ზოგადი პირობები ბოლტ ფუდის მიტანის სერვისი კლიენტთან

განახლების თარიღი: ოქტომბერი 2024

წინამდებარე ზოგადი პირობები ვრცელდება ბოლტსა და მომხმარებელს შორის ყველა ურთიერთობაზე, რომელიც დაკავშირებულია ბოლტ ფუდის პლატფორმის გამოყენებასთან (როგორც ეს განსაზღვრულია ქვემოთ), ასევე ვრცელდება გაყიდვის ხელშეკრულებებისა და მიწოდების ხელშეკრულებების გარკვეულ ასპექტებზე, რომლებიც დადებულია ბოლტ ფუდის პლატფორმის მეშვეობით (როგორც ეს განსაზღვრულია ქვემოთ). ბოლტ ფუდის პლატფორმაზე დარეგისტრირებით, მომხმარებელი ეთანხმება წინამდებარე ზოგადი პირობების გამოყენებას და მის შინაარსს; და ასევე ინფორმირებულია ბოლტ ფუდის პლატფორმაზე რეგისტრაციისას გამჟღავნებული მისი პერსონალური მონაცემების დამუშავებისა და გამოყენების შესახებ ბოლტ ფუდის პლატფორმის მიერ, იმ პირობებით, რაც მოცემულია წინამდებარე ზოგად პირობებში. თქვენ ასევე ეთანხმებით, რომ თქვენი მონაცემები (მათ შორის, ბალანსი) შეიძლება გაზიარდეს ბოლტის სხვადასხვა პლატფორმებს შორის (მაგ. სამგზავრო პლატფორმაზე).

1. განმარტებები

2. სამართლებრივი ჩარჩო

1. ბოლტ ფუდის პლატფორმა საშუალებას აძლევს კლიენტს შეუკვეთოს საქონელი პარტნიორებისგან და შეუკვეთოს ამ საქონლის მისთვის მიწოდება მიტანის ადგილზე.
2. ბოლტ ფუდის პლატფორმის მეშვეობით საქონლის გაყიდვისთვის, გაყიდვის ხელშეკრულება იდება უშუალოდ კლიენტსა და პარტნიორს შორის. შეკვეთის მიწოდებისთვის, კლიენტი დებს მიწოდების ხელშეკრულებას უშუალოდ მიწოდების პარტნიორთან. იმ შემთხვევაში, თუ პარტნიორს სურს შესთავაზოს კლიენტს საკუთარი მიწოდების სერვისები საქონლის მიწოდების მიზნით, კლიენტი დებს მიწოდების ხელშეკრულებას უშუალოდ პარტნიორთან და წინამდებარე ზოგადი პირობების შესაბამისად მიწოდების პარტნიორებისადმი  დადგენილი პირობები მიწოდების ხელშეკრულებასთან დაკავშირებით გავრცელდება პარტნიორზე.  იმ შემთხვევაში, თუ კლიენტს სურს შეკვეთის მიწოდება მიწოდების პარტნიორის მიერ, გაყიდვის ხელშეკრულება ითვლება დადებულად პარტნიორისა და მიწოდების პარტნიორის მიერ შეკვეთის მიღებისა და კლიენტისთვის შეკვეთის დადასტურების გაგზავნის მომენტიდან. კლიენტის მიერ შეკვეთის თავად კლიენტის მიერ გატანის შემთხვევაში, გაყიდვის ხელშეკრულება დადებულად ითვლება პარტნიორის მიერ შეკვეთის მიღებისა და კლიენტისთვის შეკვეთის დადასტურების გაგზავნის მომენტიდან.
3. ბოლტ ფუდის პლატფორმისა და ვირტუალური ბაზრის ოპერირებისას, ბოლტი მოქმედებს მხოლოდ როგორც ინფორმაციული საზოგადოებრივი სერვისის მიმწოდებელი და არ არის გაყიდვის ხელშეკრულების ან მიწოდების ხელშეკრულების მხარე. ბოლტი არ არის საქონლის მწარმოებელი ან გამყიდველი ან მიწოდების სერვისების მიმწოდებელი და არც ერთი ფორმით არ არის პასუხისმგებელი გაყიდვის ხელშეკრულების ან მიწოდების ხელშეკრულების შესრულებაზე. 
4. ბოლტ ფუდის პლატფორმის გამოყენებით, კლიენტი ადასტურებს, რომ ყველა მიწოდების პარტნიორი და/ან პარტნიორი, რომელიც სთავაზობს თავის საქონელს და მომსახურებას ბოლტ ფუდის პლატფორმის მეშვეობით, უფლებამოსილებას ანიჭებს ბოლტს, რათა მან იმოქმედოს როგორც მიწოდების პარტნიორის და/ან პარტნიორის კომერციულმა აგენტმა ნებისმიერ მიწოდების ხელშეკრულებასთან და/ან გაყიდვის ხელშეკრულებასთან დაკავშირებით. ბოლტს უფლება აქვს მოლაპარაკება აწარმოოს მიწოდების ხელშეკრულებაზე და/ან გაყიდვის ხელშეკრულებაზე კლიენტთან, მათ შორის, შეზღუდვის გარეშე, მიიღოს მიწოდების საფასური და/ან საქონლის საფასური ან სხვა საფასური, რომელიც გადაიხადა კლიენტმა ან ბოლტის ბიზნეს მომხმარებელმა მიწოდების ხელშეკრულების და/ან გაყიდვის ხელშეკრულების ფარგლებში, იმ შემთხვევაში, თუ ისინი გადახდილია აპლიკაციის მეშვეობით ან, სადაც გამოიყენება, ნაღდი ანგარიშსწორების გზით მიწოდების პარტნიორთან ან პარტნიორთან.
5. ბოლტ ფუდის პლატფორმა ხელმისაწვდომია მხოლოდ 16 წელს მიღწეული და მეტი ასაკის მომხმარებლებისთვის. მომხმარებელს არ შეუძლია გამოიყენოს ბოლტ ფუდის პლატფორმა, თუ იგი არ შეასრულებს ამ მოთხოვნას. ბოლტ ფუდის პლატფორმის გამოყენებით, მომხმარებლები, რომლებიც არიან არასრულწლოვნები, ადასტურებენ, რომ მათ მიიღეს მშობლის ან კანონიერი წარმომადგენლისგან ყველა საჭირო თანხმობა ბოლტ ფუდის პლატფორმაზე წვდომისა და გამოყენებისთვის. ბოლტი უშვებს ვარაუდს, რომ არასრულწლოვანებმა, რომლებიც იყენებენ ბოლტ ფუდის პლატფორმას, მიიღეს საჭირო თანხმობა მშობლებისგან ან კანონიერი წარმომადგენლისგან.

