Bolt Business-ის ზოგადი წესები და პირობები (მოქმედია 2022 წლის 15 მაისიდან)

Bolt Business-ის წესები და პირობები

მოცემული წესები და პირობები მოქმედებს Bolt Business მომსახურებით სარგებლობის დროს. ძალაშია 2022 წლის 15 მაისიდან.

1. განმარტებები

1.1. Bolt - შპს სმარტლი, რეგისტრირებული საქართველოს მეწარმეთა და არასამეწარმეო (არაკომერციულ) პირთა რეესტრში, სარეგისტრაციო კოდით 402026491, იურიდიულ მისამართზე საქართველო, ქალაქი თბილისი, საბურთალოს რაიონი, ალ. ყაზბეგის გამზირი, N15.

1.2. Bolt Business - მომსახურება ბიზნეს მომხმარებლისთვის თანამშრომლების მიერ Bolt სერვისების გამოყენების ადმინისტრირებისა და ანგარიშსწორებისთვის.

1.3. Bolt მომსახურება - ონლაინ საშუამავლო სერვისების პლატფორმები, თანხვედრაში EU რეგულაციასთან 2019/1150, რომელსაც მართავს Bolt/Bolt-ის შვილობილი კომპანია/Bolt-ის პარტნიორი, როგორც ეს მითითებულია Bolt სერვისებით სარგებლობის წესებში (ასევე მომსახურების პირობებში). ყველა ინფორმაცია განთავსებულია ვებ-მისამართზე bolt.eu/en/legal/ სამოქმედო არეალის შესაბამისად; ინფორმაცია დროდადრო შესაძლოა, განახლდეს.

1.4. ბიზნეს პორტალი - Bolt Business-ის მართვის პანელი, რომელიც ხელმისაწვდომია ვებ-მისამართზე business.bolt.eu;

1.5. ბიზნეს მომხმარებელი - პირი, რომელიც იდენტიფიცირებულია, როგორც ბიზნეს მომხმარებელი ბიზნეს პორტალის სარეგისტრაციო გვერდზე ან/და სპეციალურ პირობებში, რომლებიც მოქმედებს მხოლოდ კომერციული ან/და პროფესიული კუთხით;

1.6. მომხმარებელი - პირი, რომელიც იყენებს Bolt მომსახურებას მომსახურების პირობების ქვეშ (მაგ: მგზავრი ან თანამშრომელი) და იღებს სარგებელს Bolt Business-ით ბიზნეს მომხმარებლის მიერ განსაზღვრული წესების შესაბამისად.

1.7. შეთანხმება - ბიზნეს მომხმარებელსა და Bolt-ს შორის შეთანხმება, რომელიც მოიცავს წესებსა და პირობებს, ასევე განსაკუთრებულ პირობებს, ასეთის არსებობის შემთხვევაში.

1.8. მომსახურების საფასური - ბიზნეს მომხმარებლის მიერ Bolt Business-ით სარგებლობის საფასური, რომელიც მოცემულია ბიზნეს პორტალზე ან/და განსაკუთრებულ პირობებში.

2. Bolt Business-ის გამოყენების წესები

2.1. ბიზნეს მომხმარებელი ვალდებულია, უზრუნველყოს მხოლოდ ზუსტი და სრული ინფორმაციის მოწოდება, ასევე ინფორმაციის მუდმივი განახლება.

2.2. ბიზნეს მომხმარებელმა დაუყონებლივ უნდა აცნობოს Bolt-ს ბიზნეს მომხმარებლის მიერ არჩეული გადახდის მეთოდთან დაკავშირებული ნებისმიერი ცვლილების შესახებ, რომელმაც შესაძლოა, გამოიწვიოს შეთანხმებით გათვალისწინებული ანგარიშსწორების პროცესის შეფერხება.

2.3. ბიზნეს მომხმარებელმა ბიზნეს პორტალზე წვდომა მხოლოდ ავტორიზებულ წარმომადგენლებს უნდა მიანიჭოს. ბიზნეს მომხმარებელი ასევე უნდა დარწმუნდეს, რომ ავტორიზებული წარმომადგენლები არ გაუზიარებენ ან/და გადასცემენ წვდომის უფლებას მესამე პირს.

2.4. ბიზნეს მომხმარებლის შეთანხმების პირობებთან შესაბამისობის გათვალისწინებით, ბიზნეს მომხმარებელს ენიჭება ბიზნეს პორტალზე წვდომისა და Bolt Business-ის გამოყენების არაექსკლუზიური, უფასო ლიცენზია, ქველიცენზირების უფლების გარეშე, შეთანხმების წესებისა და პირობების ფარგლებში.

