კომპანიის შეხედულებისამებრ მიიღება და განისაზღვრება მძღოლის ქმედების სიმძიმით, განმეორებადობით და სხვა გარემოებებით. ნებისმიერ შემთხვევაში, კომპანიას უფლება აქვს, თავად გადაწყვიტოს, რომელი ზომა გამოიყენოს – დაბლოკვა თუ ჯარიმა.

• კომპანია იტოვებს უფლებას, განახორციელოს ზარი, რის შედეგადაც გადამოწმდება, შეესაბამება თუ არა ბრენდირება დადგენილ წესებს. ნებისმიერი სახის ხარვეზის ან/და ბრენდირების არარსებობის შემთხვევაში, ეს გამოიწვევს პორტალზე წვდომის მუდმივ შეზღუდვას და/ან მძღოლისთვის 500 (ხუთასი) ლარის ოდენობით ჯარიმას.

• ბრენდირებასთან დაკავშირებული საეჭვო ქმედებების შემთხვევაში, ბრენდირების ბონუსი სრულად ჩამოიჭრება ბალანსიდან (ასეთის არსებობის შემთხვევაში).

• ბრენდირებასთან დაკავშირებული საეჭვო ქმედებების შემთხვევაში, პარტნიორი მძღოლი ვეღარასდროს შეძლებს ავტომობილის ბრენდირებას.

ავტომობილის ბრენდირების შემდეგ, საჭიროა ბრენდირების შემოწმება აპლიკაციაში ორ კვირაში ერთხელ.

ავტომობილის ბრენდირების შემდეგ, აუცილებელია, რომ გაიარო შემოწმება აპლიკაციაში.

ფოტოს გადაღებისას, აუცილებელია, რომ ერთდროულად ჩანდეს ავტომობილის სახელმწიფო ნომერი და ბრენდირება. გარდა ამისა, მნიშვნელოვანია ავტომობილის ორივე მხარის გადაღება. (მაგალითად, ავტომობილის მარცხენა მხარის ხედი წინა სანომრე ნიშანთან ერთად უნდა ჩანდეს, ხოლო მარჯვენა მხარე – უკანა სანომრე ნიშანთან ერთად)

ავტომობილის ბრენდირების შემდეგ, აუცილებელია, რომ გაიარო შემოწმება აპლიკაციაში.

ფოტოს გადაღებისას, აუცილებელია, რომ ერთდროულად ჩანდეს ავტომობილის სახელმწიფო ნომერი და ბრენდირება. გარდა ამისა, მნიშვნელოვანია ავტომობილის ორივე მხარის გადაღება. (მაგალითად, ავტომობილის მარცხენა მხარის ხედი წინა სანომრე ნიშანთან ერთად უნდა ჩანდეს, ხოლო მარჯვენა მხარე – უკანა სანომრე ნიშანთან ერთად)