1. საქონლის შეკვეთა ბოლტ ფუდის პლატფორმის გამოყენებით

1. კლიენტს შეუძლია შეარჩიოს და შეუკვეთოს საქონელი ბოლტ ფუდის პლატფორმის მეშვეობით. იმ შემთხვევაში, თუ პარტნიორი ვერ მიაწვდის საქონელს შეკვეთის შესაბამისად, პარტნიორი არ დაადასტურებს შეკვეთას ბოლტ ფუდის პლატფორმაზე. პარტნიორს შეუძლია დაუკავშირდეს კლიენტს შეკვეთის ცვლილებებზე შეთანხმების მიზნით, რათა საქონლის ფასი იგივე დარჩეს. თუ შეთანხმება არ იქნება მიღწეული ან თუ კლიენტს მოუწევს ჩანაცვლებული საქონლისთვის იმაზე მეტი ან ნაკლები ფასის გადახდა, ვიდრე შეკვეთილი საქონლის ფასი იყო, შეკვეთა გაუქმდება და კლიენტს არ ჩამოეჭრება შეკვეთის საფასური ან (სადაც შესაძლებელია) შეკვეთის საფასური სრულად დაუბრუნდა კლიენტს.
2. კლიენტს უფლება აქვს მიიღოს საქონელი, რომელიც შეესაბამება ბოლტ ფუდის პლატფორმაში მითითებულ აღწერილობას და ნებისმიერ კონკრეტულ მოთხოვნას (თუ ასეთი შეთანხმებულია). იმ შემთხვევაში, თუ საქონელი შეიცავს საკვებს და კლიენტის მხრიდან ასეთი საკვების მიმართ ალერგიულ რეაქციაზე ეჭვის ქონის შემთხვევაში, კლიენტი უნდა დაუკავშირდეს პარტნიორს დამატებითი ინფორმაციისთვის. ბოლტ ფუდის პლატფორმაზე განთავსებული საქონლის ფოტოები შესაძლოა სრულად არ ემთხვეოდეს რეალურ შემოთავაზებულ საქონელს.
3. თუ გამოიყენება მცირე შეკვეთის საფასური და შეკვეთასთან დაკავშირებული საქონლის ფასი დაბალია მცირე შეკვეთის საფასურზე, კლიენტს შეუძლია ასეთი შეკვეთის განთავსება და ბოლტ ფუდის პლატფორმა მას დაადასტურებს იმ პირობით, რომ კლიენტი გადაუხდის მცირე შეკვეთის საფასურს მიწოდების პარტნიორს.
4. კლიენტი უნდა დაემორჩილოს მოქმედ კანონებს, მათ შორის, მოთხოვნებს, რომლებიც გამოიყენება ალკოჰოლის, თამბაქოს, ენერგეტიკული სასმელების ან ნებისმიერი სხვა პროდუქტის შეძენისას, რომელიც საჭიროებს ასაკის შემოწმებას. იმ შემთხვევაში, თუ კლიენტს სურს შეუკვეთოს პროდუქცია, რომელიც მოითხოვს ასაკის შემოწმებას, მან უნდა დაადასტუროს ან/და დაამტკიცოს თავისი ასაკი შეკვეთის პროცესში. გარდა ამისა, მიწოდების პარტნიორმა, რომელიც აწვდის შეკვეთას ან/და პარტნიორმა, კლიენტის მიერ შეკვეთის თავად აღების შემთხვევაში, შეუძლია უარი უთხრას კლიენტს ისეთი პროდუქციის გადაცემაზე, რომელიც საჭიროებს ასაკობრივ შემოწმებას, თუ კლიენტი არ წარმოადგენს მოქმედ საიდენტიფიკაციო მოწმობას, რომელიც დაადასტურებს მის ასაკს მსგავსი პროდუქციის ლეგალურად შეძენაზე ან იმ შემთხვევაში, თუ კლიენტი ავლენს ინტოქსიკაციის ნიშნებს. იმ შემთხვევაში, თუ ზემოთ აღწერილი მიზეზების გამო, კლიენტს უარი ეთქვა ასაკობრივ შეზღუდვას დაქვემდებარებული პროდუქტ(ებ)ის მიწოდებაზე, ბოლტს უფლება აქვს კლიენტს დააკისროს მიტანის საფასურის ორმაგი ოდენობა, როგორც კომპენსაცია ასაკობრივ შეზღუდვას დაქვემდებარებული პროდუქტ(ებ)ის უკან პარტნიორისთვის დაბრუნებისთვის. 

