,,ბოლტის“ ,,ელექტრონული სატრანსპორტო საშუალებების“ წესები და პირობები

ძალაშია 25.07.2024- დან

1. ზოგადი 

1.1 მომსახურების ეს პირობები წარმოადგენს შეთანხმებას (,,შეთანხმება“) ,,თქვენსა“ (,,თქვენ“, ,,მომხმარებელი“ ან ,,მგზავრი“) და ,,შპს ბოლტ სერვისის ჯის“, სარეგისტრაციო ნომრით 402304831 ან ,,ჩვენთან“ აფილირებულ პირებს (,,ბოლტი“, ,,ჩვენ“, ,,ჩვენ“ ან ,,ჩვენი“) შორის, ,,თქვენს“ მიერ (i) აპლიკაციაში ხელმისაწვდომი ნებისმიერი ადამიანის მიერ მექანიკურად მართული და ელექტრო სატრანსპორტო საშუალების გამოყენებასთან დაკავშირებით, როგორიცაა ელექტრონული სკუტერები და ელექტრონული ველოსიპედები (ერთად, ,,ელექტრონული სატრანსპორტო საშუალებები“); (ii) ,,ჩვენი“ მობილური აპლიკაციის ელექტრონული მანქანების წვდომისა და გამოყენებისათვის (,,აპლიკაცია“); და (iii) სხვა დაკავშირებული მომსახურებისთვის, როგორიცაა დატენვა, მოვლა, ჩაბარება და მსგავსი მომსახურება (,,დაკავშირებული მომსახურება“) რომელიც ხელმისაწვდომია ,,ჩვენგან“ (,,ელექტრონული სატრანსპორტო საშუალება“ და ,,აპლიკაცია“ და მასთან დაკავშირებული მომსახურება ერთობლივად წარმოადგენს ,,მომსახურებას“).

1.2 თუ ,,ჩვენთან“ დაკავშირება გჭირდებათ:

1.2.1 ,,ჩვენი“ მისამართია: საქართველო, თბილისი, დიდუბის რაიონი, დავით აღმაშენებლის გამზირი, N129ა, მე-3 სართული, ოფისი N4.

1.2.2 ვირტუალურად: ,,თქვენ“ შეგიძლიათ დაუკავშირდეთ ,,ჩვენს“ მომხმარებელთა მხარდაჭერის გუნდს აპლიკაციაში მყისიერი შეტყობინების ფუნქციის საშუალებით.

1.3 „ელექტორნული სატრანსპორტო საშუალების“ ტექნიკური მახასიათებლები მოცემულია დანართ „გ“-ში.

1.4 შემდეგი დოკუმენტები სავალდებულოა და წარმოადგენს ამ ხელშეკრულების ნაწილს:

1.4.1 ხელშეკრულების ,,დანართი ,,ა“-ში გათვალისწინებული ,,ელექტრონული სატრანსპორტო საშუალებების“ ექსპლუატაციის წესი ("მგზავრობის წესები");

1.4.2 ,,ელექტრონული სატრანსპორტო საშალებების“ გამოყენებსათან დაკავშირებული ,,აპლიკაციაში“ მითითებული უსაფრთხოების სახელმძღვანელო მითითებები და, როგორც ეს შეიძლება იყოს მოცემული, ,,აპლიკაციის“ უსაფრთხოების ინსტრუმენტებში (,,უსაფრთხოების ინსტრუმენტები”);

1.4.3 ,,აპლიკაციაში“ ნაჩვენები საფასურის შესაბამისი გრაფიკი (,,საფასურის განრიგი”), ნებისმიერი სხვა ფასთან დაკავშირებული ინფორმაცია, ,,აპლიკაციაში“ მოცემული წესები ,,ძირითად საშვთან“ და ,,წინასწარ-გადახდილი საშვთან“ დაკავშირებით (განსაზღვრულია 4.1-ში), ნებისმიერი მოქმედი ,,პრომო კოდის წესები და პირობები“ და ნებისმიერი ინსტრუქცია, სახელმძღვანელო (მათ შორის, ასეთის არსებობის შემთხვევაში, ,,ელექტრონული სატრანსპორტო საშუალების“ მომხმარებლის სახელმძღვანელო) და ,,აპლიკაციაში“ ნაჩვენები ნებისმიერი სხვა სახელმძღვანელო; და

1.4.4 წინამდებარე ,,შეთანხმებაში“ მითითებული სხვა ბიზნეს და პროდუქტის წესები, მათ შორის მომსახურების აღწერა, პოლიტიკა და შეტყობინებები, მათ შორის ,,ჩვენი“ კონფიდენციალურობის პოლიტიკა მგზავრებისთვის ("კონფიდენციალურობის პოლიტიკა მგზავრებისთვის"), რომელიც ხელმისაწვდომია ,,აპლიკაციაში“ ან შემდეგ ბმულზე: https://bolt.eu/en/privacy/?category=micromobility და შესაბამისად გამოიყენება (mutatis mutandis) მომსახურების გამოყენებისას ,,თქვენი“ პერსონალური მონაცემების დამუშავებისას;

1.4.5 ქვეყნისა თუ ქალაქისთვის განსაზღვრული ("მომსახურების ზონის") დამატებითი წესები, რომლებიც გამოიყენება იმ ზონაში, სადაც მიმდინარეობს მგზავრობა. 

1.5 ,,ჩვენი“ სერვისების განვითარებასთან ერთად, ,,ჩვენ“ ვიტოვებთ უფლებას ნებისმიერ დროს შევიტანოთ ცვლილებები წინამდებარე ,,შეთანხმებაში“ შესწორებული ,,შეთანხმების“ ან მისი დამატებითი პირობების ,,ჩვენს“ ვებ-გვერდზე ან ,,აპლიკაციაში“ განთავსებით, რის შესახებაც შეგატყობინებთ ,,თქვენს“ მიერ რეგისტრაციის დროს მითითებული ელ.ფოსტის მისამართის საშუალებით, მინიმუმ ერთი კალენდარული დღით ადრე. ,,თქვენს“ მიერ მომსახურების მუდმივი გამოყენება ასეთი შეტყობინების შემდეგ წარმოადგენს ,,თქვენს“ თანხმობას ,,შეთანხმების” შესწორებაზე.

1.6 წინამდებარე ,,შეთანხმება“ იდება განუსაზღვრელი ვადით და შეიძლება შეწყდეს ,,თქვენს“ ან ,,ჩვენს“ მიერ 2 კვირით ადრე გაკეთებული წერილობითი შეტყობინებით. საგანგებო მიზეზების გამო შეტყობინების გარეშე შეწყვეტის უფლებას იტოვებს ორივე მხარე. შეწყვეტის შემდეგ, ,,თქვენ“ ხართ პასუხისმგებელი ნებისმიერ გადასახდელ საფასურზე, ზიანზე ან გადასახადზე, რომელიც წარმოიშვა შეწყვეტის თარიღამდე.  ,,თქვენს“ მიერ ,,შეთანხმების“ შეწყვეტა არ წყვეტს ,,თქვენს“ ვალდებულებებს, მათ შორის და არა მხოლოდ,  ანაზღაურების, გარანტიებს და პასუხისმგებლობის შეზღუდვის ვალდებულებებს, როგორც ეს მოცემულია ამ ,,შეთანხმებაში.“ ,,ჩვენ“ ვიტოვებთ უფლებას გამოვიყენოთ ,,თქვენს“ მიერ არჩეული გადახდის მეთოდი ნებისმიერი გადასახდელი თანხის მისაღებად.

2. ,,აპლიკაციის“ გამოყენება

2.1 ,,მომსახურების“ მიღება ხდება ,,აპლიკაციის“ საშუალებით. ,,აპლიკაცია“ ხელმისაწვდომია მრავალ ენაზე, რომლის შეცვლა შესაძლებელია ,,თქვენს“ პროფილში. ,,აპლიკაცია“ საშუალებას აძლევს პირებს, რომლებიც საჭიროებენ ტრანსპორტირებას, მოძებნონ ,,ელექტონრული სატრანსპორტო საშუალებები“ მათი გეოლოკაციის მონაცემების გაზიარებით. ,,ჩვენი“ მომსახურების მოწოდების მიზნით, ,,ჩვენ“ შესაძლოა თვალყური ვადევნოთ ,,თქვენი“ „მოწყობილობის მდებარეობას ,,აპლიკაციის“ მეშვეობით. ,,თქვენი“ მოწყობილობის ადგილმდებარეობის მიხედვით შეიძლება არსებობდეს ,,მომსახურებასთან“ დაკავშირებული შეზღუდვები. ეს შეზღუდვები ნათელია ,,აპლიკაციის“ ინტერფეისის საშუალებით. ,,ჩვენ“ არ გთავაზობთ ,,მომსახურებას“ ყველა იურისდიქციაში. იურისდიქციების საბოლოო სია არ არსებობს, ვინაიდან ,,ჩვენი“ ,,მომსახურების“ ხელმისაწვდომობა შეიძლება დროდადრო შეიცვალოს.

2.2 ,,მომსახურების“ მიღებისთვის საჭიროა ,,აპლიკაციის“ ჩამოტვირთვა და მომხმარებლის ანგარიშის რეგისტრაცია (,,ანგარიში“). ,,აპლიკაციის“ ჩამოტვირთვის დროს, ,,თქვენი“ მობილური ნომერი იქნება დაკავშირებული ,,თქვენს“ ანგარიშთან და დაემატება ,,ჩვენს“ მონაცემთა ბაზას.

2.3 ,,ჩვენ“ შეიძლება დროდადრო განვაახლოთ ,,აპლიკაცია,“ რათა მოგაწოდოთ ოპტიმალური მომსახურება. ,,აპლიკაციის“ საშუალებით ხელმისაწვდომი ,,მომსახურების“ მიღება შესაძლებელია მხოლოდ ინტერნეტთან კავშირის დამყარებისას. ინტერნეტ კავშირისთვის არ არსებობს კონკრეტული ტექნიკური მოთხოვნები, თუმცა მომსახურების ხარისხზე შეიძლება გავლენა იქონიოს ინტერნეტის სიჩქარემ. ,,აპლიკაცია“ ხელმისაწვდომია ,,ანდროიდისა“ და ,,ეფლის“ მოწყობილობებზე უახლესი პროგრამული უზრუნველყოფის განახლებების შესაბამისად.