2.5. ბიზნეს მომხმარებელმა Bolt Business უნდა გამოიყენოს მხოლოდ ლეგიტიმური ბიზნეს მიზნებისთვის არსებული შეთანხმების წესებთან და პირობებთან თანხვედრის შესაბამისად და არ უნდა გამოიყენოს არაავტორიზებული ან/და უკანონო ქმედებებისთვის, რათა არ შეფერხდეს Bolt Business-ის ფუნქციონირება, მაგალითად ბიზნეს მომხმარებელსა და მის მიერ ავტორიზებულ პირებს ეკრძალებათ:

2.5.1. დეკომპილაცია (Decompile; Disassemble; Reverse Engineer) ან/და ნებისმიერი სახის მცდელობა Bolt Business-თან დაკავშირებული წყაროს კოდის, ძირითადი ტექნოლოგიის ან ალგორითმის მიღების მიზნით;

2.5.2. Bolt Business-ის არამიზნობრივად, ბოროტად გამოყენება ვირუსების, ტროიანების (Trojans), ლოგიკური ბომბების ან/და სხვა მასალის შეგნებულად გამოყენება, რამაც შესაძლოა, ზიანი მიაყენოს Bolt Business-ს;

2.5.3. Bolt Business-ის უსაფრთხოებასთან დაკავშირებული ნებისმიერი ფუნქციის პირდაპირ ან არაპირდაპირ, გვერდის ავლით დაზიანება, გამორთვა ან/და მათ ფუქნციონირებაში სხვაგვარი ჩარევა;

2.5.4. ადვოკატირება, წახალისება ან ჩარევა უკანონო ქმედებაში ან/და ქმედებაში, რომელმაც შესაძლოა გამოიწვიოს ნებისმიერი ადამიანის ან ქონების დაზიანება;

2.5.5. შეთანხმებით გათვალისწინებული წესებისა და პირობების გარეთ Bolt Business-დან ნებისმიერი მონაცემის შეგროვება-დამუშავება, მათ შორის მონაცემთა სკრაპინგი.

2.5.6. მომხმარებლებისთვის დამატებითი გადასახადის ან საკომისიოს დაწესება.

2.6. იმ შემთხვევაში თუ მომხმარებლის პირადი ანგარიში საეჭვო სტატუსის ქვეშ არის ან შეჩერებულია, შესაძლოა ეჭვქვეშ დადგეს ან შეიზღუდოს ამ მომხმარებლის წვდომა Bolt Business-ზეც.

3. გადახდები და თანხის დაბრუნება

3.1. სხვა გადახდის მეთოდის ან/და ბიზნეს პორტალზე ან განსაკუთრებულ პირობებში განსაზღვრული პირობების არარსებობის შემთხვევაში, ბიზნეს მომხმარებლის ბიზნეს ბარათიდან იჭრება თანხა, რომელიც გახარჯულია მომხმარებლ(ებ)ის მიერ Bolt მომსახურებით სარგებლობისას.

3.2. ბიზნეს მომხმარებელი თანახმაა, აანაზღაუროს ნებისმიერი ხარჯი, რომელიც გამოწვეულია მომხმარებლის მიერ Bolt მომსახურებით სარგებლობისას მოქმედი კანონმდებლობის ან სხვა შეთანხმებული წეს(ებ)ის დარღვევით (მაგ. მომსახურების პირობებში შემავალი წესების). ბიზნეს მომხმარებელი ნებას რთავს Bolt-ს დააკისროს ფინანსური ვალდებულება არჩეული გადახდის მეთოდის შესაბამისად.

3.3. ყველა გადახდა, მათ შორის მომსახურების საკომისიო, უნდა დამუშავდეს ეროვნულ ვალუტაში, რომელსაც ფლობს ქვეყანა, სადაც გამოიყენება Bolt მომსახურება.

3.4. არც ერთი გადახდა არის დაბრუნებადი, გარდა წესებსა და პირობებში პირდაპირ გათვალისწინებული შემთხვევებისა. თანხის დაბრუნება ხდება კრედიტის სახით, რომელიც შემდგომში შესაძლოა გამოყენებულ იქნას Bolt მომსახურების მისაღებად.

3.5. ანგარიშის ამონაწერი Bolt მომსახურების ნებისმიერ ინვოისთან ერთად ხელმისაწვდომი უნდა იყოს ბიზნეს მომხმარებლისთვის.

