13 აპრ. 2023
პასკა სააღდგომო დღესასწაულის განუყოფელი ნაწილია. მისი ტრადიციული გემო და ნოსტალგიური არომატები ყველასთვის განსაკუთრებულ ელფერს აძლევს ამ დღესასწაულს. თუმცა, კულინარიაში ტრადიციულ გემოსთან ერთად, ინოვაციურ დეტალებს შეუძლიათ კიდევ უფრო გამორჩეული გახადონ ეს პერიოდი.
ამჯერად, Bolt Food-ზე შეხვდებით რამდენიმე განსაკუთრებული რეცეპტით დამზადებულ პასკას, რომელთა საიდუმლო ინგრედიენტებს გვიზიარებენ ჩვენი პარტნიორი რესტორნები.
ერთ-ერთი ყველაზე ორიგინალურ შეთავაზებას შეხვდებით Nancy’s-ში. სააღდგომოდ, Nancy’s გვთავაზობს ჩილის პასკას. ეს პასკა შეიცავს ციტრუსების გარდა ყველა სააღდგომო სანელებელს, რომლებიც კარგად ერწყმიან ჩილის მტვერს და ორიგინალურ გემოს წარმოაჩენენ.
რაც არ უნდა გასაკვირი იყოს, პასკის დაგემოვნებისას, თავდაპირველად, სიცხარე არ იგრძნობა, ხოლო გემოს დაბოლოებისას კი, ჩილის მტვერი ტოვებს ცხარე შოკოლადის არომატს.
Iveria Cafe-ს საიდუმლო ინგრედიენტი პასკის განსხვავებული გემოსთვის არის შაფრანი. შარფრანი კულინარიაში ხშირად გამოყენებადი მკვეთრი ფერის, ნარინჯისფერი ყვავილია. იგი მოყვითალო ელფერთან ერთად, აძლევს პასკას ყვავილოვან არომატებს თაფლის ტონებით. ხშირ შემთხვევაში, შაფრანმა შესაძლოა პასკას მიანიჭოს სიტკბო და ოდნავ შესამჩნევი, დახვეწილი სიმწრის დაბოლოება.
გამორჩეულ დანამატს გვთავაზობს SADA by Ketomania, სადაც იპოვოთ პასკას მოცვის ჩირით. გარდა გემოვნური თვისებების და გამახალისებელი არომატებისა, მოცვი ამდიდრებს პასკას ვიტამინებით (ვიტამინი K, ვიტამინი C) და სხვა ნუტრიენტებით (მაგნიუმი, კოლაგენი და სხვ.).
ასევე, მოცვის გარდა SADA by Ketomania-ს პასკებს განსაკუთრებულობას ანიჭებს ისიც, რომ არ შეიცავენ შაქარს და მზადდებიან შაქრის შემცვლელზე, ერითრითოლზე. აღსანიშნავია ისიც, რომ პასკები არის უგლუტენო და კიდევ უფრო მეტი სიჯანსაღისთვის დამზადებულია ნუშის ფქვილით.
ტრადიციული გემოვნური მახასიათებლების პასკის მოყვარულთათვის, ანდაზი გვთავაზობს პასკას მერინგით. ეს მცირე დანამატი ჰაეროვან და მსუბუქ გემოვნურ თვისებებს ანიჭებს თავის მხრივ მძიმე კონსისტენციის პასკებს, რაც ერთიანობაში სასიამოვნო კონტრასტს ქმნის.
საინტერესო გემოსთან ერთად, პასკის გაფორმებაში მერინგი დეკორატიულ როლსაც თამაშობს სხვადასხვა დანამატებთან ერთად, როგორებიცაა დარიჩინი, ხილი და თხილეული.
