15 თებ. 2023
გასული წლის მანძილზე, Bolt აქტიურად იყო ჩართული ომით დაზარალებული უკრაინის მხარდაჭერის პროცესში. ჩვენ დონაციის სახით 5 მილიონი ევრო გადვურიცხეთ უკრაინის მხარდამჭერ ორგანიზაციებს, როგორებიცაა: უკრაინის კულტურის ცენტრი, პოლონთის წითელი ჯვარი, ესტონეთის ლტოლვილთა საბჭო, ექიმები საზღვრების გარეშე, პოლონეთის ჰუმანიტარული დახმარება, Päästeliit, MTÜ Mondo, ლატვიის ბავშვთა ჰოსპიტალი, ეროვნული თავდაცვის ხელშეწყობის ფონდი და უკრაინულ-ბერძნული კათოლიკური ეკლესია ესტონეთში, აღნიშნული ორგანიზაციები უკრაინის დაზარალებულ მოსახლეობას უზრუნველყოფენ ჰუმანიტარული დახმარებით, საკვებით, ფსიქოლოგიური მხარდაჭერით, ჰიგიენური და სამედიცინო საშუალებებით, აორგანიზებენ პერსონალის ტრანსპორტირებას საავადმყოფოებში, ეხმარებიან ბავშვთა ჰოსპიტალებს, რათა ექიმებმა შეძლონ გადაუდებელი სამედიცინო დახმარების გაწევა დაშავებული ბავშვების, ხანძრის მსხვერპლებისა და სხვა პაციენტებისთვის.
საქველმოქმედო კატეგორია – იმგზავრე და მხარი დაუჭირე უკრაინის მოსახლეობას
ჩვენ კვლავ ერთგული ვრჩებით ჩვენი მიზნის, რომ დავეხმაროთ უკრაინას. აქედან გამომდინარე, წამოვიწყეთ კამპანია, რომლის ფარგლებშიც Bolt-ის აპლიკაციაში გააქტიურებულია ახალი, საქველმოქმედო For Ukraine კატეგორია. For Ukraine კატეგორიით შესრულებულ ყოველ მგზავრობას 1 ლარი დაემატება, რომელსაც დონაციის სახით უკრაინის მხარდამჭერი არასამთავრობო საერთაშორისო ორგანიზაციების ანგარიშზე გადავრიცხავთ. ჩვენი მხრიდან კი, მგზავრის მიერ გაღებულ 1 ლარს კიდევ 1 ლარს დავუმატებთ.
უკრაინის ტერიტორიაზე ყოველდღიურად ნადგურდება საცხოვრებელი სახლები და ინფრასტრუქტურა, რაც, ცივი ამინდების პარალელურად, უმძიმეს პირობებს ქმნის მოსახლეობისთვის. აქედან გამომდინარე, გადავწყვიტეთ არასამთავრობო ორგანიზაციებთან პარტნიორობით, ერთად გავუგზავნოთ ჰუმანიტარული დახმარება უკრაინელებს, რომლებსაც ამჟამად ლუჰანსკში და უკრაინის სხვა მხარეებში, ურთულეს პირობებში უწევთ ცხოვრება. კამპანიაში ჩართვას მარტივად შეძლებ თითის ერთი დაჭერით, For Ukraine კატეგორიით მგზავრობისას.
კამპანიაში მონაწილეობის მისაღებად:
კამპანიაში მონაწილეობა ყველასთვის შესაძლებელია. ამ გზით, შენთან ერთად შევიტანთ წვლილს ომში მცხოვრები უკრაინელი ხალხის დასახმარებლად. 💙💛