3.6. ანგარიშის ამონაწერი წარმოდგენილი უნდა იყოს ბიზნეს მომხმარებლის მიერ რეგისტრაციის დროს მითითებული იურიდიული მისამართზე მოქმედ ეროვნულ ვალუტაში. Bolt განსაზღვრავს მოქმედ გაცვლით კურსს სხვადასხვა გეოგრაფიულ არეალში მიღებული Bolt მომსახურების ღირებულებისა და საკომისიოს კონვერტაციისთვის შესაბამისი გონივრული საფუძვლით.

4. პერსონალურ მონაცემთა დამუშავება

4.1. Bolt და ბიზნეს მომხმარებელი რჩებიან შეთანხმების ფარგლებში პერსონალურ მონაცემთა დამუშავების ინდივიდუალურ კონტროლერებად. ამგვარად Bolt-მა და ბიზნეს მომხმარებელმა უნდა:

4.1.1. დაიცვან მონაცემთა დაცვასთან დაკავშირებული ყველა მოქმედი კანონი, მათ შორის მონაცემთა დაცვის ზოგადი რეგულაცია 2016/679 (GDPR), ასევე მიიღონ სათანადო ტექნიკური და ორგანიზაციული ზომები. Bolt ამუშავებს პერსონალურ მონაცემებს Bolt-ის კონფიდენციალურობის პოლიტიკის შესაბამისად, რაც თავის მხრივ ხელმისაწვდომია ვებ-მისამართზე bolt.eu/en/legal/ მოქმედი საოპერაციო არეალის შესაბამისად. ინფორმაცია, შესაძლოა, დროდადრო განახლდეს ან/და შეიცვალოს;

4.1.2. დაუყონებლივ აცნობონ ერთმანეთს მონაცემთა დამუშავებასთან დაკავშირებული ნებისმიერი ინციდენტის ან შეთანხმების აღსრულებასთან დაკავშირებით გამოვლენილი რაიმე დარღვევის შესახებ;

4.1.3. შეთანხმებულად იმოქმედონ მონაცემთა სუბიექტებისა და უფლებამოსილი საჯარო ორგანოების მხრიდან დაფიქსირებულ მოთხოვნებზე.

5. კონფიდენციალურობა

5.1. მხარეებმა ნებისმიერი საქმიანი, ტექნიკური ან/და ფინანსური ინფორმაცია, მათ შორის წინამდებარე შეთანხმების წესები და პირობები, მეორე მხარისგან შეთანხმებასთან დაკავშირებით მიღებული ინფორმაცია (კონფიდენციალური ინფორმაცია) უნდა შეინარჩუნონ კონფიდენციალურად, გარდა იმ შემთხვევებისა, როდესაც:

5.1.1. მხარე წერილობით იძლევა ნებართვას გაიცეს მოთხოვნილი, წინასწარ განსაზღვრული კონფიდენციალური ინფორმაცია;

5.1.2. მსგავსი ინფორმაცია საჯაროა;

5.1.3. მხარე კონფიდენციალურ ინფორმაციას გამოიყენებს შეთანხმებით ნებადართული მიზნებისთვის;

5.1.4. კონფიდენციალური ინფორმაციის გამჟღავნება აუცილებელია მოქმედი სავალდებულო კანონით; ან

5.1.5. მხარე იღებს ადმინისტრაციულ ან სასამართლო განკარგულებას, ან სხვა მსგავს მოთხოვნას ნებისმიერი კონფიდენციალური ინფორმაციის გამჟღავნების მოთხოვნით, ხოლო მიმღები მხარე წერილობით აფრთხილებს მეორე მხარეს განკარგულების მიღების შესახებ, რათა მეორე მხარემ გამოიყენოს კონფიდენციალური ინფორმაციის დაცვის საშუალებები.

5.2. მხარეებმა კონფიდენციალური ინფორმაციის დასაცავად უნდა გამოიყენონ ისეთივე მიდგომა, როგორსაც იყენებენ საკუთარი საკუთრებისა და კონფიდენციალური ინფორმაციის დაცვისას, მაგრამ არც ერთ შემთხვევაში, მიდგომა არ უნდა ჩამოცდეს მონაცემებზე ზრუნვის გონივრულ სტანდარტს.

6. პასუხისმგებლობა

6.1. Bolt არ იძლევა გარანტიას, რომ მომსახურებაზე წვდომა უნდა იყოს უწყვეტი ან/და უშეცდომო. პროგრამულ უზრუნველყოფაში რაიმე ხარვეზის დაფიქსირების შემთხვევაში, Bolt უნდა შეეცადოს, მაქსიმალურად მცირე დროში აღმოფხვრას პრობლემა.