3. მიწოდების მომსახურების შეკვეთა ბოლტ ფუდის პლატფორმის გამოყენებით

1. შეკვეთის განთავსებისას, კლიენტმა უნდა უზრუნველყოს მიწოდების პარტნიორის მიერ მიტანის სერვისის შეკვეთა ბოლტ ფუდის პლატფორმის მეშვეობით, რათა მოხდეს საქონლის მიწოდება მიტანის ადგილას ან, თუ ეს შესაძლებელია, აირჩიოს თავად გატანის ვარიანტი.
2. მიწოდების ხელშეკრულების შესაბამისად, მიწოდების პარტნიორი შეკვეთის მიწოდებას განახორციელებს მიტანის ადგილზე. კლიენტი და მიწოდების პარტნიორი შეიძლება შეთანხმდნენ განსხვავებულ მიტანის ადგილზე, იმ პირობით, რომ ახალი მისამართი ახლოს იქნება თავდაპირველ მიტანის ადგილთან (არაუმეტეს 1 კმ-ის რადიუსში).
3. კლიენტი უნდა იმყოფებოდეს მიტანის ადგილზე მინიმუმ ბოლტ ფუდის პლატფორმაზე მითითებული შეკვეთის მიწოდების სავარაუდო დროს. კლიენტი ხელმისაწვდომი უნდა იყოს ბოლტ ფუდის პლატფორმის მეშვეობით წარდგენილ ტელეფონის ნომერზე ზარების მისაღებად, ბოლტ ფუდის პლატფორმაზე შეკვეთის განთავსების მომენტიდან მიწოდების პარტნიორისგან შეკვეთის მიღებამდე.
4. მიწოდების ნებისმიერი დრო ან სხვა სავარაუდო დრო, რომელიც კლიენტს ეცნობა მიწოდების პარტნიორის ან ბოლტის მიერ ბოლტ ფუდის პლატფორმის მეშვეობით, არის მხოლოდ სავარაუდო დრო. არ არსებობს გარანტია, რომ საქონელი მიწოდებული იქნება ნავარაუდებ დროს. შეკვეთების მიწოდების დროზე ასევე შეიძლება გავლენა იქონიოს ფაქტორებმა, როგორიცაა საცობები, პიკის საათები და მეტეოროლოგიური პირობები.
5. იმ შემთხვევაში, თუ კლიენტი ირჩევს შეკვეთის თავად გატანის ოფციას, შეკვეთის გატანის მიზნით, კლიენტი პარტნიორის დაწესებულებაში უნდა მივიდეს შეკვეთის გატანისთვის მითითებულ დროს, როგორც ეს მოცემულია ბოლტ ფუდის პლატფორმაზე.
6. პარტნიორების რეიტინგი ბოლტ ფუდის პლატფორმაზე ეფუძნება კლიენტების მიერ დატოვებულ მიმოხილვებს კლიენტისთვის შეკვეთის მიწოდების შემდეგ ან, საჭიროების შემთხვევაში, კლიენტის მიერ შეკვეთის გატანის შემდეგ. კლიენტს უფლება აქვს დაუტოვოს მიმოხილვა პარტნიორს შეკვეთის შეფასების გზით 1-დან (ცუდი) 5-მდე (გამორჩეული) ქულის ფარგლებში. კლიენტს არ შეუძლია შეაფასოს პარტნიორი ან დატოვოს მიმოხილვა, გარდა იმ შემთხვევისა, როდესაც კლიენტმა პარტნიორთან შეუკვეთა ბოლტ ფუდის პლატფორმის მეშვეობით.

5. საჩივრები

1. თუ კლიენტს აქვს რაიმე პრეტენზია შეკვეთილ საქონელთან დაკავშირებით, კლიენტმა აღნიშნულზე უნდა აცნობოს ბოლტს, ბოლტ ფუდის პლატფორმის მეშვეობით რაც შეიძლება მალე, მაგრამ არა უგვიანეს ერთი თვისა კონკრეტული შეკვეთის მიწოდებიდან. ბოლტს შეუძლია მოითხოვოს საქონლის ფოტოსურათი ან სხვა მტკიცებულება ან საჩივართან დაკავშირებული გარემოებების ახსნა.
2. მიუხედავად იმისა, რომ ბოლტი არ არის საქონლის მწარმოებელი ან გამყიდველი, არც მიწოდების სერვისების მიმწოდებელი და არ არის პასუხისმგებელი შესაბამის საქონელსა თუ მომსახურებაზე, ბოლტი მაინც შეეცდება მოძებნოს საკითხის მეგობრული გადაწყვეტა და შეუძლია უზრუნველყოს იმ თანხის დაბრუნება ან ბალანსზე ასახვა, რომელიც კავშირშია საჩივარში აღნიშნულ შეკვეთასთან იმ შემთხვევაში, თუ ბოლტს აქვს საფუძვლიანი საფუძველი იფიქროს, რომ საჩივარი დასაბუთებულია. 
3. კლიენტს ასევე შეუძლია საჩივრების გაგზავნა უშუალოდ პარტნიორთან ან მიწოდების პარტნიორთან. 
4. კლიენტს შეუძლია დაუკავშირდეს ბოლტის მომხმარებელთა მხარდაჭერის განყოფილებას ბოლტ ფუდის პლატფორმაზე არსებული ჩატის ფუნქციის მეშვეობით, სადაც კლიენტს შეუძლია ნახოს ღია ჩატები და კომუნიკაციის ისტორია, თარიღისა და დროის ჩათვლით, ჩატის შექმნის დღიდან 6 თვის განმავლობაში.

