Etibarlılıq platformadan kimin istifadə etdiyini bilməyi tələb edir

İcmamızın təhlükəsizliyini qorumağa yardım üçün bütün istifadəçilər platformaya öz kimliklikləri və hesab məlumatları ilə daxil olmalıdırlar. Şəxsiyyəti təsdiq edən sənədlərdən və ya platforma funksiyalarından sui-istifadə, fırıldaqçılıq, kimliyi saxtalaşdırma və təhlükəsizlik yoxlamalarından yayınmağa yönələn digər cəhdlər Bolt platformasına giriş imkanını itirməyinizlə nəticələnə bilər.

Platformaya giriş

Özünü başqası kimi təqdim etmək və ya kiminsə yerinizə keçməsinə icazə vermək qadağandır və platformaya giriş imkanını itirməyinizlə nəticələnə bilər. Bura aşağıdakılar daxil ola bilər:

Hesab yaratmaq və ya doğrulama addımlarını tamamlamaq üçün başqasının kimlik sənədlərindən istifadə etmək

Başqasının hesab məlumatlarınızdan istifadə edərək platformaya daxil olmasına və gediş sifariş etməsinə icazə vermək

Başqalarının adından hesab yaratmaq.

Dürüstlük və vicdanlılıq

Bolt insanların təhlükəsizliyini qorumaq və ədalətli qərarlar qəbul etmək üçün məlumatların düzgünlüyünə etibar edir. Sistemi aldatmağa və ya başqalarını yanıltmağa cəhd etmək qadağandır və platformaya giriş imkanını itirməyinizlə nəticələnə bilər. Eyni zamanda həqiqəti əks etdiyməyən şikayətlər Bolt-un ədaləti təmin etməsini çətinləşdirir. Yalançı şikayətlər real həyatda kiminsə dolanışığına təsir edə bilər.

Dürüst olmayan davranışlara nümunələr:

Saxtalaşdırılmış və ya dəyişdirilmiş sənədlər təqdim etmək

Təkrar-təkrar həqiqəti əks etdirməyən şikayətlər etmək

Başqa istifadəçini qərəzli olaraq yanlış təqdim etmək

Mübahisə və ya insident araşdırması zamanı aldadıcı və ya yalan məlumat vermək

İstənilən ödəniş sistemindən və ya aksiyalardan təyinatına zidd formada istifadə etmək

Yanıltma məqsədilə, cəzalardan və ya platformaya giriş imkanını itirməkdən yayınmaq və ya platformadan sui-istifadə etmək üçün dublikat hesablar yaratmaq

Kimsə qaydaları pozsa, nə olur?

İcmamızın təhlükəsizliyinə ciddi yanaşırıq. Platforma şərtlərimizi pozan hər kəs Bolt platformasına girişdən məhrum ola bilər. Bəzi hərəkətlər yerli qanunları poza, bəziləri isə sadəcə istifadəçi təcrübəsinə zərər verə bilər. Davranış cinayət həddinə çatmasa belə, Bolt istifadəçinin platformaya girişini müvəqqəti dayandıra və ya onu platformadan kənarlaşdıra bilər.

Bu qaydaları pozan davranışla qarşılaşdıqda və ya belə hala şahid olduqda, Bolt tətbiqində məlumat verə bilərsiniz. Komandamız bütün bildirişləri nəzərdən keçirir və lazım olduqda tədbir görə bilər.