6.2. Bolt-ის პასუხისმგებლობა ნებისმიერ დანაკარგთან ან ზიანთან დაკავშირებით, რომელიც შეიძლება განიცადოს ბიზნეს მომხმარებელმა ან მომხმარებელმა Bolt Business-ით სარგებლობის დროს, უტოლდება ფაქტობრივ თანხას, რომელიც მიიღო Bolt-მა შეთანხმების ფარგლებში დანაკარგის ან ზიანის ანაზღაურების მოთხოვნის ფაქტის დადგომამდე წინა 3 თვის განმავლობაში.

6.3. ბიზნეს მომხმარებელი პასუხისმგებელია მისი წარმომადგენლებისა და მომხმარებლების ყველა ქმედებაზე, რომლებიც არღვევს მომსახურების პირობებს და არა მარტო. Bolt არ არის პასუხისმგებელი ბიზნეს მომხმარებლის მიერ არაზუსტად ან არასრულად მოწოდებული მონაცემების შედეგად გამოწვეულ ხარჯებზე, დანაკარგებსა თუ ზარალზე, Bolt ასევე არ არის პასუხისმგებელი მძღოლის, კურიერის ან Bolt მომსახურების სხვა დამოუკიდებელი მომხმარებლის ქმედებებზე, შეცდომებსა და უმოქმედობაზე.

6.4. Bolt-ს შეუძლია, გამოიყენოს ან მიუთითოს მეორე მხარის სახელი, ლოგო, სავაჭრო ან მომსახურების ნიშნები პრეს-რელიზში ან სხვა მიზნობრიობით, წინასწარი შეთანხმების გარეშე. ბიზნეს მომხმარებელს შეუძლია, შეასრულოს იგივე ქმდება მხოლოდ Bolt-ის მხრიდან თანხმობის მიღების შემდეგ.

6.5. ფორსმაჟორი. შეთანხმებით გათვალისწინებული დებულებების რომელიმე მხარის მიერ შეუსრულებლობა უნდა იყოს გამართლებული იმ მოცულობითა და იმ პერიოდის განმავლობაში, როდესაც შესრულება შეუძლებელია გაფიცვის, ხანძრის, წყალდიდობის, მიწისძვრის, სამთავრობო აქტების ან ბრძანებების ან შეზღუდვების, მიმწოდებლების ან კონტრაქტორების წარუმატებელი არსებობის გამო ან/და სხვა მიზეზით, როდესაც შეუსრულებლობა სცილდება გონივრულ კონტროლს და არ არის გამოწვეული არშემსრულებელი მხარის დაუდევრობით ან განზრახ გადაცდომით.

7. შეთანხმების ვადები და შეწყვეტის პირობები

7.1. შეთანხმება ძალაში შედის ბიზნეს მომხმარებლის სარეგისტრაციო განაცხადის წარმატებით დამუშავების მომენტიდან და მოქმედებს შეთანხმებით გათვალისწინებული შეწყვეტის პირობების დადგომამდე.

7.2. მხარე უფლებამოსილია შეწყვიტოს შეთანხმება ნებისმიერ დროს, ნებისმიერი მიზეზით მეორე მხარის სულ მცირე 7 დღით ადრე ინფორმირების შემდეგ.

7.3. მხარე უფლებამოსილია შეწყვიტოს შეთანხმება წინასწარი გაფრთხილების გარეშე, თუმცა შესაბამისი დასაბუთებით, იმ შემთხვევაში, თუ მეორე მხარე არსებითად არღვევს შეთანხმებას, ნებისმიერ მოქმედ კანონს ან რეგულაციას, ან ზიანს აყენებს მხარის ბრენდს, რეპუტაციას ან საქმიანობას.

7.4. ყველა გადაუხდელი ვალდებულება, ასევე ვალდებულებები, რომლებიც შესაძლოა, წარმოიქმნას შეთანხმებით განსაზღვრული პასუხისმგებლობისა და კონფიდენციალურობის დებულებებიდან გამომდინარე, მოქმედია შეთანხმების შეწყვეტის შემდეგაც. კონფიდენციალურობასთან დაკავშირებული დებულებები მოქმედია შეთანხმების შეწყვეტიდან 5 წლის განმავლობაში.