2.4 ,,აპლიკაციის“ ნებისმიერი ხარვეზის შემთხვევაში, ,,ჩვენ“ ვცდილობთ მის მყისიერად გამოსწორებას, მაგრამ ,,თქვენ“ აცნობიერებთ, რომ აპლიკაციის ფუნქციონირება შეიძლება შეიზღუდოს შემთხვევითი ტექნიკური შეცდომების გამო და ,,ჩვენ“ ვერ შევძლებთ ,,აპლიკაციის“ მუდმივად უხარვეზოდ ფუნქციონირებას. ,,ჩვენ“ კანონმდებლობით ნებადართული მაქსიმალური მოცულობით ვაცხადებთ უარს პასუხისმგებლობის აღებაზე იმ ზარალისთვის, რომელიც წარმოიშვა ,,აპლიკაციის“ ხარვეზის გამო, რომელიც არ ფუნქციონირებს ან არ არის გამოსადეგი სასურველი მიზნით გამოსაყენაებლად.

2.5 რუთინგი, ჯეილბრეიქინგი ან ,,თქვენი“ მობილური მოწყობილობის ჰარდვეარის ან ოპერაციული სისტემის დონეზე ნებისმიერი ფორმით შეცვლა, რომელიც ეწინააღმდეგება მწარმოებლის ინსტრუქციებს ხდის მოწყობილობას სენსიტიურს მობილური საფრთხეების მიმართ. ,,თქვენ“ აცნობიერებთ, რომ ,,ჩვენ“ არ ვართ პასუხისმგებელი რაიმე დანაკარგზე ასეთი შეცვლილი მობილური მოწყობილობის გამოყენებისას და რომ ,,ჩვენ“ არ გვაქვს ვალდებულება მხარი დავუჭიროთ ასეთი მოწყობილობის გამოყენებას.

2.6 ,,თქვენ“ მიერ ,,შეთანხმების“ დაცვით, ,,ჩვენ“ გაძლევთ ,,თქვენს“ პირად მოწყობილობაზე წვდომისა და გამოყენების შეზღუდულ, არაექსკლუზიურ, გაუქმებად, არაგადაცემად უფლებას მხოლოდ ,,მომსახურებების" გამოყენებისთვის.

2.7 ,,ჩვენ“ უზრუნველვყოფთ ,,მომსახურებას“, რომელიც შემუშავებულია, მიეწოდება და მხარს უჭერს ინდუსტრიის სტანდარტებსა და საუკეთესო პრაქტიკას, როგორიცაა ISO 27001/27002, როდესაც ეს შესაძლებელია და არ ეწინააღმდეგება სხვა შეთანხმებულ მოთხოვნებს. საკრედიტო ბარათის მონაცემების დამუშავება ასევე უნდა შეესაბამებოდეს ,,გადახდის ბარათის ინდუსტრიის მონაცემთა უსაფრთხოების სტანდარტს.“

3. მომხმარებლის უფლებამოსილება და ,,ანგარიშები“

3.1 ,,თქვენ“ უფლება გაქვთ ისარგებლოთ ,,მომსახურებით“ თუ:

3.1.1 ,,თქვენ“ გაქვთ ,,ანგარიში“;

3.1.2 ,,თქვენი“ ანგარიში დაკავშირებულია მოქმედ საკრედიტო ან სადებეტო ბარათთან ან გადახდის სხვა მეთოდთან, რომელსაც მხარს უჭერს ,,აპლიკაცია,“ მაგალითად, ,,ბოლტ ბიზნესი” ("არჩეული გადახდის მეთოდი");

3.1.3 ,,თქვენ“ ხართ არანაკლებ 18 წლის და იურიდიულად ხართ უფლებამოსილი იმოძრაოთ ,,ელექტრონული სატრანსპორტო საშუალებით,“ ,,ელექტონრული სატრანსპორტო საშუალებების“ გამოყენების ადგილობრივი კანონისმიერი ასაკობრივი ზღვრის შესაბამისად;

3.1.4 ,,თქვენ" გაქვთ მოქმედი მართვის მოწმობა იმ ,,მომსახურების ზონაში,“ რომელშიც იყენებთ ,,მომსახურებას“ თუ ასეთი მოწმობა სავალდებულოა ელექტრონული სატრანსპორტო საშუალების გამოყენებისთვის;

3.1.5 ,,თქვენ“ გაქვთ ,,ელექტრონული სატრანსპორტო საშუალების“ უსაფრთხო და კომპეტენტური მართვისთვის საჭირო ფიზიკური მდგომარეობა და გაქვთ ამისთვის საჭირო უნარები და გამოცდილება.

3.2 ,,თქვენი“ ანგარიშის შექმნისა და გამოყენებისას, ,,თქვენ“:

3.2.1 ეთანხმებით, რომ გამოიყენოთ მხოლოდ ,,თქვენი“ ნამდვილი სახელი, ზუსტი პერსონალური და ბარათის ინფორმაცია ანგარიშის შესაქმნელად და მუდმივად განაახლოთ ეს ინფორმაცია;

3.2.2 ეთანხმებით, რომ ,,თქვენ“ შეიძლება მოგეთხოვოთ პირადობის დამადასტურებელი საბუთის წარდგენა, ,,თქვენი“ მართვის მოწმობის ან სახელმწიფო საიდენტიფიკაციო დოკუმენტის სახით, რათა მიიღოთ  წვდომა ,,მომსახურებაზე“ ან შეინარჩუნოთ ეს წვდომა;

3.2.3 პასუხისმგებელი ხართ ,,თქვენს“ ანგარიშზე წვდომაზე, მართვასა და უსაფრთხოებაზე და პასუხისმგებელი ხართ: (i) ,,ანგარიშისთვის“ გმოყენებულ მომხმარებლის სახელსა და პაროლზე; და (ii) ,,თქვენი“ ანგარიშის ფარგლებში განხორციელებულ ყველა ქმედებაზე, მათ შორის და არა მხოლოდ, გააქტიურებაზე (განბლოკვით), გამოყენებაზე, დეაქტივაციაზე (,,თქვენი“ მგზავრობის დასრულება) და ,,ელექტრონული სატრანსპორტო საშუალების“ სათანადო პარკირებაზე ამ ,,შეთანხმების“ შესაბამისად და როგორც ნებადართულია პარკირების ზონაში, ან ამის შეუსრულებლობაზე, თუ ,,თქვენ“ არ შეგიტყობინებიათ ,,თქვენი“ ანგარიშის ბოროტად გამოყენების ფაქტი  3.2.4 ნაწილის შესაბამისად. ,,ჩვენ“ შეიძლება ვივარაუდოთ, რომ ნებისმიერ ადამიანს, რომელიც იყენებს ,,თქვენს“ მომხმარებლის სახელსა და პაროლს, აქვს ამის გაკეთების უფლებამოსილება;

3.2.4 დაუყოვნებლივ შეგვატყობინებთ, ,,თქვენს“ ,,ანგარიშზე“ არაავტორიზებული წვდომისა თუ გამოყენების შესახებ, ასეთი ფაქტის შეტყობის შემთხვევაში, ან სხვა ისეთი სიტუაციის შესახებ, რომელმაც შეიძლება გამოიწვიოს ,,თქვენი“ ,,ანგარიშის“ მართვის შესაძლებლობის დაკარგვა;

3.2.5 ეთანხმებით, რომ ,,ჩვენ“ გვაქვს უფლება შევაჩეროთ, შევზღუდოთ ან გავთიშოთ ,,თქვენი“ ,,ანგარიში“ (i) აპლიკაციის კანონიერი გამოყენების უზრუნველსაყოფად, მათ შორის თაღლითობის პრევენციის, რისკის შეფასების, გამოძიების და მომხმარებელთა მხარდაჭერის მიზნებისათვის; (ii) ამ ,,შეთანხმებსათან,“ ,,მგზავრობის წესებთან“ და უსაფრთხოების ინსტრუმენტებთან ,,თქვენი“ შესაბამისობის უზრუნველსაყოფად; (iii) რათა დავიცვათ მოქმედი კანონი ან სასამართლოს, სამართალდამცავი ან სხვა ადმინისტრაციული ორგანოს ან სამთავრობო ორგანოს ბრძანება; ან (v) როგორც სხვაგვარად არის განსაზღვრული ამ ,,შეთანხმებით“

3.2.6 ეთანხმებით, რომ ,,ჩვენ“ შეიძლება გამოგიგზავნოთ შეტყობინება (ესემესი)და ელ.ფოსტის შეტყობინებები ,,მომსახურებასთან“ დაკავშირებით.

4. ელექტრონული სატრანსპორტო საშულების გამოყენება

4.1 ,,აპლიკაციის“ საშუალებით ,,ელექტრონული სატრანსპორტო საშუალების“ განბლოკვით, ,,თქვენ“ აცხადებთ თანხმობას ,,ელექტრონული სატრანსპორტო საშუალების“ ქირაობაზე ,,გზადაგზა გადახდის“ საფუძველზე ("ძირითადი საშვი") ან წინასწარ გადახდილი პაკეტის საშუალებით ("წინასწარ გადახდილი საშვი“) ამ ,,შეთანხმების“ პირობების შესაბამისად და ქირავნობის პერიოდში მოქმედი საფასურის გრაფიკის შესაბამისად.

4.2 ყოველ ჯერზე, როდესაც ,,თქვენ“ განბლოკავთ ,,ელექტრონულ სატრანსპორტო საშუალებას“ და დაიწყებთ მგზავრობას, ,,თქვენ“ წარმოადგენთ და გარანტიას იძლევით, რომ წაიკითხეთ და გააცნობიერეთ:

4.2.1 საგზაო მოძრაობის ყველა მოქმედი კანონი და რეგულაცია;

4.2.2 დანართი ,,ა“- ში მოცემული მგზავრობის წესები;

4.2.3 უსაფრთხოების ინსტრუმენტები;

4.2.4 ,,თქვენს“ ,,მომსახურების ზონაში“ მოქმედი წესები და პირობები; და

4.2.5 მუხლში მოცემული უფლებამოსილების კრიტერიუმები და ადასტურებთ, რომ ისინი დაკმაყოფილებულია.

