Bolt Send პირობები მძღოლებისთვის/ავტოპარკებისთვის

პირობები მძღოლებისთვის/ავტოპარკებისთვის

ამანათის მიწოდების ზოგადი წესები და პირობები ჩამოყალიბებულია მძღოლის ზოგადი წესებისა და პირობების, ასევე მძღოლის კონფიდენციალურობის შესახებ შეტყობინების შესაბამისად და როგორც მათი დამატება, ადგენს ამანათის მიწოდების პირობებს Bolt აპლიკაციის საშუალებით.

ყველა იმ პირობაზე, რაც არ არის გათვალისწინებული ამანათის მიწოდების ზოგადი წესებითა და პირობებით, ვრცელდება მძღოლის ზოგადი წესები და პირობები და მძღოლის კონფიდენციალურობის შესახებ შეტყობინება. ამანათის მიწოდებასთან დაკავშირებით რაიმე შეუსაბამობის გამოვლენის შემთხვევაში, უპირატესობა ენიჭება ამანათის მიწოდების წინამდებარე წესებს და პირობებს. მგზავრების წესებისა და პირობების დებულებები, რომლებიც გამოიყენება მგზავრებზე, თანაბრად ვრცელდება მომხმარებლებზე, კლიენტებისთვის ამანათის მიწოდების ამ ზოგადი პირობების შესაბამისად.

Bolt აპლიკაციის გამოყენებით ამანათის მიტანის სერვისის უზრუნველსაყოფად, თითოეული მძღოლი ეთანხმება ამანათის მიწოდების წინამდებარე ზოგადი პირობების გამოყენებას და მის შინაარსს, ისევე როგორც პერსონალური მონაცემების დამუშავებას თანახმად ამანათის მიწოდების წინამდებარე ზოგადი წესებითა და პირობებით და მძღოლებისთვის შემუშავებულ კონფიდენციალურობის პოლიტიკით გათვალისწინებულ დებულებებისა.

1. ტერმინთა განმარტებები

1.1. Bolt აპლიკაცია არის სმარტფონის აპლიკაცია, რომელიც საშუალებას აძლევს მძღოლებსა და მომხმარებლებს მოითხოვონ და მიიღონ სხვადასხვა სერვისები, მათ შორის ამანათის მიტანისა და ტრანსპორტირების სერვისები.

1.2. Bolt პლატფორმა – მობილურობისა და მიწოდების პლატფორმები, რომელსაც ახორციელებს Bolt.

1.3. გაუქმების საკომისიო – გადასახადი, რომელიც ეკისრება კლიენტს შეკვეთილი სერვისის, მათ შორის სატრანსპორტო მომსახურების გაუქმების გამო, კლიენტის შეკვეთის მიღების მომენტიდან გარკვეული დროის გასვლის შემდეგ, როგორც ეს მითითებულია მგზავრთა წესების და პირობების 4.3 პუნქტში და Bolt-ის აპლიკაციაში, ასევე საკომისიო, რომელსაც მძღოლი აკისრებს კლიენტს „გაუთვალისწინებელი“ ამანათების ან უვარგისი ამანათების მიწოდების გაუქმებისთვის, როგორც ეს მითითებულია წესების 2.6 პუნქტში.

1.4. კლიენტი არის Bolt აპლიკაციის მომხმარებელი, რომელმაც შეუკვეთა ამანათის მიწოდება და ამით დადო მძღოლთან მიწოდების ხელშეკრულება.

1.5. მიწოდების ხელშეკრულება - ხელშეკრულება კლიენტსა და მძღოლს შორის ამანათის მიწოდების შესახებ.

1.6. მძღოლი - პირი, რომელიც ახორციელებს სატრანსპორტო მომსახურებას და ზოგიერთ ბაზარზე ამანათების მიწოდების სერვისებს Bolt პლატფორმის საშუალებით.

1.7. მიწოდების ადგილი – მისამართი, რომელზეც კლიენტს სურს ამანათის მიტანა.

1.8. „გაუთვალისწინებელი“ ამანათები არის ამანათები, რომლებიც არ არის დაშვებული მიწოდების ხელშეკრულებით, როგორც ეს მითითებულია პუნქტში 2.4.

1.9. მომხმარებლის ზოგადი ამანათის მიწოდების წესები და პირობები - ეს წესები და პირობები გამოიყენება Bolt-სა და მომხმარებელს შორის ურთიერთობასთან დაკავშირებით კლიენტის მიერ ამანათის მიწოდებისთვის Bolt-ის აპლიკაციის გამოყენებასთან დაკავშირებით.

