მდგრადი ურბანული ტრანზიციების (SUT) ლაბორატორია
SUT Lab, ETH Zurich-ისა და Bolt Urban Fund-ის პარტნიორობა, ქალაქგეგმარების გუნდებს სთავაზობს ინოვაციურ, მონაცემებზე დაფუძნებულ კვლევას. კვლევას ხელმძღვანელობს ETH Zürich, ხოლო Bolt აზიარებს საკუთარი სერვისების მონაცემებს და კვლევას მხარს უჭერს აპში ჩატარებული გამოკითხვებითა და მგზავრობის მონაცემების ანალიზით.
SUT Lab-ის პროექტები მეცნიერებასა და პოლიტიკას პრაქტიკული რეკომენდაციებით აკავშირებს და ქალაქებს ეხმარება, მდგრადი მობილობის ამბიციური გეგმებიდან კონკრეტულ, მტკიცებულებებზე დაფუძნებულ ჩარევებზე გადავიდნენ.
ევროპაში მკვლევრები ქალაქგეგმარების გუნდებთან თანამშრომლობენ, რათა მათი მდგრადი ურბანული მობილობის გეგმები (SUMPs) ოპტიმიზონ და დააჩქარონ, აანალიზებენ გადაადგილების ქცევას, აუმჯობესებენ ქსელის უსაფრთხოებას და მოდელირებენ ისეთი ინფრასტრუქტურული ინვესტიციების გავლენას, როგორიცაა ახალი მეტროს ხაზები და მობილობის ჰაბები. ევროპის ფარგლებს გარეთ მდებარე ქალაქებში ლაბორატორია ყურადღებას ამახვილებს ნაკლებად უზრუნველყოფილ რაიონებში ხელმისაწვდომობის გაუმჯობესებაზე, რათა ხელი შეუწყოს ეკონომიკურ და სოციალურ ჩართულობას.
ჰანოვერში SUT Lab-ის გუნდმა ელექტრო სკუტერების ტელემეტრია, სიმულაციური მოდელები და გამოკითხვები გამოიყენა იმის გასაგებად, როგორ შეიძლება მიკრომობილობამ და საზოგადოებრივმა ტრანსპორტმა უკეთ იმუშაონ ერთად; ამასთან, გუნდმა გამოავლინა მობილობის ჰაბებისთვის ოპტიმალური ადგილები და შეაფასა პარკირების ახალი ზონების პოლიტიკა.
სევილიაში SUT Lab-ის გუნდი აანალიზებს ელ. ბაიკებისა და ტრანსპორტირების სერვისის მონაცემებს, უსაფრთხოების ტელემეტრიასა და სიმულაციურ მოდელებს, რათა შეაფასოს, როგორ შეუძლია ველოინფრასტრუქტურასა და დაგეგმილ მეტროს გაფართოებას ხელი შეუწყოს გადაადგილების რეჟიმის ცვლილებას და გააუმჯობესოს ტრანსპორტის სხვადასხვა სახეობებს შორის კავშირი.
ლისაბონში SUT Lab-ის გუნდი ქალაქის ცენტრში პილოტურად ახორციელებს ქუჩის დიზაინის კონკრეტულ ჩარევებს და ამისთვის იყენებს მობილობის მონაცემებს, გეგმვის ანალიზს, გამოკითხვებსა და სიმულაციებს, რათა მხარი დაუჭიროს მტკიცებულებებზე დაფუძნებულ, ადამიანებზე ორიენტირებულ გადაწყვეტილებებს საჯარო სივრცის შესახებ.
ასუნსიონში SUT Lab-ის გუნდი ატარებს მეტროპოლიტენური სატრანსპორტო სისტემის ფარგლებში ტრანსპორტირების სერვისის ექვსთვიან კვლევას, ავლენს იმ ადგილებს, სადაც საზოგადოებრივ ტრანსპორტთან კავშირი სუსტია, და განსაზღვრავს, როგორ შეიძლება ტრანსპორტირების სერვისმა და საზოგადოებრივმა ტრანსპორტმა საუკეთესოდ შეავსონ ერთმანეთი — ეს SUT Lab-ის პირველი პროექტია ამერიკის რეგიონში.
Bolt launches ride-hailing integration to ChatGPT
Bolt becomes the first platform to bring ride-hailing through AI to EU, UK, Norway, Switzerland, Ukraine and Azerbaijan.