4.3 ელექტრონული სატრანსპორტო საშუალების განბლოკვით, ,,თქვენ“ თანხმდებით, რომ:

4.3.1 ,,ელექტრონული სატრანსპორტო საშუალება“ და მასზე მიმაგრებული ნებისმიერი მოწყობილობა, ნებისმიერ დროს, რჩება ,,ჩვენს“ საკუთრებად და რომ ,,თქვენ“ არ გაქვთ მისი, ან მასზე მიმაგრებული ნებისმიერი მოწყობილობის ნებისმიერი ფორმით დაშლის, შეცვალის, შეკეთების, გასწორების ან გაფუჭების უფლება;

4.3.2 გამოიყენებთ ,,ელექტრონულ სატრანსპორტო საშუალებას“ ამ ,,შეთანხმების“ შესაბამისად, მათ შორის ,,მგზავრობის წესების,“ უსაფრთხოების ინსტრუმენტების, ,,აპლიკაციაში“ ნაჩვენები ნებისმიერი ინსტრუქციის, სახელმძღვანელოსა თუ მითითებებისა და ,,თქვენს“ ,,მომსახურების ზონაში“ არსებული წესების და პირობების შესაბამისად;

4.3.3 არ დაუშვებთ, რომ სხვა პირმა გამოიყენოს ,,თქვენს“ მიერ განბლოკილი ,,ელექტრონული სატრანსპორტო საშუალება,“ გარდა ამ ,,შეთანხმებით“ განსაზღვრული ჯგუფური მგზავრობისა;

4.3.4 იღებთ სრულ პასუხისმგებლობას ქირავნობის პერიოდში ,,ელექტრონული სატრანსპორტო საშუალების“ მოვლაზე და რომ ,,ელექტრონულ სატრანსპორტო საშუალებას“ დააბრუნებთ იმავე მდგომარეობაში, რომელშიც იგი გაქირავდა ნებადართული პარკირების ადგილიდან, ადგილობრივი კანონმდებლობის, ,,ელექტრონული სატრანსპორტო საშუალების“ ტიპისა და ,,აპლიკაციაში“ მითითებული პარკირების ინსტრუქციის შესაბამისად ("ნებადართული პარკირების ადგილი"). თუ ,,ელექტრონული სატრანსპორტო საშუალება“ დაბრუნდება დაზიანებული ან შესაკეთებელ მდგომარეობაში, მაშინ ჩამოგეჭრებათ შეკეთების საფასური, რომელიც 5.6.2 ნაწილით არის განსაზღვრული.

4.4 თუ ,,ელექტრონული სატრანსპორტო საშუალების“ ელემენტი გაქირავების დროს დაჯდება, ,,თქვენ“ შეწყვეტთ მგზვრობას ,,აპლიკაციის“ მითითებებისა და ამ ,,შეთანხმების“ შესაბამისად და გააჩერებთ ,,ელექტრონულ სატრანსპორტო საუალებას“ ნებადართული პარკირების ადგილას.

4.5 ,,თქვენ“ მყისიერად უნდა შეგვატყობინოთ ნებისმიერი უბედური შემთხვევის, ავარიის, ზიანის, პირადი დაზიანების, მოპარული ან ,,დაკარგული ელექტრონული სატრანსპორტო საშუალების“ შესახებ 10.1 მუხლის შესაბამისად. თუ ასეთი ინციდენტი მოიცავს პირად დაზიანებას, ქონების დაზიანებას ან მოპარულ ,,ელექტრონულ სატრანსპორტო საშუალებას“ ,,თქვენ“ უნდა წარადგინოთ ანგარიში პოლიციის ადგილობრივ განყოფილებაში 24 საათის განმავლობაში.

4.6 შერჩეულ ,,მომსახურების ზონაში,“ ,,ჩვენ“ შეიძლება ნება დაგრთოთ ,,თქვენ“, (,,მასპინძელს“) რომ განბლოკოთ რამდენიმე ,,ელექტრონული სატრანსპორტო საშუალება“ ,,თქვენი“ ანგარიშით ერთდროულად სტუმარი მგზავრების (,,სტუმრები“) მიერ ჯგუფურ მგზავრობაში მონაწილეობის მისაღებად (,,ჯგუფური მგზავრობა“). ,,ჯგუფური მგზავრობის“ ფუნქცია, ხემლისაწვდომობის შემთხვევაში, გამოჩნდება ,,აპლიკაციაში.“ ,,მასპინძელი“ აცნობიერებს, რომ ფასდაკლებები, აქციები და სხვა კრედიტები ან წახალისება, შეიძლება არ იყოს ხელმსიაწვდომი. ,,ჯგუფური მგზავორბის“ ფუნქციის გამოყენებისას, ,,მასპინძელი“ თანახმაა და იღებს ვალდებულებას:

4.6.1 გახადოს ,,მასპინძლის“ მობილური მოწყობილობა ხელმისაწვდომი თითოეული ,,სტუმრისთვის,“ რომ პირადად წაიკითხოს და შეასრულოს ამ ,,შეთანხმების“ ყველა მოქმედი დებულება, ,,ჩვენი“ ,,კონფიდენციალურობის შეტყობინება,“ ,,მგზავრობის წესები“ და უსაფრთხოების ინსტრუმენტები.

4.6.2 დარწმუნდეს, რომ ყველა ,,სტუმარი“ მინიმუმ 18 წლისაა და აკმაყოფილებს უფლებამოსილების პირობებს, რომლებიც ჩამოთვლილია 3.1.4 და 3.1.5 მუხლებში.

4.6.3 მოგვცეს უფლება, გამოვიყენოთ არჩეული გადახდის მეთოდი ნებისმიერი საფასურის გადახდისთვის, რომელიც დაკავშირებულია ,,მასპინძლის“ ანგარიშთან, ,,ჯგუფური მგზავრობის“ დროს გათვალისწინებულ ,,მომსახურებასთან.“

4.6.4 აიღოს სრული პასუხისმგებლობა ,,მომსახურების“ გამოყენებისას ,,სტუმრების“ ბრალეული ქცევით გამოწვეული ნებისმიერი ზიანის, ზარალისა და დაზიანებაზე, მოქმედი კანონმდებლობით ნებადართული მაქსიმალური მოცულობით.

4.6.5 აიღოს სრული პასუხისმგებლობა ყველა ჯარიმაზე, საფასურზე ან/და სხვა გადასახადზე, რაც გამოწვეულია ,,ჯგუფური მგზავრობისას“ განბლოკილი ნებისმიერი ,,ელექტრონული სატრანსპორტო საშუალების“ გამოყენებით, ან ,,სტუმრების“ მიერ ,,ელექტრონული სატრანსპორტო საშუალების“ არასათანადო პარკირების შედეგად ან ,,სტუმრის“ მიერ ,,მომსახურების“ გამოყენებისას ნებისმიერი კანონის, წესის, რეგულაციის ან დადგენილების დარღვევის შედეგად (ერთობლივად,  ,,სტუმრის სანქციები“), მოქმედი კანონმდებლობით ნებადართული მაქსიმალური მოცულობით. ,,თქვენ“ ეთანხმებით, რომ ,,ჩვენ“ შეიძლება გადავიხადოთ ,,სტუმრის“ ყველა სანქცია, რომელიც გაცემულია პირდაპირ, გაცემულია ,,თქვენს“ ან ,,თქვენი“ ,,სტუმრის“ სახელზე და რომ ,,ჩვენ“ გვაქვს უფლება მოვითხოვოთ ამ თანხის ანაზღაურება, რასაც დაემატება გონივრული ადმინისტრაციული გადასახადი, რომელიც არ აღემატება 100 ლარს (,,ადმინისტრატორის საფასური“).

5. გადახდა და საფასური

5.1 ,,თქვენ“ შეგიძლიათ გამოიყენოთ ,,ჩვენი“ ,,მომსახურება“ ,,ძირითადი საშვის“ან ,,წინასწარ გადახდილი საშვის“ მეშვეობით, თუ ეს ხელმისაწვდომია. ,,თქვენ“ ჩამოგეჭრებათ ,,ელექტრონული სატრანსპორტო საშუალებისა“ და ,,მომსახურებით“ სარგებლობის საკომისიო ,,ჩვენი“ საფასურის გრაფიკისა და ,,ელექტრონული სატრანსპორტო საშუალების“ კატეგორიის შესაბამისად. ,,ელექტრონული სატრანსპორტო საშუალების“ თითოეული გამოყენება იწყება მაშინ, როდესაც დააწკაპუნებთ ღილაკს "განბლოკვა" და წყდება, როდესაც დააწკაპუნებთ ღილაკს "დაასრულეთ ,,თქვენი“ მგზავრობა" (ან ექვივალენტური ღილაკები ,,აპლიკაციაში“). ,,ჩვენი“ საფასური და სხვა გადასახადები შეიძლება დაექვემდებაროს მოქმედ გადასახადებს და სხვა ადგილობრივი მთავრობის გადასახადებს, რომლებიც ,,ჩვენ“  შეგვიძლია დავაწესოთ და შევაგროვოთ.

5.2 ზოგიერთ ,,მომსახურების ზონაში“ ,,თქვენ“ შეიძლება მოგეცეთ შესაძლებლობა შეიძინოთ ,,მომსახურება“ ,,წინასწარ გადახდილი საშვით.“ ,,წინასწარ გადახდილ საშვზე“ მოქმედი წესები და ფასების პირობები, რომელიც მოიცავს ,,წინასწარ გადახდილი საშვის“ შეზღუდვების აღწერას, გამოჩნდება ,,აპლიკაციაში,“ რომელსაც უნდა გაეცნოთ და დაეთანხმოთ ,,მომსახურების“ შეძენამდე. ეს შეზღუდვები შეიძლება შეიცავდეს ყოველდღიური დროის, რამდენიმე განბლოკვის ან ყოველდღიური მგზავრობის ლიმიტებს. ,,წინასწარ გადახდილი საშვის“ გამოყენება არ შეიძლება სარეკლამო შეთავაზებებთან, ჯილდოებთან ან სხვა ფასდაკლებებთან ერთად. ,,წინასწარ გადახდილი საშვის“ შეძენა არ წარმოადგენს მომსახურების მიღების გარანტიას. ,,წინასწარ გადახდილი საშვის“ მოქმედება შეწყდება შეძენის დროს მითითებული ვადის გასვლით, მოქმედი წესებისა და ფასების პირობებში.

