Pakua data binafsi ya Bolt Food

Hapa chini kuna maelezo ya yaliyomo ndani ya kila faili utakayopakua. Ikiwa baadhi ya sehemu hazina kitu, ni kwa sababu hatuhifadhi data hiyo kukuhusu.

Alama zote za muda ziko kwenye Saa Iliyoratibiwa ya Ulimwengu (UTC) isipokuwa ikiwa imeonyeshwa vinginevyo. Aina fulani za data zinaweza kupakuliwa moja kwa moja kutoka kwenye Programu ya Bolt Food. Timu yetu ya usaidizi inaweza kukusaidia kupakua aina nyingine za data. Wasiliana nasi, nasi tutakusaidia.

Data hii inajumuisha:

  • Maelezo ya wasifu.
  • Taarifa za vifaa.
  • Hati zilizowasilishwa kwenye Bolt.
  • Majina ya migahawa na maduka uliyoweka kwenye vipendwa.
  • Sababu ya kusitishwa na muda wake ikiwa ulisitishwa.
  • Maelezo ya kadi ya uaminifu.

Data hii inajumuisha:

  • Toleo la programu.
  • Majaribio ya kuingia.
  • Mabadiliko ya nenosiri.

Faili hii inakupa ufikiaji wa historia yako ya malipo ya miamala ya kadi, ikijumuisha tarehe, kiasi, sarafu na hali ya malipo. Pia inajumuisha maelezo kuhusu njia zako za malipo.

Tafadhali kumbuka:

  • Ni taarifa za ankara zilizoundwa baada ya Mei 21, 2022 pekee ndizo zimejumuishwa.
  • Kwa taarifa za ankara za zamani au kupata ankara kama PDF, tafadhali wasiliana na timu yetu ya usaidizi.

Faili hii ina rekodi za mawasiliano yako na timu yetu ya usaidizi, ikijumuisha:

  • nakala za mawasiliano yako na matarishi kupitia kipengele cha gumzo cha ndani ya programu;
  • maelezo ya simu za intaneti (kama vile tarehe, saa, njia na hali);

Tafadhali kumbuka kwamba data ya gumzo na VOIP huhifadhiwa kwa siku 30, huku mawasiliano ya barua pepe yakihifadhiwa kwa siku 90. Metadata inayohusiana na mawasiliano haya inaweza kuhifadhiwa kwa muda mrefu zaidi kwa madhumuni ya uchambuzi. Ikiwa unahitaji ufikiaji wa rekodi za zamani au maelezo mahususi, tafadhali wasiliana na timu yetu ya usaidizi.

Faili hii inajumuisha rekodi za idhini ulizotoa kuhusu mapendeleo ya mawasiliano, ufuatiliaji wa wahusika wengine na Sheria na Masharti. Inafuatilia yale uliyokubali na mabadiliko yoyote ya mipangilio yako ya idhini kadri muda ulivyopita.

Data hizi zinajumuisha:

  • Tarehe za uthibitishaji.
  • Matokeo ya uthibitishaji.
  • Aina ya hati zilizowasilishwa.
  • Taarifa za kifaa.
  • Taarifa nyingine zinazohusiana na mchakato wa uthibitishaji.

Kila rekodi inajumuisha data ifuatayo:

  • Bidhaa za kwenye kikapu, ikijumuisha bei, kiasi na maombi ya ziada.
  • Jina la nchi na jiji ambako oda ilianzia.
  • Alama za muda za wakati oda zilipowekwa na kuwasilishwa.
  • Maelezo ya anwani ya uwasilishaji.
  • Mchanganuo wa thamani ya kikapu, ikijumuisha gharama za uwasilishaji.
  • Sarafu iliyotumika.
  • Mgahawa au duka uliloagizia.
  • Alama zilizotolewa kwa matarishi na mgahawa au duka.

Wasiliana na kituo cha usaidizi ikiwa huwezi kupata data unayotafuta.

Maswali yanayoulizwa sana

Utakapopakua rekodi zako za data, utapata faili ya ZIP yenye faili za CSV, JSON, PDF, PNG, JPG na nyingine ndani yake. Tafadhali kumbuka kuwa ukubwa wa faili unategemea muda ambao umekuwa ukitumia huduma za Bolt, kwa hiyo hakikisha una nafasi ya kutosha ya hifadhi kwenye kifaa chako.

Ikiwa unahitaji usaidizi, kuna njia tatu za kuwasiliana na timu yetu ya usaidizi:

CSV ni kifupi cha Comma-Separated Values, yaani muundo rahisi wa faili wa kuhifadhi data za jedwali katika maandishi ya kawaida, kama vile lahajedwali au hifadhidata. Kila mstari wa faili ni rekodi ya data, na rekodi binafsi hutenganishwa kwa koma. Faili za CSV zinaweza kufunguliwa na kuhaririwa kwa urahisi katika programu za lahajedwali kama Microsoft Excel, Google Sheets, au Apple Numbers.

Kifurushi cha ZIP hubana faili nyingi kuwa faili moja ndogo zaidi ili kupakua kwa haraka. Ili kufikia faili zilizomo ndani yake, utahitaji kukifungua. Vifaa vingi vya mkononi na kompyuta vinaweza kufungua faili za ZIP bila programu ya ziada. Ikiwa kifaa chako cha mkononi hakiwezi kufungua kifurushi cha ZIP, tunapendekeza uangalie tovuti ya mtengenezaji wako kwa maelekezo au upakue programu maalum.