ამ სტატიაში მოცემულია:
ინფორმაცია ბილინგის ტიპებზე
საკრედიტო ბარათით ბილინგისას:
- მგზავრობის საფასური ჩამოიჭრება ყოველი მგზავრობის შემდეგ
- ცალკე გადახდა საჭირო არ არის. კომპანიის ყველა მგზავრობის თანხა ერთი ბარათიდან ჩამოიჭრება.
- საკრედიტო შემოწმება საჭირო არ არის
წინასწარი ჩარიცხვით ბილინგისას:
- ყოველთვიური საკრედიტო ლიმიტი გექნებათ გამოსაყენებლად
- თუ საკრედიტო ლიმიტს ამოწურავთ, ბიზნეს გადახდის მეთოდი თ მგზავრობის შეკვეთას ვეღარ შეძლებთ
- ყოველ თვე, თქვენ მიიღებთ ერთ ინვოისს და მთელი თვის განმავლობაში განხორციელებული მგზავრობების საფასურს ერთიანად ჩარიცხავთ. გთხოვთ თანხა ჩარიცხოთ თვის 15 რიცხვის ჩათვლით, რომ განახლდეს საკრედიტო ლიმიტი.
საბანკო ტრანზაქციისას, დარწმუნდით, რომ სწორად შეიყვანეთ საბანკო დეტალები და საბუთის ნომერი, რომლებიც მითითებულია ინვოისში.
ბილინგის ტიპის შეცვლა
მიმდინარე გადახდის მეთოდის სანახავად, გადადით ბილინგის სექციაში კომპანიის პორტალიდან.
თუ თქვენს კომპანიის პორტალზე ბილინგის მხოლოდ ერთი ტიპი გაქვთ დამატებული და შეცვლა გსურთ, საჭიროა, რომ გადახდის ახალი მეთოდი დაამატოთ. ამისთვის კი, დააჭირეთ ღილაკს დაამატეთ გადახდის მეთოდი:
- საკრედიტო ბარათის ბილინგის დასამატებლად, დააჭირეთ ღილაკს ბარათის დამატება, შეიყვანეთ ბარათის დეტალები და მონიშნეთ ბარათის დამატება.
- წინასწარი ჩარიცხვის ბილინგის დასამატებლად, დააჭირეთ ღილაკს გაყიდვების გუნდთან დაკავშირება, მიუთითეთ კომპანიის სარეგისტრაციო კოდი, დღგ-ს ID ნომერი და ატვირთეთ მოთხოვნა.
თუ უკვე დაამატეთ ორივე გადახდის მეთოდი კომპანიის პორტალზე, შეგიძლიათ აირჩიოთ სასურველი ბილინგის ტიპი ღილაკზე შეცვლა დაჭერით, შეჯამების სექციაში.
საკრედიტო ბარათის დამატება ან წაშლა
ახალი საკრედიტო ბარათის დასამატებლად:
- დააჭირეთ ღილაკს გადახდის მეთოდის დამატება სექციაში ბილინგი
- შეიყვანეთ ბარათის დეტალები
- დააჭირეთ ღილაკს ბარათის დამატება.
საკრედიტო ბარათის წასაშლელად:
თუ თქვენი ბიზნეს ანგარიშზე მხოლოდ ერ თი ბარათია დაფიქსირებული, მის წაშლას ვერ შეძლებთ. გთხოვთ დაამატოთ ახალი ბარათი და მონიშნოთ ის გადახდის მეთოდად. ამის შემდეგ შეძლებთ წინა ბარათის წაშლას. თუ კვლავ ვერ ახერხებთ ბარათის წაშლას, დაუკავშირდით ჩვენს მხარდაჭერის გუნდს. გთხოვთ მოგვაწოდოთ შემდეგი ინფორმაცია:
- თქვენი კომპანიის სახელი
- ბარათის ბოლო 4 ციფრი
- ხარვეზის შეტყობინების სქრინშოთი
წარუმატებელი გადახდები
თუ თქვენი კომპანია საკრედიტო ბარათს იყენებს და გადახდა წარუმატებელია, დარწმუნდით, რომ:
- ბარათი არ არის ვადაგასული
- ბარათზე საკმარისი თანხაა
- ბარათის ლიმიტი არ არის გადაჭარბებული
თუ ზემოთ ჩამოთვლილი მოთხოვნები დაკმაყოფილებულია, გთხოვთ დაუკავშირდეთ თქვენს ბანკს. თუ ხარვეზი აღმოიფხვრება, შეგიძლიათ გადახდა სცადოთ თავიდან კომპანიის პორტალიდან. დამატებითი ინსტრუქციები შეგიძლიათ იხილოთ სტატიაში დავალიანება და გადასახადები, "თანხის ჩარიცხვის" ქვემოთ.
წინასწარი ჩარიცხვის ბილინგისას წარუმატებელი გადახდის შემთხვევაში, დაუკავშირდით ჩვენს მხარდაჭერის გუნდს. გთხოვთ შეტყობინებას დაურთოთ საბანკო ამონაწერი PDF ფაილის სახით.