5.3 ,,თქვენ“ გაქვთ კანონით გათვალისწინებული უფლება ყოველგვარი მიზეზის გარეშე გააუქმოთ ,,წინასწარ გადახდილი საშვი“ შესყიდვის თარიღიდან 14 დღის განმავლობაში. თუ გსურთ ,,წინასწარ გადახდილი საშვის“ გაუქმება, შეგიძლიათ (i) გამოიყენოთ დანართი ,,ბ-თი“ გათვალისწინებული გაუქმების ფორმა ან (ii) დაგვიკავშირდეს 10.1 მუხლის შესაბამისად და მოგვაწოდოთ ნებისმიერი სხვა ცალსახა განაცხადი, რომელშიც მითითებულია ,,თქვენი“ გადაწყვეტილება ,,წინასწარ გადახდილი საშვის“ გაუქმების შესახებ.

5.4 თუ ,,წინასწარ გადახდილი საშვი“ გაააქტიურეთ ,,წინასწარ გადახდილი საშვის“ გაუქმებიდან 14 დღის განმავლობაში (რაც ნიშნავს, რომ ,,თქვენ“ პირდაპირ ითხოვთ, რომ ,,მომსახურების“ მოწოდება დაიწყოს ამ დღიდან და გაუქმების ვადის გასვლამდე), მაშინ ,,თქვენ“ უარს აცხადებთ გაუქმების უფლებაზე. თუ ,,თქვენ“ გამოიყენებთ გაუქმების 14 დღის განმავლობაში, ზემოაღნიშნული პირობების შესაბამისად, ,,თქვენ“ დაგეკისრებათ ანაზღაურების ვალდებულება, პროპორციულობის  პრინციპის საფუძველზე, რომელიც დამოკიდებულია ,,თქვენ“ მიერ შეძენილი და გაუქმებამდე გამოყენებული ,,წინასწარ გადახდილი საშვის“ შეზღუდვებზე.

5.5 ,,ჩვენ“ შეიძლება გავცეთ სარეკლამო კუპონები ან კოდები, რომლებიც ექვემდებარება სარეკლამო კოდის საფუძველზე დადგენილ ნებისმიერ დამატებით პირობას ("პრომო კოდები"). ,,ჩვენ“ ვიტოვებთ აბსოლუტურ დისკრეციას შევცვალოთ ან გავაუქმოთ პრომო კოდები ,,ჩვენი“ შეხედულებისამებრ. ,,ჩვენ“ ნებისმიერ დროს  შეიძლება შევაჩეროთ ან გავაუქმოთ ,,პრომო კოდ(ებ)ი“ და ,,თქვენი“ წვდომა ,,აპლიკაციაზე,“ თუ გვაქვს საფუძვლიანი ეჭვი, რომ ,,პრომო კოდ(ებ)ის“ გამოყენება მოხდა შეცდომით, თაღლითურად, უკანონოდ ან მოქმედი ,,პრომო კოდის“ პირობების ან ამ ,,შეთანხმების“ პირობების დარღვევით.

5.6 თუ ,,ელექტორნული სატრანსპორტო საშუალება,“ რომელიც განბლოკილია ,,თქვენი“ ,,ანგარიშით:“

5.6.1 გაჩერებულია ნებადართული პარკირების ზონის გარეთ, ,,ჩვენი“ შეხედულებისამებრ, ,,ჩვენ“ შეიძლება დაგაკისროთ მისი გადაყვანის საფასური 300 ლარამდე. ეს თანხა დამოკიდებულია გადაყვანის და დაკავშირებული ხარჯების ოდენობაზე;

5.6.2 დაზიანებულია ნორმალური ცვეთის ფარგლებს მიღმა, არის შესაკეთებელ მდგომარეობაში ან ვანდალიზებულია, ,,ჩვენი“ შეხედულებისამებრ, ,,ჩვენ“ შეიძლება დაგაკისროთ ,,ელექტრონული სატრანსპორტო საშუალების“ და აღჭურვილობის შეკეთების ან შეცვლის საფასურის გადახდის ვალდებულება;

5.6.3 მიტოვებულია შეტყობინების გარეშე, ,,თქვენ“ პასუხისმგებელი იქნებით ,,ელექტრონული სატრანსპორტო საშუალების“ დაბრუნების ნებისმიერი საფასურის გადახდაზე, რასაც დაემატება ასევე ,,აპლიკაციაში“ მითითებული საძიებო მოსაკრებელი 350 ლარამდე და ,,აპლიკაციაში“ მითითებული მაქსიმალური მგზავრობის საფასური, რაც დამოკიდებულია იმ დროზე, რაც საჭირო იქნება ,,ელექტრონული სატრანსპორტო საშუალების“ მოსაძებნად. ეს თანხა დამოკიდებული იქნება ,,ჩვენს“ ხარჯებსა და დაკავშირებულ ზიანზე;

5.6.4 დაიკარგება ან არ დაგვიბრუნდება (როდესაც მგზავრობა დასრულებულია და ,,ელექტრონული სატრანსპორტო საშუალება გაჩერებულია“) 48 საათის განმავლობაში, ,,ჩვენი“ შეხედულებისამებრ, ,,ჩვენ „შეიძლება მივიჩნიოთ ,,ელექტრონული სატრანსპორტო საშუალების“ დაკარგულად ან მოპარულად. ამ შემთხვევაში ,,ჩვენ“ შეიძლება დაგაკისროთ 1500 ლარამდე გადახდის ვალდებულება თითოეულ ,,ელექტრონული სატრანსპორტო საშუალებაზე“ და მივმართოთ პოლიციას განცხადებით ,,თქვენ“ წინააღმდეგ.

5.6.5 არ არის გაჩერებული ,,მგზავრობის წესების“ მე-3 მუხლის შესაბამისად ან/და არ იღებთ მკაფიო საბოლოო ფოტოსურათს, როდესაც ,,აპლიკაცია“ ამის გაკეთებას მოგთხოვთ, ,,ჩვენ“ შეიძლება დაგაკისროთ 18 ლარის გადახდის ვალდებულება ("პარკირების აღსრულების საფასური"). ,,თქვენ“ ეთანხმებით, რომ არასათანადო პარკირება ან მკაფიო საბოლოო ფოტოსურათის არ-გადაღება წარმოადგენს ამ ,,შეთანხმების“ დარღვევას და აღიარებთ, რომ ,,პარკირების აღსრულების საფასურის“ დაწესება არის გონივრული და აუცილებელი ღონისძიება პარკირების ადგილების, საზოგადოებრივი სივრცეების და სხვა მომხმარებლებისა და საზოგადოების წევრების უსაფრთხოებისა და მოხერხებულობის უზრუნველსაყოფად. წინამდებარე პირობებზე დათანხმებით, ,,თქვენ“ უფლებას გვაძლევთ დაგაკისროთ ,,პარკირების აღსრულების საფასური“ ,,თქვენს“ მიერ არჩეული გადახდის მეთოდის მეშვეობით.

5.7 როდესაც ,,თქვენ“ იყენებთ ,,ჩვენს“ ,,მომსახურებას“, ,,თქვენ“ უნდა დაიცვათ ყველა ადგილობრივი კანონი, საგზაო მოძრაობის წესი და პარკირების წესი. ,,თქვენ“ ხართ პასუხისმგებელი ნებისმიერ ჯარიმაზე, საჯარიმო სადგომის საფასურზე, ,,ელექტორნული სატრანსპორტო საშუალების“ შენახვის საფასურზე ან/და სხვა მსგავს გადასახადზე (ერთობლივად, "მუნიციპალური სანქციები"), რაც გამოწვეულია ნებისმიერი ,,ელექტრონული სატრანსპორტო საშუალების“ გამოყენებისას ,,თქვენს“ მიერ ,,ელექტრონული სატრანსპორტო საშუალების“ არასწორად გამოყენებით და ,,ჩვენი“ ,,მომსახურების“ მიღებისას ნებისმიერი კანონის, წესის, რეგულაციის ან დადგენილების დარღვევით. ,,თქვენ“ ეთანხმებით, რომ ,,ჩვენ“ შეიძლება განვიხილოთ ,,მუნიციპალური სანქციის“ საფუძელი და გადავწყვიტოთ, რომ ,,თქვენ“ ვალდებული ხართ გადაიხადოთ ნებისმიერი ,,მუნიციპალური სანქცია,“ რომელიც გაცემულია პირდაპირ ,,ჩვენს“ მიმათ ან მოგვივიდა ,,თქვენს“ სახელზე. ,,ჩვენ“ გვაქვს უფლება მოვითხოვოთ ,,თქვენს“ მიერ:

5.7.1 ,,მუნიციპალური სანქციის“ ოდენობის ანაზღაურება ,,მუნიციპალური სანქციის ვალუტაში;“ და

5.7.2 ,,ადმინისტრატორის საფასურის“ გადახდა რომელიც არ აღემატება 100 ლარს.

5.8 ამ პირობებზე დათანხმებით, ,,თქვენ“ უფლებას გვაძლევთ დაგაკისროთ თანხა, რომელიც გამომდინარეობს თითოეული ,,მუნიციპალური სანქციისა“ ან ,,სტუმრის სანქციის“ ოდენობიდან და ,,ადმინისტრატორის საფასური“ ,,თქვენ“ მიერ არჩეული გადახდის მეთოდის მეშვეობით ,,თქვენი“ ჩარევის გარეშე. ,,ჩვენ“ შეგატყობინებთ ,,თქვენს“ მიერ არჩეული გადახდის მეთოდის მეშვეობით განხორციელებული გადახდის შესახებ ამ გადახდის განხორციელების დროს ან 14 კალენდარული დღით ადრე, მოქმედი კანონმდებლობის შესაბამისად. თუ ,,თქვენ“ არ ეთანხმებით ან გსურთ საჩივრის შეტანა ,,მუნიციპალური სანქციების“, ,,სტუმრის სანქციების“ ან ადმინისტრატორის საფასურის დაწესებასთან ან მიკუთვნებასთან დაკავშირებით, დაუყოვნებლივ უნდა დაგვიკავშირდეთ ამ ,,შეთანხმების“ ზედა ნაწილში მითითებული ქვეყნის კონკრეტული საკონტაქტო მეთოდების ან ,,ჩვენი“ მომხმარებელთა მხარდაჭერის გუნდის მეშვეობით, ,,ბოლტის“ ,,აპლიკაციაში“ მყისიერი შეტყობინების ფუნქციის საშუალებით.

