Bolt компаниясында біз адамдарға арналған қалаларды қалыптастыруды мақсат етеміз. Осы миссия аясында біз бірқатар баламалы мобилділік және жеткізу шешімдерін ұсынамыз, оның ішінде сұраныс бойынша жолаушылар тасымалына арналған қосымша арқылы шақыру қызметі, каршеринг, электрлі велосипедтер мен электрлі самокаттарды жалға беру, сондай-ақ тағам мен азық-түлік жеткізу қызметтері бар. Сіздің қауіпсіздігіңіз – біздің басты басымдығымыз, және бұл сіз Bolt қызметтерін (Bolt Платформасы мен Bolt мобильді қосымшасын қоса алғанда) пайдаланған кезде өңдейтін дербес деректеріңіздің қорғалуын да қамтиды.
Осы Құпиялылық туралы хабарламаның соңғы жаңартылған күні: 2025 жылғы 28 шілде
Мазмұны
1. Осы Құпиялылық туралы хабарлама жөнінде
2. Бізбен қалай байланысуға болады?
3. Біз қандай дербес деректерді өңдейміз?
4. Дербес деректеріңізді қандай мақсаттарда және қандай заңды негізде өңдейміз?
Bolt қызметтерін ұсыну
Қолданушыларды қолдау
Қауіпсіздік пен қорғауды қамтамасыз ету
Маркетинг және жарнама
Қызметтік коммуникациялар
Bolt қызметтерін зерттеу және жетілдіру
Сот ісін қарау және заңнама талаптарын сақтау
5. Дербес деректеріңізді кімдермен бөлісеміз?
6. Bolt сіздің дербес деректеріңізді шетелге жібере ме?
7. Біз сіздің дербес деректеріңіздің қауіпсіздігін қалай қамтамасыз етеміз?
8. Біз сіздің дербес деректеріңізді қанша уақыт сақтаймыз?
9. Сіздің қандай құқықтарыңыз бар?
10. Біз сіздің дербес деректеріңізді тікелей маркетинг үшін қалай пайдаланамыз?
11. Юрисдикцияға байланысты ақпаратты ашу
12. Осы Құпиялылық туралы хабарламаның өзгерістері туралы сізге қалай хабарлаймыз?
1. Осы Құпиялылық туралы хабарлама жөнінде
Осы Құпиялылық туралы хабарлама (бұдан әрі – «Хабарлама») Bolt Operations OÜ (бұдан әрі – «Bolt», «біз» немесе «бізді») компаниясының, сондай-ақ Bolt тобына кіретін компаниялар мен үшінші тұлғалар-серіктестердің микромобилділік саласындағы электр көліктерді, соның ішінде электрлі самокаттар мен электрлі велосипедтерді, Bolt мобильді қосымшасы арқылы пайдаланатын тұлғалардың дербес деректерін қалай жинап, пайдаланатынын сипаттайды. Мұндай тұлғалар бұдан әрі «Қолданушылар» деп аталады. «Сіз» немесе «сіздің» деген сөздер Bolt қолданушысын білдіреді. Bolt компаниясы және оның құрамына кіретін ұйымдар туралы, оның ішінде сіздің еліңіздегі нарықта әрекет ететін және сіздің дербес деректеріңізді жинауға және өңдеуге келісім беруді қабылдайтын тиісті Bolt компаниясы туралы қосымша ақпаратты мына сілтеме арқылы таба аласыз. Осы Хабарлама сіз Bolt тіркеулік жазбасын тіркеу кезінде берген дербес деректерді жинауға және өңдеуге келісіміңіздің (бұдан әрі – «Келісім») ажырамас бөлігі болып табылады.
Хабарлама сіздің дербес деректеріңіздің қорғалуына қатысты біздің міндеттемелеріміз туралы хабардар етеді, сондай-ақ сіздің құпиялылыққа қатысты құқықтарыңыз бен деректеріңізді басқару мүмкіндіктерін түсіндіреді.
Бұл Хабарлама бүкіл әлем бойынша Bolt Платформасы арқылы микромобилділік саласында (электрлі самокаттар мен электрлі велосипедтер) жалға алу қызметтеріне тапсырыс беретін және пайдаланатын барлық тұлғаларға қолданылады. Хабарламаны Bolt қызметтерін пайдалану шарттарын, нұсқаулықтарын және саясаттарын қамтитын құжаттармен бірге оқу керек, олар https://bolt.eu/legal мекенжайы бойынша қолжетімді.
Назар аударыңыз: біздің дербес деректерді өңдеу қызметіміз жұмыс істейтін елдердегі әртүрлі заңдар мен нормативтік актілермен реттелуі мүмкін. Бұл дегеніміз, осы Хабарламада сипатталған дербес деректерді өңдеу әрекеттері тек тиісті заңнама рұқсат еткен юрисдикцияларда ғана жүзеге асырылады. Сіздің юрисдикцияңызға қолданылатын деректерді ашуға және құқықтық реттеу ерекшеліктеріне қатысты толық ақпаратты «Юрисдикцияға байланысты ақпаратты ашу» атты 11-бөлімнен қараңыз.
2. Бізбен қалай байланысуға болады?
Bolt (немесе сіздің нарығыңызда жұмыс істейтін тиісті Bolt тобы компаниясы – толығырақ осы жерден қараңыз) осы Хабарлама шеңберінде өңделетін дербес деректердің операторы болып табылады. Біз Ғаламдық деректерді қорғау жөніндегі маманды және Деректерді қорғау бөлімі командасын тағайындадық. Сіз олармен [email protected] электрондық поштасы арқылы байланыса аласыз. Хабарлама тақырыбында: «Bolt деректерді қорғау жөніндегі маманына» деп көрсетуді ұмытпаңыз. Сондай-ақ, қосымшаның басты мәзіріндегі «Қолдау қызметі» бөліміне өту арқылы құпиялылыққа қатысты сұрақтарыңызды қоюыңызға болады. Қолдау қызметінің мамандары сіздің сұранысыңызды Bolt компаниясының Құпиялылық жөніндегі заң бөліміне жолдайды. Сіз өзіңіздің дербес деректеріңіздің көшірмесін тікелей қосымша арқылы сұрата аласыз. Ол үшін мәзірге кіріп, өз атыңызды басыңыз > «Құпиялылық» > «Сіздің дербес деректеріңіз» тармағын таңдаңыз.
3. Біз қандай дербес деректерді өңдейміз?
Біз келесі дербес деректерді жинаймыз және өңдейміз:
- Сіз Bolt-қа ұсынған дербес деректеріңіз;
- Bolt қызметтерін пайдалануыңыз барысында алынған деректер;
- және басқа дереккөздерден алынған деректер, мысалы, Bolt атынан қызмет көрсететін уәкілетті үшінші тұлғалардан, сондай-ақ кейбір елдерде мемлекеттік немесе жалпыға қолжетімді тізілімдерден алынған деректер.
Төмендегі кестеде біз сізге қатысты өңдейтін дербес деректер санаттары көрсетілген.
