8 აპრ. 2021
Bolt-ში ჩვენს მისიად ვაქციეთ, რომ ჩვენი მგზავრებისთვის მგზავრობის მარტივი მეთოდი შეგვეთავაზებინა, რომლისთვისაც მხოლოდ ღილაკზე თითის დაჭერა იქნებოდა საჭირო. ამისთვის კი გვსურს დავრწმუნდეთ, რომ მძღოლისა და მგზავრის ჯანმრთელობა, უსაფრთხოება მაქსიმალურად დაცულია მგზავრობის დაწყებიდან დასრულებამდე.
ამიტომ ჩვენ დიდი დრო და რესურსი დავხარჯეთ ჩვენს ბიზნეს მოდელში სწორი პროცესების, მეთოდების დანერგვისთვის, რომელიც მძღოლის რეგისტრაციის პროცესში ინფორმაციის დეტალურ შემოწმებას მოიცავს. ეს იმას ნიშნავს, რომ უსაფრთხოება უმნიშვნელოვანესი საკითხია და ყველასთვის პრიორიტეტული უნდა იყოს. ასე რომ, აქ იხილავთ უსაფრთხოების ტოპ რჩევებს.
დარწმუნდი, რომ იმ ლოკაციაზე იმყოფები, რომელიც მიუთითე და ასევე შეამოწმე, არის თუ არა შენს მიერ შერჩეული საწყისი ლოკაცია უსაფრთხო ავტომობილის გასაჩერებლად.
ავტომობილის დაძვრამდე შეამოწმე აპლიკაციაში დაფიქსირებული მძღოლის ფოტო, სახელი და ავტომობილის ყველა მონაცემი. არ დაიწყო მგზავრობა სანამ არ დარწმუნდები ინფორმაციის სისწორეში.
თუ თან გაქვს მძიმე/დიდი მოცულობის ბარგი, უმჯობესია თუ მძღოლს სთხოვ დახმარებას, რომ შესაბამისად მოათავსოს ყველაფერი საბარგულში. თუ ბავშვებთან ერთად მგზავრობ დარწმუნდი, რომ ბავშვის სავარძელი სათანადოდ არის დამაგრებული ავტომობილში და ამის შემდეგ გაემართე დანიშნულების ადგილისკენ.
რაც მთავარია, არ დაგავიწყდეს საკუთარი უსაფრთხოება და დარწმუნდი, რომ შენი ღვედი სათანდადოდ გაქვს შეკრული, მხოლოდ ამის შემდეგ დაიწყე მგზავრობა.
მგზავრობის პროცესში მნიშვნელოვანია შენც შეუწყო ხელი მძღოლს, რომ კონცენტრირებულად იმგზავროს, ამიტომ გთხოვ, დაიცავი უსაფრთხოების წესები.
გსმენია Bolt-ის მგზავრობის გაზიარების ფუნქციის შესახებ? ეს უსაფრთხოების დამატებითი საშუალებაა, რომელსაც ვთავაზობთ ჩვენს მომხმარებლებს. მგზავრობის პროცესში გახსენი Bolt-ის აპლიკაცია, რომელშიც ნახავ “მგზავრობის გაზიარება” ღილაკს. მისი გამოყენებით შენ შეძლებ მგზავრობის დეტალების გაზიარებას შენი ახლობლებისთვის, რომლებიც მიმდინარე პერიოდში შეძლებენ შენი მარშრუტის კონტროლს.
დანიშნულების ადგილზე მისვლის შემდეგ ყურადღებით გააღე კარი და გადმოდი ავტომობილიდან. უკეთესია თუ გადმოხვალ ავტომობილის იმ მხრიდან რომელზეც არ იქნება გადატვირთული მოძრაობა. გადმოსვლისას კი არ დაგავიწყდეს შენი ნივთების წაღება, რომელიც სავარაუდოდ საბარგულში განათავსე.
ჩვენ ვეხმაურებით მგზავრების უკუკავშირს სერვისის გაუმჯობესების მიზნით. ამიტომ თუ მგზავრობისას უსაფრთხოებასთან დაკავშირებული რაიმე დეტალით უკმაყოფილო აღმოჩნდი, გთხოვთ, გაგვიზიარე უკუკავშირი, რათა მივიღოთ სათანადო ზომები და დავიცვათ ყველა მგზავრის უსაფრთხოება.
მგზავრობისას შექმნილი დისკომფორტის შესახებ შენი მოსაზრების გაზიარება შეგიძლია კლიენტთა მხარდაჭერის გუნდისთვის, რომელიც ყურადღებითა და პასუხისმგებლობით მოეკიდება ამ საკითხს და სათანადო დახმარებას გაგიწევს. შენ შეგიძლია დაუკავშირდე Bolt-ის მხარდაჭერის გუნდს აპლიკაციის მეშვეობით ნებისმიერ დროს.
მადლობა, რომ ირჩევ Bolt-ს და გისურვებთ ბედნიერ, უსაფრთხო მგზავრობებს!