5.9 ,,ჩვენთვის“ დაკისრებული და გადასახდელი ნებისმიერი თანხა ჩამოგეჭრებათ ,,თქვენს“ მიერ არჩეული გადახდის მეთოდით. თუ ვერ მოხერხდება თანხის მიღება მითითებული გადახდის მეთოდით, შეიძლება მივმართოთ თანხის მიღების სხვა პროცედურებს. ,,თქვენ“ თანახმა ხართ აანაზღაუროთ თანხის მიღებასთან დაკავშრებული ,,ჩვენს“ მიერ გაწეული ნებისმიერი ხარჯი, მათ შორის, შეზღუდვის გარეშე დაწესებული გონივრული იურიდიული გადასახადი, თუ არ გადაიხდით ,,ჩვენს“ წინაშე დაკისრებულ თანხებს. ,,ჩვენ“ უფლება გვაქვს შევაჩეროთ, შევზღუდოთ ან გავაუქმოთ ,,თქვენი“ ,,ანგარიში“, თუ ,,თქვენ“ არ გადაიხდით ,,ჩვენს“ წინაშე დაკისრებულ თანხას. თუ ,,თქვენ“ გაქვთ რაიმე შეკითხვა ,,ანგარიშის“ შეჩერებასთან დაკავშირებით, გთხოვთ დაუკავშირდეთ ,,ჩვენს“ მომხმრებელთა მხარდაჭერის გუნდს. ,,თქვენი“ ანგარიში კვლავ გაიხსნება თანხის გადახდისას.

5.10 ,,თქვენ“ შეგიძლიათ გადაიხადოთ ,,მომსახურების“ საფასური ,,თქვენს“ მიერ არჩეული გადახდის მეთოდით, რაც მოითხოვს ,,აპლიკაციაში“ მის წინასწარ გააქტიურებას. ,,თქვენ“ უფლებას გვაძლევთ გამოვიყენოთ ,,თქვენს“ მიერ არჩეული გადახდის მეთოდი, რომელიც დაკავშირებულია ,,თქვენს“ ,,ანგარიშთან“ ამ ,,შეთანხმებით“ გათვალისწინებული ნებისმიერი გადახდის განსახორციელებლად. ასეთი მოსაკრებელი და საფასური შეიძლება დაექვემდებაროს მოქმედ გადასახადებს, რომლებიც შეიძლება ,,ჩვენ“ დაგაკისროთ და შევაგროვოთ.

5.11 ,,ჩვენ“ და ,,ჩვენი“ კონტრაქტორები მხარს ვუჭერთ ,,აპლიკაციის“ შიდა გადახდების განხორციელებას, გთავაზობთ მხარდაჭერას და ვწყვეტთ ,,აპლიკაციის“ შიდა გადახდასთან დაკავშირებულ დავებს. თუ ,,თქვენ“ სადავოდ გახდით ,,თქვენს“ მიერ არჩეულ გადახდის მეთოდზე დარიცხულ ნებისმიერ ტრანზაქციას, ,,თქვენ“ უნდა დაგვიკავშირდეთ 10.1 მუხლის შესაბამისად, 10 სამუშაო დღის განმავლობაში.

5.12 საკრედიტო და სადებეტო ბარათით გადახდისას, ,,ჩვენ“ შეიძლება დაგაკისროთ მომსახურების საფასური თითოეული გადახდისთვის, რომელიც ემატება ,,მომსახურების“ თითოეულ შეკვეთას. მომსახურების საფასური შეადგენს ვიზა/მასტერქარდის მომსახურების საფასურს. მომსახურების საფასურის ოდენობა მოცემულია ,,აპლიკაციაში.“ ,,თქვენმა“ ბანკმა შეიძლება დაგაკისროს დამატებითი გადასახადი ,,თქვენი“ საკრედიტო ან სადებეტო ბარათის გამოყენებისთვის, რომელიც არ არის მოცემული ,,აპლიკაციაში.“ გთხოვთ გაითვალისწინოთ, რომ ,,ელექტრონული სატრანსპორტო საშუალების“ დაჯავშნის შემდეგ, ,,ჩვენ“ ავტომატურად წინასწარ ვრთავთ თანხის ჩამოჭრის უფლებას ,,თქვენი“ საკრედიტო ბარათიდან, რათა დავადასტუროთ გადახდის ხელმისაწვდომობა.

5.13 ,,თქვენ“ თანახმა ხართ დაუყოვნებლივ შეგვატყობინოთ ,,თქვენს“ მიერ არჩეულ გადახდის მეთოდთან დაკავშირებული ნებისმიერი ცვლილების შესახებ, რომელიც დაკავშირებულია ,,თქვენს“ ,,ანგარიშთან“ და შეიძლება შეაფერხოს ,,შეთანხმებით“განსაზღვრული გადახდის განხორციელება. 

5.14 ,,ბოლტ ბიზნეს“ გადახდის მეთოდით გადახდისას ,,მომსახურების“ საფასურს იხდის მესამე პირი, რომელმაც მოგცათ წვდომა ,,ბოლტ ბიზნესზე.“ მესამე პირი იღებს ვალდებულებას ყველა სხვა მოქმედი საფასურის გადახდაზეც, რომელიც არ შედის ,,მომსახურების“ საფასურში (ზიანი, ჯარიმა, საჯარიმო სადგომის საფასური, გადასახადები და სხვა ,,შეთანხმებით“ გათვალისწინებული საფასური). ეს იმას ნიშნავს, რომ ,,ბოლტმა“ შეიძლება ეს გადასახადი დაგაკისროთ ,,თქვენ“ ან მესამე პირს, ან ორივეს ნაწილობრივ. ასეთ მესამე პირს, ,,თქვენს“ მსგავსად, აქვს იგივე ,,შეთანხმებიდან“ გამომდინარე ,,მომსახურებისთვის“ გადახდასთან დაკავშირებული უფლებები: მომსახურების ინვოისი ან ქვითარი გაიცემა მესამე პირზე, თანხის დაბრუნებასთან ერთად (ასეთის არსებობის შემთხვევაში), მესამე პირს შეუძლია წარადგინოს საჩივარი და მოითხოვოს ინფორმაცია ,,ბოლტ ბიზნესის“ გადახდასთან დაკავშირებით.

6. პასუხისმგებლობა

6.1 ,,თქვენ“ აცნობიერებთ და ეთანხმებით, რომ ,,თქვენს“ მიერ ,,მომსახურების,“ ,,ელექტრონული სატრანსპორტო საშუალების“ და მასთან დაკავშირებული აღჭურვილობის გამოყენება, არის ,,თქვენი“ ინდივიდუალური რისკი და რომ ,,ჩვენ“ არ ვაგებთ პასუხს ნებისმიერ შედეგზე, საჩივარზე, მოთხოვნაზე, ქმედების მიზეზობრიობაზე, ზარალზე, ვალდებულებაზე, ზიანზე, ხარჯზე, გადასახდელ საფასურზე, ჯარიმაზე ან ნებისმიერი სახის ანაზღაურებაზე, რომლის ვალდებულებაც დაგეკისრებათ ,,თქვენ“ ან ზიანზე, რომელიც მიადგება მესამე პირს ,,ჩვენი“ ,,მომსახურების“ მიღებისას, მიუხედავად იმისა, იქნება ეს განჭვრეტადი თუ გაუთვალისწინებელი ან ცნობილი თუ უცნობი ხარჯი. ,,თქვენ“ სრულად გესმით ეს რისკები და აცნობიერებთ, რომ:

6.1.1 ,,ელექტრონული სატრანსპორტო საშულებით“ მგზავრობა გულისხმობს ბევრ აშკარა და დაფარულ რისკს, საფრთხესა და საშიშროებას, რამაც შეიძლება გამოიწვიოს ,,თქვენი“ ან მესამე პირის ჯანმრთელობის დაზიანება ან სიკვდილი, ასევე ქონების დაზიანება და რომ ეს რისკები, საფრთხეები და საშიშროება ვერ იქნება ყოველთვის განჭვრეტადი ან თავიდან აცილებადი;

6.1.2 ,,ელექტრონული სატრანსპორტო საშუალება“ არის მოწყობილობა, რომელიც შესაბამისი შენახვის პირობების უზრუნველყოფის მიუხედავად, შეიძლება გახდეს გაუმართავი და რომ ასეთმა გაუმართაობამ შეიძლება გამოიწვიოს ზიანი; და

6.1.3 ჩაფხუტის და სხვა დამცავი აღჭურვილობის ტარება და ,,მგზავრობის წესებისა“ და ამ ,,შეთანხმების“ გულმოდგინე დაცვა აუცილებელია ,,თქვენი“ და სხვების დაზარალების რისკების შესამცირებლად.

6.2 თუ რომელიმე ,,მომსახურების“ გამოყენება იწვევს სხვა პირის ან ქონების დაზარალებას ან დაზიანებას, მაშინ ,,თქვენ“ გეკისრებათ ნებისმიერი და ყველა შედეგის, საჩივრის, მოთხოვნის, მოქმედების მიზეზობრიობის, ზარალის, ვალდებულების, ზიანის, დაზიანების, მოსაკრებლის, ხარჯებისა და გადასახადების, ჯარიმის, იურიდიული მოსაკრებლის, გადაწყვეტილების, სარჩელის ან ნებისმიერი სახის ანაზღაურების ვალდებულება მიუხედავად იმისა, იქნება ეს განჭვრეტადი თუ გაუთვალისწინებელი ან ცნობილი თუ უცნობი ხარჯი. თუ ,,თქვენი“ ქმედება გამოიწვევს მესამე პირის მოთხოვნას, ,,თქვენ“ წარმოგეშვებათ ვალდებულებები „ჩვენს“ წინაშე და ეთანხმებით, რომ აგვინაზღაურებთ ყველა ხარჯს, რომელსაც გავიღებთ ზიანის ასანაზღაურებლად ან მესამე პირის მოთხოვნების დასაკმაყოფილებლად.

6.3 ,,ჩვენ“ ვიტოვებთ უფლებას შემოგთავაზოთ ვალდებულებების სადაზღვევო დაფარვა  ("სადაზღვევო დაფარვა“), რომელმაც, ,,სადაზღვევო დაფარვის“ შეზღუდვებისა და გამონაკლისების გათვალისწინებით, შეიძლება დაფაროს ,,თქვენ“ მიერ მესამე პირის ჯანმრთელობის დაზიანებით ან მესამე პირის ქონების შემთხვევითი დაზიანებით გამოწვეული ვალდებულებები, რომელიც წარმოიქმნება ,,თქვენს“ მიერ ,,ელექტრონული სატრანსპორტო საშუალების“ გამოყენების შედეგად. თუ, ნებისმიერი მიზეზით, ,,თქვენ“ არ გაქვთ უფლება გამოიყენოთ ეს ,,სადაზღვევო დაფარვა“ მაშინ გესმით და აცნობიერებთ, რომ ,,თქვენ“ იღებთ პასუხისმგებლობას აანაზღაუროთ ,,თქვენს“ მიერ მესამე პირისთვის გამოწვეული ნებისმიერი და ყველა ხარჯი, მათ შორის სასწრაფო დახმარების სატრანსპორტო მომსახურების, საავადმყოფოში ყოფნისა და სამედიცინო მკურნალობის ხარჯები. პოლიტიკის დოკუმენტები (ასეთის არსებობის შემთხვევაში) ხელმისაწვდომია ,,ბოლტის“ ,,აპლიკაციაში“ ან ბმულზე: https://bolt.eu/legal/.