Дербес деректер санаты | Дербес деректердің сипаттамасы |
Сіз Bolt-қа ұсынған дербес деректер | |
Профиль деректері | Біз Bolt Платформасына қол жеткізу үшін тіркелу және/немесе Bolt мобильді қосымшасын пайдалану кезінде келесі дербес деректерді жинаймыз:
|
Төлем деректері | Біз сіздің төлем әдістеріңізге қатысты ақпаратты жинаймыз, оған мыналар кіреді: банк атауы, банктік шот нөмірі, банктік сәйкестендіру коды, банк картасының деректері, төлем растау деректері және Bolt Платформасындағы транзакциялар тарихы. |
Сәйкестендіру / верификациялау деректері | Біз сізді сәйкестендіру үшін қажет болған жағдайда жеке басыңызды куәландыратын құжаттарды жинаймыз. Бұған мемлекеттік немесе ұлттық жеке куәлік (мысалы, төлқұжат, жеке куәлік немесе жүргізуші куәлігі), сондай-ақ сіз жіберген фотосуреттер немесе бейнелер (мысалы, селфи) жатады. |
Демографиялық деректер | Біз жас және жыныс сияқты демографиялық деректерді жинаймыз. |
Сауалнама / сұхбат деректері | Біз сауалнамаларға немесе сұхбаттарға қатысу барысында жіберген демографиялық ақпаратты және жауаптарыңыздың мазмұны мен тіркелген файлдарды жинаймыз. |
Bolt қосымшасын пайдалану барысында алынған дербес деректер | |
Геолокация деректері | Қосымшаның параметрлеріне және құрылғының рұқсаттарына байланысты, біз сіздің мобильді құрылғыңыздан нақты және/немесе жуық географиялық орналасу деректерін (GPS пен IP мекенжайын қоса алғанда) Bolt қосымшасын ашқан және пайдаланған сәтте жинаймыз. Сондай-ақ, біз электрлі самокаттар мен электрлі велосипедтердің нақты уақыттағы орналасуын, сізге жақын көлік құралдарының орналасуын, маршруттың басталу нүктесін, сапардың басталу уақытын, қозғалыс барысын және аяқталу орнын қадағалаймыз. Бұл деректер тек Bolt қосымшасы іске қосылған кезде жиналады және қосымша жабылғаннан кейін тоқтайды. Сіз Bolt қосымшасын мобильді құрылғыңызда геолокацияны қоспай да пайдалана аласыз, алайда бұл кейбір функциялардың жұмыс істеуіне әсер етуі мүмкін, мысалы, сапардың басталу мекенжайын қолмен енгізу қажет болады. |
Қосымшаны пайдалану деректері | Біз сіздің Bolt қосымшасын пайдалану бойынша дербес деректерді жинаймыз, оған сапарлар туралы ақпарат (күні, уақыты, басталу және аяқталу нүктесі, географиялық координаттары, қашықтығы, маршруты, электрлі көлік түрі, тапсырыстың бағасы және валюта), тапсырыстар тарихы (күйі, төлем тарихы, қолданылған купондар немесе промокодтар), бас тартулар тарихы, қосымшаға кіру және шығу күні мен уақыты, қаралған функциялар мен беттер, браузер түрі, қосымшаның істен шығуы және басқа жүйелік белсенділік кіреді. Біздің электрлі самокаттар мен электрлі велосипедтер сонымен қатар сенсорлардан алынған мәліметтерді - жылдамдық, бағыт, бағдарлау, үдеу және басқа техникалық параметрлерді жинауы мүмкін. |
Электрлі көлік сенсорларынан алынған деректер | Электрлі самокаттар мен электрлі велосипедтердегі сенсорлар арқылы біз телематикалық ақпаратты жинаймыз, оған жылдамдық, қозғалтқыш қуаты және жүргізу стилі туралы деректер кіреді, жылдамдықты асыру, күрт тежелу, тайғанау, сондай-ақ жолаушы мен заттардың жалпы салмағы және салмақтың өзгерістері. |
Коммуникациялық деректер | Қолдау қызметіне қосымшадағы чат арқылы шағым немесе оқиға (апат, зақымдану, жарақат, ұрлық немесе көлік жоғалту) туралы хабар беру, сондай-ақ электрондық пошта, веб-форма немесе телефон арқылы хабарласқан кезде, біз сіздің хат алмасу және өзара әрекет деректеріңізді жинаймыз. Хабарламалар мен қоңыраулардың күні, уақыты, мазмұны және (қоңырау болған жағдайда) телефон нөмірі тіркеледі. Қоңыраулар тек алдын ала ескерту болған жағдайда жазылады. |
Қолданушы жасаған деректер | Сіз бізге контент жіберген кезде біз дербес деректерді жинаймыз, мысалы, тұраққа қойылған электрлі самокаттардың суреттері, дулыға пайдалануды растау үшін селфилер, бейнелер, Қолдау қызметіне жіберілген файлдар. Сондай-ақ бұл сіздің Bolt-қа хабарласу әдісіңізге қатысты метадеректерді қамтиды. |
Қауіпті жүргізуді бағалау | Қауіпті жүргізуді бағалау – бұл электрлі көліктен алынған деректер негізінде есептелетін көрсеткіш. Ол біріккен (тандемдік) сапарлар, дұрыс емес тұрақ, қайталанатын күрт үдеулер мен тежелулер, тайғанау сияқты әрекеттерге негізделген. Әрбір мінез-құлық жүйеде балдармен белгіленеді. Жүргізу стилі әр бес сапар сайын бағаланады. |
Ескерту мен бұғаттауға қатысты деректер | Біз сізге берілген ескертулер мен бұғаттаулар туралы ақпаратты жинаймыз. Бұл келесі ақпаратты қамтиды: ескерту немесе бұғаттау күні(дері) және олардың қолданылу мерзімі. |
Құрылғы туралы деректер | Біз сіз Bolt қосымшасына кіретін құрылғылар туралы ақпаратты жинаймыз, оған құрылғы моделі, IP мекенжайы, бірегей сәйкестендіргіштер (UUID, жарнамалық сәйкестендіргіштер), операциялық жүйе, браузер мен қосымша нұсқасы, өндіруші, байланыс операторы, таңдалған тіл жатады. |
Cookie файлдары, SDK, аналитика және үшінші тарап технологиялары арқылы алынған деректер | Bolt қосымшасындағы навигацияны бақылау, қауіпсіздік пен ыңғайлылықты арттыру, басқа ресурстардағы жарнамаларды бейімдеу (маркетинг параметрлеріңізге сәйкес) және сіздің қалауларыңызды сақтау мақсатында біз cookie файлдарын, пикселдерді, аналитикалық құралдарды, SDK және басқа үшінші тарап технологияларын (мысалы, жарнамалық сәйкестендіргіштер) пайдаланамыз. Cookie файлдары туралы толығырақ Cookie файлдарын пайдалану туралы мәлімдемеден қараңыз |
Басқа дереккөздерден алынған дербес деректер | |
Байланыс деректері | Біз сіз туралы байланыс деректерін келесі жағдайларда жинаймыз: Bolt қосымшасына LinkedIn, Facebook немесе Twitter сияқты үшінші тарап қызметтері арқылы қосылған кезде; басқа Қолданушы сізге жолдама бағдарламасы аясында шақыру жіберген кезде; немесе сіз жұмыс берушіңіз ұсынған Bolt Business корпоративтік тіркелгісі арқылы Bolt қосымшасын пайдаланған жағдайда. Мұндай деректерге мыналар кіреді:
|
4. Дербес деректеріңізді қандай мақсаттарда және қандай заңды негізде өңдейміз?
Төмендегі кестеде мыналар көрсетілген:
- сіздің дербес деректеріңізді өңдеу мақсаттары;
- деректерді қорғау туралы заңнамаға сәйкес өңдеудің заңды негізі (сондай-ақ «құқықтық негіз» деп аталады);
- әрбір мақсат шеңберінде пайдаланылатын дербес деректер санаттары. Дербес деректердің санаттары туралы толық ақпаратты «Өңделетін дербес деректер» атты 3-бөлімнен қараңыз.
Төменде Bolt компаниясының сіздің дербес деректеріңізді өңдеу кезінде сілтеме жасайтын заңды негіздері бойынша түсіндірме берілген. Бұл түсініктемелер кестенің мазмұнын жеңіл қабылдауға көмектеседі:
- Шартты орындау: Дербес деректеріңізді өңдеу Bolt (немесе үшінші тараптар) Bolt электр көліктерін пайдалануға байланысты ғаламдық қызмет көрсету шарттарына сәйкес көрсететін қызметтерді ұсыну үшін қажет болғанда, сондай-ақ шарттық міндеттемелерімізді орындау үшін. Егер өңдеудің құқықтық негізі ретінде шартты орындау көрсетілсе және сіз тиісті ақпаратты беруден бас тартсаңыз, Bolt қызметтерінің кейбір функцияларына немесе сервистеріне қол жеткізе алмай қалуыңыз мүмкін.
- Заңды мүдделер: Біз дербес деректеріңізді өзіміздің заңды мүдделерімізге сүйене отырып өңдеу үшін. Бұл Bolt компаниясының коммерциялық және коммерциялық емес мүдделерін қамтиды және сізге, басқа Қолданушыларға және үшінші тұлғаларға арналған инновациялық, дараландырылған әрі қауіпсіз қызметтерді ұсынуға бағытталған. Егер төмендегі кестеде біз заңды мүдделерге сілтеме жасасақ, онда біз осы мүдделердің қысқаша сипаттамасын береміз. Егер сіз осы негізге (соның ішінде тепе-теңдік тестілеуіне) қатысты толық ақпарат алғыңыз келсе, «Бізбен қалай байланысуға болады?» атты 2-бөлімде көрсетілген тәртіппен бізбен хабарласыңыз. Кейбір елдерде заңды мүдде құқықтық негіз ретінде қабылданбайтын болса, біз баламалы қолданыстағы заңды негізге сүйенеміз
- Келісім: Біз сіздің дербес деректеріңізді белгілі бір мақсатта пайдалану үшін сіздің белсенді келісіміңізді сұраймыз, бұл туралы сіз алдын ала хабардар етілесіз. Егер біз деректеріңізді келісім негізінде өңдейтін болсақ, сіз бұл келісімді кез келген уақытта кері қайтарып ала аласыз. Келісімнен бас тарту оған дейін жүргізілген өңдеудің заңдылығына әсер етпейді.
- Заңнамалық міндеттемелерді сақтау: Біз белгілі бір юрисдикцияларда қолданыстағы заңдар мен нормативтік талаптарды сақтау мақсатында, мысалы, лицензиялау шарттарын, салық және бухгалтерлік есеп жүргізу талаптарын орындау үшін сіздің дербес деректеріңізді өңдеуге міндеттіміз. Егер сіз мұндай деректерді ұсынудан бас тартсаңыз, бұл Bolt компаниясының сізге қызмет көрсету мүмкіндігіне кері әсер етуі мүмкін.