7. გადახდები და ინვოისები

1. კლიენტმა უნდა გადაუხადოს პარტნიორს საქონლის საფასური ბოლტ ფუდის პლატფორმაზე მითითებული ოდენობით. ბოლტ ფუდის პლატფორმაზე მითითებული საქონლის საფასური შეიძლება განსხვავდებოდეს პარტნიორის დაწესებულებაში არსებული ფასებისგან. საქონლის საფასური ბოლტ ფუდის პლატფორმაზე  შეიძლება დროდადრო შეიცვალოს შეკვეთის გაკეთებამდე.
2. კლიენტმა მიწოდების პარტნიორს მიწოდების საფასური უნდა გადაუხადოს ბოლტ ფუდის პლატფორმის მიერ გამოთვლილი ოდენობით. მიწოდების საფასური გამოითვლება მიტანის დროის, მიწოდების მარშრუტის სიგრძის, მიტანის საშუალებების და სხვა კრიტერიუმების გათვალისწინებით. მიწოდების საფასური კლიენტს მიეთითება შეკვეთის დადასტურებამდე. მიწოდების საფასურის გარდა, კლიენტს ასევე შეუძლია მიწოდების პარტნიორს გადაუხადოს ბონუსი ბოლტ ფუდის პლატფორმის მეშვეობით. მიწოდების საფასურის გაანგარიშების დეტალები შეიძლება დროდადრო დარეგულირდეს ბოლტ ფუდის პლატფორმის მიერ ბაზრის მდგომარეობის, ვირტუალურ ბაზარზე მიწოდების პარტნიორების ხელმისაწვდომობისა და სერვისთან დაკავშირებული სხვა ფაქტორების გათვალისწინებით. მიწოდების საფასური შეიძლება შედგებოდეს სხვადასხვა ტიპის საკომისიოსგან (მომსახურების საფასურის ჩათვლით). 
3. ბოლტს უფლება აქვს დაადგინოს მცირე შეკვეთის საფასური 3.3 პუნქტის შესაბამისად. ასეთ შემთხვევებში, კლიენტი გადაუხდის მცირე შეკვეთის საფასურს მიწოდების პარტნიორს.
4. ბოლტს, რომელიც მოქმედებს როგორც პარტნიორის და მიწოდების პარტნიორის კომერციული აგენტი, შეუძლია მოამზადოს და გასცეს კლიენტზე საქონლის ფასის საინფორმაციო ქვითრები პარტნიორის სახელით, ხოლო მიწოდების პარტნიორის სახელით გასცეს საინფორმაციო ქვითრები მიწოდების საფასურთან და (სადაც შესაძლებელია) მცირე შეკვეთის საფასურთან და/ან ბონუსებთან დაკავშირებით და მიიღოს კლიენტის გადახდა სალარო აპარატის ქვითრების მეშვეობით პარტნიორისა და მიწოდების პარტნიორის სახელით.
5. ყველა გადახდა მუშავდება კლიენტის საგადახდო ბარათიდან ან კლიენტის მიერ ბოლტ ფუდის პლატფორმაზე გააქტიურებული გადახდის სხვა მეთოდებიდან, გარდა ნაღდი ანგარიშსწორებისა. გადახდები მუშავდება საგადახდო პროვაიდერი მესამე მხარის მიერ. შეკვეთის დადასტურებისთანავე კლიენტი ახდენს გადახდის ავტორიზებას საკუთარი საგადახდო ბარათის მეშვეობით ან სხვა შესაბამისი გადახდის მეთოდის გამოყენებით, შეკვეთის ფასის ოდენობით, და მოხდება შესაბამისი თანხის დარეზერვება საგადახდო ბარათზე ან გადახდის სხვა საშუალებებზე. შეკვეთასთან დაკავშირებული გადახდა შესრულდება და თანხა კლიენტის საგადახდო ბარათიდან ან გადახდის სხვა მეთოდებიდან ჩამოიჭრება შეკვეთის დადასტურებიდან 72 საათის განმავლობაში.
6. კლიენტის გადახდის ვალდებულებები, რომლებიც გამომდინარეობს გაყიდვის ხელშეკრულებიდან და მიწოდების ხელშეკრულებიდან (ასეთის არსებობის შემთხვევაში) შესრულებულად ითვლება, შესაბამისად, პარტნიორისა და მიწოდების პარტნიორის მიმართ (ასეთის არსებობის შემთხვევაში), როდესაც გადახდა შესრულებულია ბოლტისთვის და ჩარიცხულია კლიენტის საგადახდო ბარათიდან ან განხორციელებულია სხვა დასაშვები გადახდის მეთოდით (მაგ. ბოლტ ბიზნესის ფუნქციით) ან, როდესაც კლიენტმა შეკვეთის საფასური სრულად გადაიხადა მიწოდების პარტნიორთან ნაღდი ანგარიშსწორებით შეკვეთის მიტანისას ან კლიენტმა გადაუხადა შეკვეთის საფასური უშუალოდ პარტნიორს, თვით-გატანის სერვისით საგებლობის შემთხვევაში. თუ შეკვეთის საფასურის დარეზერვება შეუძლებელია კლიენტის საგადახდო ბარათზე, შეკვეთა პარტნიორს არ გადაეგზავნება, გარდა კლიენტის მიერ ნაღდი ანგარიშსწორებისა მიწოდების პარტნიორთან შეკვეთის მიტანისას ან უშუალოდ პარტნიორთან გადახდის შემთხვევაში, თვით-გატანის სერვისის შემთხვევაში.
7. ბოლტმა შეიძლება განათავსოს კლიენტისთვის შეკვეთის საფასურის ნაღდი ანგარიშსწორებით გადახდის ვარიანტი, რომლის გადახდაც კლიენტს შეუძლია უშუალოდ მიწოდების პარტნიორისთვის, შეკვეთის მიტანისას. ასეთ შემთხვევაში, კლიენტი გადაუხდის შეკვეთის საფასურს მიწოდების პარტნიორს ნაღდი ანგარიშსწორებით, შეკვეთის მოთხოვნილ ადგილზე მიტანისას. ბოლტს შეუძლია, თავისი შეხედულებისამებრ, შეზღუდოს ნაღდი ანგარიშსწორება კონკრეტული კლიენტისთვის.
8. ნაღდი ანგარიშსწორების შემთხვევაში, მიწოდების პარტნიორი ვალდებულია ნაღდი ანგარიშსწორებით მიღებული თანხა შემოიტანოს ბოლტ ფუდის პლატფორმაზე. იმ შემთხვევაში, თუ თანხა არ შეესაბამება კლიენტის მიერ გაყიდვის ხელშეკრულებიდან და მიწოდების ხელშეკრულებიდან გამომდინარე გადახდის ვალდებულებებს, მაშინ ბალანსი ავტომატურად:

1. შემცირდება შეკვეთის საფასურს დაკლებული თანხის პროპორციულად ან შეკვეთის სრული საფასურის ოდენობით (მაგ. იმ შემთხვევაში, თუ კლიენტი არ იმყოფება მიტანის ადგილზე 7.2 ნაწილის მიხედვით, კლიენტი უარს ამბობს გადახდაზე და ა.შ.);
2. გაიზრდება შეკვეთის საფასურზე ზედმეტად გადახდილი თანხის პროპორციულად.