6.4 ნებისმიერი ,,მომსახურება,“ კერძოდ ,,ელექტრონული სატრანსპორტო საშუალებები“ და მასთან დაკავშირებული აღჭურვილობა, მოწოდებულია "როგორც არის" და "როგორც ხელმისაწვდომია". კანონით ნებადართული სრული მოცულობით, ,,ჩვენ“ გამოვრიცხავთ და უარვყოფთ ნებისმიერ გარანტიას, პირობას, ან რაიმე სახის წესს, იქნება ეს გამოხატული,  ნაგულისხმევი, თუ მოქმედი კანონმდებლობით განსაზღვრული. ,,ჩვენ“ არ წარმოვადგენთ დაპირებას ან გარანტიას, რომ რომელიმე ,,მომსახურება,“ ,,ელექტრონული სატრანსპორტო საშუალება“ ან მასთან დაკავშირებული მოწყობილობა იქნება შეკეთებულ და უხარვეზო მდგომარეობაში, ან რომ დაგვიანებას, უმოქმედობას, შეფერხებას ან უზუსტობას არ ექნება ადგილი რომელიმე ,,მომსახურებასთან,“ ,,ელექტრონულ სატრანსპორტო საშუალებასთან“ ან მასთან დაკავშირებულ აღჭურვილობასთან დაკავშირებით. კერძოდ, ,,ჩვენ“ ვაცხადებთ უარს და არ ვიძლევით რაიმე გამოხატულ თუ ნაგულისხმევ დაპირებას ან გარანტიას, ქვემორესთან დაკავშირებით: 

6.4.1 არის თუ არა ,, მომსახურებასთან“ დაკავშირებული ინფორმაცია (მათ შორის ,,აპლიკაციაში“ მითითებული ინსტრუქციების) ზუსტი, უტყუარი, სრული, ადეკვატური, გამოსადეგი, დროული ან სანდო;

6.4.2 შესწორდება ან შეკეთდება თუ არა ,,მომსახურებაში“ არსებული ხარვეზები და შეცდომები;

6.4.3 იქნება თუ არა მომსახურება ხელმისაწვდომი ნებისმიერ კონკრეტულ დროს ან ,,მომსახურების ზონაში;“ და

6.4.4 არის თუ არა ,,თქვენს“ მიერ ,,მომსახურების“ გამოყენება კანონიერი ნებისმიერ ,,მომსახურების ზონაში.“ 

6.5 ,,მომსახურებასთან“ დაკავშირებით ნებისმიერი ნაგულისხმევი პირობა და გარანტია გამორიცხულია კანონით ნებადართული მაქსიმალური მოცულობით. ამ ,,შეთანხმებაში“ არაფერი არ გამორიცხავს, ზღუდავს ან ცვლის ისეთ გარანტიას, დაპირებას,  ვადას ან პირობას, უფლებას ან საშუალებას, რომელიც ნაგულისხმევია ან დაწესებულია ნებისმიერი მოქმედი კანონმდებობით და რომელიც არ შეიძლება კანონიერად გამოირიცხოს, შეიზღუდოს ან შეიცვალოს.

6.6 თუ რაიმე გარანტია, პირობა ან წესი იგულისხმება ან დაწესებულია ნებისმიერი მოქმედი კანონმდებლობით, მისი მოქმედების გამორიცხვა შეუძლებელია (,,არა-გამორიცხვადი ნორმა“) და ,,ჩვენ“ არ შეგვიძლია ,,თქვენი“ ,,არაგამორიცხვად ნორმაზე“ დაფუძნებული მოთხოვნის შეზღუდვა, ,,ჩვენი“ პასუხისმგებლობა გამორიცხვადი ნორმის“ დარღვევისთვის მოიცავს მხოლოდ (რამდენადაც კანონი იძლევა ამის საშუალებას):

6.6.1 ნივთის შემთხვევაში, ნივთის  შეცვლას ან იგივე სახის ნივთის მიწოდებას, ნივთის შეკეთებას, ნივთის შეცვლის, ან იგივე სახის ნივთის შეძენისა თუ შეკეთების საფასურის გადახდას; ან

6.6.2 მომსახურების შემთხვევაში, მომსახურების კვლავ მიწოდებას ან მომსახურების მიწოდების საფასურის გადახდას.

6.7 ,,შეთანხმებიდან“ ხელშეკრულებიდან თუ კანონიდან გამომდინარე მოთხოვნებით დაკისრებული პასუხისმგებლობა ,,ჩვენ“ მიმართ არავითარ შემთხვევაში არ უნდა აღემატებოდეს 1500 ლარს ან ,,ჩვენთვის“ გადახდილი საფასურის ოდენობას იმ პერიოდის განმავლობაში, რომლის დროსაც მოხდა უბედური შემთხვევა ან მოვლენა, რამაც გამოიწვია მოთხოვნა, თუკი ეს თანხა ნაკლებია 1500 ლარზე. თუმცა, ,,ჩვენ“ არ ვზღუდავთ ,,თქვენს“ უფლებას მოითხოვოთ ზიანის ანაზღაურება ან გმოიყენოთ კანონით გათვალისწინებული სხვა სამართლებრივი საშუალებები ,,ჩვენი“ ,,მომსახურების“ ამ პირობებთან შეუსაბამობის შემთხვევაში. 

6.8 არც ,,ჩვენ“ და არც ,,თქვენ“ არ იქნებით პასუხისმგებელი ზიანის მიყენებაზე, შეფერხებებზე ან შეუსრულებლობაზე, თუ ეს გამოწვეულია ვალდებულების არშემსრულებული მხარის გონივრულად დაუძლეველი გარემოებით, მათ შორის, ბუნებრივი მოვლენის, დაუძლეველი ძალის, მიწისძვრის, ხანძრის, წყალდიდობის, ომის, ტერორიზმის, სამოქალაქო, სამრეწველო ან სამხედრო დარღვევის, საბოტაჟის, შრომითი გაფიცვის ან ლოკაუტის, პანდემიის, ეპიდემიის,  კომუნალური ან საკომუნიკაციო მომსახურების არეულობის, დაკარგვის ან გაუმართაობის, მნიშვნელოვანი კიბერშეტევის, სასამართლოს ბრძანების, სამოქალაქო ან სამხედრო ორგანოს აქტის, სამთავრობო, სასამართლო ან მარეგულირებელი ქმედების შედეგად.

6.9 მოქმედი კანონმდებლობის შესაბამისად ნებადართული მაქსიმალური მოცულობით, არც ,,ჩვენ“ და არც ,,ჩვენი“ ნებისმიერი შვილობილი ან აფილირებული კომპანია, წარმომადგენელი, დირექტორი ან თანამშრომელი არ ვართ პასუხისმგებელი იმ დაზიანებასა თუ ზიანზე, რომელიც შეიძლება მოგადგეთ ამ ,,შეთანხმების“ ან ,,აპლიკაციის“ გამოყენების შედეგად, მათ შორის, და არ მხოლოდ:

6.9.1 ნებისმიერი პირდაპირი ან არაპირდაპირი ქონებრივი თუ ფულადი ზიანი;

6.9.2 დაკარგული მოგება ან მიუღებელი შემოსავალი თუ დანაზოგი;

6.9.3 ბიზნესის კონტრაქტების, კონტაქტების, კეთილგანწყობის, რეპუტაციის დაკარგვა და ნებისმიერი ზიანი, რომელიც შეიძლება წარმოიშვას ბიზნესის შეფერხებისგან;

6.9.4 მონაცემთა დაკარგვა ან უზუსტობა; ან

6.9.5 ნებისმიერი სხვა სახის დანაკარგი ან ზიანი.

7. ,,თქვენი“ მონაცემები

7.1 ,,თქვენ“ ადასტურებთ, რომ ნებისმიერი ტექსტი, სურათი ან სხვა ინფორმაცია, რომელსაც ,,თქვენ“ გვაწვდით ,,მომსახურების“ მიღებისას ("თქვენი მონაცემები“) დააკმაყოფილებს ,,მისაღები გამოყენების წესებს,“ როგორც ეს მოცემულია მე-10 მუხლში.

7.2 ,,ჩვენ“ არ ვითხოვთ საკუთრებას ,,თქვენს“ მონაცემებზე, რომელიც დარჩება ,,თქვენთან“ და იმ მესამე პირებთან, რომელთა მონაცემსააც შეიყვანთ ,,თქვენს“ მონაცემებში. ,,თქვენ“ გვაძლევთ მსოფლიო მასშტაბით მოქმედ, არაექსკლუზიურ, უსასყიდლო და მუდმივ უფლებას რათა გავცეთ მისი გამოყენების უფლება ან ქვეუფლება, გამოვიყენოთ, დავაკოპიროთ, გავამრავლოთ, გავავრცელოთ, დავაადაპტიროთ, ხელახლა ჩამოვაყალიბოთ, შევცვალოთ, გამოვაქვეყნოთ, გავყიდოთ, გამოვიყენოთ სარეკლამოდ, ვთარგმნოთ და გამოვიყენოთ ,,თქვენი მონაცემები“ ნებისმიერი ადგილიდან და ნებისმიერი ფორმით ,,მომსახურების“ მიწოდების მიზნით (სადაც შესაძლებელია, რაც მათ შორის გულისხმობს სხვა მომხმარებლების მიერ ,,თქვენი მონაცემების“ ნახვის საშუალებას).

7.3 ,,თქვენ“ უნდა დარწმუნდეთ, რომ ,,თქვენ“ გაქვთ უნარი მოგვცეთ ზემოაღნიშნული თანხმობა, გამოვიყენოთ მესამე პირის ნებისმიერი მონაცემი, რომელიც ,,თქვენს“ მონაცემეში არის შეტანილი.