Өңдеу мақсаты | Құқықтық негіз | Дербес деректер санаттары |
Bolt қызметтерін ұсыну | ||
Bolt тіркеулік жазбаңызды жасау, жаңарту және қолдау |
|
|
Тіркеулік жазбаны сәйкестендіру және жеке басыңызды тексеру Біз сіздің өзіңіз туралы мәлімет берген адам екеніңізге көз жеткізу, сондай-ақ жасыңыз бен жергілікті заңнамаға сәйкес Bolt тіркеулік жазбасын пайдалануға құқықты екеніңізді тексеру үшін ақпарат жинаймыз. Bolt қызметі тек 18 жастан асқан және қолданыстағы заңнамаға сәйкес электрсамокатты басқаруға рұқсаты бар Қолданушыларға арналған. Тиісті функцияны іске қосқан кезде, бұрын жасы тексерілмеген Қолданушылар электрсамокатты жалға алуға тырысқанда верификация экраны пайда болады. Олардан жеке басын куәландыратын құжатты таңдап, оның фотосуретін түсіру сұралады. Тексеру бірнеше секунд немесе минут ішінде жүзеге асырылады, содан кейін нәтиже көрсетіледі. Егер сіз жеке басыңызды растай алмасаңыз, верификация аяқталғанға дейін Bolt қызметтеріне қол жеткізу уақытша тоқтатылады. |
|
|
Микромобилділік қызметтерін және өзге де функциялар/қызметтерді іске қосу, жетілдіру және дараландыру Біз қолжетімді электр көліктерімен сәйкестендіру арқылы сізге керек жерге жетуге көмектесеміз. Геолокация деректерін пайдаланып, жақын маңдағы көліктерді көрсетеміз және олардың орналасуын растаймыз. Bolt қосымшасы арқылы геолокация деректерін ұсынудан бас тарту шартты орындауға кедергі келтіруі мүмкін және көліктің орналасуын көрсету мүмкін болмайды. |
|
|
Сапардың үзіліссіз өтуін қамтамасыз ету Біз сіздің тағайындалған жерге аман-есен жетуіңізді қамтамасыз ету үшін геолокация деректерін қолданамыз, сондай-ақ маршрут деректерін географиялық қамту аясын талдау, тұрақ және пайдалану аймақтарын бақылау үшін пайдаланамыз. Bolt электрлі самокаттармен сапарлардың басталу және аяқталу нүктелерін, қажет болған жағдайда уақытша аялдамалар координаттарын да өңдейді, бұл көлік паркін тиімді пайдалану үшін талдау және оңтайландыру жүргізуге мүмкіндік береді. Бұл бізге ең тиімді маршруттарды ұсынуға және сапар кезінде барынша жайлылықты қамтамасыз етуге көмектеседі. Сонымен қатар, бұл деректер электрлі самокаттарды Қолданушылар үшін ең ыңғайлы жерлерге орналастыруға мүмкіндік береді. Сондай-ақ, сапардың басталуы мен аяқталуын тіркеу үшін қосымша пайдалану деректері мен геолокация деректерін жинаймыз, бұл Bolt қызметтері мен қосымшасының сапасына қатысты мәселелерді шешуге көмектеседі. |
|
|
Bolt қосымшасының дұрыс жұмысын қамтамасыз ету Қосымшаның жаңартылғаны жөнінде хабарлау үшін біз сіздің байланыс деректеріңізді пайдаланамыз, бұл сіздің Bolt қызметтерін әрі қарай пайдалана алуыңыз үшін қажет. Сондай-ақ, Bolt қосымшасына қосылу мүмкіндігін қамтамасыз ету және тіркеулік жазбаңыздың қауіпсіздігін сақтау үшін құрылғы туралы деректері және қосымшаны пайдалану деректері сәйкестендіру мен тексеру мақсатында пайдаланылады. |
|
|
Бағаны есептеу және төлемдерді өңдеу Төлемдерді жүзеге асыру және растау мақсатында біз төлем деректерін жинаймыз, ал сапар құнын есептеу және бастапқы/аяқталу нүктесіне негізделген дұрыс шотты ұсыну үшін геолокация деректерін пайдаланамыз. |
|
|
Көлік паркіне қызмет көрсету және электр көліктерінің зақымдануын анықтау Біз сіздің көлік құралын қайда қалдырғаныңызды білу үшін геолокация деректерін пайдаланамыз, бұл аккумуляторларды қайта қуаттандыру және техникалық қызмет көрсету үшін қажет. Сондай-ақ, сенсор деректері арқылы көліктің зақымдануын, техникалық жағдайын, жұмыс көрсеткіштерін және жарамдылығын анықтаймыз, бұл әрбір көлік құралының тапсырыс беруге дайын және жұмыс күйінде болуын қамтамасыз ету үшін қажет. Сонымен қатар, бізге ұрлық, ұрлық күдігі, оқиға немесе апат болған жағдайда көлік құралының орналасқан жерін анықтай білу маңызды. |
|
|
Жұмыс беруші (Bolt Business клиенті) арқылы ұсынылатын қызметтерді пайдалану және төлемді басқару Егер сіз Bolt қызметтерін жұмыс беруші (Bolt Business клиенті) арқылы қолдансаңыз, біз сіздің байланыс деректеріңізді, сондай-ақ сапардың басталу және аяқталу нүктелері мен уақыты жөніндегі деректерді жинаймыз және оларды жұмыс берушіңізге береміз. |
|
|
Bolt қызметтерінің сапасы бойынша кері байланыс жинау (сауалнамалар мен сұхбаттар арқылы) Сауалнамалар мен сұхбаттар Bolt қызметтеріне қанағаттану деңгейін, қауіпсіздік туралы пікіріңізді және жалпы қолдану тәжірибеңізді бағалауға бағытталған. Бұл бізге негізделген шешімдер қабылдап, қызмет сапасын арттыруға көмектеседі. Сауалнамалар мен сұхбаттар барысында жиналған деректерді біз зерттеу серіктестерімізге талдау үшін беруіміз мүмкін. |
|
|
Сіздің жеңілдіктер мен арнайы ұсыныстарға құқығыңызды анықтау Біз кейбір қала әкімдіктерімен бірлесіп, микромобилділік қызметтеріне жеңілдіктер немесе арнайы ұсыныстар бағдарламаларын ұсынуымыз мүмкін. Егер сіз осындай бағдарламаға қатысу үшін өтініш бергіңіз келсе, біз сіздің сәйкестігіңізді тексеру үшін жеке басыңызды растайтын құжаттарды сұрауымыз мүмкін. |
|
|
Қолданушыларды қолдау | ||
Қолдау қызметін көрсету, кері байланысты алу және өңдеу. Біз сіздің дербес деректеріңізді сұрауларыңызды қарау және шешу мақсатында өңдейміз. Бұған қауіпсіздікке байланысты оқиғалар, күдікті құқық бұзушылықтар және шағымдар туралы хабарламалар кіреді. Сондай-ақ сіз ұсынған деректерді қызмет көрсету сапасындағы мәселелерді шешу және Bolt сервистерін жетілдіру үшін пайдаланамыз. Қауіпсіздікке байланысты оқиғалар болған жағдайда қауіпті жүргізуді бағалау тек Bolt Қолдау қызметі және/немесе Қауіпсіздік топтары тарапынан, тек сіздің қатысуыңызбен болған нақты оқиғаларды тергеу шеңберінде ғана талданады. Шағымдарды қосымшадағы автоматтандырылған чат арқылы өңдеу үшін автоматтандырылған процестер қолданылуы мүмкін. Мұндай процестерге шағым білдіру тәртібі туралы толығырақ ақпаратты «Сізде қандай құқықтар бар?» атты 9-бөлімнен қараңыз. |
Сонымен қатар, бұл қауіп-қатерлер мен теріс пайдалану жағдайларына жауап беру, қауіпсіздікті, адалдықты және сенімділікті қамтамасыз ету және Bolt электр көліктерін пайдалану шарттарына сәйкес қызметтердің дұрыс қолданылуын қамтамасыз ету біздің және Қолданушыларымыздың заңды мүдделеріне сай келеді.
