1 სექ. 2023
მარტში წამოვიწყეთ კამპანია, რომლის ფარგლებშიც Bolt-ის აპლიკაციაში გააქტიურდა, საქველმოქმედო For Ukraine კატეგორია. ამ კატეგორიით შესრულებულ ყოველ მგზავრობას 1 ლარი ემატებოდა, რომელიც დონაციის სახით უკრაინის მხარდამჭერი არასამთავრობო საერთაშორისო ორგანიზაციების ანგარიშზე ირიცხებოდა. ჩვენი მხრიდან კი, მგზავრის მიერ გაღებულ ყოველ 1 ლარს კიდევ 1 ლარი დავამატეთ.
კამპანიის შედეგად, ერთობილივი ძალებით 40 000 ლარზე მეტი შევაგროვეთ და თანხა დონაციის სახით უკრაინის მხარდამჭერი არასამთავრობო ორგანიზაციის MONDO-ს ანგარიშზე გადავრიცხეთ.
შეგროვებული თანხით, MONDO-მ და უკრაინულმა არასამთავრობო ორგანიზაცია Vostok SOS-მა ახალი სასწავლო წლის დაწყების წინ ლუჰანსკის ოლქის დევნილ მოსწავლეებს 56 ლეპტოპი გადასცეს. პროექტის ბენეფიციარები არიან სამხედრო მოსამსახურეების შვილები, მზრუნველობამოკლებულ ბავშვები, ასევე მრავალშვილიანი და დაბალშემოსავლიანი ოჯახები – ვისაც დახმარება განსაკუთრებით სჭირდებათ.
ომის დროს განადგურდა მრავალი სასწავლო დაწესებულება, სტუდენტებმა დაკარგეს განათლების მიღების შესაძლებლობა და დატოვეს სახლები ტელეფონებისა და ლეპტოპების გარეშე. დღესდღეობით სკოლები სასწავლო პროცესებს ონლაინ აგრძელებენ, მასწავლებლები და სტუდენტები ცხოვრობენ სხვადასხვა ქალაქში, ამიტომ მნიშვნელოვანია მათი უზრუნველყოფა ტექნოლოგიური მოწყობილობებით.
“ეს იყო ძალიან მნიშვნელოვანი ინიციატივა ბავშვებისთვის ონლაინ განათლების ხელმისაწვდომობის მხარდასაჭერად. 2023 წლის სექტემბერში უკრაინაში განათლება გაგრძელდება ჰიბრიდულ ონლაინ-ოფლაინ რეჟიმში, რადგან ოფლაინ განათლებაზე წვდომა დამოკიდებულია თავშესაფრის შესაძლებლობებზე თითოეულ მოცემულ სკოლაში. ასე რომ, ძალიან მნიშვნელოვანია იმის უზრუნველყოფა, რომ ყველა ბავშვს ჰქონდეს წვდომა ონლაინ სწავლებაზე და მათი განათლება არ შეფერხდეს” – აცხადებს ერიკა ცერკასინა, არასამთავრობო ორგანიზაცია MONDO-ს წარმომადგენელი.
მადლობას ვუხდით თითოეულ ადამიანს ყველა შესრულებული მგზავრობისთვის და ამ მნიშვნელოვანი მიზნის განხორციელებაში შეტანილი თუნდაც მცირედი წვლილისთვის.
როგორც ცნობილი გამოთქმა ამბობს – “ძალა ერთობაშია”, ერთობას კი ვქმნით ჩვენ ყველა, შენთან ერთად! 💙💛
