Upakuaji wa data binafsi za abiria
Hapa chini kuna maelezo ya yaliyomo ndani ya kila faili utakayopakua. Ikiwa baadhi ya sehemu ni tupu, ni kwa sababu hatuhifadhi data hizo kukuhusu.
Alama zote za muda ziko katika Saa Iliyoratibiwa ya Ulimwengu (UTC), isipokuwa ikionyeshwa vinginevyo. Aina fulani za data zinaweza kupakuliwa moja kwa moja kutoka kwenye programu ya Abiria wa Bolt. Timu yetu ya usaidizi inaweza kukusaidia kupakua aina nyingine za data. Wasiliana nasi, nasi tutakusaidia.
Data hizi zinajumuisha:
- Data za wasifu.
- Taarifa za usajili.
- Taarifa za vifaa.
- Hati ulizowasilisha kwenye Bolt.
- Picha ya wasifu.
- Anwani, viwianishi na majina ya maeneo uliyoweka kwenye vipendwa.
- Taarifa kuhusu faini ulizopigwa.
- Sababu ya kusitishwa kwa akaunti na muda wa kusitishwa, ikiwa akaunti yako ilisitiswa.
Data hizi zinajumuisha:
- Majaribio ya kuingia.
- Toleo la programu.
- Jina la kifaa na toleo la mfumo wa uendeshaji.
- Msimbo wa nchi.
- IP.
Faili hii hukupa ufikiaji wa historia yako ya malipo kwa miamala ya kadi, ikijumuisha tarehe, kiasi, sarafu na hali ya malipo. Pia ina maelezo kuhusu njia zako za malipo.
Tafadhali kumbuka:
- Ni taarifa za ankara zilizoundwa baada ya tarehe 21 Mei 2022 pekee ndizo zimejumuishwa.
- Kwa taarifa za ankara za zamani au kupata ankara kama PDF, tafadhali wasiliana na timu yetu ya usaidizi.
Faili hii ina rekodi za mawasiliano yako na timu yetu ya usaidizi, ikijumuisha:
- nakala za mawasiliano yako na madereva kupitia kipengele cha gumzo cha ndani ya programu;
- maelezo ya simu za intaneti (kama vile tarehe, saa, njia na hali);
Tafadhali kumbuka kuwa data za gumzo na VOIP huhifadhiwa kwa siku 30, huku mawasiliano ya barua pepe yakihifadhiwa kwa siku 90. Metadata inayohusiana na mawasiliano haya inaweza kuhifadhiwa kwa muda mrefu zaidi kwa madhumuni ya uchanganuzi. Ikiwa unahitaji ufikiaji wa rekodi za zamani au maelezo mahususi, tafadhali wasiliana na timu yetu ya usaidizi.
Faili hii inajumuisha rekodi za idhini ulizotoa kuhusu mapendeleo ya mawasiliano, ufuatiliaji wa wahusika wengine na Sheria na Masharti. Inafuatilia yale uliyokubali na mabadiliko yoyote ya mipangilio yako ya idhini kadri muda ulivyopita.
Data hizi zinajumuisha:
- Tarehe za uthibitishaji.
- Matokeo ya uthibitishaji.
- Aina ya hati zilizowasilishwa.
- Taarifa za kifaa.
- Taarifa nyingine zinazohusiana na mchakato wa uthibitishaji.
Kila rekodi inajumuisha data zifuatazo:
- Aina ya gari.
- Jina la nchi na jiji ambako safari ilifanyika.
- Alama za muda za safari ilipoanza na ilipoisha.
- Viwianishi vya mahali pa kuchukuliwa na unakoelekea.
- Umbali wa safari.
- Hali ya mwisho ya safari.
- Sababu iwapo safari haikufanikiwa.
- Bei ya safari (kwa nchi zisizo za Uingereza).
- Sarafu iliyotumika (kwa nchi zisizo za Uingereza).
Tafadhali wasiliana na usaidizi ikiwa huwezi kupata data unayotafuta.
Maswali yanayoulizwa sana
Ikiwa unahitaji usaidizi, kuna njia tatu za kuwasiliana na timu yetu ya usaidizi:
- Fungua programu ya Abiria wa Bolt na uende kwenye sehemu ya Usaidizi kutoka kwenye menyu
- Wasilisha ombi lako kupitia Fomu ya Faragha ya Mtandaoni
- Tuma barua pepe kwenda [email protected] na utoe maelezo kuhusu tatizo lako
CSV ni kifupi cha Comma-Separated Values, yaani muundo rahisi wa faili wa kuhifadhi data za jedwali katika maandishi ya kawaida, kama vile lahajedwali au hifadhidata. Kila mstari wa faili ni rekodi ya data, na rekodi binafsi hutenganishwa kwa koma. Faili za CSV zinaweza kufunguliwa na kuhaririwa kwa urahisi katika programu za lahajedwali kama Microsoft Excel, Google Sheets, au Apple Numbers.
Kifurushi cha ZIP hubana faili nyingi kuwa faili moja ndogo zaidi ili kupakua kwa haraka. Ili kufikia faili zilizomo ndani yake, utahitaji kukifungua. Vifaa vingi vya mkononi na kompyuta vinaweza kufungua faili za ZIP bila programu ya ziada. Ikiwa kifaa chako cha mkononi hakiwezi kufungua kifurushi cha ZIP, tunapendekeza uangalie tovuti ya mtengenezaji wako kwa maelekezo au upakue programu maalum.