Hivi ndivyo unavyoweza kuipata kwenye programu:
- Gusa Akaunti kwenye kona ya chini kulia;
- Gusa Mipangilio;
- Nenda kwenye Faragha;
- Fungua Data zako binafsi.
Kumbuka: Muda wa matumizi ya PINI unaisha baada ya dakika 15. Muda wake ukiisha, fungua tena skrini ya Data zako binafsi na PINI mpya itazalishwa kiotomatiki. Kiungo cha kuhamisha data zako kinaisha baada ya siku 3, muda wake wa matumizi ukiisha, utahitaji kutuma ombi jipya kupitia programu.
Maswali yanayoulizwa sana
Unapopakua rekodi za data zako, utapata kifurushi cha ZIP lenye faili za CSV, JSON, PDF, PNG, JPG na nyinginezo ndani. Tafadhali kumbuka kuwa ukubwa wa faili hutegemea muda ambao umetumia huduma za Bolt, kwa hivyo hakikisha una nafasi ya kutosha ya hifadhi kwenye kifaa chako.
Faili ya CSV ni nini? CSV ni kifupi cha Comma-Separated Values, muundo rahisi wa faili wa kuhifadhi data za majedwali katika maandishi ya kawaida, kama vile lahajedwali au hifadhidata. Kila mstari wa faili ni rekodi ya data, na rekodi binafsi hutenganishwa kwa koma. Faili za CSV zinaweza kufunguliwa na kuhaririwa kwa urahisi katika programu za lahajedwali kama Microsoft Excel, Google Sheets, au Apple Numbers.
Kifurushi cha ZIP ni nini? Kifurushi cha ZIP hubana faili nyingi na kuziweka kwenye faili moja ndogo zaidi ili zipakuliwe haraka. Ili uweze kufikia faili zilizo ndani, utahitaji kufungua kifurushi hicho. Vifaa vingi vya mkononi na kompyuta vinaweza kufungua faili za ZIP bila programu ya ziada. Ikiwa kifaa chako hakiwezi kufungua kifurushi cha ZIP, tunapendekeza uangalie maelekezo kwenye tovuti ya mtengenezaji wako au upakue programu maalum.