|
|
Қауіпсіздік пен қорғауды қамтамасыз ету | ||
Қауіпсіздікті қамтамасыз ету функцияларын іске асыру Bolt сервистерінің қауіпсіздігін қамтамасыз ету үшін біз Қолданушылардың қауіпсіздігін арттыруға бағытталған бірқатар функцияларды енгіздік. Оларға мыналар жатады: - Біріккен (тандемдік) сапарлар жағдайларын анықтау Біз бір самокатты бір мезгілде бірнеше адамның қолдануын (тандемдік сапарлар) анықтау және жаяу жүргіншілермен соқтығысу сияқты оқиғаларды азайту үшін деректер жинаймыз. Жиналатын деректер тек қозғалтқыштың тартылу күші мен бойлық үдеуді көрсететін акселерометр көрсеткіштерімен шектеледі. Осы көрсеткіштер негізінде самокатты бір адам ба, әлде бірнеше адам ба басқарып жатқанын анықтауға мүмкіндік беретін коэффициент есептеледі. - Қауіпті жүргізуді анықтау жүйесі Электрлі самокаттарды Қолданушылардың және өзге жол қозғалысына қатысушылардың қауіпсіздігін арттыру мақсатында қауіпті жүргізуді анықтау жүйесін әзірледік. Біз электр көліктердегі сенсорлардан деректер жинаймыз, бұл қауіпті мінез-құлықты анықтауға, жүргізушілерді жауапты болуға ынталандыруға және қажет болған жағдайда тиісті ескертулер жіберуге мүмкіндік береді. Ішкі бақылау жүйесі электрлі самокатты пайдалану кезінде орын алатын әрбір оқиғаны тіркейді, соның ішінде: сырғу, күрт тежеу, екі адаммен жүру, жылдамдықты арттыру, дұрыс емес тұрақ, соқтығыстар. - Дұрыс тұраққа қойылмаған электрлі самокаттар туралы хабарламалар Біз электрлі самокат қайтаруға келмейтін орынға, автобус аялдамасына немесе жеке меншік аумаққа қойылған, сондай-ақ өтетін жолды немесе апаттық шығу есігін бөгеген немесе жерге құлап қалған жағдайларды бақылау мақсатында деректер жинаймыз. Біз электрлі самокаттың аударылып қалғанын анықтауға және Bolt Patrol тұрақ ережелерінің бұзылуын болдырмау мен жоюға жауапты жедел бөлімшеге сигнал жіберуге мүмкіндік беретін телематикалық және сенсорлық деректерді жинаймыз. Бұдан бөлек, нақты уақыттағы бақылау жүйесі вандализм немесе электрлі самокатты ұрлау әрекеттерін анықтап, бұл туралы Bolt Patrol мен операциялық командаларға автоматты түрде хабарлайды. Қолданушылар мен үшінші тараптар (қолданушылар емес) сондай-ақ қосымшадағы Қолдау қызметі арқылы, қосымшадағы арнайы батырма немесе онлайн форма арқылы дұрыс қойылмаған электрлі самокат туралы хабарлай алады. Сапар соңында Қолданушы жүктеген тұрақ суреттерін жинаймыз. Кейбір елдерде біздің қолдау қызметіміз Қолданушы жіберген фотосуреттерді күн сайын тексереді. Басқа елдерде, AI ParkAssist+ функциясы іске қосылған жағдайда, тұрақты растау бойынша зияткерлік жүйе Қолданушы сапар соңында түсірген суретті талдайды және дұрыс емес тұрақ болған жағдайда сапарды аяқтауға тыйым салуы мүмкін. Бұл механизм электрлі самокаттың дұрыс қойылуын қамтамасыз етіп, Қолданушыға жедел кері байланыс береді. Тұрақ ережесі бұзылған жағдайда Қолданушы қосымшада дұрыс қою бойынша ұсыныс алады және сапарды тек самокаттың дұрыс қойылғанын дәлелдейтін жаңа фотосурет жібергеннен кейін ғана аяқтай алады. Біз тұрақ мәдениетін дамыту үшін тұрақ ұсыныстарын ұсынамыз, Bolt зарядтау станцияларын орнатамыз және Қолданушыларды ақпараттандырамыз. - Алкогольдік мас күйін тексеру тесті: Бұл – Қолданушының реакция уақытын өлшейтін және оны орнатылған шектік мәнмен салыстыратын микро-үйлестіру ойыны. Егер тест нәтижесі қабылданатын реакцияны растаса, Қолданушы электр көлік құралын брондауын жалғастыра алады. Қанағаттанарлықсыз нәтиже болған жағдайда, қайта тестілеуден өту немесе жүргізушісі бар автокөлікті шақыру ұсынылады. - Ендірілген камералар: Қолданушылардың қауіпсіздігін қамтамасыз ету саясаты аясында электрлі самокаттарға орнатылған камералар арқылы тану функцияларын қолданамыз. Мұндай функциялар электрлі самокатқа жақын маңдағы жаяу жүргіншілерді, тротуарларды, велосипед жолдарын және дұрыс емес тұрақ жағдайларын анықтау үшін камералармен түсірілген визуалды деректерді өңдеуді қамтуы мүмкін. Бұл деректерді өңдеу ықтимал соқтығыстардың алдын алып, барлық жол қозғалысына қатысушылар үшін қауіпсіз ортаны қамтамасыз етуге көмектеседі. |
|
|
Қауіпсіз жүргізу ережелерін бұзғаны үшін ескерту шығару, жылдамдықты шектеу және уақытша бұғаттаулар Bolt электрлі самокаттарын пайдаланған кезде, біз қызметтің қауіпсіз әрі дұрыс пайдаланылуын қамтамасыз ету мақсатында енгізілген сенсорлар арқылы жиналған сіздің дербес деректеріңізді өңдейміз. Егер біз қауіпті жүріс-тұрыс белгілерін анықтасақ, Bolt қосымшасында сізге жүргізу стилін өзгерту туралы ескерту жіберіледі. Ескертулердің үш деңгейі бар:
Bolt ескертулерді немесе қызметке уақытша шектеу қою туралы шешім қабылдау кезінде автоматтандырылған процестерді қолдануы мүмкін. Bolt ешқашан Қолданушы аккаунтын толықтай бұғаттамайды. Автоматтандырылған жүйе тек ескерту жіберуге, жылдамдықты уақытша шектеуге немесе қызметке қолжетімділікті уақытша тоқтатуға өкілетті. Қосымша ақпаратты, соның ішінде осындай әрекеттерге қарсылық білдіру жолдарын, «Сіздің қандай құқықтарыңыз бар?» атты 9-бөлімнен қараңыз. |
|
|
Алаяқ аккаунттарды, алаяқ төлемдерді, қызметті заңсыз немесе құқыққа қайшы пайдалану әрекеттерін анықтау, алдын алу және тергеу, оның ішінде уақытша бұғаттау мен толық бұғаттау шараларын қолдану Біздің автоматтандырылған алаяқтыққа қарсы жүйеміз Bolt қосымшасындағы аккаунттар, төлемдер және қосымшадағы басқа да күмәнді әрекеттерді талдайды, мысалы, шотты толтыру, сапарды бастау немесе аяқтау, сәйкестендіруден өту. Мысалы, шабуыл жасаудың белгілері болуы мүмкін қалыптан тыс белсенділік тіркелсе, мүмкін болатын теріс пайдалану фактілерін зерттеу мақсатында аккаунт уақытша бұғатталуы мүмкін. Алаяқтықты анықтау үшін автоматтандырылған жүйелер қолданылғанымен, аккаунтты тұрақты бұғаттау туралы шешімді тек Bolt қызметкері қабылдайды. Ешбір аккаунт автоматты түрде бұғатталмайды, әрқашан алдын ала тексеру жүргізіледі. Қосымша ақпаратты, соның ішінде қарсылық білдіру құқығы туралы, «Сіздің қандай құқықтарыңыз бар?» атты 9-бөлімнен қараңыз. |
Сондай-ақ бұл Bolt электр көліктерін пайдалануға байланысты ғаламдық қызмет көрсету шарттарының бұзылуын болдырмау және жою тұрғысынан да біздің заңды мүдделерімізге сай келеді. |
|
Өңдеу мақсаты | Құқықтық негіз | Дербес деректер санаттары |
Маркетинг және жарнама | ||
Bolt қызметтері мен Bolt серіктестерінің қызметтерін сіздің таңдауларыңызға сәйкес маркетингілеу және жарнамалау, сондай-ақ Bolt жарнамалық науқандарының тиімділігін бағалау. Бұл сізге электрондық хаттар, мәтіндік хабарламалар (WhatsApp хабарламаларын қоса алғанда), push-хабарламалар, қосымша ішіндегі хабарламалар және басқа да байланыс түрлері арқылы Bolt пен біздің серіктестеріміздің өнімдері, қызметтері, мүмкіндіктері, арнайы ұсыныстары, акциялары, ұтыс ойындары, жаңалықтары және іс-шаралары туралы хабарлау мақсатында дербес деректеріңізді пайдалануды қамтиды. Сонымен қатар, біз қосымшаны пайдалану деректерін талдаймыз және қорытындылап, жыл соңында өткізілетін маркетингтік науқан аясында сізге жинақталған ақпаратты ұсынамыз. Маркетингтік науқандарымыздың тиімділігін өлшеу үшін біз хаттардың ашылуы мен сілтемелер бойынша өту әрекеттерін бақылауға мүмкіндік беретін пиксельдер мен ұқсас технологияларды пайдаланамыз. Сондай-ақ, біз сіздің дербес деректеріңізді үшінші тұлғаларға беруіміз мүмкін немесе үшінші тарап қосымшаларында немесе веб-сайттарында сіздің әрекеттеріңіз бен кірулеріңіз туралы деректерді жинау арқылы жекелендірілген жарнама көрсетуіміз мүмкін. |
Сіз бұл хабарламалардан кез келген уақытта хаттың төменгі жағындағы «Жазылымнан бас тарту» сілтемесін басу арқылы, SMS немесе басқа хабарламаға «STOP» деп жауап беру арқылы немесе өзіңіздің аккаунтыңыздағы хабарлама параметрлерін өзгерту арқылы бас тарта аласыз.
