2 ივნ. 2021
როცა სახლიდან მუშაობ და ლანჩის დრო ახლოვდება, მარტივია ერთი და იგივე, მოსაწყენი სენდვიჩით შიმშილის გადაგორება.
საბედნიეროდ, ჩვენ ლანჩის რამდენიმე რეცეპტი მოგიმზადეთ, რომელიც ჯანსაღი, მარტივი და გემრიელია! გვჯერა, ეს რჩევები შენს შუადღეს უფრო მრავალფეროვანს გახდის.
მაგრამ სანამ ლანჩზე გადავალთ, თუ ჯერ არ გისაუზმია, სცადე საუზმის ეს იდეები დღესვე.
ვისაც არ უნდა ჰკითხო ჯანსაღი ლანჩის შესახებ, სალათი ყოველთვის ტოპ მაგალითების სიაშია, რასაც რთულია არ დაეთანხმო – რა არის უფრო ჯანსაღი ვიდრე მწვანე ბოსტნეულის დიდი თასი? მაგრამ, მიუხედავად უამრავი დადებითი თვისებისა, სწორედ სიჯანსაღე ხშირად მოსაწყენთან, ან უგემურთან ასოცირდება.
Სწორედ ამიტომ, მოვამზადეთ რამდენიმე რჩევა, თუ როგორ უნდა გახადო შენი ჯანსაღი სალათი ნაკლებად მოსაწყენი:
ალბათ დაგვეთანხმები, რომ ბოლო დროს პოკეს თასები, ბურიტოს თასები და სხვა გემრიელობის თასები დიდი პოპულარობით სარგებლობს. ზუსტად ჩვენც არ ვიცით რამ განაპირობა ეს ბოლო დროინდელი ტენდენცია, მაგრამ ის ზუსტად ვიცით – თუ როგორ უნდა მოამზადო მსგავსი თასი თავად!
1. დაიწყე ბურღულეულით – თეთრი, ან ყავისფერი ბრინჯი, ატრია, ან რომელიმე სუპერფუდი – მაგალითად, ქინოა, ან წიწიბურა.
2. აირჩიე ცილა, მაგალითად გრილზე შემწვარი ქათამი, ორაგული, ან თუ ვეგეტარიანელი ხარ – ტოფუ და შავი ლობიო.
3. შემდეგ, ააწყვე ბოსტნეულის ფერადი პალიტრა: წვნიანი პომიდორი, გახეხილი სტაფილო, ყვითელი ბულგარული წიწაკა, იისფერი კომბოსტო და ბეეევრი მწვანე – ავოკადოს ნაჭრები, ისპანახი, ბროკოლი და სატაცური.
4. დაუმატე ტერიაკის, ან სრირანჩას სოუსი – უფრო განსხვავებული გემოსთვის.
5. და ბოლოს, მოაყარე გოგრის თესლი, ან სეზამის მარცვლები მეტი ხრაშუნისთვის.
ეს ლანჩი ერთნაირად ხასხასა და გემრიელია! რაც მთავარია, შეგიძლია საჭირო ინგრედიენტები კვირის დასაწყისში მოამზადო და შიმშილის მოახლოებისას, მხოლოდ სასურველი კომბინაციის აწყობაღა იქნება საჭირო.
Სენდვიჩი ლანჩის დროს ყველაზე ოპტიმალური გამოსავალია, რაც ლოგიკურია – სენდვიჩის ტარება ყველგან მარტივია და საჭმელად, დანა და ჩანგალიც არ არის საჭირო.
სენდვიჩის პრობლემა ერთია – ტრადიციულად, რაც უფრო გემრიელია სენდვიჩი, მით უფრო შორსაა ის ჯანსაღი ინგრედიენტებისგან. თუ ბავშვობიდან შენი ჩვეული კომბინაცია ორ ნაჭერ თეთრ პურში ჩადებული ყველი, ძეხვი და მაიონეზია, მაშინ დროა სიახლე სცადო.
ჯანსაღი ხორბლის ვრაპი თეთრი პურის მშვენიერი ალტერნატივაა. თანაც, ვრაპების მობეზრება რთულია – მისი აწყობა ხომ ძალიან ბევრნაირად შეიძლება.
ვიეტნამური სფრინგ როლიც ძალიან ჰგავს ვრაპს, მაგრამ ხორბლის პურის ნაცვლად, ბოსტნეული ბრინჯის ფირფიტებშია გახვეული. თუ ნახშირწყლებს საერთოდ ერიდები, მაშინ ვრაპის შესახვევად სალათის ფოთლებიც შეგიძლია გამოიყენო – შეახვიე ბოსტნეული და მეტი ნოყიერებისთვის, თინუსი, ან ქათმის ხორცი დაუმატე!
დატვირთული სამუშაო დღე გაქვს? თუ, ცარიელი მაცივარი? ამ საქმეს ჩვენ თუ მოგვანდობ, შიმშილი აღარ შეგაწუხებს! გახსენი Bolt Food-ის აპლიკაცია და აღმოაჩინე ჯანსაღი და გემრიელი კერძების დიდი არჩევანი.
კიდევ უფრო შესანიშნავი ის არის, რომ უამრავ რესტორანში დიდი ფასდაკლებით შეკვეთაც შეგიძლია.
კერძის შერჩევის შემდეგ კი, არჩევანი ისევ შენზეა – შეუკვეთე საყვარელი კერძები ადგილზე მიტანით, ან ისარგებლე გატანის ფუნქციით და მიაკითხე შეკვეთას თავად.
Მოკლედ, დღეს კარგ ლანჩს ნამდვილად იმსახურებ. გადმოწერე Bolt Food-ის აპლიკაცია.
