21 მაი. 2021
ახლად გაღვიძებული, როცა ჩქარობ და დღის დასაწყებად ემზადები, ხშირად რთულია ჯანსაღი და გემრიელი საუზმის მომზადება. საბედნიეროდ, შენთვის ჩვენი საყვარელი საუზმეების დიდი სია მოვამზადეთ, რომელიც დილას ენერგიით აგივსებს!
ეს უნივერსალური საუზმე ტყუილად არ სარგებლობს ასეთი პოპულარობით. შვრიის ფანტელი პლანეტის ერთ-ერთი უჯანსაღესი მარცვლეულია, რომელიც უამრავ ვიტამინს, მინერალს და ანტიოქსიდანტს შეიცავს, რაც შენს ორგანიზმს ძალას აძლევს!
დილის დაწყება შვრიის ფაფით ბოჭკოს მიღების საუკეთესო გზაა, რაც ლანჩამდე დანაყრებულს დაგტოვებს – ეს კი, ნაკლებ შუალედურ სნექინგს ნიშნავს.
რაც მთავარია, შვრიას ყველაფერი უხდება: ახალი ჟოლო, ცოტა თაფლი, ან ერთი კოვზი მიწის თხილის კარაქი შენს ულუფას კიდევ უფრო მრავალფეროვანს გახდის. როგორც წესი, შვრიის ფაფა წყლით მზადდება, მაგრამ მეტად არომატული გემოს მისაღებად, შეგიძლია წყალი რძითაც ჩაანაცვლო.
და მაინც, თუ დილით ფაფის მომზადების დრო უბრალოდ არ გაქვს, შეინახე წინა საღამოს გამზადებული შვრია მაცივარში და დილით ის, ზუსტად ისეთივე გემრიელი დაგხვდება!
თუ სწრაფი და მარტივი საუზმის იდეებს ეძებ, ხილის შეიკი ძალიან კარგი არჩევანია. ყველაზე საინტერესო კი ის არის, რომ გემრიელი შეიკის გაკეთება ხილის გარდა, ბოსტნეულითაც შეიძლება! დაუმატე ჩვეულ კომბინაციას ნახევარი ავოკადო, ისპანახი, ცოტა ბროკოლი და დღის ვიტამინების დოზაც მზადაა.
ჩვენი რჩევა: შეურიე ერთი კოვზი მიწის თხილის კარაქი, რომელიც პროტეინის არაჩვეულებრივი წყაროა და შენს შეიკს განსაკუთრებით ნოყიერს გახდის!
აირჩე საყვარელი პური, შეაცურე ტოსტერში, დაუმატე მწიფე ავოკადო და ჩართე წარმოსახვა – ავოკადოს ტოსტს თითქმის ყველანაირი დანამატი უხდება.
Ჩვენი რჩეული რეცეპტი ყველაზე მარტივია – ცოტა ლიმონის წვენი, მარილი და შავი წიწაკა – შედეგად კი, დილის უგემრიელეს დასაწყისს და შენი ინსტაგრამისთვის იდეალურ საუზმეს მიიღებ.
კვერცხის მომზადების ბევრნაირი მეთოდი არსებობს, მაგრამ ჩვენი ფავორიტი ომლეტია!
რატომ ომლეტი?
შეიძლება იმიტომ, რომ მისი მომზადება ბოსტნეულით ისეთივე წარმატებით შეგიძლია, როგორც ჩედარით, ან გაუდათი.
ან იმიტომ, რომ ის სავსეა პროტეინით და პატარა ულუფაც კი, მთელი დღის სამყოფ ენერგიას გაძლევს.
ერთი რამ ზუსტად ვიცით – დღე, რომელიც კარგად მომზადებული ომლეტით იწყება, აუცილებლად შესანიშნავად ჩაივლის!
თუ მაინც თვლი, რომ ჯანსაღი საუზმის მომზადება დიდ ძალისხმევას მოითხოვს – მოიმარჯვე სმარტფონი, გახსენი Bolt Food-ის აპლიკაცია და აღმოაჩინე საყვარელი კერძები შენი დილის დასაწყებად.
არ აქვს მნიშვნელობა ოფისისკენ გზად შეკვეთას თავად გაიტან, თუ ადგილზე მიტანით შეუკვეთავ – ორივე შემთხვევაში, გვჯერა კმაყოფილი (და დანაყრებული) დარჩები.
გადმოწერე Bolt Food-ის აპლიკაცია და შეუკვეთე რაც გსურს დღეს!