|
|
Өңдеу мақсаты | Құқықтық негіз | Дербес деректер санаттары |
Қызметтік коммуникациялар | ||
Сізбен байланыс жасау, оның ішінде қызмет көрсетуге қатысты хабарламаларды жіберу және сізді хабардар ету Сіздің атыңыз, телефон нөміріңіз және электрондық пошта мекенжайыңыз сізбен байланысу, сапардың аяқталғанын растау, чектер мен растауларды жіберу, сондай-ақ қызметтерге қатысты маңызды өзгерістер туралы хабарлау үшін пайдаланылады. |
|
|
Өңдеу мақсаты | Құқықтық негіз | Дербес деректер санаттары |
Bolt қызметтерін зерттеу және жетілдіру | ||
Bolt қызметін тереңірек түсіну және жақсарту мақсатында зерттеулер, сынақтар және аналитика жүргізу Мысалы, біз геолокация деректерін және қосымшаны пайдалану деректерін зерттеу жүргізу және алгоритмдерімізді, машиналық оқыту үлгілерін және басқа цифрлық үлгілерді жетілдіру үшін пайдаланамыз. Ақпараттық қауіпсіздік тәжірибесін бақылау және операциялық үдерістерді жетілдіру мақсатында инциденттерге қатысты коммуникациялық деректерді қолданамыз. |
|
|
Жаңа өнімдер, мүмкіндіктер, серіктестіктер және қызметтерді әзірлеу |
|
|
Бағдарламалық және аппараттық жасақтаманың ақауларын алдын алу, анықтау және жою |
|
|
Өңдеу мақсаты | Құқықтық негіз | Дербес деректер санаттары |
Сот ісін қарау және заңнама талаптарын сақтау | ||
Bolt қызметтерін пайдалану кезінде туындайтын шағымдар мен дауларды тергеу және оларға ден қою; сақтандыру жағдайларын реттеу; қолданыстағы заңнаманың талаптарын немесе мемлекеттік/құқық қорғау органдарының сұрауларын орындау. Талаптың сипатына байланысты, барлық дербес деректер төмендегі мақсаттарда өңделуі мүмкін: ● ішкі тергеулерді, сондай-ақ сақтандыру компанияларының тексерулерін жүргізу үшін; ● талаптарды реттеу мен әкімшілендіру, сондай-ақ борышты өндіріп алу үшін; агенттіктерімен өзара әрекеттесу үшін; ● құқықтық кеңес алу үшін. Белгілі бір жағдайларда біз заң бойынша ақпаратты үшінші тараптарға ашуға міндеттіміз, мысалы, сот шешімі негізінде немесе дербес деректерді қорғау жөніндегі қадағалау органдарымен тергеу не шағымдарды қарау барысында өзара әрекеттесу кезінде; сондай-ақ сақтандыру жағдайлары, апаттар немесе біздің электр көліктерімізге байланысты басқа да оқиғалар туындаған кезде, сақтандыру компанияларымен талаптарды реттеу үшін; немесе құқық қорғау органдарының сұрауы бойынша, егер ақпаратты ашу заң талабы немесе қоғамдық маңызы бар жағдайлар, мысалы, төтенше жағдай немесе адамның өміріне қауіп төнуімен байланысты болса. Біз әрдайым ақпаратты беруге заңды негіздің бар екеніне көз жеткіземіз және қабылданған шешімдерді құжат түрінде рәсімдейміз. |
|
|
Салық міндеттемелерін орындау және салық заңнамасын сақтау |
|
|
Бизнес құрылымын қайта ұйымдастыру немесе оған өзгерістер енгізу |
|
|
Bolt қызметтерінің қауіпсіздігін қамтамасыз ету (соның ішінде Bolt Платформасы мен Қосымшасы) Қауіптің сипатына байланысты, техникалық және киберқауіпсіздік мақсатында, пираттықтан қорғау үшін, Bolt веб-сайты, Платформасы және Қосымшасының қауіпсіздігін қамтамасыз ету, резервтік көшірмелерді жасау және сақтау, техникалық ақаулардың алдын алу және оларды жою үшін барлық дербес деректер өңделуі мүмкін. |
|
|
Егер біз сіздің дербес деректеріңізді бастапқы жинау мақсатына қарағанда өзгеше жаңа мақсатта өңдейтін болсақ және бұл үшін сіздің келісіміңіз сұралмаса, онда біз жаңа мақсаттың бастапқы мақсатпен үйлесімді екеніне көз жеткізуге міндеттіміз. Бұл ретте біз осы мақсаттар арасындағы байланысты ескереміз және жеке ақпараттың жаңа мақсатта пайдаланылуы мүмкін бе екенін бағалаймыз. Егер жаңа мақсат үйлеспейтін болып табылса, біз сіздің келісіміңізді алу үшін тиісті шаралар қабылдаймыз немесе дербес деректеріңізді өңдеуден бас тартамыз.
5. Дербес деректеріңізді кімдермен бөлісеміз?
Біз сіздің дербес деректеріңізді келесі алушылар санаттарына бере аламыз:
Алушылар санаты | Сипаттама |
Bolt тобына кіретін компаниялар және серіктестер | Біз сіздің дербес деректеріңізді Bolt тобына кіретін компанияларға (жергілікті Bolt еншілес компанияларын қоса алғанда), үшінші тарап серіктестерге, олардың аффилиирленген тұлғаларына және өкілдеріне бере аламыз. Олар сіздің дербес деректеріңізді осы Құпиялылық туралы хабарламада көрсетілгендей ұқсас түрде пайдалана алады. Егер жергілікті Bolt еншілес компаниясы сіздің дербес деректеріңізді өңдейтін болса, ол бұл деректерді Bolt тобының негізгі деректер операторы болып табылатын Bolt Operations OÜ компаниясына бере алады. |
Bolt Business клиенттері немесе басқа тұлғалар тапсырыс берген немесе төлеген сапарлар | Кейбір сапарларды басқа тұлғалар тапсырыспен рәсімдеуі немесе төлеуі мүмкін. Егер сіз Bolt Business қызметтік профилін, кодты/купонды, басқа аккаунтқа тіркелген корпоративтік банк картасын пайдалансаңыз немесе басқа Қолданушы не ұйым сіз үшін сапарға тапсырыс берсе не төлем жасаса, біз сапар туралы ақпаратты тиісті тарапқа беруіміз мүмкін. Бұл ақпаратқа сіздің аты-жөніңіз, телефон нөміріңіз, сапар күні мен уақыты, құны, сондай-ақ шығу және межелі мекенжайлар кіреді. Аталған деректер Bolt Business клиенттеріне олардың бизнес-аккаунттарында қолжетімді есептер арқылы беріледі. Дербес деректерді өңдеу осы Құпиялылық туралы хабарламада көрсетілген шарттар негізінде жүзеге асырылады. |
Ұсыныс жасаған тұлғалар | Егер сіз басқа адамға Bolt қызметін ұсынсаңыз, біз ол адамға дәл сіздің ұсыныс жасағаныңызды хабарлаймыз. Егер сізді басқа Қолданушы шақырса, біз осы платформаны қолдануыңызға қатысты ақпаратты сол Қолданушыға беруіміз мүмкін. Мысалы, тіркелу немесе белгілі бір сандағы сапарды аяқтағаны үшін бонустар беру мақсатында. |
Промо-, маркетингтік және стратегиялық серіктестер | Біз жарнамалық іс-шаралар, өнімдер мен қызметтер туралы сізді хабардар ету үшін электрондық пошта мекенжайы сияқты шектеулі көлемдегі деректерді біздің промо-, маркетингтік және стратегиялық серіктестерімізге беруіміз мүмкін. Сондай-ақ біз жарнаманы жекешелендіру, оның тиімділігін бағалау және әлеуметтік желілер арқылы, мысалы, Facebook, Google, аккаунтқа кіру мақсатында әлеуметтік желілерді, жарнама желілерін, үшінші тарап дерек жеткізушілерін қоса алғанда, жарнама орналастыру платформаларымен деректерді бөлісе аламыз. |
Үшінші тарап қызмет жеткізушілері | Біздің үшінші тараптағы мердігерлеріміз, жеткізушілеріміз және өзге де қызмет көрсетуші ұйымдарымыз сіздің дербес деректеріңізге қол жеткізе алады, олар бұл деректерді бізге немесе біздің атымыздан қызмет көрсету мақсатында пайдаланады. Бұл келесі қызметтерді ұсынатын жеткізушілерді қамтуы мүмкін: электрондық пошта немесе өзге де электрондық байланыс түрлері, салықтық, заңдық және бухгалтерлік сүйемелдеу, тапсырыстарды орындау, сенімділікті тексеру және сәйкестендіру/тексеру рәсімдері, төлемдерді өңдеу, Қолданушыларға қолдау көрсету, алаяқтықтың алдын алу және оны анықтау, деректерді байыту, веб-сайтты орналастыру және бұлтты сақтау қызметтері, зерттеу қызметтері, соның ішінде сауалнамалар жүргізу, аналитика, ақаулар туралы есеп беру, өнімділікті бақылау, сондай-ақ жасанды интеллект, машиналық оқыту және статистикалық талдау технологияларын пайдалану. Жоғарыда аталғандардан бөлек, біз геолокация және сапар маршруттары сияқты деректерді Google компаниясына өз қосымшаларымызда Google карталарын пайдалану аясында береміз. |