10. ბალანსი ავტომატურად ამოქმედდება შეკვეთის განთავსებისას. ბალანსის გაცვლა ნაღდ ფულში შეუძლებელია.
11. იმ შემთხვევაში, თუ პროდუქტები (ანუ საქონელი) გაიყიდება წონით, ნებისმიერი ფასი თითო პროდუქტზე, რომელიც ნაჩვენებია ბოლტ ფუდის პლატფორმაზე, არის მხოლოდ პარტნიორის მიერ მოცემული სავარაუდო ფასი. წონაზე დაფუძნებული პროდუქტის საბოლოო ფასი შეკვეთაში ჩამოყალიბდება და ჩამოიჭრება შეკვეთით მიღებული პროდუქტის რეალური წონის მიხედვით. წონის ცვალებადობით გამოწვეული ფასის შესაძლო კორექტირების დასაფარად, ბოლტმა შეიძლება დროებით დააკავოს თანხა კლიენტის გადახდის ბარათზე. დროებით დაკავებული ოდენობა იქნება კლიენტის შეკვეთაში შეტანილი წონაზე დაფუძნებული პროდუქტების ღირებულების მაქსიმუმ 20%. იმ შემთხვევაში, თუ შეკვეთილი პროდუქტი იწონის იმაზე ნაკლებს, ვიდრე მითითებულია შეკვეთის დადასტურებაში, ბოლტი დაუბრუნებს კლიენტს ფასის სხვაობას. იმ შემთხვევაში, თუ შეკვეთილი პროდუქტი იწონის იმაზე მეტს, ვიდრე მითითებულია შეკვეთის დადასტურებაში, ბოლტი დააკისრებს ფასის სხვაობას კლიენტის გადახდის ბარათზე დაკავებული თანხიდან. დროებით დაკავებული თანხის ნებისმიერი ნაწილი, რომელიც არ არის საჭირო ფასის კორექტირებისთვის, დაბრუნდება კლიენტის ბარათზე.
12. ბოლტს, თავისი შეხედულებისამებრ, შეუძლია გააკეთოს სარეკლამო შეთავაზებები და ფასდაკლებები საქონლის ფასთან ან მიწოდების საფასურთან დაკავშირებით.
13. ამ ზოგად პირობებზე დათანხმებით კლიენტი პირდაპირ ეთანხმება ელექტრონული ინვოისების მიღებას. ელექტრონული ანგარიშ-ფაქტურები გაიცემა და მიიღება ნებისმიერ ელექტრონულ ფორმატში, მათ შორის ელექტრონული ფოსტის საშუალებით PDF ფორმატში თანდართული დოკუმენტით.

9. შეკვეთის გაუქმება, გამოყენების უფლების გაუქმება და შეჩერება

1. კლიენტს შეუძლია გააუქმოს შეკვეთა, თუ ამის შესაძლებლობას იძლევა ბოლტ ფუდის პლატფორმა, ამავე პლატფორმით გათვალისწინებული პირობების შესაბამისად. გარდა ამისა, ბოლტმა, პარტნიორმა და/ან მიწოდების პარტნიორმა შეიძლება გააუქმოს შეკვეთა და, ასეთ შემთხვევებში, კლიენტს უფლება აქვს სრულად დაიბრუნოს თანხა, გარდა 3.4 და 7.2 პუნქტებში მოცემული შემთხვევებისა.
2. ბოლტს, მიწოდების პარტნიორის სახელით, შეუძლია გააუქმოს შეკვეთა და დააკისროს კლიენტს ან შეამციროს კლიენტის ბალანსი შეკვეთის სრული ღირებულების ოდენობით შემდეგ შემთხვევებში:

1. კლიენტი მიუწვდომელია მიტანის ადგილზე მიწოდების პარტნიორის მისვლიდან 10 წუთის განმავლობაში;
2. კლიენტის მიერ მოწოდებული ტელეფონის ნომერს მიწოდების პარტნიორი ვერ დაუკავშირდება მიწოდების პარტნიორის მიტანის ადგილზე მისვლიდან 10 წუთის განმავლობაში; 

ან

1. კლიენტი და მიწოდების პარტნიორი ვერ შეთანხმდებიან მიტანის ახალ მისამართზე 4.2 პუნქტის შესაბამისად.
2. ბოლტი უფლებამოსილია დროებით შეაჩეროს კლიენტის წვდომა ბოლტ ფუდის პლატფორმაზე ან შეწყვიტოს ამ ზოგადი პირობებით სარგებლობა მყისიერად და/ან უარი თქვას ან გააუქმოს ნებისმიერი შეკვეთა, თუ კლიენტი მიაყენებს რაიმე შეურაცხყოფას ან ზიანს ბოლტ ფუდის პლატფორმას, თუ ბოლტს აქვს გონივრული რწმენა კლიენტის მიერ თაღლითური ქმედებების შესახებ ბოლტ ფუდის პლატფორმის გამოყენებისას, ან თუ კლიენტი სხვაგვარად ვერ ასრულებს თავის ვალდებულებებს წინამდებარე ზოგადი პირობების შესაბამისად (მაგ., რამდენჯერმე არ იმყოფებოდა მიტანის ადგილზე, 7.2 პუნქტის მიხედვით). ბოლტ ფუდის პლატფორმისგან მომხმარებლის პროფილის შეჩერება ან შეწყვეტა ნიშნავს ასევე შეჩერებას ან შეწყვეტას ბოლტის სხვა პლატფორმებიდანაც (მაგ. სამგზავრო პლატფორმა).
3. კლიენტმა არ უნდა გამოიყენოს ბოლტ ფუდის პლატფორმა ფულის გათეთრების მიზნებისთვის, ისევე როგორც ნებისმიერი სხვა კრიმინალური აქტივობისთვის (როგორც ამას განსაზღვრავს ბოლტი საკუთარი შეხედულებისამებრ). თუ კლიენტი დაარღვევს წინამდებარე 7.4 პუნქტს, ბოლტი შეწყვეტს ამ ზოგად პირობებს კლიენტთან და ასევე აცნობებს შესაბამის სამართალდამცავ ორგანოებს.
4. ლიცენზია, ინტელექტუალური საკუთრების უფლებები და მონაცემთა დამუშავება

