5 აპრ. 2021
ბევრისთვის, ჯანსაღი კვება მოსაწყენ და ერთფეროვან ყოველდღიურობასთან ასოცირდება. როცა შეიძლება მიირთვა პასტა ბევრი პარმეზანით, ხრაშუნა პიცა, ან წვნიანი ბურგერი – რატომ უნდა შეიწუხო თავი სალათზე ფიქრით? პასუხი მარტივია – იმიტომ, რომ ბოსტნეულის ჭამა მხოლოდ ჯანმრთელობისთვის სასარგებლო კი არა, უგემრიელესიც არის.
“ჯანსაღი საკვების მომზადებას სჭირდება დიდი დრო, რომელიც ყოველთვის არ მაქვს” – იტყვი შენ და ეს კარგად გვესმის – რთულია, დატვირთული სამუშაო დღის შემდეგ საყიდლებზე წასვლა, პროდუქტების შერჩევა, ჯანსაღი რეცეპტების ინტერნეტში ძებნა და შემდეგ კერძის მომზადება – რომელიც, შეიძლება მაინც არ გამოვიდეს გემრიელი.
ალბათ, იმაზეც ხშირად გიფიქრია, რომ ერთ კვირა საღამოს სამსახურისთვის ჯანსაღი კერძების მომზადებას დაუთმობ და ლანჩის მოახლოებისას ყოველდღიურ დამღლელ ფიქრს თავიდან აიცილებ – მაგრამ, არც ეს აღმოჩენილა მარტივი.
და თუ ეს ყველაფერი შენთვის, მართლაც, კარგად ნაცნობია, მაშინ სწორ ადგილას მოხვდი: შენი კვირის ყოველი დღისათვის, ჩვენ 7 უგემრიელესი ჯანსაღი კერძი შევარჩიეთ, რომლის მომზადებაშიც დროის დახარჯვა არ დაგჭირდება, რადგან Bolt Food-ით შეკვეთისას, ყოველი მათგანი სულ რამდენიმე წუთში გაჩნდება შენთან.
გადაავლე თვალი ჩვენი პლატფორმის ყველაზე ჯანსაღი კერძების ჩამონათვალს, რომელიც კვირის რაციონის დაგეგმვაში დაგეხმარება:
თუ აზიური სამზარეულოს მოყვარული ხარ, აუცილებლად მოგეწონება პოკე ბარის გამოყვანილი ორაგულის პოკე, სუშის ბრინჯით. რაც მთავარია, ეს კერძი გემრიელთან ერთად, უზომოდ ნოყიერია.
გაგისინჯავს გაღვივებული, თერმულად დამუშავებული, ცოცხალი პროდუქტებისგან დამზადებული კერძები? თუ არა, მგონი აუცილებლად უნდა გასინჯო. დასაწყისისთვის, სცადე სხივის ხილის წვნიანი და დაგვიჯერე – არ ინანებ.
დატვირთული დღის შემდეგ გემრიელ ვახშამზე თუ ოცნებობ, ბევრი აღარ ეძებო: პური გულიანის სიბასი ხრაშუნა ბოსტნეულით იდეალური გამოსავალია.
სალათი ყოველთვის მოსაწყენ ბოსტნეულთან არ უნდა ასოცირდებოდეს. წარმოიდგინე, ხრაშუნა სალათის ფურცლები თბილი ქინოა, მოხალული ნუში, ვაშლი და პარმეზანი… სწორედ ეს არის ბრისკის ტკბილი მწვანე სალათი.
გეთანხმებით, პიცა პარასკევი საღამოს განუყოფელი ნაწილია, მაგრამ რას იტყოდი ჯანსაღ, ნახშირის ცომზე დამზადებულ ხიზილალის პიცაზე, რომელიც ღვინოს განსაკუთრებულად უხდება?
დაიწყე უქმეები ჯანსაღი საუზმით – ბრედის უშაქრო გრანოლა გაწურული მაწვნითა და ხილით ენერგიით აგავსებს, რომელიც მთელი დილის მანძილზე გეყოფა.
ახალი კვირისთვის მოსამზადებლად ვიტამინებით ავსება გჭირდება, რასაც კივის ვეგანური თასით – რომელიც მუხუდოს, ავოკადოს, ტოფუს, ბროკოლის და სხვა გემრიელობებს შეიცავს – აუცილებლად შეძლებ.
და ბოლოს, თუ მაინც არ იცი, რას ისურვებდი – არ დაგავიწყდეს, რომ Bolt Food-ის აპლიკაციაში, კიდევ 400-მდე რესტორანია, სადაც აუცილებლად აღმოაჩენ ისეთ კერძებს, რომელიც კვირის ნებისმიერ დღეს კიდევ უფრო გემრიელს გახდის.
