ურთიერთპატივისცემა უსაფრთხო პლატფორმის საფუძველია
Bolt ყველასთვისაა – იყავით თავაზიანი და დაიცავით პროფესიონალიზმი. სხვისი აზრისა და კომფორტის გათვალისწინება უმნიშვნელოვანესია უსაფრთხო გარემოს შესაქმნელად.
კომუნიკაცია
ესაუბრეთ ერთმანეთს თავაზიანად და პატივისცემით, შეინარჩუნეთ მშვიდი და ზრდილობიანი ტონი. მუსიკასთან, კონდიციონერთან ან სხვა დეტალებთან დაკავშირებული სურვილები მძღოლმა და მგზავრმა ერთად უნდა შეათანხმონ. გაითვალისწინეთ, რომ ზოგისთვის უცენზურო სიტყვები მიუღებელია. მომხმარებლებმა არ უნდა გამოიყენონ შეურაცხმყოფელი ენა, არ უნდა იყვირონ და არ უნდა გააკეთონ დისკრიმინაციული კომენტარები.
მოთმინება
გამოიჩინეთ მოთმინება. ნებისმიერი გაუგებრობა მშვიდად მოაგვარეთ. მძღოლებმა უნდა გამოიყენონ აპლიკაციის ფასიანი ლოდინის დრო და მიმოწერა მგზავრთან საკონტაქტოდ. მგზავრები უნდა დახვდნენ ავტომობილს მზადყოფნაში, ხოლო ლოკაციის შეცვლის შემთხვევაში ინფორმაცია აპლიკაციაშივე განაახლონ.
პირადი სივრცე
დაიცავით ერთმანეთის პირადი სივრცე. მოერიდეთ შეხებას ან ნებისმიერ ქმედებას, რაც სხვისთვის შესაძლოა უხერხული იყოს. მძღოლსა და მგზავრს შორის აუცილებელია დისტანციის შენარჩუნება. მგზავრობისას სასურველია უკანა სავარძელზე ჯდომა; წინ დაჯდომა დასაშვებია მხოლოდ აუცილებლობისას, მძღოლთან შეთანხმებით.
მგზავრობის გამოცდილება
მძღოლებმა უნდა იზრუნონ მანქანის სისუფთავესა და სასიამოვნო სურნელზე.
მგზავრებმა კი პატივი უნდა სცენ მძღოლის შრომას, გაუფრთხილდნენ მანქანას და არ დატოვონ ნაგავი. ავტომობილის დასვრის შემთხვევაში, მგზავრს შესაძლოა ქიმწმენდის საფასურის გადახდა მოუწიოს. მანქანის განზრახ დაზიანების გამო მომხმარებელი დაიბლოკება და შესაძლოა სასამართლოშიც მოუწიოს პასუხისგება.
ქონების დაზიანება და დანაგვიანება
ქონების დაზიანებამ, ვანდალიზმმა ან ავტომობილის დაბინძურებამ შესაძლოა გამოიწვიოს დამატებითი ხარჯების დაკისრება და პლატფორმაზე წვდომის შეზღუდვა. იგულისხმება ნებისმიერი სახის დაბინძურება და სალონის ფიზიკური დაზიანება. დასუფთავების ხარჯების დაფარვა მგზავრის პასუხისმგებლობაა. მძღოლებმა შემთხვევა უნდა დააფიქსირონ აპლიკაციაში და მოითხოვონ ანაზღაურება შესაბამისი წესით.
წესრიგის დარღვევა
მგზავრობის შეფერხება ან მძღოლის ყურადღების გაფანტვა დაუშვებელია. აკრძალვებში შედის ხმამაღალი მუსიკა, ხმაური და საკვების/სასმლის მიღება. მძღოლს აქვს უფლება, თავად განსაზღვროს წესები სალონში სისუფთავისა და სიმშვიდის დასაცავად. საფრთხის შემთხვევაში, მძღოლს შეუძლია დაასრულოს მგზავრობა. მგზავრებს მოეთხოვებათ, წინასწარ შეუთანხმდნენ მძღოლს ნებისმიერ ქმედებაზე და დაიცვან წესრიგი.
რა ხდება წესების დარღვევის შემთხვევაში?
უსაფრთხოება ჩვენი პრიორიტეტია. Bolt-ის წესების დარღვევის შემთხვევაში, შესაძლოა დაგებლოკოთ წვდომა პლატფორმაზე. წვდომა შეიძლება შეიზღუდოს მაშინაც კი, თუ ქმედება არ არის კრიმინალური, მაგრამ აუარესებს სხვა მომხმარებლების გამოცდილებას.
თუ შეამჩნევთ წესების დარღვევას, გთხოვთ, შეგვატყობინოთ აპლიკაციის მეშვეობით. ჩვენი გუნდი შეისწავლის თითოეულ შემთხვევას და მიიღებს სათანადო ზომებს.