7.5. ბიზნეს მომხმარებლის წვდომა ბიზნეს პორტალზე შესაძლოა, შეიზღუდოს გამოძიების პროცესში, თუ სახეზეა ბიზნეს მომხმარებლის მხრიდან დაფიქსირებული საეჭვო ქმედება, არსებითი დარღვევა ან თაღლითური აქტივობა Bolt Business-ით სარგებლობის ფარგლებში.

8. დასკვნითი დებულებები

8.1. შეთანხმების ქვეშ გაფორმებული ნებისმიერი შეტყობინება ან დოკუმენტი ვალიდურია:

8.1.1. პირადად მიწოდების შემთხვევაში, მხარისთვის მიტანის დროიდან;

8.1.2. კურიერის მიერ მიწოდების შემთხვევაში, შეტყობინების შემცველი ამანათის გადაცემის კურიერის მიერ დაფიქსირებული მომენტიდან;

8.1.3. რეგისტრირებული ფოსტით გაგზავნის შემთხვევაში, ფოსტის ოფისში ჩაბარების მე-10 დღიდან;

8.1.4. ბიზნეს პორტალით ან ელ. ფოსტით შეტყობინების შემთხვევაში, შეტყობინების გაგზავნის მე-2 დღიდან.

8.2. Bolt იტოვებს უფლებას ნებისმიერ დროს შეიტანოს ცვლილება წინამდებარე წესებსა და პირობებში. ცვლილებები ძალაში შევა მას შემდეგ, რაც განახლებული წესებისა და პირობების შესახებ ინფორმაცია ხელმისაწვდომი გახდება ბიზნეს პორტალზე ან გაეგზავნება ბიზნეს მომხმარებლის მიერ ბიზნეს პორტალზე მითითებულ საკონტაქტო პირებს. Bolt Business-ით სარგებლობის გაგრძელება განახლებული წესებითა და პირობებით შესაძლებელი იქნება ბიზნეს მომხმარებლის მიერ ცვლილებაზე თანხმობის გამოხატვის შემდეგ.

8.3. Bolt იტოვებს უფლებას დაამატოს, გააუქმოს და განაახლოს Bolt Business-ის, Bolt აპლიკაციის, ბიზნეს პორტალის, მგზავრობის დამჯავშნის, Bolt API-ის ან/და Bolt-ის სხვა ნებისმიერი პლატფორმის ფუნქციები, მათ შორის და არა მხოლოდ, ცვლილება შეიძლება შეეხოს ფასებს, გადახდის მეთოდებსა და Bolt Business-ით სარგებლობისთვის საჭირო მოთხოვნებს.

8.4. Bolt იტოვებს უფლებას ნებისმიერ დროს გაუგზავნოს მომხმარებლებს სარეკლამო შეთავაზებები მათ სასარგებლოდ.

8.5. წინამდებარე შეთანხმება, ასევე ამ შეთანხმებით წარმოშობილი უფლებები და ვალდებულებები არ შეიძლება გადაეცეს ან გადაებაროს მესამე პირს ბიზნეს მომხმარებლის მიერ სრულად ან ნაწილობრივ, Bolt-ის წინასწარი წერილობითი თანხმობის გარეშე. შეთანხმება მთლიანად ან ნაწილობრივ შეიძლება გაფორმდეს და გადაიცეს Bolt-ის მიერ მისი შეხედულებისამებრ.

8.6. წინამდებარე შეთანხმება წარმოადგენს საბოლოო შეთანხმებას მხარეებს შორის და ანაცვლებს შეთანხმების საგანთან დაკავშირებულ ყველა წინა წერილობით თუ ზეპირ კომუნიკაციას, პროექტს, შეთანხმებას, წარმომადგენლობას, გარანტიასა და დებულებას მხარეებს შორის.

8.7. მოქმედი სავალდებულო კანონმდებლობით განსაზღვრული ნებისმიერი უფლება ან ვალდებულება უპირატესია შეთანხმებით გათვალისწინებულ დებულებებთან მიმართებით ურთიერთწინააღმდეგობის დადგომის შემთხვევაში.

8.8. მოქმედი კანონმდებლობა და იურისდიქცია. შეთანხმება რეგულირდება, განიმარტება და აღსრულდება საქართველოს კანონმდებლობის მიხედვით. თუ შეთანხმებასთან დაკავშირებული ან მისგან წარმოშობილი დავა, მათ შორის შეთანხმების გარე პრეტენზიები, ვერ გადაწყდება მოლაპარაკებით 30 დღის განმავლობაში, დავა საბოლოოდ და ექსკლუზიურად გადაწყდება საქართველოში მოქმედ სასამართლო ორგანოში.