7.4 ,,ჩვენ“ მიერ მონაცემების გამოყენების უფლება არანაირად არ მოქმედებს ,,თქვენს“ პერსონალური მონაცემების დაცვის უფლებებზე. გთხოვთ, იხილოთ ,,ჩვენი“ ,,კონფიდენციალურობის პოლიტიკა“ ინფორმაციის მისაღებად იმის შესახებ, თუ როგორ ვიყენებთ ,,თქვენს“ პერსონალურ მონაცემებს.

7.5 ,,ჩვენ“ გვაქვს უფლება დავაკვირდეთ ,,თქვენს“ რომელიმე მონაცემს და უარი ვთქვათ ან წავშალოთ ,,თქვენი“ რომელიმე მონაცემი, თუ ვფიქრობთ, რომ მისი შენახვა არღვევს ,,მისაღები გამოყენების წესებს.“

8. მისაღები გამოყენების წესები

8.1 ამ ,,შეთანხმების“ სხვა მოთხოვნებთან ერთად, ეს ნაწილი განსაზღვრავს კონკრეტულ წესებს, რომლებიც ვრცელდება ,,თქვენს“ მიერ ,,აპლიკაციის“ გამოყენებაზე ("მისაღები გამოყენების წესები").

8.2 ,,აპლიკაციის“ გამოყენებისას ,,თქვენ“ არ გაქვთ უფლება:

8.2.1 აირიდოთ, გაანეიტრალოთ ან სხვაგვარად ჩაერიოთ ,,აპლიკაციაში“ უსაფრთხოებასთან დაკავშირებული ნებისმიერ ფუნქციაში.;

8.2.2 ნება დართოთ სხვა პირს, ,,თქვენი“ სახელით გამოიყენოს ,,აპლიკაცია“;

8.2.3 გამოიყენეთ ,,აპლიკაცია,“ თუ ,,ჩვენ“ შეგიჩერეთ ან აგიკრძალეთ მისი გამოყენება; 

8.2.4 მხარი დაუჭიროთ, ხელი შეუწყოთ ან ჩაერთოთ ნებისმიერ კანონსაწინააღმდეგო ან უკანონო ქმედებაში ან ქმედებაში, რომელიც იწვევს ნებისმიერი პირის ან ქონების დაზიანებას;

8.2.5 შეცვალოთ, ჩაერიოთ, ჩაეჭრათ, ჩაშალოთ ან გატეხოთ ,,აპლიკაცია“;

8.2.6 ბოროტად გამოიყენოთ ,,აპლიკაცია“ ვირუსების, ტროანების, ჭიების, ლოგიკური ბომბებისა თუ სხვა მასალის გაცნობიერებულად შემოღებით, რაც ზიანს მიაყენებს ,,აპლიკაციას“ ან ,,აპლიკაციის“ ნებისმიერ მომხმარებელს;

8.2.7 ამ ,,შეთანხმებით“ გათალისწინებული პირობების დაუცველად შეაგროვოთ ნებისმიერი მონაცემი ,,აპლიკაციიდან“;

8.2.8 წარმოადგინოთ ან ხელი შეუწყოთ ისეთი ,,თქვენი მონაცემის“ მოწოდებას, რომელიც შეიცავს სიშიშვლეს ან ძალადობას ან არის შეურაცხმყოფელი, შეიცავს მუქარას, უხამსობას, არის შეცდომაში შემყვანი ან მცდარი;

8.2.9 წარადგინოთ ან შეიტანოთ წვლილი ,,თქვენი“ რომელიმე ისეთი მონაცემის მოწოდებაში, რომელსაც არ ფლობთ ან არ გაქვთ უფლება გამოიყენოთ და რითაც არღვევთ მესამე პირის საავტორო ან სხვა უფლებას;

8.2.10 გამოიყენოთ ,,თქვენი მონაცემი“ მესაკუთრის მიერ განსაზღვრული ნებისმიერი სალიცენზიო პირობების დარღვევით;

8.2.11 წარმოადგინოთ ან შემოიტანოთ სხვა პირის შესახებ ნებისმიერი ინფორმაციია ამ პირის ნებართვის გარეშე;

8.2.12 დაემუქროთ, ბოროტად გამოიყენოთ ან შეიჭრათ მესამე პირის პირად სივრცეში, ან გამოიწვიოთ გაღიზიანება, უხერხულობა, ზედმეტი შფოთვა ან შეავიწროვოთ, დაამწუხროთ, შეარცხვინოთ, შეაშინოთ ნებისმიერი სხვა ადამიანი;

8.2.13 გამოიყენოთ ნებისმიერი ავტომატური სისტემა, მათ შორის შეზღუდვის გარეშე "რობოტები", "ობობები" ან "ოფლაინ მკითხველი", რათა გამოიყენოთ ,,აპლიკაცია“ ისე, რომ ,,აპლიკაციაში“ უფრო მეტი მოთხოვნის შეტყობინება გაუგზავნოთ, ვიდრე ადამიანს შეუძლია გონივრულად აწარმოოს იმავე პერიოდში; ან

8.2.14 ნებისმიერი სხვა ქმედება, რომელიც არ შეესაბამება ,,აპლიკაციის“ გამოყენებას.

8.3 ,,მისაღები გამოყენების წესების,“ ,,მგზავრობის წესების“ ან უსაფრთხოების ინსტრუმენტების  წესების შეუსრულებლობა წარმოადგენს ამ ,,შეთანხმების“ მატერიალურ დარღვევას და შეიძლება გამოიწვიოს:

8.3.1 მყისიერად, დროებითი ან მუდმივად ,,თქვენი“ ,,აპლიკაციის“ ან/და ,,ბოლტის“ ნებისმიერი სხვა აპლიკაციისა თუ მომსახურების გამოყენების უფლების გაუქმება; 

8.3.2 ,,თქვენი მონაცემის“ მყისიერი დროებითი ან მუდმივი წაშლა;

8.3.3 გაფრთხილება;

8.3.4 ,,თქვენს“ წინააღმდეგ სამართლებრივი მნიშნელობის ქმედება, მათ შორის, ყველა შეუსრულებლობით გამოწვეული ხარჯის (მათ შორის, მაგრამ არა მხოლოდ, გონივრული ადმინისტრაციული და იურიდიული ხარჯების) ანაზღურების მოთხოვნა; და

8.3.5 თუ ,,ჩვენ“ ამას გონივრულად აუცილებლად ჩავთვლით, ასეთი ინფორმაციის გამჟღავნება სამართალდამცავი ორგანოებისთვის.

9. მარეგულირებელი სამართალი

9.1 ეს ,,შეთანხმება“ წესრიდგება და განიმარტება საქართველოს კანონმდებლობის შესაბამისად.

9.2 ,,თქვენი“ ვალდებულებები შეიძლება წესრიგდებოდეს ,,მომსახურების ზონის“ შესაბამისი კანონმდებლობით, მაგალითად, საგზაო და პარკირების კანონებით და ,,მომსახურების ზონაში“ მოქმედი რეგულაციებით ("ადგილობრივი კანონები") და ,,თქვენ“ ეთანხმებით, რომ დაიცავთ ნებისმიერ ასეთ ,,ადგილობრივ კანონს.“

9.3 თუ ,,თქვენ“ ხართ მომხმარებელი და ,,თქვენი“ ფაქტობრივი საცხოვრებელი ადგილი არის ევროკავშირში, ,,თქვენ“ შეგიძლიათ დამატებით ისარგებლოთ ,,თქვენი“ საცხოვრებელი ქვეყნის კანონმდებლობის სავალდებულო დებულებებით. ,,ჩვენ“ და ,,თქვენ“ ვექვემდებარებით საქართველოს სასამართლოების არაექსკლუზიურ იურისდიქციას, რაც ნიშნავს, რომ ,,თქვენ“ შეგიძლიათ შეიტანოთ ამ ,,შეთანხმებასთან“ დაკავშირებული სარჩელი ,,თქვენი“ სამომხმარებლო უფლებების აღსასრულებლად საქართველოში. 

9.4 ,,თქვენ“ ასევე შეგიძლიათ წარმოადგინოთ განცხადება მომხმარებელთა დაცვის ადგილობრივ ორგანოში.

10. სხვადასხვა

10.1 შეტყობინებები და ნებისმიერი სხვა სახის კომუნიკაცია ამ ,,შეთანხმებასთან“ ან ,,მომსახურებასთან“ დაკავშირებით უნდა იყოს მოწოდებული ,,აპლიკაციის“ საშუალებით, გამოგზავნილი ელექტრონული ფოსტით georgia@bolt.eu ან მოხსენებული მომხმარებელთა მხარდაჭერის საშუალებებით, რომლებიც ხელმისაწვდომია ,,ჩვენს“ ,,აპლიკაციაში“ ან ვებ-გვერდზე.

10.2 ,,თქვენ“ ეთანხმებით, რომ ეს ,,შეთანხმება“ და ყველა მასში გაერთიანებული შეთანხმება შეიძლება ავტომატურად განიკარგოს ,,ჩვენ“ მიერ ,,ჩვენი“ აბსოლუტური დისკრეციისა და შეხედულებისამებრ.

10.3 ,,მომსახურების პირობებსა“ და ,,თქვენთვის“ მოქმედ ,,მომსახურების ზონის“ პირობებს შორის კონფლიქტის ან წინააღმდეგობის შემთხვევაში, უპირატესობა ენიჭება ,,მომსახურების ზონის“ წესებსა და პირობებს.

დანართი ,,ა“

ზოგადი მგზავრობის წესები - ,,ელექტრონული სატრანსპორტო საშუალებები“

1. უსაფრთხოების შემოწმება

1.1 ,,თქვენი“ ვალდებულებაა ჩაატაროთ უსაფრთხოების გულმოდგინე შემოწმება ,,ელექტრონული სატრანსპორტო საშუალების გამოყენებამდე,“ მათ შორის და არა მხოლოდ:

(ა) ჩარჩოს კარგი მდგომარეობა;

(ბ) ბორბლების კარგი მდგომარეობა (ე.ი. რომ ბორბლები არ არის ჩაფუშული ან დატვირთული ნამსხვრევებით ან ტალახით);

(გ) მუხრუჭების უსაფრთხო ფუნქციონირება;

(დ) ელემენტის საკმარისი სიმძლავრე;

(ე) შემოწმება, რომ ,,ელექტრონული სატრანსპორტო საშუალების“ ზარი/სიგნალი მუშაობს;

(ვ) განათებისა და რეფლექტორების კარგი სამუშაო მდგომარეობა, თუ ,,თქვენ“ აპირებთ ,,ელექტრონული სატრანსპორტო საშუალების“ სიბნელის საათებში ტარებას;

(ზ) ,,ელექტრონული სატრანსპორტო საშუალება“ არ არის დაზიანებული, არ გამოიყურება უჩვეულოდ ან ზედმეტად გამოყენებულად, არ ჩანს სხვა მექანიკური პრობლემა ან ტექნიკური შემოწმების საჭიროება;

(თ) მიჰყვეთ ინსტრუქციას, კერძოდ, უსაფრთხოების ინსტრუმენტებს, რომელიც მოცემულია ,,აპლიკაციაში“ ,,ელექტრონული სატრანსპორტო საშუალების“ დაჯავშნის დროს.