Сақтандыру компаниялары | Егер сіз немесе сіздің атыңыздан сіздің отбасы мүшеңіз сақтандыру төлемін алу туралы өтініш білдірсе, біз сіздің дербес деректеріңізді сақтандыру талаптарын қарастыруға жәрдемдесу және сақтандырушылардың шарттық міндеттемелеріне сәйкес есеп беру мақсатында сақтандыру компанияларына береміз. Сонымен қатар, біз сақтандыру жағдайларын басқару және талаптарды реттеу мақсатында сақтандыру компанияларына деректерді ұсынамыз, бұл ықтимал келтірілуі мүмкін зиянның алдын алуға мүмкіндік береді. |
Басқа үшінші тұлғалар | Егер бизнеске (немесе оның бір бөлігіне) меншік құқығының өзгеруі болжанса, мысалы, сату туралы келіссөздер, нақты сату, бірігу, сатып алу, өзге мәміле немесе қайта құрылымдау жағдайларында, біз сіздің дербес деректеріңізді осы үдеріс барысында мүдделі тараптарға, соның ішінде болашақ немесе әлеуетті меншік иелеріне және олардың кәсіби кеңесшілеріне беруіміз мүмкін. Бұдан бөлек, сату немесе қайта құрылымдау аяқталғаннан кейін, біз сіздің дербес деректеріңізді осындай үшінші тарапқа немесе қайта ұйымдастырылған құрылымға беруге міндетті болуымыз мүмкін, бұл ретте олар деректерді осы Құпиялылық туралы хабарламада көрсетілген мақсаттарда пайдалануға тиіс. |
Мемлекеттік органдар | Біз, сондай-ақ, сот шешімі бойынша немесе дербес деректерді қорғау жөніндегі қадағалау органымен шағымдарды қарау немесе тергеп-тексеру жүргізу шеңберінде ынтымақтастық жасау барысында ақпаратты ашуымыз мүмкін. Мысалы, біз сіздің дербес деректеріңізді құқық қорғау органдарына немесе өзге де мемлекеттік органдарға беруіміз мүмкін, егер мұндай сұратулар заң негізінде жасалса немесе қоғамдық маңызы бар мақсаттарға қол жеткізу үшін қажет болса. Көрсетілген кез келген жағдайда біз ақпаратты беру үшін заңды негіздің бар екеніне көз жеткізу бойынша қажетті шараларды қабылдаймыз және қабылданған шешімді тиісті түрде құжаттаймыз. |
Ескерту: біздің веб-сайттарымыз бен мобильді қосымшаларымызда үшінші тараптың веб-сайттарына апаратын сілтемелер болуы мүмкін. Егер сіз осындай сілтеме бойынша өтсеңіз, онда бұл үшінші тарап сайттарының өз құпиялылық туралы хабарламалары болуы мүмкін екенін ескеріңіз. Мұндай хабарламалардың мазмұнына және үшінші тұлғалардың сіздің дербес деректеріңізді өңдеуіне біз жауап бермейміз. Көрсетілген үшінші тарап веб-сайттарында қандай да бір дербес деректерді ұсынбас бұрын, тиісті құпиялылық туралы хабарламалармен мұқият танысып шығуыңызды сұраймыз.
6. Bolt сіздің дербес деректеріңізді шетелге жібере ме?
Біз халықаралық деңгейде қызмет жүргіземіз, осыған байланысты сіздің дербес деректеріңіз осы Хабарламада сипатталған әрекеттерді жүзеге асыру мақсатында Bolt тобына кіретін компаниялармен, мердігерлермен және серіктестермен сіздің еліңізден тыс жерде берілуі, сақталуы және/немесе өңделуі мүмкін. Bolt компаниялар тобы шеңберінде дербес деректеріңіз берілуі мүмкін елдер туралы толық ақпаратты «Bolt компаниялар тобы» кестесінен таба аласыз.
Сіздің дербес деректеріңіз елдің немесе өңірдің, мысалы, Еуропалық экономикалық аймақтың (бұдан әрі – «ЕЭА») шекарасынан тыс жерге берілген кезде, біз қолданыстағы заңнаманың талаптарын сақтау үшін қажетті шараларды қабылдаймыз және келесі деректерді беру тетіктеріне сүйенеміз:
- Қорғау деңгейінің жеткіліктілігі туралы шешімдер: Біз Еуропалық комиссияның ЕЭА шекарасынан тыс кейбір елдер мен аумақтар дербес деректерді қорғаудың барабар деңгейін қамтамасыз етеді деп таныған шешімдеріне сүйенеміз. ЕЭА үшін «барабар» деп танылған елдердің тізімімен осы жерден, ал Ұлыбритания Үкіметі «барабар» деп таныған елдер тізімімен осы жерден танысуға болады. Біз бұл шешімдерге ЕЭА мен Ұлыбританияда жиналған деректерді Америка Құрама Штаттарына (кейбір үшінші тарап қызмет жеткізушілеріміз орналасқан ел) берген кезде сүйенеміз.
- Үлгілік шарттық ережелер: Біз ЕЭА-дан тыс жерлерге беру үшін Еуропалық комиссия бекіткен және Ұлыбританиядан тыс жерлерге беру үшін Ұлыбритания Үкіметі мақұлдаған үлгілік шарттық ережелерді қолданамыз. ЕЭА-ның стандартты шарттық ережелерімен осы жерден, ал Ұлыбританияның стандартты ережелерімен осы жерден танысуға болады. Біз бұл ережелерге ЕЭА мен Ұлыбританияда жиналған деректерді Америка Құрама Штаттары, Сингапур және Нигерияға (кейбір қызмет жеткізушілеріміз орналасқан елдер) берген кезде сүйенеміз.
Кейбір жағдайларда (мысалы, құқық қорғау органдарының сұрауларына жауап берген кезде - жоғарыдағы «Біз сіздің дербес деректеріңізді қандай мақсатта және қандай құқықтық негізде пайдаланамыз?» атты 4-бөлімін қараңыз), дербес деректер қолданыстағы дербес деректерді қорғау заңнамасында көзделген ерекшеліктер негізінде берілуі мүмкін. Мұндай жағдайларда біз берілетін деректер көлемін барынша азайту және оларды қорғау шараларын қабылдаймыз.
7. Біз сіздің дербес деректеріңіздің қауіпсіздігін қалай қамтамасыз етеміз?
Сіздің дербес деректеріңіздің қауіпсіздігі біз үшін аса маңызды. Біз сіздің деректеріңіздің рұқсатсыз өңделуін, сондай-ақ кездейсоқ жоғалуын, өзгертілуін, бүлінуін немесе жойылуын болдырмау үшін тиісті техникалық және ұйымдастырушылық қорғаныс шараларын енгіздік. Қауіпсіздікті қамтамасыз ету мақсатында біз деректерді тасымалдау кезінде де, тыныш күйде де шифрлаймыз, құпиялылық пен ақпараттық қауіпсіздік бойынша оқыту жүргіземіз, ішкі ақпараттық қауіпсіздік саясаттары мен рәсімдерін қолданамыз, сондай-ақ ақпараттық деректеріміз бен жүйелеріміздің құпиялылығы, тұтастығы және қолжетімділігіне бақылау жүргіземіз.
Bolt қызметтері шеңберінде жиналатын барлық дербес деректер Еуропалық экономикалық аймақ (ЕЭА) шекарасындағы біздің деректерді өңдеу орталықтарымызда сақталады және сонда беріледі. Дербес деректерге тек Bolt тобының және оның серіктестерінің уәкілетті қызметкерлерінің ғана қолжетімділігі бар және тек қызметтерді пайдалануға байланысты мәселелерді шешу мақсатында ғана (оның ішінде көлік қызметтеріне қатысты дауларды, сондай-ақ тиісті елдердегі клиенттерге қолдау көрсету қызметтеріне қатысты – https://bolt.eu/cities/ қараңыз) рұқсат етіледі.
Біз статистикалық, социологиялық, маркетингтік, зерттеу және ғылыми мақсаттар үшін нақты бір адамды сәйкестендіруге мүмкіндік бермейтін агрегатталған геолокация деректері сияқты дербестендірілмеген деректерді пайдаланамыз. Дербестендірілген деректерді қолданған жағдайда, біз сіздің жеке басыңызды қайта сәйкестендіруге тырыспаймыз және мұндай деректерді басқа ұйымдарға сізді анықтауға мүмкіндік беретін түрде бермейміз.
Сонымен бірге, өз тіркеулік жазбаңыздың қауіпсіздігі үшін сіз де жауаптысыз. Егер біз сізден веб-сайттарымыздың немесе қосымшаларымыздың белгілі бір бөлімдеріне кіру үшін құпиясөз орнатуды сұрасақ, сіз сенімді құпиясөз таңдап, оны құпия сақтауға міндеттісіз. Біз өзге онлайн-ресурстарда пайдаланылатын құпиясөздерден ерекшеленетін бірегей құпиясөз қолдануды ұсынамыз.