1.10. ამანთი – მიწოდებული ნივთი, წესების და პირობების 2.4 პუნქტში ჩამოთვლილი გაუთვალისწინებელი ამანათების გარდა.

1.11. მიმღები - პირი (მათ შორის, იურიდიული პირის აგენტი ან წარმომადგენელი), რომელიც მდებარეობს გაცემის ადგილზე ან, საჭიროების შემთხვევაში, მიმდებარე ტერიტორიაზე, კლიენტის მიერ მითითებულის ადგილის მიხედვით.

1.12. სატრანსპორტო მომსახურება – სატრანსპორტო მომსახურება, რომელსაც მძღოლი უწევს კლიენტს, რომლის მოთხოვნაც მძღოლმა მიიღო Bolt აპლიკაციის საშუალებით.

1.13. მომხმარებელი არის კლიენტი ან მძღოლი, კონტექსტიდან გამომდინარე.

2. სამართლებრივი ბერკეტები

2.1. Bolt აპლიკაცია საშუალებას აძლევს კლიენტს, შეუკვეთოს ამანათის მიწოდება მიმღების მიწოდების ადგილზე, Bolt აპლიკაციაში "Bolt Send" შესაბამისი კატეგორიის არჩევით.

2.2. Bolt-ის პლატფორმაზე რეგისტრაციისას (მძღოლთა ზოგადი პირობების შესაბამისად), თითოეული მძღოლი ავტომატურად ემატება „Bolt Send“ კატეგორიას და მასზე ვრცელდება ამანათების მიწოდების შესახებ წინამდებარე ზოგადი წესები და პირობები. მძღოლებს აქვთ უფლება უარი განაცხადონ Bolt აპლიკაციაში Bolt Send კატეგორიის გამოყენებაზე, იმ პირობით, რომ იმ მომენტისთვის მძღოლს არ აქვს დადებული შესასრულებელი მიწოდების ხელშეკრულება.

2.3. ამანათის მიწოდებისთვის მძღოლი უშუალოდ კლიენტთან დებს მიწოდების ხელშეკრულებას. მიწოდების ხელშეკრულება დადებულად ითვლება მძღოლის მიერ ამანათის მიწოდების შეკვეთის Bolt აპლიკაციის მეშვეობით დადასტურების მომენტიდან.

2.4. Bolt აპლიკაციის გამოყენებით Bolt მოქმედებს მხოლოდ როგორც საზოგადოებისთვის საინფორმაციო მომსახურების მიმწოდებელი და არ არის მიწოდების ხელშეკრულების მხარე. Bolt-ი არ გახლავთ მომსახურების გამწევი და არ ეკისრება პასუხისმგებლობა მიწოდების ხელშეკრულებით გათვალისწინებული ვალდებულებების შესრულებაზე. Bolt არ აკონტროლებს, არ ხელმძღვანელობს ან მართავს, თუ როგორ ახორციელებს მძღოლი ამანათის მიწოდებას.

2.5. Bolt აპლიკაცია არ შეიძლება გამოყენებულ იქნას იმ ნივთების შემცველი ამანათების მიწოდების შესაკვეთად, რომლებიც არ არის განსაზღვრული Bolt აპლიკაციით („გაუთვალისწინებელი ამანათები“). გაუთვალისწინებელი ამანათები მოიცავს:

2.5.1. საქონელი, რომელიც არ ეტევა მანქანაში, 20 კგ-ზე მეტი წონის საქონელი ან 60x40x40 სმ-ზე მეტი ზომის საქონელი;

2.5.2. ცხოველები, ადამიანები და სხვა ცოცხალი ან მკვდარი არსებები, მათ შორის მათი ნაწილები, ნარჩენები, სითხეები ან ნივთიერებები, რომლებიც მიიღება ცხოველებისგან, ადამიანებისგან ან სხვა არსებებისაგან მიღებული პროდუქტებიდან;

2.5.3. ბანკნოტები (მათ შორის უცხოური ვალუტა), საკრედიტო ბარათები, ფასიანი ქაღალდები, სამკაულები, სასაჩუქრე მოწმობები და მსგავსი ფასეულობები;

2.5.4. ცეცხლსასროლი იარაღი და მათი ნაწილები, საბრძოლო მასალა, პირებიანი იარაღი და სხვა ნივთები, რომლებიც სპეციალურად შექმნილია თავდასხმისა და თავდაცვისთვის (მაგალითად, სპილენძის მუხლები, სტილეტოები);