1. ბოლტ ფუდის პლატფორმაზე დარეგისტრირებით, ბოლტი მომხმარებელს ანიჭებს გამოხმობად, არაექსკლუზიურ, არაგადაცემად, არაქველიცენზირებად ლიცენზიას, გამოიყენოს ბოლტ ფუდის პლატფორმა საქონლის შეკვეთისა და შეკვეთების მიწოდების მიზნით.
2. ყველა ინტელექტუალური საკუთრების უფლება პროგრამულ უზრუნველყოფაზე, დოკუმენტაციასა ან ინფორმაციასთან დაკავშირებით, რომელიც გამოყენებულ იქნა ან შემუშავდა ბოლტის მიერ ან მისი სახელით, ინფორმაციული საზოგადოებრივი სერვისების მიწოდების დროს წინამდებარე ზოგადი პირობების (მათ შორის, ბოლტ ფუდის პლატფორმა და მასში ატვირთული ნებისმიერი მასალა) შესაბამისად, ეკუთვნის ბოლტს (ან ზოგჯერ, შეზღუდულ ფარგლებში, პარტნიორს). მომხმარებელმა არ უნდა დააკოპიროს, შეცვალოს, ადაპტირება მოახდინოს, შეუცვალოს ინჟინერია, მოახდინოს დანაწევრება ან სხვაგვარად აღმოაჩინოს ბოლტ ფუდის პლატფორმის საწყისი კოდი ან სხვა პროგრამული უზრუნველყოფის, რომელსაც იყენებს ბოლტი ან ამოიღოს ან გამოიყენოს რაიმე მონაცემი ბოლტ ფუდის პლატფორმაზე კომერციული მიზნებისთვის ან სხვა მიზნით, ვიდრე საქონლის შეკვეთაა. მომხმარებელი გამოიყენებს ბოლტ ფუდის პლატფორმას მხოლოდ თავისი პირადი, არაკომერციული მიზნებისთვის, გარდა იმ შემთხვევებისა, როდესაც გამოიყენება ბოლტ ბიზნესის ფუნქციონალი. 
3. ბოლტის მიერ მომხმარებლებისა და კლიენტების პერსონალური მონაცემების დამუშავება რეგულირებულია კონფიდენციალურობის პოლიტიკით, რომელზეც წვდომა შესაძლებელია ბოლტ ფუდის პლატფორმიდან შემდეგი ბმულის საშუალებით: https://bolt.eu/en-ee/privacy/.
4. ბოლტი არ იძლევა რაიმე პირობას, გარანტიას ან განცხადებას ბოლტ ფუდის პლატფორმის ხარისხთან დაკავშირებით, მათ შორის აშკარა ან ფარული დეფექტების არარსებობის, ჩვეულებრივი ან კონკრეტული (სპეციალური) მიზნისთვის ვარგისიანობის შესახებ და ბოლტი არ არის ვალდებული, დააკმაყოფილოს მომხმარებლის პრეტენზიები ბოლტ ფუდის პლატფორმის ხარისხთან დაკავშირებით. 
5. მომხმარებლებს პირდაპირ ეკრძალებათ რაიმე ფორმით (მექანიკური ან ავტომატიზირებული) ჩაერთონ მონაცემთა ამოღების, მონაცემთა მოპოვების ან მონაცემების ნებისმიერი ავტომატური საშუალებებით შეგროვებაში ბოლტ ფუდის პლატფორმიდან, მათ შორის, მაგრამ არ შემოიფარგლება, კომპიუტერული ბოტების, ე.წ. ობობების, მცოცავების გამოყენებით, ან ნებისმიერი სხვა ავტომატური საშუალებით.