1.2 მგზავრობის განმავლობაში ,,თქვენ“ მუდმივად უნდა აკონტროლოთ, რომ ,,ელექტრონული სატრანსპორტო საშუალება“ და მისი ფუნქციონირება აკმაყოფილებს აღნიშნულ უსაფრთხოების მოთხოვნებს. თუ მგზავრობის დროს აღმოაჩენთ უსაფრთხოების მოთხოვნების დარღვევას ან შეამჩნევთ სხვა პოტენციურად სახიფათო დეფექტს, მდგომარეობას ან საფრთხეს, დაუყოვნებლივ უნდა შეწყვიტოთ ,,ელექტრონული სატრანსპორტო საშუალების“ გამოყენება, როდესაც ამის გაკეთება იქნება უსაფრთხო და შეგვატყობინოთ ამის შესახებ  ხელშეკრულების 10.1 ნაწილის შესაბამისად.

2. საგზაო უსაფრთხოება

2.1 ,,თქვენ“ ყოველთვის უსაფრთხოდ უნდა იმგზავროთ და მართოთ ,,ელექტრონული სატრანსპორტო საშუალება.“ ,,ელექტრონული სატრანსპორტო საშუალების“ გამოყენებისას, მგზავრობის ან ექსპლუატაციისას ,,თქვენ“ ვალდებული ხართ:

(ა) დაიცვათ საგზაო მოძრაობის ყველა მოქმედი კანონი და რეგულაცია;

(ბ) დაიცვათ ,,უსაფრთხოების ინსტრუქციები“;

(გ) გამოიყენოთ უსაფრთხოების მექანიზმი, როგორც რეკომენდებულია და საჭირო ზემოაღნიშნული კანონების, რეგულაციებისა და ინსტრუქციების შესაბამისად და, რომლებიც გონივრულად არის საჭირო ჯანრმთლეობის დაზიანების რისკის შესამცირებლად (როგორიცაა ჩაფხუტი, დამცავი ბალიშები და სათანადო ფეხსაცმელი);

(დ) არ იმგზავროთ ,,ელექტრონული სატრანსპორტო საშუალებით“ ალკოჰოლის, ნარკოტიკების, მედიკამენტების ან სხვა ნივთიერებების გავლენის ქვეშ, რამაც შეიძლება შეაფერხოს ,,თქვენი“ ,,ელექტრონული სატრანსპორტო საშუალების“ უსაფრთხოდ მართვის უნარი;

(ე) დააკვირდეთ სიჩქარის ლიმიტს და შეარჩიოთ სიჩქარე ,,თქვენი“ მართვის გამოცდილების, საგზაო პირობების, გზისა და ,,ელექტრონული სატრანსპორტო საშუალების“ მდგომარეობის, ამინდის, მოძრაობის გადატვირთულობის და საგზაო მოძრაობის სხვა პირობების მიხედვით, რათა შეძლოთ ,,ელექტრონული სატრანსპორტო საშუალების“ შეჩერება ყოველგვარი დაბრკოლებებთან შეჯახების გარეშე, რომელიც არის ან გონივრულად შეიძლება იყოს მოსალოდნელი გზაზე;

(ვ) არ გამოიყენოთ მობილური ტელეფონი, ტაბლეტი, ლეპტოპი, ტექსტური შეტყობინებების მოწყობილობა, მუსიკალური დამკვრელი ან სხვა მოწყობილობა, რომელმაც შეიძლება გადაიტანოს ,,თქვენ“ ყურადღება ,,ელექტორნული სატრანსპორტო საშუალების“ უსაფრთხოდ მართვიდან;

(ზ) არ იმგზავროთ ,,ელექტრონული სატრანსპორტო საშუალებით“ გაუხსნელ გზებზე, წყლის გავლით (ნორმალური ურბანული მგზვრობის მიღმა), ან ნებისმიერ ადგილას, სადაც მგზავრობა აკრძალულია, უკანონოა ან უსიამოვნებას უქმნის სხვებს;

(თ) არ გამოიყენოთ ,,ელექტორნული სატრანსპორტო საშუალება“ რბოლისთვის, მთასვლელობისთვის, ილეთებისთვის ან სხვა სახიფათო მოძრაობისთვის;

(ი) არ იმგზავროთ ,,ელექტრონული სატრანსპორტო საშუალებით“ ჩქაროსნული ან დახურული გზებით;

(კ) არ იმგზვროთ ,,ელექტრონული სატრანსპორტო საშუალებით“ მოძრაობის ნაკადის საწინააღმდეგოდ;

(ლ) არ იმოძრაოთ ,,ელექტრონული სატრანსპორტო საშალებით“ ფეხით მოსიარულეთათვის განკუთვნილ გზებზე;

(მ) არ იმოძრაოთ ,,აპლიკაციის“ მიერ განსაზღვრული ნებადართული სამგზავრო პერიმეტრის მიღმა;

(ნ) არ იმგზავროთ ცუდ ან საშიშ ამინდსა თუ საგზაო პირობებში, მათ შორის თოვლში, სეტყვაში, მოყინულ გზებზე, თოვლ-ჭყაპში, შტორმსა თუ ქარიშხალში, რამაც შეიძლება საშიში გახადოს ,,ეექტორნული სატრანსპორტო საშალების“  მართვა;

(ო) არ უნდა აღემატებოდეთ ,,ელექტრონული სატრანსპორტო საშუალების“ მართვისთვის ნებადართულ მაქსიმალურ წონას -  95 კგ (210 ფუნტი);

(პ) არ ამგზავროთ დამატებით პირი(ები):

(ჟ) არ იქონიოთ თან რაიმე ნივთი (მაგ. ქეისები, ზურგჩანთები, ჩანთები ან/და სხვა ნივთი), თუ ამან შეიძლება ხელი შეგიშალოთ ,,ელექტრონული სატრანსპორტო საშუალების“ უსაფრთხოდ მართვაში; და

(რ) გეცვათ ღია ფერის ტანსაცმელი, რათა სხვა მძღოლებისა და ქვეითებისთვის ადვილი იყოს მიერ ,,თქვენი“ შემჩნევა.

3. პარკირება

3.1 ,,თქვენი“ ვალდებულებაა:

(ა) არ გააჩეროთ ,,ელექტრონული სატრანსპორტო საშუალება“ ადგილობრივი მოქმედი კანონმდებლობის დაუცველად;

(ბ) არ ჩახერგოთ გზა, შეაფერხოთ მოძრაობა ან ზედმეტად გადატვირთოთ საფეხმავლო ბილიკი;

(გ) გააჩერით ,,ელექტრონული სატრანსპორტო საშუალება“ ხილულად და მდგარ მდგომარეობაში, რათა სხვა მომხმარებლებმა ასევე ისარგებლონ ,,ელექტრონული სატრანსპორტო საშუალებით“;

(დ) დაიცვათ ,,აპლიკაციაში“ მითითებული პარკირების ინსტრუქცია და, ასეთის არსებობის შემთხვევაში, გააჩეროთ ,,ელექტრონული სატრანსპორტო საშუალება“ შესაბამის ,,ნებადართულ პარკირების ზონაში“;

(ე) 10.1 მუხლის შესაბამისად და ,,აპლიკაციაში“ შესაბამისი ფუნქციის გამოყენებით, შეგვატყობინოთ ,,ელექტრონული სატრანსპორტო საშუალების“ შესახებ, რომელიც არ არის გაჩერებული ,,ნებადართული პარკირების ზონაში“;

(ვ) როდესაც ,,აპლიკაციაში“ მოგეთხოვებათ ამის გაკეთება, გადაიღოთ მთელი ,,ელექტრონული სატრანსპორტო საშუალების“ მკაფიო ფოტოსურათი.

დანართი ,,ბ“

გასვლის ფორმის მაგალითი

,,შპს ბოლტ სერვისის ჯის“, საქართველოს, თბილისის, დიდუბის რაიონი, დავით აღმაშენებლის გამზირს, N129ა, მე-3 სართული, ოფისი N4; georgia@bolt.eu:

მე გაცნობებთ, რომ გავდივარ ჩემი ,,შეთანხმების“ შემდეგი ,,მომსახურების“ დებულებიდან: ,,მომსახურების“ გამოყენებისთვის ,,წინასწარ გადახდილი საშვის“ შეძენა

შეკვეთილია: [უნდა შეივსოს მომხმარებლის მიერ]

მომხმარებლის(ების) სახელი: [უნდა შეივსოს მომხმარებლის მიერ]

მომხმარებლის(ების) მისამართი: [უნდა შეივსოს მომხმარებლის მიერ]

მომხმარებლის(ების) ხელმოწერა (მხოლოდ იმ შემთხვევაში, თუ ამ ფორმას შევსება მოხდება  ქაღალდზე),

თარიღი: [უნდა შეივსოს მომხმარებლის მიერ]

 დანართი ,,გ“

ელექტრონული სატრანსპორტო საშუალების ტექნიკური მახასიათებლები

მოდელი: K1

ტიპი: ელექტრო ქიქსკუტერი

წონა: 16 კგ

ნომინალური სიმძლავრე: 250 W

მაქსიმალური სიჩქარე: 25 კმ/სთ

მაქსიმალური ტვირთამწეობა: 120 კგ

ბატსრეის ნომინალური ვოლტაჟი: 36 V

ბატარეის ტევადობა: 522 Wh

დამზადებულია: 2020 

მწარმოებელი: Bolt Operations OÜ

მისამართი: ვანა-ლოუნა 15, ტალინი 10134, ესტონეთი

დამზადებულია ჩინეთში