28 სექ. 2021
ყოველდღიურობაში ჩაფლულებს ხშირად გვავიწყდება, რომ სიყვარულის და ბედნიერების გაზიარება საუკეთესო შეგრძნებაა. თანაც თუ ამ ბედნიერებას აწვდი მათ, ვისაც ეს ყველაზე მეტად სჭირდება. Სწორედ ამიტომ გადავწყვიტეთ, რომ ეს შესაძლებლობა ყველსათვის მარტივად, ღილაკზე თითის ერთი დაჭერით შეგვექმნა და თანაც გაგვხარებინა SOS ბავშვთა სოფლის პატარა და სიყვარულით სავსე მაცხოვრებლები.
ჩვენი იდეის სისრულეში მოსაყვანად 16-დან 24 სექტემბრის ჩათვლით აპლიკაციაში დავამატეთ კატეგორია – „გაუზიარე ბედნიერება!“, რომლის საშუალებითაც ბავშვებისთვის სახალისო და სასარგებლო სასაჩუქრე ნაკრებების, საკანცელარიო ნივთების, სამაგიდო თამაშების გაგზავნა იყო შესაძლებელი.
საჩუქრების დარიგებაში ჩვენი პარტნიორი კურიერები გვეხმარებოდნენ, რომლებსაც ქალაქის ნებისმიერი წერტილიდან სრულიად უფასოდ მიჰქონდათ SOS ბავშვთა სოფლის მისამართზე გაგზავნილი სიხარული. ცხადია, Bolt Food არ იღებდა საკომისიოს საჩუქრებიდან.
კამპანიის ფარგლებში, 100-მდე ბავშვმა მიიღო საჩუქარი, რაც ჩვენი მომხმარებლების აქტიური ჩართულობის დამსახურებაა. Მადლობას გიხდით, რომ აჩუქეთ სიხარული! 💚