6. პასუხისმგებლობა

1. მხოლოდ პარტნიორი არის პასუხისმგებელი შეკვეთილი საქონლის ხარისხთან დაკავშირებით და რაოდენობის ხარვეზებზე ან სხვა ხარვეზებზე გაყიდვის ხელშეკრულების შესრულებასთან კავშირში და ბოლტი არ იღებს პასუხისმგებლობას აღნიშნულზე (მათ შორის, პასუხისმგებლობას საკვების მიმართ ალერგიული რეაქციების ან ჯანმრთელობის სხვა პრობლემების გამო).
2. მხოლოდ მიწოდების პარტნიორები არიან პასუხისმგებელი მიწოდების ხელშეკრულების შესრულებაზე და ბოლტი არ იღებს რაიმე პასუხისმგებლობას აღნიშნულზე. 
3. თუ მომხმარებელი ეჭვობს, რომ მისი გადახდის ბარათი, რომელიც დაკავშირებულია მის ანგარიშთან ბოლტ ფუდის პლატფორმაზე, მოიპარეს და/ან თაღლითურად გამოიყენება მესამე მხარის მიერ, მომხმარებელმა დაუყოვნებლივ უნდა აცნობოს ბოლტს ამის შესახებ. ასეთი შეტყობინების მიღებამდე, ბოლტი არ იქნება პასუხისმგებელი მომხმარებლის საგადახდო ბარათის თაღლითური გამოყენებისთვის მესამე მხარის მიერ.
4. ბოლტ ფუდის პლატფორმა მომხმარებელს მიეწოდება იმ ფორმით, „როგორც არის“. ბოლტი არ იქნება პასუხისმგებელი ბოლტ ფუდის პლატფორმის რაიმე შეფერხებაზე, კავშირის შეცდომებზე, ხელმისაწვდომობაზე ან გაუმართაობაზე, თუმცა, ბოლტი არ ზღუდავს კლიენტის უფლებას მოითხოვოს ზიანის ანაზღაურება ან გამოიყენოს კანონით გათვალისწინებული სხვა სამართლებრივი საშუალებები იმ შემთხვევაში, თუ ბოლტ ფუდის პლატფორმის სერვისები შეუსაბამობაში იქნება ამ ზოგად პირობებთან. გარდა ამისა, ბოლტი უფლებამოსილია თავისი შეხედულებისამებრ შემოიტანოს ახალი და/ან შეწყვიტოს არსებული ფუნქციების გამოყენება ბოლტ ფუდის პლატფორმაზე. ბოლტი კლიენტებს შეატყობინებს ასეთი შეწყვეტის შესახებ.
5. მომხმარებელი აღიარებს, რომ სმარტფონის ან ნებისმიერი სხვა მოწყობილობის ტექნიკის ან ოპერაციული სისტემის დონეზე მანიპულირება, ჩარევა ან შეცვლა ნებისმიერი ფორმით, რომელიც ეწინააღმდეგება მწარმოებლის ინსტრუქციებს, ხდის მოწყობილობას კიბერ საფრთხეებისადმი მიდრეკილს. გარდა ამისა, მომხმარებელი აღიარებს, რომ ყალბი მოწყობილობების და სხვა საშუალებების გამოყენება, რომლებიც ცდილობენ ბოლტის სისტემებთან კომუნიკაციას, დაუშვებელია. მომხმარებელი აღიარებს, რომ ბოლტი არ არის პასუხისმგებელი რაიმე ზარალზე ასეთი შეცვლილი მოწყობილობის ან ყალბი მოწყობილობების და სხვა მსგავსი საშუალებების გამოყენებასთან დაკავშირებით, და რომ ბოლტს არ აქვს რაიმე ვალდებულება, მხარი დაუჭიროს ამ მოწყობილობის გამოყენებას.