8. Біз сіздің дербес деректеріңізді қанша уақыт сақтаймыз?
Біз сіздің дербес деректеріңізді тек Bolt қызметтерін ұсыну және жоғарыда «Сіздің дербес деректеріңіз қандай мақсатта және қандай заңды негізде өңделеді?» атты 4-бөлімде көрсетілген мақсаттарға жету үшін қажет мерзімде сақтаймыз.
Бұл дегеніміз, сақтау мерзімі дербес деректердің түрі, көлемі және сезімталдық дәрежесіне, оларды рұқсатсыз пайдалану немесе жария ету салдарынан туындауы мүмкін зиян тәуекеліне, сондай-ақ деректердің бастапқыда қандай мақсатпен жиналғанына байланысты.
Төменде сақтау мерзімдерін анықтауда қолданылатын негізгі критерийлер келтірілген:
Сақтау мерзімінің критерийлері | Сипаттамасы |
Қолданушы жойғанға дейін сақталатын дербес деректер | Сіз белгілі бір дербес деректерді жоюды сұрата аласыз. Толығырақ ақпарат алу үшін «Сіздің қандай құқықтарыңыз бар?» атты 9-бөлімді қараңыз. |
Алдын ала белгіленген сақтау мерзімі бар дербес деректер | Біз кейбір деректердің белгіленген мерзімнен кейін сақталмауы үшін нақты сақтау мерзімдерін белгілегенбіз. Бұл мерзімдер туралы толық ақпарат төмендегі кестеде көрсетілген. Сақтау мерзімі аяқталғаннан кейін дербес деректер сенімді түрде жойылады, тек егер оларды әрі қарай сақтау құқықтық талаптарды орнату, жүзеге асыру немесе қорғау үшін қажет болмаса ғана сақталады. |
Bolt тіркеулік жазбасы жойылғанға дейін сақталатын дербес деректер | Біз сіздің деректеріңізді Bolt тіркеулік жазбаңызды жойғанға дейін сақтаймыз. Алайда, кейбір жағдайларда төмендегі кестеде көрсетілген мақсаттарға жету үшін белгілі бір деректерді одан да ұзақ сақтау қажет болуы мүмкін. |
Төменде сізге қатысты өңделетін дербес деректерге қолданылатын нақты сақтау мерзімдері келтірілген:
Сақтау мерзімінің критерийлері | Сипаттамасы |
Бухгалтерлік есеп пен қаржылық есептілік мақсаттары үшін | Егер сіздің дербес деректеріңіз бухгалтерлік есеп үшін қажет болса, біз оларды соңғы сапардан кейін 10 жыл сақтаймыз, ал электр көліктерін жалға беру қызметтерін ұсынуға байланысты Төлем деректері соңғы сапардан кейін 3 жыл бойы сақталады. |
Қызметтер көрсету мақсатында | Біз сіздің деректеріңізді Қолданушы тіркеулік жазбаңыз белсенді болғанша сақтаймыз. Тіркеулік жазбаңыз жабылған жағдайда, дербес деректер жойылады (сақтау кестесі мен ережелеріне сәйкес), егер олар заңнамалық міндеттемелерді орындау, бухгалтерлік есеп, дауларды шешу немесе алаяқтықтың алдын алу үшін қажет болмаса. Сіз өзіңіздің тіркеулік жазбаңызды кез келген уақытта Bolt қосымшасы арқылы жоюды сұрай аласыз. Қосымша ақпарат алу үшін «Сіздің қандай құқықтарыңыз бар?» атты 9-бөлімге жүгініңіз. |
Қылмыстық құқық бұзушылық, алаяқтық немесе жалған ақпарат ұсыну фактілері бойынша ресми тергеп-тексерулер | Қылмыстық құқық бұзушылық, алаяқтық немесе шындыққа сай келмейтін ақпаратты ұсыну фактілері бойынша ресми тергеп-тексерулер жүргізілген жағдайда, деректер ішкі, заңды және нормативтік талаптарға сәйкес қажетті мерзімге дейін сақталады. |
Даулар | Даулар туындаған жағдайда, деректер талап қанағаттандырылғанға дейін немесе шағым беру мерзімі өткенге дейін сақталады. |
Лездік хабарламалар | Сіз бен Қолдау қызметі арасындағы Bolt қосымшасындағы лездік хабарламалар 90 күн ішінде сақталады. Егер хабарламалар оқиға немесе дау туралы хабарға қатысты болса, олар 6 ай бойы сақталады. |
Датчиктер деректері | Біз жалға берілетін электр көліктерден жиналатын датчик деректерін 6 ай бойы сақтаймыз. |
Қолдау қызметі | Қолдау қызметіне жүгіну, шағымдар, телефон арқылы сөйлесулер мен чаттарға қатысты деректер 3 жыл бойы сақталады. |
Назар аударыңыз: Сіздің құрылғыңыздан Bolt қосымшасын жою сіздің дербес деректеріңіздің автоматты түрде жойылуына алып келмейді.
9. Сіздің қандай құқықтарыңыз бар?
Дербес деректерді қорғау туралы заңнамаға сәйкес сіз келесі құқықтарға ие боласыз:
- Сіздің дербес деректеріңізге қол жеткізу құқығы (сондай-ақ «Қол жеткізу құқығы» ретінде белгілі): Сіз өзіңіздің дербес деректеріңізге қол жеткізуге және олардың көшірмесін алуға құқылысыз. Деректеріңіздің көшірмесін тікелей қосымша арқылы сұрата аласыз. Ол үшін мәзірге өтіп, өз атыңызды басыңыз > «Құпиялылық» > «Сіздің дербес деректеріңіз». Қосымшада қолжетімді деректер тізімімен біздің веб-сайтта таныса аласыз. Қосымшада қолжетімді емес дербес деректерге қол жеткізу үшін Қолдау қызметіне хабарласыңыз.
- Сіздің дербес деректеріңізді жаңарту/түзету құқығы (сондай-ақ «Түзету құқығы» ретінде белгілі): Сіз бізден өзіңіз туралы дәл емес немесе толық емес ақпаратты түзетуді талап етуге құқылысыз. Кейбір деректерді Bolt қосымшасы арқылы өзіңіз өзгерте аласыз немесе Қолдау қызметіне жүгіну арқылы түзетуге болады.
- Сіздің дербес деректеріңізді жою құқығы (сондай-ақ «Жою құқығы» ретінде белгілі): Сізде жоюға заңды негіздер болса, сіз оларды жоюды сұрата аласыз (егер дербес деректерді өңдеу сіздің келісіміңізге негізделсе). Заңды міндеттемелерге немесе біздің заңды мүдделерімізге негізделіп өңделетін дербес деректер жою туралы сұрау бойынша жойылмайды. Деректеріңізді жою туралы сұранысты Қолдау қызметіне жолдай аласыз.
- Өңдеуді шектеу құқығы (сондай-ақ «Өңдеуді шектеу құқығы» ретінде белгілі): Сізде өңдеуге заңды негіздер болса, сіз дербес деректеріңіздің өңделуін шектеуді талап етуге құқылысыз (егер өңдеу келісімге негізделсе). Бұл құқықты пайдалану үшін Қолдау қызметіне хабарласыңыз.
- Өңдеуге қарсылық білдіру құқығы (сондай-ақ «Қарсылық білдіру құқығы» ретінде белгілі): Сізде дербес деректеріңіздің өңделуіне (мысалы, егер өңдеу біздің заңды мүдделерімізге негізделген болса) негіздер болған жағдайда қарсылық білдіруге құқығыңыз бар. Қарсылық білдіру үшін Қолдау қызметіне жүгінуіңізге болады.
- Сізге құқықтық немесе өзге де елеулі әсер ететін тек автоматтандырылған шешімдер қабылдауға қарсылық білдіру құқығы (сондай-ақ «Автоматтандырылған шешім қабылдауға қарсылық білдіру құқығы» ретінде белгілі): Белгілі бір шарттар сақталған жағдайда, сізге қатысты адам қатысуынсыз қабылданған және сізге құқықтық немесе басқа да елеулі әсер ететін тек автоматтандырылған шешімдерге қарсылық білдіруге құқығыңыз бар. Сіз мұндай шешімді адамның қайта қарауын талап ете аласыз, шешімнің негізі туралы түсініктеме алуға және оған қарсы шығуға құқығыңыз бар, бұл үшін біздің Қолдау қызметіне жүгініңіз. Ескерту: қолданыстағы заңдар мен нормативтік актілерге сәйкес автоматтандырылған шешім қабылдауға қарсылық білдіру құқығына белгілі бір ерекшеліктер мен шектеулер қолданылуы мүмкін. Біз бұл құқықты іске асырудың салдарлары, сондай-ақ тек автоматтандырылған өңдеуге қарсылық білдіру рәсімдері туралы сізге нақты ақпарат ұсынамыз.
- Деректерді тасымалдау құқығы (сондай-ақ «Деректерді табыстау құқығы» ретінде белгілі): Егер белгілі бір негіздер бар болса, сіз бізге берген дербес деректеріңізді өзіңізге немесе басқа тұлғаға беруді сұрауға құқылысыз. Бұл құқық тек сіз өзіңіз берген деректерге қатысты қолданылады. Сұраныс беру үшін Қолдау қызметіне жүгініңіз.