Meet Bolt Send: your fast package delivery service
Introducing Bolt Send, a convenient package delivery service. It’s perfect for surprising a loved one with a gift, returning something a friend left behind, or ensuring an item gets where
Funding the planet’s future: Climate projects receive support from Bolt
Bolt is supporting climate projects around the world — an initiative made possible by Milkywire, a platform dedicated to financing climate projects. There are 45 climate projects in Milkywire’s Climate Transformation
Transforming mobility data into urban insights
The Bolt 2024 sustainability wrap-up
2024 was a big year for Bolt: the SBTi validated our emission reduction targets, we became a participant in the UN Global Compact, and we published our Diversity and Inclusion
„კარგად გამართული ურბანული მობილობის სისტემა აუმჯობესებს ცხოვრების ხარისხს, აჩქარებს ეკონომიკურ ზრდას და ზრდის ხელმისაწვდომობას. მნიშვნელოვანია, რომ ქალაქებში მობილობის სისტემებმა განვითარებისას პრიორიტეტად აქციონ უსაფრთხოება, კომფორტული ქალაქი და სოციალური ჩართულობა. SUT Lab შესანიშნავი შესაძლებლობაა, უკეთ გავიგოთ ეს პროცესები და შევქმნათ გადაწყვეტილებები, რომლებიც ადამიანებისთვის ურბანულ მობილობას გააუმჯობესებს“.
პროფესორი ევა ჰაინენი
ETH Zurich-ის ტრანსპორტისა და მობილობის დაგეგმვის პროფესორი
Bolt Accelerator პროგრამა
Bolt Academy-ში მორგებული ტრენინგების საშუალებით პროგრამის მონაწილეები იძენენ ახალ უნარებს მეწარმეობაში, ტექნოლოგიაში და მდგრად განვითარებაში — და ძლიერდებიან როგორც ინოვატორები და თემის ლიდერები.
პროგრამამ უკვე 40-ზე მეტ ბიზნესიდეას მისცა სიცოცხლე — ელექტრო ავტომობილების დამუხტვის ქსელებიდან ლოჯისტიკის აპებამდე და ავტოპარკის მართვის სერვისებამდე. ასობით პარტნიორი ცოდნას იუმჯობესებს აფრიკასა და ევროპაში, ხოლო Accelerator ზრუნავს, რომ ადამიანები, ვინც ქალაქებს მოძრაობაში ინარჩუნებს, უფრო დიდ როლს ითამაშონ მათი ფორმირებაშიც.
„Bolt Accelerator პროგრამის მეშვეობით ჩემმა ბიზნესმა, Lupa Township Delivery-მ, კონცეფციიდან ზრდაზე გადასვლა შეძლო. მიღებულმა მხარდაჭერამ და დაფინანსებამ დამეხმარა, კრიტიკულად მნიშვნელოვან ინსტრუმენტებში ჩამედო ინვესტიცია და შემექმნა მდგრადი, მასშტაბირებადი ბიზნესმოდელი. ეს პროგრამა მართლა დებს ინვესტიციას აფრიკაში მობილობის მეწარმეების მომავალში.“.
Kamogelo Modise,
Bolt-ის პარტნიორი მძღოლი პრეტორიაში, სამხრეთ აფრიკა
Bolt-ის ურბანული ფონდის შესახებ
ამ სოციალური გავლენის პროგრამით, რომელიც მდგრად ურბანულ ცხოვრებას აძლიერებს, Bolt თანამშრომლობს წამყვან აკადემიურ ინსტიტუტებთან, საერთაშორისო ორგანიზაციებთან, არასამთავრობო ორგანიზაციებთან, ქალაქებთან და ადგილობრივ თემებთან, რათა მთელ მსოფლიოში დააჩქაროს გაზიარებული მობილობის დადებითი გავლენა. მიმდინარე ინიციატივებია:
პარტნიორობა ETH Zurich-თან, რათა ქალაქებს დაეხმაროს ურბანული მობილობისა და ინფრასტრუქტურის დაგეგმვის გაუმჯობესებაში.
მხარდაჭერა მძღოლი პარტნიორების თემში მეწარმეების ახალი თაობისთვის.
მიგრანტი მუშაკების სოციალური და ეკონომიკური ინტეგრაციის გაუმჯობესება პლატფორმულ ეკონომიკაში.
მხარდაჭერა ადგილობრივ თემებში მცირე მასშტაბის პროექტებისთვის.