7 ნოე. 2023
გასული წლის მონაცემებით, თბილისში პირადი ავტომობილების რაოდენობა 529.3 ათასი იყო, 2023 წელს ამ რაოდენობამ 619 ათასს მიაღწია. ჰაერის დაბინძურების ერთ-ერთი ძირითადი წყარო კი, სწორედ ავტომობილების გამონაბოლქვია.
როგორც უკვე იცი, ჩვენი მთავარი მისიაა შევქმნათ ქალაქები ადამიანებისთვის და არა მანქანებისთვის. ამ მისიის ფარგლებში, აპლიკაციაში დროებით გამოჩნდა ახალი Walk კატეგორია, რომელიც მომხმარებლებს მოუწოდებს გასეირნებისკენ.
იმ დროს, როცა ქალაქში მგზავრობა ხშირად საცობებთან და შეფერხებებთანაა დაკავშირებული, ფეხით სიარული მოკლე მანძილებზე გადაადგილების ყველაზე ჯანსაღი, ეკომეგობრული და უსაფრთხო საშუალებაა.
კამპანიის ფარგლებში, შევადგინეთ რუკა, სადაც თბილისის საუკეთესო სასეირნო ადგილებს მოვუყარეთ თავი. ეს რუკები გადავანაწილეთ ჩვენი პარტნიორი მძღოლების ავტომობილებში და სხვა საჩუქრებთან ერთად მგზავრებს გადავეცით.
ასევე, ჩვენს Facebook გვერდზე გამოვაცხადეთ გათამაშება – შეჯიბრი ნაბიჯების შეგროვებაში. კამპანიის ბოლოს გამოვავლენთ გამარჯვებულებს, რომლებიც დღის განმავლობაში ყველაზე მეტ ნაბიჯს გაივლიან.
როცა საბოლოო მისამართი არც ისე შორსაა, გაიარე ფეხით – აარიდე თავი საცობებს და იზრუნე შენს ქალაქზე.