2.5.5. აალებადი, ცეცხლსაშიში, ფეთქებადი, რადიოაქტიური ან სხვა მავნე ნივთიერებები, საბრძოლო მასალა, ბუნებრივი აირი, ინფექციური, ტოქსიკური ან კოროზიული მასალები, რომლებმაც თავიანთი ბუნებით შეიძლება საფრთხე შეუქმნან გარემოს;

2.5.6. კანონით დადგენილი სპეციალურ კონტროლს დაქვემდებარებული ნარკოტიკები და სხვა ფსიქოტროპული ნივთიერებები;

2.5.7. საკვები პროდუქტები, ალკოჰოლური სასმელები, ეთილის სპირტი, მაღალი ოქტანური ჟანგბადის შემცველი მინარევები, თამბაქო;

2.5.8. 500 ლარზე მეტი ღირებულების საქონელი;

2.5.9. მოპარული საქონელი;

2.5.10. სხვა ნივთები, რომელთა მიწოდება ან ტრანსპორტირება კანონით დაუშვებელია, აგრეთვე ნივთები, რომელთა ტრანსპორტირება ან მიწოდება შეუძლებელია დამატებითი ლიცენზიების, ნებართვების და ა.შ. გარეშემ რომლის მოპოვებაც ეკისრება კლიენტს ან მიმღებს (მაგალითად, მედიკამენტები, რომლებიც საჭიროებენ ექიმის დანიშნულებას).

2.5. მძღოლი უფლებამოსილია გააუქმოს ამანათის მიწოდება, თუ მიღებისთანავე მძღოლი აღმოაჩენს ან აქვს გონივრული ეჭვი, რომ ამანათი არის „გაუთვალისწინებელი“ კატეგორიის ან არ არის შესაფერისი მიწოდებისთვის. ასეთ შემთხვევებში მძღოლი კლიენტს გადაუხდის გაუქმების საფასურს. მძღოლი აცნობიერებს, რომ „გაუთვალისწინებელი“ ამანათის მიწოდებამ შეიძლება გამოიწვიოს სამოქალაქო ან სისხლის სამართლის პასუხისმგებლობა.

2.6. თანახმაა აანაზღაუროს, გადაჭრას წამოჭრილი საკითხები და დაიცვას Bolt-ი ნებისმიერი დანაკარგისა ან ზიანისგან (სამართლებრივი გადასახადების ჩათვლით), რომელიც შეიძლება მას მიადგეს მესამე მხარის პრეტენზიიდან გამომდინარე (მიმღების პრეტენზიის ჩათვლით), რამდენადაც ასეთი მოთხოვნა ეფუძნება მძღოლის მიერ ამანათის მიწოდების წინამდებარე ზოგადი წესების და პირობების დებულებების ნებისმიერ დარღვევას.

2.7. მძღოლი არის პასუხისმგებელი მიწოდების ხელშეკრულების დაცვაზე და მიწოდების ხელშეკრულების ფარგლებში წარმოდგენილ ნებისმიერ პრეტენზიაზე. Bolt არ არის პასუხისმგებელი მიწოდების ხელშეკრულების შესრულებაში რაიმე უზუსტობაზე ან შეუსაბამობაზე, ასევე არ არის პასუხისმგებელი საგზაო მოძრაობის წესების დარღვევაზე ან უბედურ შემთხვევაზე, რომელიც შესაძლებელია მოხდეს მიწოდების ხელშეკრულების შესრულებისას.

2.8. თუ კლიენტი წამოაყენებს პრეტენზიას მიწოდების ხელშეკრულების დარღვევიდან გამომდინარე, მძღოლი ათავისუფლებს Bolt-ს სარჩელთან დაკავშირებით ნებისმიერი პასუხისმგებლობისგან. 

2.9. მძღოლის სრული პასუხისმგებლობა ქონებრივი ზიანისთვის ან თანმდევი ზიანისთვის, როგორიცაა ნივთის დაკარგვა, ქურდობა, ქონებრივი დაზიანება ან ამანათში არსებული ნივთების განადგურება, უნდა იყოს (i) დაზიანებული ამანაში არსებული ნივთების თავდაპირველ ღირებულებაზე მეტი; ან (ii) მათი შეკეთების ან აღდგენის ოდენობა, ორივე შემთხვევაში 500 ლარის ექვივალენტის ლიმიტამდე.