- Келісімді қайтарып алу құқығы: Егер сіздің дербес деректеріңіз келісім негізінде өңделсе, сіз бұл келісімді кез келген уақытта қайтарып ала аласыз (мысалы, маркетингтік хабарламалардан бас тарту немесе Bolt қосымшасындағы байланыс параметрлерін өзгерту арқылы). Келісімді қайтарып алу оған дейін жүргізілген өңдеудің заңдылығына әсер етпейді.
- Шағым беру құқығы: Егер сіздің дербес деректеріңіздің өңделуіне қатысты алаңдаушылығыңыз болса, сіз біздің негізгі қадағалаушы органымыз болып табылатын Эстонияның Деректерді қорғау инспекциясына («AKI») немесе жергілікті деректерді қорғау органына шағым беруге құқылысыз. Бұл органдардың байланыс мәліметтерін олардың ресми веб-сайттарынан таба аласыз. Сондай-ақ, сізде сот қорғауына жүгіну құқығы бар.
Жоғарыда аталған құқықтарды пайдалану үшін сіз Bolt қосымшасының басты мәзірінде орналасқан «Қолдау қызметі» бөлімі арқылы немесе Веб-форма арқылы Қолдау қызметіне хабарласа аласыз. Сіздің өтінішіңіз Bolt деректерді қорғау жөніндегі маманға жолданады.
10. Біз сіздің дербес деректеріңізді тікелей маркетинг үшін қалай пайдаланамыз?
Ескерту: біз кейде өз қызметтерімізге қатысты арнайы ұсыныстар мен акциялар туралы сізге хабарламалар жолдауымыз мүмкін. Мұндай хабарламаларды жіберуіміз сізге пайдалы болуы мүмкін мүмкіндіктер туралы ақпарат беру мақсатындағы заңды мүддемізге («жұмсақ келісімге») негізделеді. «Жұмсақ келісім» маркетингтік мақсаттарда дербес деректерді өңдеу үшін рұқсат етілген заңды негіз болып саналмайтын елдерде, Bolt басқа заңды негізге сүйенетін болады. Сіз мұндай маркетингтік хабарламаларды алуды толық бақылай аласыз және олардан кез келген уақытта электрондық хаттың төменгі жағындағы «Жазылымнан бас тарту» сілтемесін басу арқылы; SMS немесе өзге хабарламаға жауап ретінде «STOP» мәтінін жіберу арқылы; жеке кабинетіңіздің «Баптаулар» бөлімінде хабарландырулар баптауларын өзгерту арқылы бас тарта аласыз.
Сонымен қатар, заң талап ететін жағдайларда біз кейбір тікелей маркетинг түрлеріне қатысу үшін сіздің нақты келісіміңізді сұрай аламыз. Мысалы, біз сізге сіз үшін қызықты болуы мүмкін үшінші тұлғалардың жарнамалық акциялары мен ұсыныстары туралы ақпарат жіберуге келісім беруіңізді сұрай аламыз. Сіз кез келген уақытта өз келісіміңізді кері қайтарып ала аласыз, бұл үшін жеке кабинетіңіздегі хабарландыру баптауларын өзгерту жеткілікті. Сондай-ақ, біз Bolt қызметтерін пайдалану тәжірибеңізге (мысалы, Bolt қосымшасын қаншалықты жиі пайдаланатыныңызға) негізделе отырып, маркетингтік хабарламаларды жекешелендіре аламыз.
11. Юрисдикцияға байланысты ақпаратты ашу
Bolt компаниясы өз қалауымен немесе қолданыстағы заңнамалық талаптарға сәйкес: (i) дербес деректерді өңдеу тәжірибемізге қатысты өзге де қосымша ақпаратты ұсынуы мүмкін; және/немесе (ii) сіздің тұрғылықты мемлекетіңізге немесе еліңізге байланысты «заңды мүддеден» өзге құқықтық негіздерге сүйене отырып, сіздің дербес деректеріңізді өңдеуі мүмкін.
Мемлекет: Қазақстан
Ақпаратты ашу
Дербес деректерді өңдеудің құқықтық негізі: Қазақстан Республикасында Bolt компаниясы сіздің дербес деректеріңізді жинауды, пайдалануды және беруді осы Құпиялылық туралы хабарламада көрсетілген мақсаттар үшін (немесе, егер заңнамада тікелей рұқсат етілген болса, келісім алудан босатудың өзге құқықтық негіздері бойынша) сіздің келісіміңіз негізінде жүзеге асырады. Аталған Хабарлама Bolt тіркеулік жазбасын тіркеу кезінде сіз берген дербес деректерді жинауға және өңдеуге берген келісіміңіздің ажырамас бөлігі болып табылады.
Сіздің дербес деректеріңізді беру: Осы Құпиялылық туралы хабарлама шарттарымен келісу арқылы сіз Қазақстан Республикасынан тыс орналасқан Bolt тобының басқа компанияларына өзіңіздің дербес деректеріңізді беруге (экспорттауға) өз келісіміңізді бересіз. Сондай-ақ, Bolt компаниясы немесе оның ата-аналық компаниясы қайта ұйымдастырылған, біріктірілген, жұтылған, сатылған жағдайда (банкроттық немесе төлем қабілетсіздігі жағдайларын қоса алғанда), сондай-ақ корпоративтік құрылымдағы өзгерістер кезінде, сіз туралы бізде бар кез келген ақпаратты беруге құқылы. Мұндай жағдайларда дербес деректеріңізді шетелдік ұйымдарға трансшекаралық жолмен беру де жүзеге асырылуы мүмкін.
Сіздің дербес деректеріңіз ешқандай жағдайда жалпыға қолжетімді дереккөздерде орналастырылмайды.
Қазақстан Республикасындағы дербес деректер субъектісі ретіндегі сіздің келесі құқықтарыңыз бар:
- Ақпарат алу құқығы, оның ішінде: (1) дербес деректердің жиналуы мен өңделуінің фактісін, мақсатын, көздерін және тәсілдерін растау; (2) өңделетін дербес деректердің тізбесі; және (3) дербес деректерді өңдеу және сақтау мерзімдері. Сәйкес құжат Bolt тарапынан тиісті сұрау түскен сәттен бастап 3 жұмыс күні ішінде ұсынылады.
- Дербес деректерді жаңарту/түзету Bolt тиісті хабарлама алған сәттен бастап 1 жұмыс күні ішінде жүзеге асырылады.
- Осы Құпиялылық туралы хабарлама талаптарының бұзылуымен өңделіп жатқан жағдайда, дербес деректерді пайдалануды шектеу құқығы. Bolt компаниясы тарапынан тиісті хабарлама алынған жағдайда, дербес деректерді өңдеуді шектеу 1 жұмыс күні ішінде жүзеге асырылады. Сіз дербес деректеріңіздің пайдаланылуын шектеу туралы сұранысты тұтынушыларды Қолдау қызметіне жолдай аласыз. Егер Bolt компаниясы дербес деректерді жинау және өңдеу шарттарының бұзылғаны расталмағанын анықтаса, дербес деректерді өңдеуді шектеу 1 жұмыс күні ішінде жойылады.
- Дербес деректерді жою Bolt компаниясы тиісті сұранысты алған сәттен бастап 1 жұмыс күні ішінде жүзеге асырылады.
- Дербес деректерді жинауға, өңдеуге, жалпыға қолжетімді көздер арқылы таратуға, үшінші тұлғаларға және шекарадан тыс беруге берген келісімді кері қайтарып алу құқығы.
- Моральдық және материалдық зиянды өтеуді талап ету: Егер сіз Bolt компаниясы сіздің дербес деректеріңізді (1) заңсыз жинады және пайдаланды деп санасаңыз және (2) бұл әрекеттердің салдарынан сізге моральдық немесе материалдық зиян келтірілді деп есептесеңіз, Bolt электр көліктерін пайдалануға байланысты ғаламдық қызмет көрсету шарттарында белгіленген тәртіппен сотқа жүгінуге құқығыңыз бар.
Егер сіздің дербес деректеріңіздің өңделуіне қатысты қандай да бір сұрақтарыңыз немесе шағымдарыңыз болса, сіз Қазақстан Республикасы Цифрлық даму, инновациялар және аэроғарыш өнеркәсібі министрлігінің Ақпараттық қауіпсіздік комитетіне (мемлекеттік органның атауы өзгертілуі мүмкін) шағым түсіруге құқылысыз. Аталған органның байланыс деректері оның веб-сайтында қолжетімді.
12. Осы Құпиялылық туралы хабарламаның өзгерістері туралы сізге қалай хабарлаймыз?
Bolt компаниясы бұл Құпиялылық туралы хабарламаға кейде өзгерістер енгізуі мүмкін. Егер өзгерістер елеулі сипатта болса, біз сізге (қолданыстағы заңнамада белгіленген тәртіппен) Bolt мобильді қосымшасы, веб-сайтымыз немесе, мысалы, электрондық пошта арқылы хабарлаймыз.