8. სხვადასხვა

1. კლიენტს აქვს კანონიერი უფლება, უარი თქვას გაყიდვის ხელშეკრულებაზე 2011/83/EU დირექტივის შესაბამისად, ამავე დირექტივაში ჩამოთვლილ საქონელთან მიმართებით, შეკვეთის თარიღიდან 14 დღის განმავლობაში ყოველგვარი მიზეზის დასახელების გარეშე. თუ კლიენტს სურს უარი თქვას ასეთი საქონელზე, კლიენტს შეუძლია ან (i) გამოიყენოს დანართი 1-ში მოცემული უარის თქმის ფორმა, ან (ii) გააკეთოს ნებისმიერი სხვა ცალსახა განცხადება ბოლტთან დაკავშირების გზით, რომელიც მიუთითებს ხელშეკრულებიდან გასვლის გადაწყვეტილებაზე ასეთ საქონელთან მიმართებით.
2. ბოლტი იტოვებს უფლებას ნებისმიერ დროს შეიტანოს ცვლილებები ზოგად პირობებში, განახლებული ზოგადი პირობების  ბოლტ ფუდის პლატფორმაზე ატვირთვის გზით და აცნობოს ყველა მომხმარებელს, ვინც დარეგისტრირდა ბოლტ ფუდის პლატფორმაზე, რეგისტრაციისას მომხმარებლის მიერ მოწოდებული ელ. ფოსტის მეშვეობით.
3. ბოლტს შეუძლია შეცვალოს ან წაშალოს ბოლტ ფუდის პლატფორმის სხვადასხვა ნაწილი ან შეცვალოს ბოლტ ფუდის პლატფორმა, მისი მახასიათებლები და ბოლტ ფუდის პლატფორმაზე მონაწილე პარტნიორების შერჩევის საკითხი, ნაწილობრივ ან მთლიანად, ნებისმიერ დროს წინასწარი შეტყობინების გარეშე.
4. მომხმარებელს ბოლტ ფუდის პლატფორმაზე წვდომა შეუძლია მხოლოდ ინტერნეტით. ინტერნეტთან დაკავშირების სპეციფიკური ტექნიკური მოთხოვნები არ არსებობს, თუმცა ბოლტ ფუდის პლატფორმის მომსახურების ხარისხზე შესაძლოა გავლენა იქონიოს ინტერნეტის სიჩქარემ. ბოლტ ფუდის პლატფორმა ხელმისაწვდომია Android და Apple მოწყობილობებზე უახლესი პროგრამული განახლებების გამოყენებით.
5. ბოლტ ფუდის პლატფორმაზე მომხმარებლის ანგარიშის შექმნისას, მომხმარებლის ტელეფონის ნომერი უკავშირდება მომხმარებლის ანგარიშს და ემატება ბოლტის მონაცემთა ბაზას. თუ მომხმარებელი განაახლებს თავის ტელეფონის ნომერს ბოლტ ფუდის პლატფორმაზე ანგარიშის შექმნის შემდეგ და სურს გააგრძელოს ბოლტ ფუდის პლატფორმის გამოყენება, მომხმარებელმა უნდა აცნობოს ბოლტს განახლებული ტელეფონის ნომრის შესახებ რაც შეიძლება მოკლე დროში. ტელეფონის ნომრის განახლების შემდეგ მომხმარებელი ბოლტისგან მიიღებს დადასტურების მოთხოვნას მის ახალ ტელეფონის ნომერზე SMS ან სხვა საშუალებით. შემდეგ მომხმარებელმა უნდა გადაამოწმოს თავისი ახალი ტელეფონის ნომერი SMS-ში მითითებული ან ბოლტის მიერ გაგზავნილი ინსტრუქციის შესაბამისად. ტელეფონის ნომრის დადასტურების შემდეგ, ის ავტომატურად განახლდება მომხმარებლის პროფილზე. როდესაც მომხმარებელი განაახლებს თავის პირად ინფორმაციას ბოლტ ფუდის პლატფორმაზე, ცვლილებები ასევე ვრცელდება ბოლტის სხვა პლატფორმებზე (მათ შორის, სამგზავრო პლატფორმაზეც). თუ მომხმარებელი შეწყვეტს მის ანგარიშთან დაკავშირებული ტელეფონის ნომრით სარგებლობას და არ სურს მისი განახლება ბოლტ ფუდის პლატფორმაზე, მომხმარებელმა უნდა შეწყვიტოს ამ ზოგადი პირობებით სარგებლობა და ამის შემდეგ, მომხმარებლის ანგარიში გაუქმდება. ამ ზოგადი პირობების შეწყვეტა და ანგარიშის გამორთვა ზემოაღნიშნული მიზეზების გამო არ აბრკოლებს მომხმარებელს შექმნას ახალი ანგარიში ბოლტ ფუდის პლატფორმაზე სწორი ტელეფონის ნომრის გამოყენებით. 
6. ბოლტ ფუდის პლატფორმა ხელმისაწვდომია მრავალ ენაზე, რომელიც შეიძლება შეიცვალოს მომხმარებლის პროფილში.
7. ბოლტს შეუძლია თვალყური ადევნოს კლიენტის მოწყობილობის მდებარეობას ბოლტ ფუდის პლატფორმის მეშვეობით. შეიძლება არსებობდეს შეზღუდვები ბოლტ ფუდის პლატფორმის სერვისების მიწოდებაზე მომხმარებლის მოწყობილობის მდებარეობიდან გამომდინარე. ეს შეზღუდვები თვალსაჩინოა ბოლტ ფუდის პლატფორმის  ინტერფეისის მეშვეობით (მაგ., ხელმისაწვდომი პარტნიორების მდებარეობის მიხედვით). ბოლტი არ უზრუნველყოფს მომსახურების მიწოდებას ყველა იურისდიქციაში. ვინაიდან ბოლტის სერვისების ხელმისაწვდომობა შეიძლება დროდადრო შეიცვალოს, არ არსებობს იმ იურისდიქციების კონკრეტული სია, სადაც შეიძლება ბოლტის მომსახურება იყოს ხელმისაწვდომი. 
8. ბოლტი უზრუნველყოფს სერვისებს, რომლებიც შექმნილია, მიწოდებულია და შესაბამისობაშია ინდუსტრიის სტანდარტებთან და საუკეთესო პრაქტიკასთან, როგორიცაა ISO 27001/27002, როდესაც ეს შესაძლებელია და არ ეწინააღმდეგება სხვა შეთანხმებულ მოთხოვნებს.
9. ბოლტ ფუდის პლატფორმის გამოყენება და მის საფუძველზე ჩამოყალიბებული ყველა სამართლებრივი ურთიერთობა რეგულირდება ესტონეთის კანონმდებლობით. გამოსაყენებლი სამართლის არჩევის შეზღუდვისა და სავალდებულო დებულებების გამოყენების შესახებ ნორმატიული დებულებები, განსაკუთრებით იმ სახელმწიფოში, სადაც მომხმარებელს აქვს მისი ჩვეულებრივი საცხოვრებელი, როგორც მომხმარებელს, დარჩება უცვლელი (მუხლი 6 (1) რომი I რეგულაცია). 
10. თუ ამ ზოგადი პირობებიდან გამომდინარე შესაბამისი დავა ვერ გადაწყდება მოლაპარაკებებით, მაშინ დავა საბოლოოდ გადაწყდება ჰარიუს საოლქო სასამართლოში (Harju County Court) ტალინში, ესტონეთი. თუ მომხმარებელი იცვლის საცხოვრებელ ადგილს ან ჩვეულ საცხოვრებელ ადგილს ესტონეთიდან ან კლიენტის საცხოვრებელი ადგილი ან ჩვეულებრივი საცხოვრებელი ადგილი ცნობილი არ არის საჩივრის განხილვის დროს, ექსკლუზიური იურისდიქციის ადგილი იქნება ბოლტის რეგისტრირებული ოფისი (ტალინი, ესტონეთი). 
11. თუ არსებობს დავა კლიენტსა და პარტნიორს შორის ან მიწოდების პარტნიორს შორის, რომელიც უზრუნველყოფს მომსახურებას ბოლტ ფუდის პლატფორმაზე, კლიენტს შეუძლია გამოიყენოს ბოლტის უფასო შიდა საჩივრების სისტემა.
12. თუ ამ ზოგადი პირობების ვერსიები არსებობს ნებისმიერ სხვა ენაზე, უპირატესობა ენიჭება ინგლისურენოვან ვერსიას.

დანართი 1

უარის თქმის ფორმა

ვის: ბოლტ ოფერეიშენს ოუ (Bolt Operations OÜ) (ვანა-ლოუნა 15, ტალინი, 10134, ესტონეთი, [email protected])

წინამდებარე ფორმის საფუძველზე, გაცნობებთ, რომ უარს ვამბობ შემდეგ გაყიდვის ხელშეკრულებაზე:

შეკვეთა: [შეივსება კლიენტის მიერ]

კლიენტის სახელი: [შეივსება კლიენტის მიერ]

კლიენტის მისამართი: [შეივსება კლიენტის მიერ]

კლიენტის ხელმოწერა (მხოლოდ იმ შემთხვევაში, თუ ეს ფორმა მეორე მხარისათვის მიწოდებულია ფურცელზე ამობეჭდილი სახით):

თარიღი: [შეივსება კლიენტის მიერ]