2.10. Bolt-ის აპლიკაცია კლიენტს მიეწოდება ისეთი სახით „როგორც არის“. Bolt არ არის პასუხისმგებელი Bolt აპლიკაციის ნებისმიერ შეფერხებაზე, კავშირის შეცდომებზე, მიუწვდომლობაზე ან წარუმატებლობაზე. Bolt-ის მთლიანი პასუხისმგებლობა იმავე მომხმარებლის ნებისმიერი პრეტენზიის მიმართ, რომელიც იყენებს Bolt App-ს, იქნება ეს დელიქტური, შეთანხმების ან სხვა მიზეზების საფუძველზე, არ აღემატება 500 ევროს ან Bolt-ისთვის გადახდილ საფასურს და გამომდინარეობს იმ ოდენობიდან რომელიც უფრო ნაკლებია.

2.11. მძღოლებს უფლება აქვთ მიიღონ ან უარი თქვან ამანათის აღებაზე ან მიწოდებაზე რაიმე მიზეზით, შეკვეთის მიღებამდე. შეკვეთის მიღებისას, მძღოლი იღებს ვალდებულებას კლიენტის წინაშე ამანათის მიწოდებაზე, ხოლო ამანათის მიწოდებაზე უარის თქმა დაიშვება მხოლოდ ამანათის მიწოდების წინამდებარე ზოგადი წესებისა და პირობების 2.5 და 2.6 პუნქტებში მითითებულ საფუძვლებზე ან მძღოლებისთვის შედგენილ ზოგადი პირობებით გათვალისწინებული მიზეზით. 

3. ამანათის მიწოდების შეკვეთა BOLT აპლიკაციის საშუალებით

3.1. კლიენტი ახორციელებს მძღოლის მიერ ამანათის მიწოდების შეკვეთას მიმღების ადგილმდებარეობის მიზედვით. კლიენტი და მძღოლი დებენ მიწოდების ხელშეკრულებას მძღოლის მიერ შეკვეთის დადასტურების შემდეგ.

3.2. მძღოლი ვალდებულია შეკვეთის გაფორმების შემდეგ  მიაწოდოს ამანათი კლიენტის მიერ მითითებულ მიწოდების ადგილზე.

3.3. იმ შემთხვევაში, თუ ამანათის მიწოდება შეუძლებელია კლიენტის და/ან მიმღების ბრალით გამოწვეული მიზეზის გამო, 3.2 პუნქტის შესაბამისად, მძღოლი უნდა დაუკავშირდეს Bolt-ის სერვის-ცენტრს, რათა გადასცეს Bolt-ს ინფორმაცია მიწოდების გაუქმების შესახებ და სრულად დააკისროს კლიენტს მიწოდების საკომისიოს გადახდა სა საჭიროების შემთხვევაში, გაუქმების საფასურიც, ასევე რათა მიიღოს დამატებითი რჩევა ამანათთან დაკავშირებით. თუ მძღოლს დაევალა კლიენტისთვის ამანათის დაბრუნება, მძღოლი ვალდებულია დაუბრუნოს ამანათი მომხმარებელს და კლიენტს შეიძლება დაეკისროს საკომისიო ასეთი დაბრუნებისთვის. ამანათთან დაკავშირებით ინსტრუქციის მიღებამდე მძღოლმა უნდა უზრუნველყოს ამანათის სწორად შენახვა. ამანათის მიმღებისთვის გადაცემის შემდეგ, მძღოლი Bolt-ის აპლიკაციაში აღნიშნავს მიწოდებას როგორც „შესრულებულს“.

3.4. ბოლტი, მძღოლის მიმართვის საფუძველზე, უფლებამოსილია გააუქმოს მიწოდება და სრულად დააკისროს კლიენტს მიწოდების საფასური, საფასური, თუ მიმღები არ იქნება ხელმისაწვდომი მიწოდების ადგილზე მძღოლის ადგილზე მისვლის მომენტიდან 5 წუთის განმავლობაში.

3.5. მძღოლს ეკრძალება რაიმე შეფუთვის დამატება ან ამოღება და უნდა მოახდინოს ამანათის მიწოდება კლიენტის მიერ მომზადებული სახით. მძღოლს არ აქვს უფლება შეცვალოს, დაამატოს, ამოიღოს ან დააზიანოს ამანათი რაიმე ფორმით და უნდა უზრუნველყოს, რომ ამანათი იქნას შენახული დაუზიანებელ მდგომარეობაში, დაიცვას იგი განადგურებისგან, დაკარგვისგან, ასევე გამოიჩინოს სათანადო ყურადღება სატრანსპორტო საშუალების მართვისას. 

3.6. Bolt იტოვებს უფლებას მოახდინოს კლიენტის ამანათის მიწოდებასთან, დაბრუნებასთან, ხელახლა მიწოდებასთან ან განკარგვასთან დაკავშირებული გონივრული ხარჯების ანაზღაურება მძღოლის მოთხოვნით, Bolt აპლიკაციაში კლიენტის ნებისმიერი გადახდის მეთოდის გამოყენებით (ბოლტის ბალანსის ჩათვლით). ეს თანხები Bolt-ის მიერ გადაირიცხება შესაბამისი მძღოლის ანგარიშზე.

3.7. Bolt აპლიკაციის მეშვეობით ამანათის მიტანის სერვისით სარგებლობისას გამორიცხულია ნაღდი ანგარიშსწორება.

4. მომსახურების გაუქმება და შეჩერება

4.1. Bolt-ს უფლება აქვს დაუყოვნებლივ წაშალოს მძღოლი Bolt-ის აპლიკაციიდან და/ან უარი თქვას ან გააუქმოს ნებისმიერი ამანათის მიწოდება, თუ ეს გამოიწვევს Bolt აპლიკაციის რაიმე ფორმით ბოროტად გამოყენებას ან ზიანის მიყენებას, თუ Bolt-ს აქვს გონივრული საფუძველი, იფიქროს, რომ მძღოლმა ჩაიდინა თაღლითური ქმედება Bolt-ის აპლიკაციით სარგებლობისას, ან თუ მძღოლი სხვაგვარად ვერ შეასრულებს თავის ვალდებულებებს ამანათის მიწოდების ზოგადი წესებითა და პირობებით გათვალისწინებული დებულებების თანახმად (მაგალითად, ამანათის მიმრებისთვის მიწოდებლობა არანაკლებ ორჯერ მომხმარებელთან ან მიმღებთან დაუკავშირებელი მიზეზების გამო, ან თუ ზიანს აყენებს ამანათს მიტანის პროცესში).

4.2. მძღოლს არ აქვს უფლება გამოიყენოს Bolt აპლიკაცია რაიმე უკანონო მიზნებისთვის, მათ შორის ფულის გათეთრებისთვის. თუ მძღოლი არღვევს ამ დებულებას, Bolt-ს შეუძლია სამუდამოდ შეუწყვიტოს მძღოლს Bolt აპლიკაციით სარგებლობის უფლება.

5. დასკვნითი დებულებები

5.1. Bolt-ი უფლებამოსილია დროთა განმავლობაში შეიტანოს გარკვეული ცვლილებები ამანათის მიწოდების შესახებ ზოგად წესებსა და პირობებში. ჩვენ შეგატყობინებთ ნებისმიერი ცვლილების შესახებ გონივრულ ვადაში, შესაბამისი შეტყობინების მიწოდების გზით. გთხოვთ შეწყვიტოთ ჩვენს მეშვეობით ამანათის მიწოდების სერვისი, თუ არ ეთანხმებით განახლებულ წესებს და პირობებს. იმ შემთხვევაში, თუ შეტყობინების მიწოდების მომენტიდან გონივრული პერიოდის გასვლის შემდეგ, განაგრძობთ ამანათის მიწოდებას, მოიაზრება, რომ თქვენ დაეთანხმეთ განახლებულ წესებს და პირობებს.

5.2. ამანათების მიწოდების შესახებ ზოგადი წესები და პირობები არ ზღუდავს ან გამორიცხავს რაიმე პასუხისმგებლობას, რომელიც არ შეიძლება იყოს შეზღუდული ან გამორიცხული კანონით, მათ შორის პასუხისმგებლობას გაუფრთხილებლობით პირის გარდაცვალების ან ზიანის მიყენების გამო, ან პასუხისმგებლობას თაღლითობის ან თქვენს უფლებებთან დაკავშირებით განზრახ შეცდომაში შეყვანის გამო, რომლებიც არ შეიძლება გამოირიცხოს მოქმედი კანონმდებლობის შესაბამისად.

5.3. Bolt იტოვებს უფლებას ნებისმიერ დროს შეწყვიტოს ამანათის გარკვეული კატეგორიის  მიწოდება საკუთარი შეხედულებისამებრ Bolt აპლიკაციაში. Bolt წინასწარ შეგატყობინებთ აღნიშნული შეწყვეტის შესახებ.